XXVII

Christus: Propheta et plusquam Propheta

“Existis videre Prophetam? Et plusquam Prophetam” (2)

I. Moraliter : Propheta prædicat per os, plusquam Propheta ponit in opere 2

§1 Simus plusquam Propheta, ponens Fidem in opere . . . . . . . . . . . . . . . . . . . . 2
§2 Aliquod signa disparuerunt post Passionem Christi . . . . . . . . . . . . . . . . . . . . 2

II. Allegoria : Christus fuit Propheta et plusquam Propheta 3

§3 Gloria æterna . . . . . . . . . . . . . . . . . . . . . . . . . . . . . . . . . . . . . . . 3
§4 Damnatio . . . . . . . . . . . . . . . . . . . . . . . . . . . . . . . . . . . . . . . . . 3
§5 Purgatorium . . . . . . . . . . . . . . . . . . . . . . . . . . . . . . . . . . . . . . . 3

III. Anagogia : Christus in cælo se demonstrabit Propheta et plusquam Propheta 3

 XXVII. Existis videre Prophetam? Et plusquam Prophetam (2) (Matth 11)

I
N sancta prædicatione, ut verba divinalia quæ ego teneor et intendo prædicare sint in bo-
nam instructionem et illuminationem et Christianorum et Iudæorum et Sarracenorum,
recuramus ad fontem Gratiæ, scilicet Virginem Mariam, dicendo Ave Maria. Istud ver-
bum propositum pro themate et fundamento nostræ prædiacationis dicit : Quid existis
videre Prophetam ? Etiam dico vobis et plusquam Prophetam. Et modo ego volo tenere
modum quem tenui heri pro declaratione istius verbi scilicet per tres intellectus : moraliter, figuraliter
et supernaturaliter. Et secundum istos tres intellectus erit tota nostra prædicatio, quibus declaratis, si
placet Deo, intelligetis præsens verbum et habebimus multa secreta pro Iudæis et parate vos ad auscul-
tandum bene.
[I] Ad primum intellectum de Tropologia moraliter. Et secundum hunc intellectum est videndum
quid sit dicere « Propheta ». Et officium Prophetæ est secreta Dei loqui ore et ideo secundum æthymo-
logiam dicitur Propheta quasi « procul fante », id est secreta Dei loquens, sed plusquam Propheta est
non solum loqui secreta Dei ore, sed demonstrando opere. Ideo Ioannes Baptista fuit Propheta, quia
ore prædicabit Christum venturum verum Messiam : « Qui autem post me venturus est, fortior me
est, cuius non sum dignus calceamenta portare. Ipse vos baptizabit in Spiritu Sancto » 1 . Et etiam fuit
plusquam Propheta quia quod dixerat ore prædicando, demonstravit opere cum digito : « Ecce agnus
Dei, ecce qui tollit peccata mundi » 2 . Et sic fuit Propheta et plusquam Propheta. Et ideo dicit Sanctus
Gregorius : « Prophetaæ ministerium est ventura prædicere, non etiam demonstrare » 3 .
§1 Et sic ecce hic Tropologiam, id est Moralitatem, quod vos non solum estis Propheta, sed etiam
plusquam Propheta : scilicet Propheta loqui Fidem per os et credendo corde et plusquam Propheta
credendo, non solum loquendo de ore, sed etiam ponendo in opere. Nam si credis quod Filius Dei
descendit de cælo et humiliavit se recipiendo carnem humanam, debes ponere per opus ut sis plus-
quam Propheta et ut sis humilis et non superbus. Item si tu credis quod Christus venit pauper, nam
ubi reclinaret caput non habeat, tu est Propheta, sed adhuc habes magis facere ut sis plusquam Pro-
pheta, ponendo in opere, tu sis largus et non avarus per furta, rapinas et usuras. Item si tu credis quod
Christus recepit carnem de Vigine sine opere virili, es Propheta, sed plusquam Propheta ponendo in
opere abstinendo a luxuria. Item si tu credis quod Christus fuit patiens in sua Passione, es Propheta,
sed plusquam Propheta cum tu est patiens et parcis inimicis. Item si tu credis quod Christus ieiunavit
quadraginta diebus et noctibus, quibus nihil comedit et bibit, es Propheta, sed cum facis abstinentiam,
tunc es plusquam Propheta et sic de aliis. Item si credis Christum resurexisse tertia die, es Propheta. Sed
si ponis in opere et resurgis a peccato tertia die, scilicet post contritionem, Confessionem et satisfactio-
nem, tunc est Propheta et plusquam Propheta. Et de tali potest dici : « Propheta magnus surrexit in
nobis » 4 . Et ideo dicit Christus Angelis sanctis qui exeunt de cælo in hunc mundum ad custodiendum
nos, ut dixi eri : Quid existis videre Prophetam ? Et tunc respondet quilibet Angelus : Ita, Domine. Et
dicit Christus : Dico vobis plusquam Prophetam. Et sic secundum hunc intellectum moralem videtis
quid sit Propheta et plusquam Propheta.
§2 Et Iudæi ante Adventum et Passionem Christi habebant singa et prophetias et postea omnia per-
diderunt, de quo fuit adimpleta prophetia : « Signa nostra non vidimus, iam non est Propheta » 5 . Et
dicit, signa nostra, scilicet cesaverunt omnia et Prophetæ per Adventum Christi veri Messiæ. Et primum
signum erat quod muscæ ante Adventum Christi non veniebant, nec se ponebant super sacrificium.
Sed post Passionem Christi in sacrifico animalium se ponebant, demonstrando quod ante Passionem
Christi sibi placebat sacrificium animalium, sed post Passionem non sibi placuit. Item de aliud signum,
1. Matth 3 :11 2. Ioann 1 :29 3. Hom. 6 in Evang. 4. Luc 7 :16 5. Ps 73 :9

