Liturgi Kebaktin

PEMASU-MASUN PERJABUN

Feri Yogie Pinem

ras
Diana Putri Br
Ginting Jawak

Kamis, 13 Oktober 2016

Pkl. 15. WIB i – GBKP Rg. Delitua Jl. Rela
00
 Ielai :
Pdt. Neni Triana Br Sitepu, M.Div

LITURGI KEBAKTIN PEMASU-MASUN

PERJABUN
Feri Yogie Pinem
Ras
Diana Putri Br Ginting Jawak
Kamis, 13 Oktober 2016 | Gereja GBKP Rg. Delitua

A. PENGENDESEN
Orangtua : Man kam Runggun Gereja Delitua ras Pandita, iendesken
kami anak kami si FERI YOGIE PINEM ras DIANA
PUTRI BR GINTING JAWAK enda guna ngaloken pasu-
pasu ibas Dibata nari, tek kami maka kam ipake Dibata ibas
dahin enda.

Rg. Gereja : Alu erpengarapen man Tuhan Yesus, meriah ukur kami
ndahiken dahin enda, maka mari kam anak kami duana
radu ras orangtua bagepe keluarga rikut ras perpulungen
bengket kubas Rumah Pertoton enda, gelah sibenaken
Kebaktin Pemasu-masun enda.

B. KATA PENARUH KUBAS KEBAKTIN (Isehken Runggun)

Mejuah-juah perpulungen ibas Kristus Tuhan, perban enggo ersada
arih Runggun Gereja ras keluarga PINEM mergana bagepe keluarga
GINTING JAWAK mergana, maka sendah pulung kita ibas Rumah
Pertoton enda lako mindo pemasu-masun man Tuhan Dibata
nandangi perjabun kekelengenta sidilaki ras sidiberu. Pengarapenta
maka arah Kebaktin pemasu-masun enda reh tangkasna banci
sigejapken keleng ate Tuhan simabai dingen ngarak-ngarak perjabun
si ipersadakenNa. Sipesikap dage ukurta sibengketi me Kebaktin
pemasu-masun enda.
 Rende PEE No. 105 : 1, 2
1) Si puji Tuhan arah geluhta,
Si inget tetap ngaruhna banta
Ban k’leng ateNa, Nebusi kita,
Terkelin kita si tek man bana
2) Segedang g’luhta inget Dibata
Bas k’rina paksa ngarapla baNa
Tetap ukurta rembak ras Ia
Erban si ‘rguna la erleja

C. KEBAKTIAN
1. Votum & Salam (Perp. Tedis)
Lit. : Kebaktin Pemasu-masun Perjabun FERI YOGIE PINEM ras
DIANA PUTRI BR GINTING JAWAK enda ibenaken ibas
gelar Dibata Bapa sinjadiken manusia, ibas gelar Yesus Kristus
takal ni perpulungen ras ibas gelar Kesah si Badia simpersadaken
jabu kalak sierkiniteken.
Salam : Penampat man bandu reh ibas Yahwe nari singkawali perjabun
anak-anak Dibata dingen mereken kemalemen ate ras kedamen
ibas pengarak-ngarak Kesah Si Badia. Amin.
Perp. : A….min, A…..min, A……min
2. Introitus : “Jabu si ipanteki erpalasken kepentaren ras pengertin, ije
lit pemeteh, ije lit bilik-bilik kuh ras barang-barang si
meherga ras mehuli”. (Kuan-kuanen 24 : 3 – 4)
3. Rende : PEE No. 52 : 1, 3
1. Ateku tedeh man baNdu o Tuhan
Malem me ateku jumpa si erkuasa
Aku megegeh di ras Kam o Tuhan
Sabab kam mekapen ulu sinasana
Reff. Kubegi KataNdu, kata tuhu-tuhu
Keke me ukurku nehken peratenNdu
2. IbreNdu pedah, kuakap pe megah
Tambah pengertin dat kiniulin
Tambah pemeteh, turut kapen gegeh
PemereNdu sampur ras kusehken bujur. Reff ….
4. Koor / VG : 1. Koor Keluarga Ginting (Perp. Kundul)
2. Solo : Bahagia Ginting
3. Koor Keluarga Pinem

