LITURGI KEBAKTIAN

PEMASU-MASUN PERJABUN
Vid Ryo Lakanda Sinuhaji, A.Md
Ras

Desy Emenina Br Ginting Munthe

Kamis, 9 Februari 2017

Pukul : 15.00 WIB i GBKP Rg. Delitua
Ielai :
Pdt. Neni Triana Br Sitepu, M.Div
 LITURGI KEBAKTIN PEMASU-MASUN PERJABUN

Vid Ryo Lakanda Sinuhaji, A.Md
Desy Emenina Br Ginting Munthe

Kamis, 9 Februari 2017 – GBKP Rg. Delitua, Jl. Rela
PENGENDESEN

Orangtua : Man kam Runggun Gereja GBKP Delitua ras Pandita,

iendesken kami anak kami si VID RYO LAKANDA SINUHAJI
ras DESY EMENINA BR GINTING MUNTHE enda guna
ngaloken pasu-pasu idur Dibata nari, tek kami maka kam
ipake Dibata ibas dahin enda.

Rg. Gereja : Alu erpengarapen man Tuhan Jesus, meriah ukur kami
ndahiken dahin enda, e maka mari kam anak kami VID RYO
LAKANDA SINUHAJI ras DESY EMENINA BR GINTING
MUNTHE radu ras orangtua bagepe keluarga rikut ras
perpulungen bengket kubas Rumah Pertoton enda, gelah
sibenaken Kebaktin Pemasu-masun enda.

KATA PENARUH KUBAS KEBAKTIN (Isehken Runggun)

Mejuah-juah man perpulungen ibas Kristus Tuhan, perban enggo ersada
arih Runggun Gereja ras keluarga SINUHAJI mergana bagepe keluarga
GINTING MUNTHE mergana, maka sendah pulung kita ibas Rumah
Pertoton enda lako mindo pemasu-masun man Tuhan Dibata nandangi
perjabun kekelengenta sidilaki ras sidiberu. Pengarapenta maka arah
Kebaktin pemasu-masun enda reh tangkasna banci sigejapken keleng ate
Tuhan simabai dingen ngarak-ngarak perjabun si ipersadakenNa. Sipesikap
dage ukurta sibengketi me Kebaktin pemasu-masun enda.

Rende KEE No 205:1-2 (Perp.Tedis)

1) Rehlah min o Tuhan, sikap kami k’rina
Ersembah man baNdu jenda.
 Nusurlah min Tuhan,bahan sikap krina. Ukur kami pe badia.
O Bapa b’re gelah daten pasu-pasu kami k’rina enda.
2) Tuhan Dibatanta lit bas rumah enda
Nembah kita k’rina baNa
Alu kehamaten mungkuklah man baNa,
Kula, tendi pe kerina Aloken kataNa ras pasu-pasuNa usekenNa banta.