Sanctus Vincentius Ferrerius |2

 Christus: Propheta et plusquam Propheta

quod ante Passionem Christi non fœtebant carnes, nec ullus malus odors exibat. Sed post Passionem
Christi, magnus era fœtor, denotando quod non sibi placeat. Item aliud signum, quod ante Passionem
Christi fumus sacrificii ascendebat recte in cælum, qui per multum aerem non inclinabatur. Sed post
Passionem Christi revertebatur versus facientes sacrificium, quod ipsos putabat suffocare, denotando
quod iam sibi non placeat. Item de aliud signum, quod ante Passionem Christi omnes recipiebantur
in platea Templi, quod nullus tediabatur de altero, sed postea non. Item aliud signum de Pendone ver-
mejo (vexilo rubro), quod ante Passionem Christi revertebatur in sacrificio album et tunc dicebant :
Deus pepercit nostra peccata : « Si fuerint peccata vestra ut coccinum, quasi nix dealbabuntur et si
fuerint rubra quasi vermiculus, velut lana alba erunt » 1 . Sed post Passionem Christi remanebat se ru-
brum denotando, etc. Alia signa sunt in Thalmut, tamen hæc sufficiunt. Item, nec habent Prophetam,
nec consolationem.
[II] Ad secundum intellectum de Allegoria Figuraliter. Et secundum hunc intellectum est videndum
qui sit iste Propheta de quo loquitur thema. Et dico secundum hunc intellectum, quod Christus fuit
Propheta et plusquam Propheta, nam quæ loquebatur ore ponebat in opere.
§3 Et hoc in tribus, nam Christus promittebat suis credentibus gloriam æternam in cælo et sic erat
Propheta et ista promissio Christi habetur hic : « Qui facit voluntatem Patris mei, qui in cælis est,
ipse intrabit in regnum cælorum » 2 . Sed est plusquam Propheta quando ponit in opere, cum dicit
alicui bonæ vitæ recipiendo eum : « Euge serve bone et fidelis, quia super pauca fuisti fidelis, super
multa te constituam, intra in gaudium domini tui » 3 . Et dicit, fidelis, propter credentiam Fidei. Et dicit,
prudens, propter obedientiam tenendo bonam vitam. Et sic habetis quomodo Christus est Propheta
promittendo verbo secreta Dei et est plusquam Propheta ponendo in opere.
§4 Item, Christus promitit damnationem non credentibus illi et non obedientibus. Nam nullus
damnatur nisi per unam rem de duabus, quia aut non credit, aut si credit non est obediens. Tunc est
Propheta quando promittit futura : « Si pœnitentiam non egeritis, omnes sililiter peribitis » 4 . Sed
postea est plusquam Propheta ponendo in opere quod promisit prædicando, cum dicit Anima quæ
venit ad ianuam Paradisi : Domine, Domine aperi mihi. Tunc respondit Christus ponendo in opere :
« Nescio vos unde sitis. Discedite a me omnes operarii iniquitatis. Ibi erit fletus et stridor dentium » 5 .
§5 Item et ipse Christus promittit Purgatorium non complentibus suam pœnitentiam sufficientem
peccatis. Ideo tunc est Propheta quia prædicit futura : « Ego sum vitis vera et Pater meus agricola est.
Omnem palmitem in me non ferentem fructum, tollet eum. Et omnem qui fert fructum, purgabit eum,
ut fructum plus afferat » 6 . Sed est plusquam Propheta quando promissionem ponit in opere cum
mandat Angelo bono ut ponat eam in Purgatorio : « In igne probatur aurum et argentum, homines
vero receptibiles in camino humiliationis » 7 .
Et ideo secundum hunc intellectum, dico ego conversis ad Fidem : Quid existis videre ? Et ipse re-
spondent : Prophetam, id est Christum. Sed dico respondendo eis : Etiam dico vobis plusquam Prophe-
tam, scilicet Christum, qui dicitur Propheta et plusquam Propheta promittendo verbo et ostendendo
in opere et de hoc Propheta Christo intelligitur prophetia : « Prophetam suscitabo eis de medio fra-
trum suorum similem tui et ponam verba mea in ore eius, loqueturque ad eos omnia quæ præcepero
illi » 8 .
[III] Ad tertium intellectum de Anagogia supernaturaliter. Et dico quod secundum hunc intellec-
tum, quod Christus in cælo se demonstrabit Propheta et plusquam Propheta et ecce quomodo. Nam
omnes Sancti et Sanctæquæ sunt in Paradiso desiderant quotidie venire ad Iudicium generale ut conse-
1. Is 1 :18 2. Matth 7 :21 3. Matth 25 :21-23 4. Luc 13 :5 5. Luc 13 :27 6. Ioann 15 :1-2 7. Eccl 2 :5 8. Deut 18 :18

