Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

YMA chu \anpui ngaite \anpuitu a ni

Vol : XXI Issue No 52 Dawrpui News Kartin Chhuak Pathianni Dec 25, 2011

TUALCHHUNG
L AWMTHU : Bialtu MLA Minister ni bawk Pu Lalsawta chuan Krismas chibai bukna atan Rs.5000/- Branch YMA min hlana a chungah kan lawm hle Pi Lalkungi D/o Haudala (L) chuan YMA duty thingpui in nan Rs.500/- min pe a, a chungah kan lawm hle T ANPUI : YMA Dawrpui Branch chuan kan veng chhunga mi harsa zual chhungkaw pakua (9) hnenah Krismas chibai buk nan Buhfai bag khat theuh an hlan. AMLO : Nl. Lalrinchhani D/ D o Lalhlimpuia Khiangte Taitesena Section chu step-ah chesual palhin a ke ruh a titliak a, Dec 21, 2011 (Nilaini) khan Newlife Hospital-ah hlawhtling taka zai a ni a, nimin piah Zirtawpni khan In lam a inenkawl zui turin an chhuak ta. Pu Lalhlimpuia S/o Lalsangliana Jail veng chu Aizawl Civil Hospital-ah pum lam that lohna avangin enkawl mek a ni bawk. Z IN : Kan News Editor Pu Kapchhunga Pachuau chu Dawrpui Presbyterian Kohhran Ramthar Committee hmalakna a Crusade Tripura Mission Field hmunah Krismas hmanga neih mekah a tel ve a, tluang taka an lo thlen leh kan duhsak e. ZIRLAITE HAW : Dawrpui vengchhung mi leh sa hmun hrang hranga zirlai leh hnathawk, Krismas hmang turin an lo haw khawm mek a, Dawrpui News Editorial Board leh Branch YMA chuan duhsakna Chibai a hlan vek a ni. AWRPUI NEWS : Kumin 2011 D chhunga chhuak hnuhnung ber tur a lo ni ta reng mai. Kumin chhungin Pathianni vawi 52 a awm a, hmaih nei miah lovin kan ti chhuak kim thei a, a lawmawm hle mai, thu leh hla thawhtu zawng zawngte chungah lawmthu kan sawi e.

KUM 2012 BRANCH YMA EXECUTIVE COMMITTEE MEMBER RUAT FEL TA

Kan hriat theuh angin December 6, 2011 zan khan Dawrpui Sikul tualah kum 2012 chhunga Branch YMA Office Bearers hruaitu tur chu felfai leh thianghlim taka thlan zawh alo ni tawh a, chung hruaitu thlan tharte chu thukhawm leh in hetiang hian an thawhpui tur tlawmngaia khawtlang kaihruai turin Branch Executive Committee member leh Senior Adviser turte an ruat, heng Executive Committee member ruat tharte nen hian a hmasa ber atan December 29, 2011 (Ningani) zan hian an thukhawm ang.

SENIOR ADVISER
1. Pu Lalhmingliana 2. Dr C. Zarzoliana 3. Pu K.Liantuala

EXECUTIVE COMMITTEE MEMBER

Pu H. Dingluaia Pu R.Zoliana Pu Lianzama Pachuau Pu Vanlalruala Pu Vanlalhuma Pu Chawngthantluanga Tv. Ramherliana Pu Zothanpuia Pu Lalngaihawma Pu Lalhlimpuia Khiangte Pu Ziakkima Pachuau Pu David Remruata Pu Peter Lalthasiama Tv. Jonathan F.Zomawia Pu Lalthakima Pu Zoremmawia Pu V.R Hmachhuana Pu Rochungnunga Pu H.Lalchhanhima Dr Thangchungnunga Pu P.C Lianhmingthanga Tv. P.C Lalrinchhana PuLalnunmawia (Mawitea) Pu V.L Biaka Zote