5. Ngonge Kata Dibata : Efesus 5 : 21 – 33 (Responsoria)

Lit. : Patuhlah sekalak nandangi sidebanna, erkiteken kam mehamat
man Kristus.
Perp. : O Kam ndehara, patuhlah man perbulangenndu bagi patuh
man Tuhan.
Lit. : Sabab perbulangen nge takal ndeharana, bali ras Kritus takal
perpulungen, janah Kristus nge si Engkelini perpulungen si
jadi kulaNa e.
Perp. : Erkiteken si e ndehara arus patuh kal man perbulangenna ibas
kai-kai pe, bali ras perpulungen patuh man Kristus.
Lit. : Kam perbulangen, kelengilah ndeharandu, bagi Kristus
engkelengi perpulungen, dingen ngendesken kesahNa guna
perpulungen.
Perp. : Kristus erbahan bage guna mpersembahken perpulungen e
man Dibata, alu kataNa, kenca ibersihkenNa e alu mbasuh alu
lau.
Lit. : Tole pe gelah iendeskenNa perpulungen e man DiriNa alu dem
kinijilen desken sekalak penganten e man DiriNa alu dem
kinijilen desken sekalak penganten diberu bersih dingen la
ersalah, la lit cungikna ntah ringutna, bage pe la lit si man
pandangen.
Perp. : Perbulangen arus engkelengi ndeharana bagi ia engkelengi
kulana. Kalak si engkelengi ndeharana, engkelengi dirina kap.
Lit. : Labo pernah lit kalak elem-elem nandangi kulana. Tapi
ipekena-kenana dingen ikawalina kulana e bagi Kristus
mpekena-kena dingen engkawali perpulungen.
Perp. : Sabab kita me ringring kula Kristus.
Lit. : Bagi lit tersurat ibas Pustaka Si Badia, “Erkiteken si e, sekalak
dilaki nadingken nande bapana, jenari ersada ia ras ndeharana,
janah si dua e jadi sada kula me.
Perp. : Si enda ncidahken rahasia si mbelin kel ertina. Janah aku jine
ngidah, maka si enda nuduhken persadan Kristus ras
perpulungen.
Lit. : Tapi pe kerna kam : Tep-tep perbulangen arus engkelengi
dirina, janah tep-tep ndehara arus mehamat man
perbulangenna.
Ketuahen kalak si megiken kata Dibata dingen simakekenca
ibas geluhna si tep-tep wari. Haleluya.
Perp. : Haleluya….. Haleluya….. Haleluya……
 6. Koor / VG : 1. Koor : PJJ Sektor 4
2. VG. Keluarga Pinem
3. Koor : Keluarga Pinem

7. Nehken Kata Dibata : a. Ertoto guna Khotbah

b. Khotbah
c. Ertoto kenca Khotbah
8. Pengakun Kiniteken : (Perp. Tedis)
9. Koor / VG : 1. Koor Moria GBKP Rg. Kuta Buluh
2. Koor Morimar GBKP Rg. Delitua
10. Nehken Persembahen Pengataken Bujur
a. Kata Dibata kerna persembahen
Dame si ibereken Kristus ibas pusuhNdu, emin singajari kam ibas
erbahen keputusen-keputusenndu. Sabab guna dame me kam ipilih jadi
sada kula. Emaka ngataken bujurlah.
b. Rende PEE No. 60 : 1 – 3
1) Ise kin kami enda o Bapa, maka kami ngasup mere bandu
Labo ban gegeh kami o Bapa, lako mere man bandu
Reff.. Kai pe silit ibas kami o, Bapa
E kap bekas pemereNdu man kami
Enda sada bagin Bapa, ipersembahken kami
2) Ngataken bujur kami man baNdu, arah persembahen kami enda
Aloken ras ipasu-pasuNdu, terpujilah gelarNdu Reff.. ….
3) Nggejap belinna perkuah ateNdu, makana kami mere man bandu
Labo ban gegeh kami o Bapa, lako mere man bandu Reff.. ….
11. Koor / VG : 1. Koor Moria GBKP Rg. Delitua
2. Koor Mamre GBKP Rg. Delitua
3. Vokal Grup Permata Efrata GBKP Rg. Delitua
12. Nehken Pemasu-masun (Penganten Tedis)
a. Pandita ngogeken liturgi pemasu-masun
b. Pengantin pegancih-gancih melasken padan
SIDILAKI :
Aku si FERI YOGIE PINEM muat kam si DIANA PUTRI BR
GINTING JAWAK jadi ndeharangku. Janah aku erpadan tetap
 ngaloken kam subuk ibas paksa susah entah pe senang, subuk ibas
paksa sakit entah pe sehat, subuk ibas paksa ceda ate bagepe
meriah ukur. Aku erpadan njaga kebadian perjabunta seh Dibata
nirangken kita alu kematen.
SIDIBERU :
Aku si DIANA PUTRI BR GINTING JAWAK muat kam si FERI
YOGIE PINEM jadi perbulangenku. Janah aku erpadan tetap
ngaloken kam subuk ibas paksa susah entah pe senang, subuk ibas
paksa sakit entah pe sehat, subuk ibas paksa ceda ate bagepe meriah
ukur. Aku erpadan tetap njaga kebadian perjabunta seh Dibata
nirangken kita alu kematen.

