Liturgi Kebaktin

PEMASU-MASUN PERJABUN

Kristian Sitepu
ras
Enny Suremi Br Ginting Munthe,
S.Pd

Jumat, 9 September 2016

Pkl. 15.00 WIB i GBKP Rg. DELITUA
Ielai :
Pdt. Neni Triana Br Sitepu, M.Div
A. PENGENDESEN

Orangtua : Man kam Runggun Gereja Delitua ras Pandita,

iendesken kami anak kami si KRISTIAN SITEPU ras
ENNY SUREMI BR GINTING MUNTHE enda guna
ngaloken pasu-pasu ibas Dibata nari, tek kami maka
kam ipake Dibata ibas dahin enda.

Rg. Gereja : Alu erpengarapen man Tuhan Yesus, meriah ukur kami
ndahiken dahin enda, maka mari kam anak kami duana
radu ras orangtua bagepe keluarga rikut ras perpulungen
bengket kubas Rumah Pertoton enda, gelah sibenaken
Kebaktin Pemasu-masun enda.

B. KATA PENARUH KUBAS KEBAKTIN (Isehken Runggun)

Mejuah-juah perpulungen ibas Kristus Tuhan, perban enggo ersada
arih Runggun Gereja ras keluarga SITEPU mergana bagepe keluarga
GINTING MUNTHE mergana, maka sendah pulung kita ibas Rumah
Pertoton enda lako mindo pemasu-masun man Tuhan Dibata
nandangi perjabun kekelengenta sidilaki ras sidiberu. Pengarapenta
maka arah Kebaktin pemasu-masun enda reh tangkasna banci
sigejapken keleng ate Tuhan simabai dingen ngarak-ngarak perjabun
si ipersadakenNa. Sipesikap dage ukurta sibengketi me Kebaktin
pemasu-masun enda.

Rende PEE No. 105 : 1, 2

1) Si puji Tuhan arah geluhta,
Si inget tetap ngaruhna banta
Ban k’leng ateNa, Nebusi kita,
Terkelin kita si tek man bana
2) Segedang g’luhta inget Dibata,
Bas k’rina paksa ngaraplah baNa
Tetap ukurta rembak ras Ia,
 Erban si ‘rguna ula erleja