KRISMAS URHSUN TAKA HMAN TUM A NI

Isua Krista Khawvel Chhandamna tura alo pianna hriatrengna Krismas chu khawvel ram hrang hranga lawm tum a nih rualin Mizoram dung leh vangah pawh hlim leh lawm taka inbuatsaihna nasa tak nen hman tum a ni, He hunpui lo thleng ah hian mi tam tak ten Isua lo piang lawmna denchhenin mite thilpek an pe a, an rinna kawngah an inhlan thar a. Hetih lai hian kan veng Branch YMA leh MHIP te leh vengchhung Kohhran engemaw zat te pawhin tanpuina an semchhuak bawk. Dawrpui khawtlangah harsatna lian tham awm loin he hun hi kan thleng a, damlo pawnchhuak theilo erawh mi thahnem tak an awm nia hriat a ni, khawtlang boruak a nuam a, Dawrpui vengchhunga awm, Kohhran hrang hrangte Krismas hman tum dan i han thlir thuak thuak ila. Presbyterian Kohhran : Anni hi Mizoram a Kohhran ding hmasa hlun leh ngelnghet tak an ni a, kan vengchhungah chuan Kohhran lianber an ni , dan zawhkim hi 2000 an tlinglo deuh. Vawiin ni chawhma inkhawm ban hian kohhran mipuite tan Thingpui ruai an buatsaih dawn a, naktuk chawhma dar 11 atang in zaikhawm an tan anga, tlaiah Krismas ruai Kohhran mipuite tan an theh ang. Salvation Army : Anni hi Dawrpui vengchhungah chuan Kohhran/Corps hlun tak an ni a, Member 600 chuang anni a, Vawiin ni pawh hian Krismas inkhawm urhsun taka neih an tum a, inkhawm banah Thingpui ruai an buatsaih a, C.O Quarter ah an zaikhawm ang, naktukah Krismas ruai tui tak an buatsaih dawn bawk. Dec 29 hian an Biakin thar an hawng dawn a, hetah hian ruai nen ropui taka lawm an tum, Pu C.Thangkiman Buhfai leh Pu TH Reian Sial a thawh dawn bawk. UPC of Mizoram : Pu Chalbuanga (L) buildingah Biakin neiin Member te pawh tisa leh thlarau ah an in buatsaih tha thawkhata, Voiin Krismas pawh urhsun taka hman an tuma, ruai pawh naktuk hian an biakin ah an theh dawn. Kohhran dang kan hre thei mai lova, Dawrpui vengchhunga Biak In nei Assam Rifles Kohhran, Lai Kristian Fellowship, Assembly of God etc. an awm mek a, anni pawh hian Krismas hi ruai nen hlim leh lawm taka lawm tumin an in buatsaih mek bawk niin kan lo hria

Dawrpui

News

Kartin chhuak

Pathianni

Dec 25, 2011

Editor Co Editor Jt. Editors News Editors

: Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

COMMITTEE KOHNA
A hnuaia hun leh hmun tarlan ah hian Branch executive Committee hmasa ber neih tur a ni a, member ten ngai pawimawh a, kal ngei tura ngen leh hriattir kan ni e. A hun A hmun : Dec 29, 2011 (Ningani) 7:00PM :YMA Committee room Dawrpui Sikul Sd/Secretary Dawrpui Branch YMA

Lawmthu
Kum 2011 chhunga kan Issue hnuhnung ber chu kan lo tichhuak leh thei ta. Kumin chhungin Issue zawng zawng khaihlak awm miah lovin kan ti chhuak thei a, a lawmawm hle mai. Kim taka kan tihchhuah theihna atana mi thahnemngai te chungah lawmthu kan sawi mawlh mawlh e. Editorial Board Member zawng zawngte chungah lawmthu ka sawi a, board member ni lem lo, news chhutna hmuna lo kal thin min tawiawm thintu zawng zawngte chungah te, kan branch hruaitu min tawiawm thintute, thu leh hla thahnemngai taka thawhtu zawng zawngte chungah lawmthu ka sawi e. A bik takin Article min pe thintu Pu Vanhmingliana leh, Hriselna huang atana thu tha tak tak chhum lo chat lova min pe thintu Dr. Thangchungnunga te chungah a bik takin lawmthu ka sawi e. Kum thar 2012 atana Editorial Board member tur zawng zawngte hnenah duhsakna sang ber ka hlan a, he Dawrpui News hi kumtharah pawh tluang taka a kal zel theihna turin duhsakna sang ber ka hlan e. Tin, kumin 2011 chhung khan kan thu chhuahah tih loh tur kan tih palhte, tih ngei ngei tur kan tih loh palh tam tak a awm ang tih ka ring a, chhiartu mipuite hnenah ngaihdam ka dil e. Tin, kan thu chhuahah chhiartute beng ti thlep zawng leh mi rilru tina zawnga chhuah palh pawh kan nei anga, chung zawng zawngah chuan ngaihdam ka dil bawk e. Dawrpui veng mipuite Krismas hlim taka hmang theuh turin duhsakna sang ber ka hlan vek a che u.

