Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

YMA chu \anpui ngaite \anpuitu a ni

Vol : XXI Issue No 51 Dawrpui News Kartin Chhuak Pathianni Dec 18, 2011

TUALCHHUNG
ZIN : Nl. C. Lalrinzami d/o Vanlalduha, Thana Tlang leh Nl. Remtluangpuii c/o R. Dotinaia, Jail Veng (T. Sect. ve ve)te chu Presbyterian Synod Inkhawmpui (PSI) Tripura -a Joyshree-a neih mek hmangin an kal mek a, vawiin hian an \iak ang a, naktukah an lo haw leh ang. Tv. Steven Lalruatliana, Tv. Hmingthanzuala, Tv. Malsawmtluanga (Tea) Nl. C. Zarzoliani, Nl. Lalnunsangi te chu Mizoram Sorkar Art & Culture Dept. tirhin Kathmandu-ah Lam en tir turin Dec 27, 2011 hian an zin dawn. DAMLO : Pu C. Lalbiaksanga s/o C. Lalsawivela, Jail Veng (T. Sect.) chu Mitliam etc. avangin Civil Hospital-ah enkawl mek a ni. Pi Sairothangi (Marova Nu) New Market (V. Sect.) chu Thisen sang avangin Vaivenga Hospital (CARE)-ah enkawl mek a ni.. . H RIATRENGNA : Pu F. Lalnunzira, Bara Bazar hriatrengna atan a nupui fanau ten |hutthleng pahnih (2) YMA Dawrpui Branch hnenah an pe a, an chungah kan lawm em em a ni. |HUKHAWM : Dec 16, 2011 (Zirtawpni) khan No Vehycle Zone chungchangah Pu P.C. Zoramsangalian, Tansport Minister Chamber-ah mi pawimawhte an \hukhawm a. Sawm an nih angin Dawrpui Local Council Chairman leh Secretary-te pawh an tel ve. HEARING: Dec 15, 2011 (Ningani) khan Local Council inthlanna atana dilna lutte hearing neih a ni. Branch YMA aiawhin Pu H. Lalchhanhima leh Pu James Thanmawiate an tel. Tun \umah hian hming paih an awm nual a, thuin thar tur inlan an tam lutuk lo.