KEBAKTIAN
1. Votum & Salam (Perp. Tedis)
Votum : Kebaktin Pemasu-masun Perjabun enda ibenaken ibas gelar
Dibata Bapa sinjadiken manusia, ibas gelar Yesus Kristus takal
ni perpulungen ras ibas gelar Kesah si Badia simpersadaken
jabu kalak sierkiniteken.
Salam : Penampat man bandu reh ibas Yahwe nari sinepa langit ras
doni, siengkawali perberkat ras permulihndu genduari nari
seh rasa lalap. Amin.
Perp. : A….min, A…..min, A……min
2. Introitus : Ruratlah kam i bas Ia, geluhkenlah geluhndu ibas Ia, janah reh
gegehnalah min kinitekenndu bagi si niajarken man bandu.
Rusurlah ngataken bujur (Kolose 2:7).
3. Rende : PEE 113 : 1-3 (Perp. Tedis)
1) Tuhan itengah-tengahta, m’reken pasu-pasuNa
Maler desken lau si mbelin, lanai lit si terulin
Refrein: Usekenlah min kesahNdu, temani geluh kami
Gegeh kami p’limbarui, k’rina jadi mehuli
2) Tuhan itengah-tengahta, reh riahna ukurta
Reh tenengna pertendinta, reh damena pusuhta
Refrein : Useken…
3) Reh tetapna me ukurta, nehken sura-suraNa
Di ernalem la kap lupa, ermulia Tuhanta
Refrein : Useken…. (Perp. Kundul)
4. Koor / VG : a. Kel. Ginting Munthe dan Sinuhaji b. Moria Rg.
Delitua
5. Ngoge Kata Dibata : Pilipi 4:10-13 (Responsoria)
Lit. : Mbelin kal keriahen si kugejapken ibas geluhku erkiteken
persadanku ras Tuhan. Kenca bage dekahna, lit ka kesempatenndu
sekali nari encidahken maka iperdiatekenndu kap aku.
 Perp. : Labo maksudku maka lanai aku iperdiatekenndu, saja lanai kin
lit kesempatenndu encidahkenca. Janah sienda kukataken labo
erkiteken kugejap maka aku lanai iperdiatekenndu, sebab aku
enggo erlajar encukupken alu kai si lit ibas aku.
Lit. : Kueteh nge kai ertina nggeluh ibas kekurangen, janah kai
ertina nggeluh ibas kelebihen. Enggo dat aku rahasiana, seh
maka ija gia entah katawari gia, malem ateku subuk paksa aku
besur bagepe paksa melehe, subuk paksa aku kelebihen,
bagepe paksa kekurangen.
Penganten : Ngasup aku ngalaken kerina keadan erkiteken kuasa si ibereken
Kristus man bangku.
Lit. : Ketuahen kalak si megiken kata Dibata dingen simakekenca ibas
geluhna si tep-tep wari. Haleluya.
Perp. : Haleluya….. Haleluya….. Haleluya……
6. Koor / VG : a. PJJ Betel Berastagi Kota
b. Guru SMP Masehi Berastagi Kota
7. Khotbah : a. Ertoto guna Khotbah
b. Khotbah
c. Ertoto kenca Khotbah
8. Pengakun Kiniteken : (Perp. Tedis)
9. Koor / VG : a. Guru KAKR Rg. Berastagi Kota
b. Mamre Rg. Delitua
10. Nehken Persembahen Pengataken Bujur
a. Kata Dibata kerna persembahen
Dame si ibereken Kristus ibas pusuhNdu, e min singajari kam ibas
erbahen keputusen-keputusenndu. Sabab guna dame me kam ipilih
jadi sada kula. Emaka ngataken bujurlah.
b. Rende PEE No. 103 : 1 – 3
1) Simpar tuhu pemerenNdu JujurkenNdu kap man bangku
Ermengkah kal me ukurku La ku lupa lias atendu
Reff :AlokenNdu o Tuhanku Persembahen anakNdu
Usekenlah pasu-pasu peteguhi perpulungenNdu
2) Benih si isuan kami E pe kap i bas Kam nari
KuasaNdu mahanca turah KuasaNdu mahanca erbuah Reff:
3) BreNdu kami kepentaran G’lah nirangken kepapaken
 Ajar kami kebujuren Maka pinter ka perukuren Reff..
c. Pertoton Persembahen

11. Koor / VG : a. Pertua Diaken Rg. Berastagi Kota

b. Morimar GBKP Rg. Delitua
12.Nehken Pemasu-masun (Penganten Tedis)
a. Pandita ngogeken liturgi pemasu-masun
b. Pengantin pegancih-gancih melasken padan
SIDILAKI :
Aku si VID RYO LAKANDA SINUHAJI muat kam si DESY EMENINA
BR GINTING MUNTHE jadi ndeharangku. Janah aku erpadan tetap
ngaloken kam subuk ibas paksa susah entah pe senang, subuk ibas
paksa sakit entah pe sehat, subuk ibas paksa ceda ate bagepe
meriah ukur. Aku erpadan njaga kebadian perjabunta seh Dibata
nirangken kita alu kematen.
SIDIBERU :
Aku si DESY EMENINA BR GINTING MUNTHE muat kam si VID
RYO LAKANDA SINUHAJI jadi perbulangenku. Janah aku erpadan
tetap ngaloken kam subuk ibas paksa susah entah pe senang, subuk
ibas paksa sakit entah pe sehat, subuk ibas paksa ceda ate bagepe
meriah ukur. Aku erpadan tetap njaga kebadian perjabunta seh
Dibata nirangken kita alu kematen.
c. Rende KEE No. 124 : 1,2
1) Ipasu-pasu Tuhan Dibatandu
O kam si empo kam sitersereh.
Bahanlah Tuhan Yesus man temuendu,
Lah sura-sura simehuli seh
B’re Ia min sinjujurken jabundu,
Gegeh ras ukur pe ras peraten.
Lah kekelengen ibas kam pekepar,
La lesap pe seh nirang kematen.
2) Senang me kap sierjabu sada arih
Pehaga Tuhan peratenna ras.
Mehuli kel’di ise pe la dalih,
Berkat ku Minggu lah ertoto ras.
 ‘Di kebiaken gegel banci salih
‘Di pengerana reh hamatna pe.
Bas kehamaten labo ‘rlatih-latih,
ipasu-pasu Tuhan me kepe.
d. Ertoto (kenca ertoto penganten i tegu Pandita tedis)
e. Acara Pengendesen Cincin :
Kata Dibata kerna tukar cincin:
Kupindoken man Dibata gelah ibas kinibayakenNa sila ersibar nari
iberekenNa man bandu kuasa arah kesahNa guna mpegegehi pusuh
peratenndu janah Kristus ringan ibas pusuhndu erkiteken kam tek
man baNa. Ertoto aku gelah kam rurat dingen erpalas ibas keleng
ate (Efesus 3:16-17).