HMANGCHANG
(Mitthi chanchin ziahna)
Mitthi vuinaa chanchin ziahna lehkha sem hi thutphahah hmang lo la, i chhiar zawhah mitthi vuina tualah paih mai suh. I mitthi vui chu i zah lo va, i ngai pawimawh vak lova, i la thutak vak lo tih entirna angah ngaih theih a ni. Chu mitthi chuan chumi ni chu a mihringpuite hriat reng a hlawh ni ber a ni a. Chumi ni liam hnuah chuan, a pil vang vang tawh ang. Chumi ni ngei pawha a chanchin ziahna lehkhain duat leh roh a hlawh lo anih chuan, zah leh ngai pawimawh ni awm taka pungkhawma vuitute chuan, an ngai pawimawh tak tak lo tih an entir tihna a ni. Tin, a buatsaihtute hian, thinlung tap chungin theihtawpa ulukin an buatsaih ve a. Hetia theh darh an hmuh hian, an rilru a na ru hle thei a ni. I theih chuan hawn la, vuina a kal ve lo chhungte lo chhiar atan hawn la, hei bakah chilh khawm zel la, nakinah thil hlu tak a la ni mai ang.

VIR PILH
- Dr. Thangchungnunga Tunlai, December thla laihawl vel chu Krismas Bazar lun vanglai a ni bawk a, ke leh motor-a kal pawh a harsa hle mai. Hman nawm kan tum lutuk leh kan inbuatsaih nasa lutuk hi nuam lo taka hmang tur kan tam ta hle mai. Han ti ve khanglang ila, kan naupan lai chuan Chaihchung te, Tawlailir te, Ball vawm te, Motor hnunga uai te, heng hi kan hlim vena tawk leh a dang awm chuang hauh lo a ni. Tunlai angin Motor a tlan chak ve thei lova, tumah thi an awm bar ka hre lo. Tunah chuan hun alo danglam a, sikul kal mai mai pawhin Bike/Scooty hmangin an kal ta. Zanah tih tur hre lovin tlangval/tleirawl rual Bike-in chak tak takin an tlan a, dem viau hleih theih pawh an ni lo. Intih hlimna dang a vang em a, a bengchheng deuh chauh mai a ni. An tha za han irh chhuahna tur hi a vang lutuk a, Aizawl khawpuiah chuan a awm thlawt lo a ni ber mai. Hei vang hian nu leh pa kan fimkhur a ngai hle mai, mamawhna leh chhungkaw tana tulna awm lem lova two wheeler lei sak mai mai kan tam ta hle mai, motor chenin. Hei hian Accident a ti tam a, tlan vak vak reng a theih si loh a, zu te an inin hmeichhe tleirawl te an phur a, sual khur lam panin an lim chhuak a ni ber e. Hei vang hian kumin kan krismas hmang tur hi in ngaihtuah chian a, mahni mamawh ngei lei a nuam taka hman i tum ang u. Nitin Bike/Scooty accident hi 4/5 an awm reng a, thihna em thleng lo mahse, na tuara Krismas leh kum thar hman chu a nuam vak lovang. Nu leh pa ten kan fate duhzawng leiah i fimkhur ila, i virpilh lo hram ang u. Masi hman nuam vek ule.

KRISMAS CHIBAI
Dawrpui News Editorial Board Member-te chuan Dawrpui venga Kohhran hrang hrangte leh chhung tinte Krismas Chibai a buk che u a, Krismas hlim tak leh dam taka hmang theuh turin duhsakna sang ber a hlan a che u.
Sikini eng a vul mawi e, Zaleng zawngte kan lawm nan... Aw, Krismas ka damchhungin ka nghilh lawng che, khawvel Chhandamtu lo pian ni chu...!! Sik Lipui dum alo lang, kan ei kan in Krismas se, Krismas kan lawmna ni ber...!!!