DYMA 2011 REPORT

Kum 2011 ah hian Section thum ah inthenin, YMA member Section tinah hetiang hian kan awm, Chawngbawla Section ah member 478, Taitesena Section ah member 652, Vanapa Section ah member 476 kan awm a, kan Branch ah YMA member zawng zawng hi 1606 kan ni. Branch Executive Committe member - 47 kan ni a, Sub Comtt peng hrang hrang - 16 kan awm bawk. April 7, 2011 zan khan Dawrpui Sikul Mini Auditorium ah YMA kumpuan Khawtlang nun siamthatleh Branch Sports chu ropui taka hawn a ni a, CYMA Vice President Pu JH Zoremthangan kumpuan leh Branch Sports hawnna hun hi min rawn hmanpui. CYMA ngenna angin kan Branch ah pawh Kumpuan sub Committee din a ni bawk a, anni hian vawiin ni thlengin kumpuan bawhzuiin hma an la mek a ni. March 4 (Zirtawpni) khan Lammual ah Chapchar kut hman a ni a, hetah hian kan Branch pawhin hnamlam chi 3 kan entir. CYMA inelna Cricket tournament ah kan Branch pawh telve in, mahse vanduaithlak takin Zotlang Branch kan hlahthlem a, a lehpek ah chuan nasa taka tan lak tum a ni. CYMA hnuaia ruihhlo do pawl CADS tanpuina atan kan Branch pawh in Rs.5,000/- kan pe. Bialtu MLA Pu Lalsawtan a MLA fund hmanga Thlanmual waiting shed sakna tur atana Rs.1,50,000/- min pek hmangin Dawrpui thlanmual kan hmanlai mekah waiting shed sak a ni. Hei bakah hian kan YMA dawr hrang hrang cheithatna atan Rs.50,000/- min pe bawk. Kan vengchhunga hman tur Chhiatni inkaihhruaina kan neih mek ennawn a niin, siamthat lai ngaite siamtha-in leh belh ngaite belh a ni. Kumin chhung hian kan Branch Office Bearers lo ni tawh Pu F.Lalnunzira leh kan Branch Executive Committee member nilai Pu Romuanan mual min liamsana kan ui hle. Kumin chhung hian kan vengchhungah mi 22 ten chatuan ram min pansan a, mi 8 ruang thawnchhuah kan nei bawk June 15 khan YMA Day hetiang hian hman a ni, Krista hnungzuitu Bethel Camping centre, Chawnpui ah khawhar chhungten min pek khawm Puan engemaw zat leh ei leh bar tur thahnem tak pek a ni a, zingkarah Section hrang hrang ten mahni Section huamchhung theuhah bawlhhlawh thenfai hnatlang kan nei, member te kan thawkchhuak tha hle, YMAday denchhen hian Sports sub Committee hmalakna in YMA sports nileng in sikul tualah neih a ni, zanah hall ah function ropui tak neih a ni bawk. . Khawtlang Joint Committee chuan Branch YMA ah Dawrpui Thlanmual thar Mualpui a mi chu min hlan a, Thlanmual thar pass leh pawisa Rs. 8,57,403/- min hlan tel bawk a, YMA kaihhruaina in thlanmual thar Committee din a ni bawk July 28, 2011 khan Dawrpui sikul hall ah Thlanlaih hlawhfa lak leh lak loh chungchangah vantlang inkhawm koh a ni a, hetah hian vantlang mipui kalkhawm zinga a tam zawkin thlanlaih leh a vur tur chuan hlawhfa lak tawh mai nise tiin lungrual takin thutlukna siam a ni. Hlawhfa rawihna man atan mi an boral apiangin In tinah Rs. 5/khawn zel a ni ta bawk. August thla khan Dawrpui School ah Vengchhung a awm hnamdang kohkhawmna neih a ni a, hetah hian vengchhung in relbawl dan leh hriattur hrang hrang hrilhhriatna neih a ni. Kumin kan branch YMA dincham (Rising day ) chu khawtlang huapin ruai nen ropui takin Dawrpui sikul ah lawmna neih a ni a, Rising day denchhen hian Winter Sports ni hnih awh neih a ni. a ni. Dawrpui YMA Winter Sports neih hmasak berah Vanapa Section an champion. YMA General Conference vawi-66 na October 25-27 Kolasib a neih ah kan branch atangin palai 47 lai kan kal thei a, Special item live band tha takkan nei. Dawrpui thlanmual tuna kan hmanlai mek Armed veng a mi chu hun rei tak sawrkar Department LAD hminga a pass awm chu Dawrpui Branch YMA hminga hmingthlak fel a ni ta.

Dawrpui

News

Kartin chhuak

Pathianni

Dec 18, 2011

Editor Co Editor Jt. Editors News Editors

: Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

KUM 2011 CHHUNGA KAN |HENTAKTE

1. Pu Vanlalthanga c/o Dawiduma (Vanapa Section ) 2. Pi Nu-i w/o L.T. Siama (L) ( Vanapa Section) 3. Samuel Ramthianghlima s/o Jimmy Lalthianghlima (V. Sect) 4. Pu K. Zothantluanga s/o K. Hmingthanga (Taitesena Section) 5. Pu F.Lalnunzira w/o Lalhmunmawii (Chawngbawla Section) 6. Pu Romuana h/o Maengi (Taitesena Section) 7. Pu Lalthansiama s/o Lalkunga (L) (Vanapa Section) 8. Pi Dolianpuii d/o Rualkhuma (L) (Taitesena Section) 9. Pu Sailothanga Sailo s/o Lalthangkhuma (L) (Taitesena Sect.) 10. Pu Lalchhandama s/o Japanliana (Chawngbawla Section) 11. Alfred Lalchhandama c/o P.C. Lalthlamuana (Ch. Section) 12. Pi Lalnguri Sailo (Chawngbawla Section) 13. Pu Zosanglura h/o Rochhumi (Vanapa Section) 14. Tv.Lalthangvunga s/o Haudalla (L) (Chawngbawla Sect.) 15. Pu Vanlaldinga B/o R. Johana (Chawngbawla Sect.) 16. Pu J.Challuta s/o Thangneuva(L) (Vanapa Section) 17. Pi Lalmuankimi (Vanapa Section) 18. Pu Rothangpuia Sailo s/o Lalkili (Chawngbawla Section) 19. Pu V. Biakthansanga w/o T. Malsawmi (Chawngbawla Sect.) 20. Nl. Tanya Lalremruati d/o Lalbiaknungi (Chawngbawla Sect.) 21. Pu P. Lalluaia h/o Thannguri (L) (Chawngbawla Section) 22. Pu Lalchhuanawma s/o Rochungnunga (Taitesena Section) Heng kan mi duhawm tak tak, chatuan ram pan ta te hi kan hrereng a, an chhungte kan tawrhpui a, he Krismas hun hlimawmah hian an Khawharna leh Lunglenna zawng zawng Pathianah nghat se kan duhsak hle.