C. KEBAKTIAN
1. Votum & Salam (Perp. Tedis)
Lit. : Kebaktin Pemasu-masun Perjabun KRISTIAN SITEPU ras
ENNY SUREMI BR GINTING MUNTHE enda ibenaken ibas
gelar Dibata Bapa sinjadiken manusia, ibas gelar Yesus
Kristus takal ni perpulungen ras ibas gelar Kesah si Badia
simpersadaken jabu kalak sierkiniteken.
Salam : Penampat man bandu reh ibas Yahwe nari singkawali
perjabun anak-anak Dibata dingen mereken kemalemen ate
ras kedamen ibas pengarak-ngarak Kesah Si Badia. Amin.
Perp. : A….min, A…..min, A……min
2. Introitus : “Jabu si ipanteki erpalasken kepentaren ras pengertin,
ije lit pemeteh, ije lit bilik-bilik kuh ras barang-barang
si meherga ras si mehuli”. (Kuan-kuanen 24 : 3 – 4)
3. Rende : PEE No. 52 : 1, 3
1. Ateku tedeh man baNdu o Tuhan
Malem me ateku jumpa si erkuasa
Aku megegeh di ras Kam o Tuhan
Sabab kam mekapen ulu sinasana
Reff. Kubegi KataNdu, kata tuhu-tuhu
Keke me ukurku nehken peratenNdu
2. IbreNdu pedah, kuakap pe megah
Tambah pengertin dat kiniulin
Tambah pemeteh, turut kapen gegeh
PemereNdu sampur ras kusehken bujur. Reff ….
4. Koor / Vg : 1. Kel. Munthe Mergana
2. Duet Keluarga Munthe Mergana
3. Solo Orangtua Pengantin Sitepu Mergana
5. Ngonge Kata Dibata : Efesus 5 : 21 – 33 (Responsoria)
Lit. : Patuhlah sekalak nandangi sidebanna, erkiteken kam
mehamat man Kristus.
Perp. : O Kam ndehara, patuhlah man perbulangenndu bagi patuh
man Tuhan.
 Lit. : Sabab perbulangen nge takal ndeharana, bali ras Kritus takal
perpulungen, janah Kristus nge si Engkelini perpulungen si
jadi kulaNa e.
Perp. : Erkiteken si e ndehara arus patuh kal man perbulangenna ibas
kai-kai pe, bali ras perpulungen patuh man Kristus.
Lit. : Kam perbulangen, kelengilah ndeharandu, bagi Kristus
engkelengi perpulungen, dingen ngendesken kesahNa guna
perpulungen.
Perp. : Kristus erbahan bage guna mpersembahken perpulungen e
man Dibata, alu kataNa, kenca ibersihkenNa e alu mbasuh alu
lau.
Lit. : Tole pe gelah iendeskenNa perpulungen e man DiriNa alu dem
kinijilen desken sekalak penganten e man DiriNa alu dem
kinijilen desken sekalak penganten diberu bersih dingen la
ersalah, la lit cungikna ntah ringutna, bage pe la lit si man
pandangen.
Perp. : Perbulangen arus engkelengi ndeharana bagi ia engkelengi
kulana. Kalak si engkelengi ndeharana, engkelengi dirina kap.
Lit. : Labo pernah lit kalak elem-elem nandangi kulana. Tapi
ipekena-kenanan dingen ikawalina kulana e bagi Kristus
mpekena-kena dingen engkawali perpulungen.
Perp. : Sabab kita me ringring kula Kristus.
Lit. : Bagi lit tersurat ibas Pustaka Si Badia, “Erkiteken si e, sekalak
dilaki nadingken nande bapana, jenari ersada ia ras ndeharana,
janah si dua e jadi sada kula me.
Perp. : Si enda ncidahken rahasia si mbelin kel ertina. Janah aku jine
ngidah, maka si enda nuduhken persadan Kristus ras
perpulungen.
Lit. : Tapi pe kerna kam : Tep-tep perbulangen arus engkelengi
dirina, janah tep-tep ndehara arus mehamat man
perbulangenna.
Ketuahen kalak si megiken kata Dibata dingen simakekenca
ibas geluhna si tep-tep wari. Haleluya.
Perp. : Haleluya….. Haleluya….. Haleluya……
6. Koor / Vg : 1. Solo Keluarga Sitepu Mergana (Karianta Br Tarigan)
2. Koor Moria Runggun Batu Lima P. Siantar
3. Koor Sektor Simirna P. Siantar
 7. Nehken Kata Dibata : a. Ertoto guna Khotbah
b. Khotbah
c. Ertoto kenca Khotbah
8. Koor / Vg : 1. Solo Kel. Munthe Mergana : Christin Br Munthe, SE
2. Koor Mamre Runggun P. Siantar
3. Solo Magdalena Br Barus
9. Pengakun Kiniteken : (Perp. Tedis)
10. Koor / VG : 1. Koor Moria Rg. Delitua (Perp. Kundul)
2. Koor Morimar
11. Nehken Persembahen Pengataken Bujur
a. Kata Dibata kerna persembahen
Dame si ibereken Kristus ibas pusuhNdu, emin singajari kam ibas
erbahen keputusen-keputusenndu. Sabab guna dame me kam ipilih
jadi sada kula. Emaka ngataken bujurlah.

b. Rende PEE No. 60 : 1 – 3

1) Ise kin kami enda o Bapa, maka kami ngasup mere bandu
Labo ban gegeh kami o Bapa, lako mere man bandu
Reff.. Kai pe silit ibas kami o, Bapa
E kap bekas pemereNdu man kami
Enda sada bagin Bapa, ipersembahken kami
2) Ngataken bujur kami man baNdu, arah persembahen kami enda
Aloken ras ipasu-pasuNdu, terpujilah gelarNdu Reff. ….
3) Nggejap belinna perkuah ateNdu, makana kami mere man bandu
Labo ban gegeh kami o Bapa, lako mere man bandu Reff.. ….
12. Koor / VG : 1. Vokal Group Moria Rg. Delitua
2. Vokal Group Permata Rg. Delitua
3. Vokal Group Mamre Rg. Delitua
13. Nehken Pemasu-masun (Penganten Tedis)
a. Pandita ngogeken liturgi pemasu-masun
b. Pengantin pegancih-gancih melasken padan
SIDILAKI :
Aku si KRISTIAN SITEPU muat kam si ENNY SUREMI BR
GINTING MUNTHE jadi ndeharangku. Janah aku erpadan tetap
ngaloken kam subuk ibas paksa susah entah pe senang, subuk ibas
paksa sakit entah pe sehat, subuk ibas paksa ceda ate bagepe
 meriah ukur. Aku erpadan njaga kebadian perjabunta she Dibata
nirangken kita alu kematen.

SIDIBERU :
Aku si ENNY SUREMI BR GINTING MUNTHE muat kam si KRISTIAN
SITEPU jadi perbulangenku. Janah aku erpadan tetap ngaloken kam
subuk ibas paksa susah entah pe senang, subuk ibas paksa sakit entah
pe sehat, subuk ibas paksa ceda ate bagepe meriah ukur. Aku erpadan
tetap njaga kebadian perjabunta seh Dibata nirangken kita alu
kematen.