13. Koor / VG : a. Permata GBKP Rg. PKS

b. Permata GBKP Rg. Delitua

14. Nehken Persembahen khusus kulebe :

Rende KEE 181 : 1 – 3
1. Segedang-gedang geluhku, itemani Penebus
Labo kai pe lit si kurang, adi tanNdu negu t’rus
Dame surga lit bas aku, iusekenNa bangku
Kegeluhen jadi senang, kai pe la lit si kurang
Kegeluhen jadi senang, kai pe la lit si kurang
2. Segedang-gedang geluhku, kubentasi k’rina e
‘Di si mberat reh man bangku, Ia penahangisa
Labo pediatNa ndabuh, minter kal Iangkatna
Lalap ijagaina aku, iban keleng ateNa
Lalap ijagaina aku, iban keleng ateNa
3. Segedang-gedang geluhku, Ia si nemanisa
Labo lit kebiarenku, ban mbelin kuasaNa
Talu me k’rina musuhku, Ia si ngkawalisa
Keriahen lit bas aku Ia si merekenca
Keriahen lit bas aku Ia si merekenca
15.Pertoton Syafaat

16.Koor / VG : a. Moria GBKP Rg. PKS

b. Koor Moria se-GBKP

17.Rende : KEE 273 : 1 – 3 (Perp. Tedis)

1) Ingetlah min gelar Yesus susah ntah senang gia
Ia mekap penampatndu Kuja pe perlawesndu
Reff. Mehaga gelarNa, Pengarapenta k’rina
Mehaga gelarNa, ermulia gelarNa
2) Pake tetap min pedahNa, e me kap sejantanta
Kune reh percuban nderpa, tentu la kita mampa
Reff. Mehaga gelarNa, Pengarapenta k’rina
Mehaga gelarNa, ermulia gelarNa
3) Bage me kap kelengNdu bangku, Kam ingeten pusuhku
E maka tetap ukurku, pemuliaken gelarNdu
Reff. Mehaga gelarNa, Pengarapenta k’rina
Mehaga gelarNa, ermulia gelarNa
18. Pertoton Tuhan
19. Pemasu-masun
Lit. : Mulihlah alu dame ras mejuah-jauh, aloken pasu-pasu idur Dibata
nari: Dibata sumbul kemalemen ate, e lah sincukupi keperlunndu
guna ndalanken si sentudu ras peratenNa, janah Dibatalah erdahin
ibas kam arah Yesus Kristus gelah kam ngaloken kai singena ateNa.
Man Kristuslah kemuliaan seh rasa lalap. Amin.
Perp. : A…min A…..min A….min
ACARA ERGAMBAR RAS NEHKEN KATA
1. Runggun Gereja nehken Surat Pasu-pasu
2. Penganten ergambar ras Pandita
3. Penganten ergambar ras Pdt/Pt/Dk/Emeritus
4. Penganten Ergambar ras Kategorial (Mamre, Moria,Permata, KAKR)
5. Ngerana orangtua pekepar
6. Sisalam-salamen
7. Acara ergambar iaturken anak beru pekepar
 MAJELIS GBKP RUNGGUN DELITUA RAS
KERINA JEMAAT MENGUCAPKAN

Selamat Menempuh Hidup

Baru

PENGATAKEN BUJUR
Isehken Kami mbue bujur man bandu ibas kerehenndu :
Runggun Gereja ras Pandita si enggo ngaturken Liturgi Pemasu-masun Perjabun,
bagepe Perpulungen, Sangkep Nggeluh bage pe rombongen Koor, Vokal Group
si enggo nehken puji-pujin man Dibata. Arah kerina si enggo ibahan
kita jadi tama pujin man kemuliaan gelar Tuhan. Ertoto kami,
maka Tuhan mereken pasu-pasuNa
man banta kerina.