Dawrpui

News

Kartin chhuak

Pathianni

Dec 25, 2011

KRISMAS THILPEK
Naupang rethei leh khawngaih thlak tak pakhat a a awm a, a hming chung Ma-Remi a ni. A nu nen chauh a awm an ni a, a nu hian an nufa a an in tunnun nan nitin hna hahthlak leh hrehawm tak tak a thawk thina. Hemi zarah hian Maremi pawhin mi dangte neih chu thluk phak lo mahse, a mamawh ang ang chu a nei ve hram hram thei a, mahse chungte chu mawza lum vak lote, kaw tet deuh limliam, kawrlum pawh holamte mai chauh a ni. An hmalawkaah Krismas alo thleng dawn tih chu an nufa chuan an hria a, miten ei tur tuihnai leh silfen thar mawi tinreng an nei ang a, anni nufa chuan eng nge an neih ve ang? An hre lo. Khawi atang mahin an neih theihna tur a awm lo. Nitina a nu thawhchhuah ve hram hram chu an eikhawp tawk tawk a ni mai si. Riltamin an thi lo chauh a ni mai si a. Engtin nge an tih tak ang le? An in lah chu miin hnuai chep tak, boruak vawt a luh rengna a ni si, silh lum tur an mang silo. An mangang tak zet a ni. Maremi chuan ngaihtuah thar a nei a... Isua chuan mite a tanpui thin a, tuna Krismas lo thleng tur pawh hi mite tanpui tura khawvela alo pianna hun a ni, tih a nu in a hrilh keuh keuh thin kha a hrechhuak ta a ni. Tihngaihna dang a hre lova, Isua hnenah ti hian lehkha a thawn ta a ni:To, Isua Van Hengte hi ka nu nen Masi atan kan mamawh hle mai a, rehteite i tanpui thin thu kan hria a, kan rehthei si a, engmah kan nei lo.Masi-a kan ei ve tur Sa, ka nu kawrlum tur mawi tak, ka T.Set tur leh ka kawr mawi tur bakah mawza keimah leh ka nu tan ka han dil tawp mai che a ni. I nau, Maremi... tiin. Chu lehkha daka a han thlak zawh chuan hlimleh lawm takin a haw ta a ni. Hnathawktu ten lehkha an chinfel lai chuan mi hausa tak pakhat alo lut mek a, chu lehkha mak leh dangdai tak chu an chhiar tir a, ani chuan Ka lo kawl ang e tiin a la ta a. A tukah Maremi lehkha a sawi an nufa mamawh bakah tul leh tha a tihte chu leikhawmin zanah mi tumah hriat loh laiin Maremite varanda-ah chuan ava dah ta a ni. A tuka Maremite nufa zingtho in an hmuh hun chuan an va lawm dawn em! Krismas Thilpek midangte tan i pe ve thei a sin. Pathian chuan Isua (a fapa neih chhun) a pe che...!!

HRISELNA

ZUN KAWNG NA
- Dr. Thangchungnunga MS (Ortho) Zun kawng han tih hian a chin deuh chu a hriat ruak mai a, kal (Kidney) atanga tanin a chhungah hian chhihri sin tak mai a awm teuh mai a, hetah hian an lo hri fai zel a, a bal/ bawlhhlawh ho chu an tla a, phing-ah an lut thla leh thin. Hetah hian tui leh thil bawlhlawh a awm teuh a, taksa pumpui a bal hrikchhuahna anih avang hian a rim te pawh hi a hing ta thin a ni. Chungte mai bakah kan tana thalo hi a thliar fel thlap a, phing-ah an zu chhunglut leh a, pipe te tak te hmangin kal nen a inzawm a, phing-ah hian a in chhek khawm leh a, (200 - 250 ml - no chanve aia tam, no khat tling chiah lo deuh) a lo nih hian zun tichhuaktu awmna line a thleng a, zun a lo chhuak a, kan zung ta thin a ni. Hetah hian bawlhhlawh nawi tam tak leh thisen thlit fimna bal te, lung nawi te, a awm teuh a, zun a sen rum chuan tui kan in tam tawk lova, zun kawng na kan nei vat thei tih hriat tur. A tha ber chu zun hi a var/fim tha har reng tur a ni. Zun hing kan tih pawh hi Ammonium, thisen inthlifim leh taksa intihfaina atanga an rawn paih chhuah a ni a, chuvang chuan zun a lo hing ta thin a ni. Heng kan sawi bakah hian natna hrik tam tak kal atang hian an chhuak ve bawk a, phinga an awm khawm laia tui a tlem chuan an lo inthlah pung hman a, zun kawng hnai te a lo awm ta thin a ni. Chumi veng tur chuan tui, thingpui sen hang in tam la, natna hrik pawh interek a, inthlah pung hman lovin tuiah an tla hlum darhsarh zo mai dawn a ni. A pawimawh ber chu zun hi a var/fim that har loh chuan kan taksa-in tui a duh/mamawh tawk a hmu lo tih hriain in luih tum hram hram ang che.