Kan nghah Krismas

Kan ti nek nek a Krismas chu kan lo hnaih leh ta hle mai. He hun pui lo thleng tur hian mitinte rilru leh ngaihtuahna a la peng lo thei lo, Kristian (Ringtu) te tana kum khat chhunga ni pawimawh ber a ni tlat a. He ni, ni khat chauh atan hian kan inbuatsaih hun chhung erawh a rei deuh. He hun lawmawm tak lo thleng tur atan hian a pui a pang a lian a te, tute mai pawhin thil thar, thawmhnaw thar neih loh hlauin kan Bazarah pawh kan in nek leh ta nulh nulh mai le. A bik takin YMA Member te, he hunpui lo thleng tur atan hian eng angin nge kan inbuatsaih ve aw? Nu leh pa te phurrit siam sakna hun atan te kan hmang mai em ni? Nge he Lal thar lo piang tur hi anihna ang takin kan lo hmuak? Member tinte mahni theuh i inzawt teh ang. Khaw chhak mifingte khan he Lal thar lo piang hi an thil neih zinga hlu ber berte ui miah lova hlanin, hmun hla tak atanga kalin Lal thar chibai an buk anih kha, an va YMA tehreng em!! Keini YMA memberte hian keimahni tan chauh em ni thil thar kan lei hlawm le, nang aia harsa zawkte tanpuina ni atan hman i tum em. He hunah hian kan phak ang tawk theuhin midangte malsawmna kan nihna ni atan hman i tum theuh ang u. YMA chu Kristian nun dan tha ngaisangtu, tanpui ngaite tanpuitu kan nih kha hre rengin, he hun lo thleng turah hian YMA takin midangte tan insengso ve rawh le. HARGE INHLAN : Dec 15, 2011 (Ningani) zan khan C YMA Dawrpui Branch hruaitu thar (2012) leh hluite chuan Pu Bualhranga In, Bazar Bungkawnah Charge an inhlan. OB tharte Branch Execuitve Committee Member tur an ruat nghal a, Dec 29, 2011 zanah Branch Executive Committee hmasa ber \hut nghal tum a ni. Kan hruaitute hi Pu H. Dingluaia chuan zanriah tuihnai tak a buatsaih sak a ni. VENGCHHUNG A MAWI : Krismas alo hnai ta hle a chhungkaw \henkhat in mahni in an cheimawi a, dawr \henkhat cheimawi a ni bawk a, a nuam hle. Kan Local Council-te kaihruaina a Bungkawn cheimawi pawh zawh fel a ni ta. A buaia te chu an buai hle a, mi inpete zarah kan veng a mawi zel e.

Dawrpui Anganwadi Admission

Kum 2012 atana Dawrpui Anganwadi Center a naupang admission ti duh tan a hnuaia mite hnenah hian form lakchuah a, thehluh leh tur a ni e. Kumtharah a kalphung kimchang tur chu hriattirna kan la rawn chhuah leh ang. 1. Pi Tlangthankhumi, Zion Street 2. Pi Zosangzuali, Bara Bazar Sd/- Secretary Dawrpui Anganwadi Center.

Sipai |ang Duh Tan

February 2012 chhung hian Sipai (Assam Rifles) mi 600 lak a ni dawn a, HSLC passed tan dil theih a ni. Dilna Form hi Dec 20, 2011 ral hmain Youth Welfare Society Office, Near IGNOU Regional Office, Upper Khatla-ah thehluh tur a ni. Form hi Rs. 20/- a ni a, Training dilna form Rs. 100/- a ni bawk. Training hi AR Lammual-ah a FREE vekin AR-in an pe dawn a. Sipai lakna pawh training tan chuan Advantage a awm nge nge a ni. Tin, dilna form pawh hi an office-ah a lak theih bawk. - Lalengzami Gen. Secretary Youth Welfare Society Lower Chanmari, Saingenga Bld. Phone - 9856746716/9436965574 (He thu hi kan veng tlangval ten rin aiin in lo ngaihven hlawm a, kimchang zawkin kan han chhuah leh a ni e. Lo bawhzui hlawm teh u. Ed.)