3 | Sanctus Vincentius Ferrerius

 XXVII. Existis videre Prophetam? Et plusquam Prophetam (2) (Matth 11)

quantur gloriam etiam in corporibus, nam modo solum habent in anima. Et ideo Christus ut Propheta
promittit eis quod sustineant, quia in brevi habebunt illam gloriam. Authoritas : « Vidi subtus altare
animas interfectorum propter verbum Dei et propter testimonium, quod habebant et clamabant voce
magna dicentes : Usquequo Domine, sanctus et verus, non iudicas et non vindicas nostrum de ijs, qui
habitant in terra ? » 1 Et istud Altare Dei est Crux in qua voluntarie Christus agnus fuit sanctificatus.
Dicit, subtus, nam nullus potest salvari nisi subtus fit sub altare Crucis credendo, quod per virtutem
Crucis et Passionis Christi peccatum est deletum et deletur, recurrendo ad eam. Et de hoc Altari Crucis
habent Iudæi prophetiam claram de serpente æneo exaltato per Moysen in signo pro signo 2 . Et hoc fuit
figura quod omnes qui morderentur a serpente dæmone recurrendo ad virtutem Crucis. Et ideo Da-
vid dixit : « Aperiam in parabolis [id est figuris] os meum » 3 . Sed postmodum in die Iudicii generalis
demonstrabit se plusquam Propheta adimplendo opere quod eis antea promisserat verbo, dicendo :
« Venite benedicti Patris mei, possidete paratum vobis regnum a constitutione mundi » 4 .
Et ideo poterimus dicere animabus quæ exient de cælo ad suspiciendam gloriam in corporibus in
die Iudicii : Quid existis videre Prophetam ? Etiam dico vobis, plusquam Prophetam, quia dabit vobis
gloriam, ponendo in opere quod vobis promisserat ore. Et sic est adimpleta prædicatio. Deo gratias.

1. Apoc 6 :9 2. Num 21 3. Ps 77 :2 4. Matth 25 :34

Sanctus Vincentius Ferrerius |4