UI NGE FING MIHRINGTE

- David Ui fing hian chaw a ei baw ngailo an ti a, mihring, Pathian anpui te hian chaw kan ei bo fo thung. Ui chaw ei baw nuaih hi, ui vulh thin tan chuan thil ninawm tak a ni. Ui chaw ei baw lo tur in a zirtir theiha, chumi tur chuan u pu in ui chaw thleng hnuaiah newspaper hlui/lehkha hlai a dah thina, ui in chaw a ei dawn a piang in, chu newspaper hlui/ paper chu ui pu chuan a ti te tial tial a, ui pawh chuan newpaper hlui/paper pawna chaw eibuak loh a zirin, a lo thiam telh tleh a, training tawp lamah chuan chaw eibo lo in, a chaw eina hnuhma chu faitakin a kalsan thei. Ui in chaw ei buak loh a thiam chuan ui fingtak kan ti thin. Mihringte hi, ui chaw ei chungchanga training a dawn ang em hi chuan train kan ngai awm lo e. Mahse tuna a lan danah hi chuan training emaw inhrilhhriat nawn leh chu a ngai khawp mai. Kristmas ruai kan theh leh dawna, kan chaw eina bangnawi/hnuhma heti em ema bala kan kal san thin hi a lungchhiat thlak thin. Mahni in theuha chawei dawhkan fai taka kan kalsan ang hian, ruaithehna ah pawh hian kan chaw einawi fai takin kal sal thiam i la, hnam changkan kan ni mai. Ui aiin kan fing a ni mai. Chaw einawi kan kal san nuaih mai thin hi chu i kal san tawh ang u. Kum upa lam deuh ten hma la hmasa i la, kan nau zawk ten kan chetzia atangin, faina chungchang an rawn zir ve leh anga, changkanna rahbi thar kan kai a ni mai. Fai hi Pathian anna a ni tih thufing te pawh a awm kha maw.

Ngaihdan
Civil Hospital peng bul tak TS Drug Store kawt ah hian bawlhhlawh hal thin kan awm a, a ngaihmawhawm hle mai. Ching tawh lo se a tha ang, kangmei pawh chhuak palh thei a ni a, i fimkhur teh ang u. Nimin piah leh nimin khan kan veng chhung huam telin No Vehicle Zone hman a ni a, mipui veivakte tan chuan a thawl a, a nawm viau laiin sumdawngte (Thil rit tham leh lian tham deuh zuartute) tan chuan thil tih chi vak niin ka hre lo. He thil hian bungraw hralhna tur tam tak a tikiam a, kan sum tam tak a la hek a ni. Hemi hmang kher lo pawh hian bazar hi a kal theih tho si a. - Sumdawngtu Bazar i kal reng rengin i bag ah lai kha veng fimkhur rawh, rukru an tam, rawk i tawk palh ange. - Fimkhura

Dawrpui

News

Kartin chhuak

Pathianni

Dec 25, 2011

INFIAMNA
UEFA CHAMPIONS LEAGUE: Uefa Champions League round of 16-a intum turte chu draw fel a ni ta. Ram hrang hranga Football Club thiam rualte chuan PreQuarter Final match kumthar February thla khian an khel tan ang. English Club zingah season hmasa lama Final khel pha ngat Manchester United erawh chu tun tumah hi chuan round of 16 pawh an thleng pha ve ta lo. A hnuaia tarlan ang hian club 16 te chuan home leh away ah an khel vek ang. Club kan ziah hmasak zawk zel te hi an Group-a champion te an ni a, ding lama mi te hi an group-a runner-up te an ni. Heng zingah hian Arsenal leh AC Milan intum turte hi mi ngaihven hlawh berte zinga mi an ni. APOEL VS LYON CHELSEA VS NAPOLI ARSENAL VS AC MILAN FC BAYERN VS BASEL BARCA VS BAYER LEVERKUSEN R. MADRID VS CSKA MOSCOW BENFICA VS ZENIT INTER VS MARSEILLE