Awmlai vei leh Lusun fate chantawk hi dawn ve teh, Hnutiang mual liam hnu ngaiin an \ap e...

Dawrpui

News

Kartin chhuak

Pathianni

Dec 18, 2011

KAN TAN CHHANDAMTU

- Vanhmingliana Kan tan chhandamtu lo pianna hi thil mak a tling a, tlanna ruahmanna ropui tak hi Vantirhkohte tan pawh thil mak a tling a ni. Pathian fapa, tisa-a thuama awm chu Pathian mi ten engtiang takin nge an lawm ang tih hmuh chakin an thlir thup mai a. Pathian ropuina tihlanna ram, hrilhlawkna a kah en ramah ngei chuan Vantirhkohte an lo kal a. Hnam dangte chu thawnthu phuah chawp hmanga inzirtir thin leh Pathian lem betute vek an ni. Tin, Maicham hmaa rawngbawlna a ding a, Puithiam Zakaria hnenah chuan Krista a lo lan hun a hnaih tawh zia lo hriat lawk tir a ni tawh a. Krista tana lamlian sialtu tur Baptistu Johana pawh a piang tawh a, a rawngbawl dan tur pawh hrilhlawkna leh thil mak ten nemngheh sa a ni tawh bawk a. A pian thu leh a hna ropuina leh pawimawhna chanchin te chu nasa taka put darh a ni tawh bawk. Chutichung pawhin Tlantu lo lawm tur pawhin Jerusalem chuan inbuatsaihna reng reng ala nei lo. Pathianin a koh chhuah mipuite, chuti taka an lo inthlahdul nasa chu Vantirhkoh rualte chuan mak ti takin an thlir ta reng mai a. Abrahama thlaha Davida chhungte-ah Krista a lo piang dawn tih thu kawltute chu Juda-te an ni si a. Mahse, kawngka bulah a awm reng tawh a ni tih hriatna reng an nei hauh lo. Temple-a zing tin leh tlai tina inthawina an hlan thinte kha Pathian beramno entirtute vek an ni a, mahse Amah lo lawm tura inpuahchahna chu an nei si lo. An hnam tana rawngbawltu, puithiam leh zirtirtute chuan khawvela thil thleng ropui ber lo thlen hun a tuah tawh hle tih hre lovin, awmze nei lova an tawngtai hla chham te, mihringte hmuh atan maia Pathian an biakna te chu an nei zui zel a. Sum leh pai an um luat lutukna leh mihringte chawimawina an um luat avangin Messia lo lan hun atan inpuahchahna reng reng an lo nei lo a ni. Krismas kan tih hi a tam ber zawk chuan thawmhnaw thar, sum leh pai - nawmchenna tur tam tawk nen leh thian thate nena intihhlim nan, Music leh a tihrikna tha ber ber nen lo hmuah kan tum leh tan reng tawh. Khawvel hrehawm tlan sanna tur ni awm fahranin zu tha tha leh sa ei tur tui tui chhek khawlin ngaihtuahna kan seng leh nasa tawh hle ang. Ruih chhum hmawkna tur, a mum nge a injection-na chi lo zawng khawl mek pawh kan bang chuang lovang. Pathian remtih loh ber mai Inngaih sual (Fornication) nupui pasala insiam ni si lova inngaihna hman tuma hma la mek pawh kan bang lovang. Hei hian a kalpui fo chu sex video leh ruih theih thil a ni chawk, hetiang mite bulah hian Pathian Vantirhkoh chu a inpuang ngam lovang. Sual lak ata chhanchhuak tura lo beisei leh lo zir thintu Berampute hnenah chuan, Hei hi in tan chhinchhiahna tur a ni; nausen puana tuam, ran chaw pekna thlenga mu in hmu ang tiin Vantirhkohin a hrilh hmasa a nih kha. Vantirhkoh ten Bethlehem an tin san hnu khan, Berampute chuan an thil hriat leh hmuh chu an thinlungah an theihnghilh thei tawh lova; lawm em emin Jerusalem-ah te leh an mi tawh apiangte hnenah Chhandamtu pian thu chu an hrilh ta zel a nih kha. Khawchhak mifingte pawhin an harsatna - kawnga an tawh turte, an senso leh a hmabak tur engmah ngaihtuah lovin an tana chhandamtu lo piang tur ngawt ngaihtuahin an hun an hmang anih kha. Keini pawhin chhandamtu kan tana lo piang chu engtinnge kan hmuah ve dawn? Vantirhkohte nen kan zai ve dawn nge? Khawvel lawng lian kan chuanna insukeh mai thei ah hian kan inthlamuan chawp leh dawn? Krismas hlim taka hmang turin chhiartu zawng zawngte chibai ka buk ache u.