Pandita :
Erjimpuh dage kam duana, jenari alokenlah pemasu-masun idur Dibata
nari: IPASU-PASU JANAH IKAWALI DIBATA KAM, SIANG AYO DIBATA
ERSINALSAL IBABONDU, JANAH MELIAS ATENA NGENEHEN KAM.
ITATAP DIBATA KU KAM JANAH MALEM ATENDU IBAHANNA.
Pengantin erjimpuh denga, rende KEE 124 : 1, 3
1) Ipasu-pasu Tuhan Dibatandu O kam si empo kam sitersereh
Bahanlah Tuhan Yesus man temuendu Lah sura-sura si mehuli seh
B’re Ia min si njujurken jabundu Gegeh ras ukur pe ras peraten
‘Lah kekelengen ibas kam pekepar La lesap pe seh nirang kematen
3) Meriah kel iakap orang tua, Adi anakna ngikut ajar e
E malem ukur si mesui lupa, Di la njuruken laku anak e
Senangna e di Tuhan si perkuah, Rembak kin rusur ras dahinNa e
Ipasu-pasu Tuhan daten tuah, Je malem-malem me ukurna e.

14. Acara Pengendesen Cincin :

Kata Dibata kerna tukar cincin : Epesus 3 : 16
Kupindoken man Dibata gelah ibas kinibayakenna si la ersibar nari
iberekenNa man bandu kuasa ras kesahNa guna mpegegehi pusuh ras
peratenndu janah Kristus ringan ibas pusuhndu erkiteken kam tek man
baNa.

15. Nehken Persembahen khusus kulebe :

Rende PEE No. 95 : 1 – 3
1) O, Tuhanku Kam me permakanku, emaka la kekurangen aku
Ku mbal-mbal meratah aku babaNdu, i pesenang-senangNdu geluhku
Reff. : Permakanku sinjayam geluhku
 Malem ateku senang tuhu
KelengNdu tetap maler man bangku
Kam me, Tuhanku permakanku
2) Itegundu kempak lau si maler, IbahanNdu ateku nggo malem
Emaka tedeh ate tendingkum Kempak keg’luhen si isikapkenNdu
Reff. ..
3) Amin aku bas kelbung si gelap, arapenku man Tuhan e tetap
Lanai mbiar ndalani geluh e, sabab Tuhan e temanku jine
Reff….
16. Pertoton Syafaat
17. Koor Moria se-GBKP
18. Rende : PEE No. 121 : 1 – 2 (Perp. Tedis)
1) Tuhan e tuhu melias perkuah, Ia rbanca kita mejuah-juah
Ia me si rbanca ukur meriah, Yesus e sinjadiken kita ‘rbuah
2) Yesus e teman nggeluh suari berngi,
KuasaNa labo kapen tersibari
BiakNa bali me kap nderbih genduari
Yesus e sinampati ras singkawali
19. Pertoton Tuhan
20. Pemasu-masun
Lit. : Dibata sumbul kemalemen ate, e lah sincukupi keperlunndu guna
ndalanken si sentudu ras peratenNa, janah Dibatalah erdahin ibas
kam arah Yesus Kristus gelah kam ngaloken kai singena ateNa. Man
Kristuslah kemuliaan seh rasa lalap. Amin.
Perp. : A…min A…..min A….min

D. ACARA ERGAMBAR RAS NEHKEN KATA

1) Runggun Gereja nehken Surat ras Pasu-pasu
2) Penganten ergambar ras Pendeta
3) Penganten ergambar ras Rg. Gereja
4) Penganten ergambar ras Kategorial (Pegancih)
5) Ngerana orangtua pekepar
6) Si salam-salamen
7) Ergambar ras sangkep nggeluh iaturken anah beru

GBKP Runggun Delitua ngataken :

Selamat Menempuh Hidup
Baru
 Demikianlah mereka
bukan lagi dua
melainkan satu karena
itu apa yang telah
dipersatukan Allah.
Tidak boleh diceraikan

Selamat Berbahagia
Pengataken Bujur
Isehken Kami mbue bujur man bandu ibas kerehenndu : Runggun Gereja ras
Pandita si enggo ngaturken Liturgi Pemasu-masun Perjabun, bagepe
Perpulungen, Sangkep Nggeluh, tole pe rombongen Koor, Vokal Group
si enggo nehken puji-pujin man Dibata. Mbera-mbera kerina si enggo
ibahan kita erbahan pujin ras kemuliaan gelar Tuhan.

Ertoto kami, maka Tuhan nehken pasu-pasuNa man banta kerina.