BINALAYBAY 2019

Cadiz Viejo National High School

I
Lagaw diri ,lagaw didto , baw grabe kami sadto
Indi lang kasadya, kundi gusto namun na makita
Ang anay matinlo na tubig sa amon suba
Kag mahaklo ang matinlo nga hangin samtang gadapya
Pero sang una lang sadto, sang kami gagmay pa.

II
Sa akon pagsugod sining akon nga Binalaybay
Ini akon pagasugudan kag isa lang ang akun nga pangabay
Hatagan ninyo ako sing kahigayunan na kamo tanan
Akon tamyawon na may yuhom halin sa akun nga dughan
Maayong hapon sa inyo mga kauturan
Abi hashtag danay, MATINLO NGA HANGIN…DI-IN KA NA AYHAN?

III
Sa subong nga tini-on , naglain na guid ang kalibutan
Aso halin sa sigarilyo sa babaw makit-an
Kasubo paminsaron, daw mahibi ko nga-a amu ni man?
Salakyan,planta daw wala lang man sang may gina-obra
Sa pagpangita sang mas maayo, mauntat, madula
Makahililo nga higko nga ila ginabuga.

IV
Dugangan pa guid sang mga coolkids na patay sindi
Daw wai lang labot sa pneumonia, maka-post lang sa FB
Kasubo nga pareho ko estudyante
Tani pag-eskwela ang gina-intyindi.

V
Kung aton paminsaron, higko nga hangin hapos sulbaron
Hamili nga tini-on, disiplina kag pagtuo lang sa gihapon
Ining katalagman, Cadiznon Spirit, the BEST INSPIRATION
Bilis Cadiz , Ugyon CADIZNON!

VI
Mga tagpalamati ko, nahanugot sa akon tagi-pusuon
Ang pagpati sa hangkat sa aton kung tingbun
Clean Air Act , matinlo na enerhiya,
No Smoking Policy sang banwa,
Buylog sang Department of Education,
Organic Edible Garden ni Ma'am Gladys promotion
Sa pagkainasog, pagbinuligay…KITA tanan madinalag-on!

VII
Sa katapusan luyag ko ibilin ang ining pamangkutanon
POLUSYON SA HANGIN… SAN – O MO ATUBANGON?