HRISELNA
SOCIAL HEALTH
- Dr Thangchungnunga MS(Ortho) Social Health kan tih hian vantlang, khawtlang mipui hriselna a ni a. A enna ber pawh chi hrang hrang a awm a. Tunlai kan Zoram Social Health chu a chhe hle tih a hriat a. A tehna pawimawh ber chu mahni intihlum (sucide) an tam em ? Kumin hian inawkhlum an tam em em tih kan hria a, a dawt leh ah chuan nupa inthen, uire, sawnpai (sex hman dik lohna) leh naupang piangsual leh pawngsual hrim hrim. Heng pawh hi kumin hian kan ngah hle tih a hriat a, a dawt leh ah chuan rukruk leh tualthah a ni a,hei pawh hi kan hai awm lo ve. Tin, rilru hah avanga nun hrehawm intihhlum ngam meuh si lo te kan tam tih a hriat a. Tin, naupang lamah sikul dropout (sikul kal peih lo) fail tam lutuk te heng ang hrang hrang hi Social Health tehna kawng khat a ni. Thil dangte pawh Veng /khawfai leh fai lo te pawh a ni tel thei zel ang chu. Heng kan han tarlan hrang hrang a\ang hian lo thlir ve la kan Veng, kan khua, hi a hrisel em tih chu i hrethei mai ang a. Engtia tih hrisel tur nge? tih hi a ni ta a ni. A hmasaber ni a ka ngaih chu taimakna leh rinawmna kan tlachham, hei hi sim ila, sum leh pai awhna leh kut tlinglova pawisa hmuhna leh hmuh tamna rilru hi bansan ila mahni chan tawk ah tih tak zet a kan thawh chuan lungawi tum ila, chantawka lungawi lo hlir awm khawm kan ni ang tih a hlauhawm hle. A tawp ber ah chuan kan Pathian biak dan pawh tihtak zet leh rilru zawng zawng a kan \an \hat a ngai a ni. Nangmah i in hmangaih anga i veng te i hmangaih emaw, i chunga an tih a i duh tur ang mi chunga i tih zat zat chuan i lo hrisel ang, nang malsawmna ni ang che tih kha sawi lovin nangmah kha i lo ni mai zawk dawn a ni.

ORDER
District Magistrate, Aizawl District, Shurbir Singh IAS chuan 144 Cr. PC tlawhchhanin heng a hnuaia thupek hi Aizawl District huamchhunga hman nghal turin a chhuah a ni. 1. Mi tumahin phailam emaw hmundang a\angin silai lem, a mu kap chuak thei chi reng reng an la lut tur a ni lo. 2. Krismas leh Kumthar vuakvet ah mi tumah in Silai lem, a mu kap chhuak thei an hmang tur a ni lo. 3. Silai lem, a mu kap chhuak thei chi reng reng zawrh leh hralh khap tlat a ni. He thu hi puangzar tura tih kan nih angin Dawrpui khawtlang mipuite kan hriattir a. Zawm \heuh tura beisei kan ni. Sd/- Kapchhunga Pachuau Member Secretary Local Council. Dawrpui.