PRESBYTERIAN
Dec 25, 2011 (Pathianni) dar 11:00 AM

KRISMAS NI
Hruaitu |antu Thupui Thusawitu Zaipawl : Upa Rokamlova : Pi Lalkili, Bial - I : Chanchintha lawmawm em em (Luka 2:8-14) : Pu R.Lalramliana : Kohhran Zaipawl Children For Christ

Inkhawm banah Thingpui ruai buatsaih a ni ang

Zan Inkhawm
Hruaitu Thupui Thusawitu Zaipawl : Upa Dr. C. Zarzoliana : Rem thu leng rawh se (Isaia 9:7, Luka 2:14) : Pastor R. Vanlalnghaka : Junior KTP Kawl Kristian Fellowship

Dec 26, 2011 (Thawhtanni

Zan Inkhawm (7:00 PM)

Hruaitu Thuchah : Upa Lalbiaktluanga : Tv. H. Zosailova (Zaikhawmin a zui nghal ang)

ENGLISH PREMIER LEAGUE

Tunah hian Season laihawl an hmang mek a, Manchester khaw club pahnih City leh United te chuan League champion nih inchuhin an sang fal dun hle a, tunkar kalta khan vawi 2 ve ve khelin an tumpuite an hneh ve ve bawk. Tichuan, tun dinhmunah City hian 44 points hmuin hma an la hruai mek a, an hnuai chiahah Man United awmin 42 points an hmu ve bawk a, pathumna-ah Tottenham awmin 35 points an hmu mek bawk. Tun kar chho hian a hnuaia mi ang hian an khel leh ang. Monday 26th December 2011 Chelsea vs Fulham Man Utd vs Wigan Sunderland vs Everton West Brom vs Man City Bolton vs Newcastle Liverpool vs Blackburn Stoke vs Aston Villa Tuesday 27th December 2011 Swansea vs QPR Norwich vs Tottenham Friday 30th December 2011 Liverpool vs Newcastle Saturday 31st December 2011 Man Utd vs Blackburn Stoke vs Wigan Norwich vs Fulham Chelsea vs Aston Villa Arsenal vs QPR Bolton vs Wolverhampton Swansea vs Tottenham

SALVATION ARMY
25.12.2011 KRISMAS NI ( 11:00a.m.)
Hruaitu : Thusawitu : Thupui : Maj. Rochhungi C.O. Maj. Vanlalhuma C.O. Mitin ta tur chanchintha Isaia 9:1-7, Luka 2:8-14 Item : Bazar Corps Band SAY Zaipawl Zaikhawm hruaitu : Pi Lalengmawii, HLS

25.12.2011 KRISMAS ZAN ( 6:30p.m.)

Hruaitu : Pu Robert V.L. Thlamuana, OSCS Thusawitu : Maj. Lalbiakliana, DS Thupui : Immanuela Mathaia 1:22-23, Philipi 2:5-11 Item : Corps Cadet Zaipawl Zaikhawm hruaitu : Pu Ngursailova

26.12.2011 RUAITHEH ZAN (6:30p.m.)

Hruaitu : Thusawitu : Thupui : Pu F. Lalrinliana CLS Pu C. Darkunga, CT Nausen chanchin chu sawizel rawh Luka 2:15-17

Awmlai vei leh lusun fate chantawk hi dawn ve teh! Hnutiang mual liam hnu ngaiin an tap e. Par ang an lawm hnu he ni ropui lo thlen hian, chhung kim par ang len lai kha ngai zualin, tapin luaithlipui an nul ngei ang Kumin chhunga kan venga lusun chhungkua zawng zawngte kan tawrhpui tak zet che u a, hlim taka he Krismas a lo thleng hi hmang turin duhsakna kan hlan a che u.

Published by Y.M.A., Dawrpui Branch, Printed at G.S. Offset Printers, Treasury Square