Pandita :
Erjimpuh dage kam duana, jenari alokenlah pemasu-masun idur Dibata
nari: IPASU-PASU JANAH IKAWALI DIBATA KAM, SIANG AYO
DIBATA ERSINALSAL IBABONDU, JANAH MELIAS ATENA
NGENEHEN KAM. ITATAP DIBATA KU KAM JANAH MALEM
ATENDU IBAHANNA.
Pengantin erjimpuh denga, rende KEE 124 : 1, 3
1) Ipasu-pasu Tuhan Dibatandu
O kam si empo kam sitersereh
Bahanlah Tuhan Yesus man temuendu
Lah sura-sura si mehuli seh
B’re Ia min si njujurken jabundu
Gegeh ras ukur pe ras peraten
‘Lah kekelengen ibas kam pekepar
La lesap pe seh nirang kematen
3) Meriah kel iakap orang tua,
Adi anakna ngikut ajar e
E malem ukur si mesui lupa,
Di la njuruken laku anak e
Senangna e di Tuhan si perkuah,
Rembak kin rusur ras dahinNa e
Ipasu-pasu Tuhan daten tuah,
Je malem-malem me ukurna e.
Ertoto
Acara Tukar Cincin
 13. Nehken Persembahen khusus kulebe : (Rende PEE No. 95 : 1 – 3)
1) O, Tuhanku Kam me permakanku,
Emaka la kekurangen aku
Ku mbal-mbal meratah aku babaNdu
I pesenang-senangNdu geluhku
Reff. : Permakanku sinjayam geluhku
Malem ateku senang tuhu
KelengNdu tetap maler man bangku
Kam me, Tuhanku permakanku
2) Itegundu kempak lau si maler
IbahanNdu ateku nggo malem
Emaka tedeh ate tendingku
Kempak keg’luhen si isikapkenNdu Reff. ..
3) Amin aku bas kelbung si gelap
Arapenku man Tuhan e tetap
Lanai mbiar ndalani geluh e
Sabab Tuhan e temanku jine Reff….
14. Pertoton Syafaat
15. Koor Moria se-GBKP
16. Rende : PEE No. 121 : 1 – 2 (Perp. Tedis)
1) Tuhan e tuhu melias perkuah, 2) Yesus e teman nggeluh suari berngi
Ia rbanca kita mejuah-juah KuasaNa labo kapen tersibari
Ia me si rbanca ukur meriah, BiakNa bali me kap nderbih genduari
Yesus e sinjadiken kita ‘rbuah Yesus e sinampati ras singkawali
17. Pertoton Tuhan
18. Pemasu-masun
Lit. : Dibata sumbul kemalemen ate, e lah sincukupi keperlunndu guna
ndalanken si sentudu ras peratenNa, janah Dibatalah erdahin ibas kam
arah Yesus Kristus gelah kam ngaloken kai singena ateNa. Man
Kristuslah kemuliaan seh rasa lalap. Amin.
Perp. : A…min A…..min A….min
D. ACARA ERGAMBAR RAS NEHKEN KATA
1) Runggun Gereja nehken Surat ras Pasu-pasu
2) Penganten ergambar ras Pendeta
3) Penganten ergambar ras Rg. Gereja
4) Penganten Ergambar ras Kategorial (Pegancih)
5) Ngerana orangtua pekepar
6) Si salam-salamen
7) Ergambar ras sangkep nggeluh iaturken anak beru

GBKP Runggun Delitua

Mengucapkan :
Selamat Menempuh Hidup
Baru

Pengataken Bujur
 Isehken Kami mbue bujur man bandu ibas kerehenndu :
Runggun Gereja ras Pandita si enggo ngaturken Liturgi Pemasu-
masun Perjabun, bagepe Perpulungen, Sangkep Nggeluh.
Tole pe rombongen Koor, Vokal Group si enggo nehken
puji-pujin man Dibata. Mbera-mbera kerina si enggo ibahan kita
erbahan pujin ras kemuliaan gelar Tuhan. Ertoto kami, maka
Tuhan nehken pasu-pasuNa man banta kerina.