Dawrpui

News

Kartin chhuak

Pathianni

Dec 18, 2011

INFIAMNA
CRICKET : He infiamna han sawi hi chuan India hi a lo lang nghal thin, infiamna dangah an chutih teh lua loh vang te pawh a ni mahna. Hmanni lawk khan India team-te hi West Indies team-te chuan rawn tlawhin, Test Match vawi 3 leh One Day International Match vawi 5 an khel. India hian an home a nih vang nge an dim lovin an sawisa hneh hle a, West Indies laka an chungnun zia an lantir. He tour-ah hian India chuan World Record thar siamin ODI ah Virender Sehwag chuan run 218 lai a vaw chhuak a, run 200 siama record kawl mektu Sachin Tendulkar chu a thai chhe ta. Record thar siamtu hi India mi tho a ni a, a lawmawm reng reng e. India hi an thiam tak tak nge tak tak lo chu tun thla December 26, 2011 hian fiahin an awm dawn a, Australia an luhchilh dawn ta a, Test Match vawi 4 leh T20 match vawi 2 an khel ang. Australia lakah hian an mualpho lova hnehna an chang anih ngat chuan an thiam tak tak a ni tih an lantir dawn a ni. Tunah hian India hi ICC ranking Test-ah pakhatna ni mek in ODI ah pahnihna dinhmun an hauh mek bawk. Mon Dec 26 - Fri Dec 30 1st Test - Melbourne Cricket Ground, Melbourne Tue Jan 3 - Sat Jan 7 2nd Test - Sydney Cricket Ground, Sydney Fri Jan 13 - Tue Jan 17 3rd Test - W.A.C.A., Perth Tue Jan 24 - Sat Jan 28 4th Test - Adelaide Oval, Adelaide Wed Feb 1 1st T20 - ANZ Stadium, Sydney Fri Feb 3 2nd T20 - Melbourne Cricket Ground, Melbourne

PRESBYTERIAN
April 18, 2011 (Pathianni)

Sunday School
|antu |antu Thusawitu : Pu C. Pazawna , Bial - II

Chawhnu Inkhawm
: Nl. R. Lalsangpuii, B-II : Pu Pi Darromani, Bial III

Zan Inkhawm
Sacrament Zirlaite Lawmluh leh Lalpa Zanriah Sacrament Buatsaihtu : Pastor R. Vanlalnghaka

K.|.P.
Dec 18, 2011 |awng\ai Inkhawm A hmun : Fellowship Hall Hruaitu : Dr. Zothansanga, c/m |antu : Nl. Lizy Lalrammawii, Khawngaihna Gr. Dec 19, 2011 Thawh\anni Zan Inkhawm

KRISMAS CAROL SERVICE

Hruait |antu Thilpek : Pu F. Lalremruata, Asst. Secy. : Tv. George Lal\hakima, Khawngaihna Gr. : Tv. Lalchuanawma, Chhandamna Gr. Tv. Malsawmkima,Chhandamna Gr..

Gift Exachange Rs. 40/- man aia tlem lo ken \heuh tur

SALVATION ARMY
Dec 18, 2011 Thianghlimna Inkhawm Hruaitu : David Lawmzuala Thusawitu : Maj F. Remthanga, DYS Chhandamna inkhawm : Laltanpuii, CG : Maj Lallawmpuii

ENGLISH PREMIER LEAGUE Tunkar Fixture:

Sunday 18th December 2011 QPR vs Man Utd Aston Villa vs Liverpool Tottenham vs Sunderland Man City vs Arsenal Tuesday 20th December 2011 Wolves vs Norwich Blackburn vs Bolton Wednesday 21st December 2011 Aston Villa vs Arsenal Man City vs Stoke Newcastle vs West Brom Evertonvs Swansea QPR vs Sunderland Fulham vs Man Utd Wigan vs Liverpool Thursday 22nd December 2011 Tottenham vs Chelsea

Hruaitu Thusawitu

SAY PROGRAMME
Dec 19, 2011 Hruaitu Thawhlawmhlantu Bible chhiar Solo : Ellen Lalengzuali, Tresy SAY : Janice Lalchungnungi : Ellen Lalengzuali, Tresy SAY : Vanlaldiki Sailo

Krismas Chibai Bukna

MHIP Dawrpui Branch chuan Krismas hi midangte tana thilpek pechhuak a Lal piang chibai buk an tum leh ta. Kum danga an lo tih \hin angin Vengchhunga khawsak harsa zual deuh hnenah te, Hospital leh Home \henkhatah Krismas Chibai Bukna pawisa fai \hahnem tak an pe chhuak dawn a ni. Tin, hetih rual hian K|P Dawrpui Branch-te pawh Home leh Hospital \henkhatah Krismas Chibai Bukna hi an sem dawn bawk. Kumin chhunga Khawhar chhungte pawh an tlawh bawk dawn a ni.

Published by Y.M.A., Dawrpui Branch, Printed at G.S. Offset Printers, Treasury Square