Liturgi Kebaktin Pemasu-

masun
Moses Ritz Owen
Tarigan, SH
ras
Misalina Br Bukit, SH,
MH
GBKP Jl. Rela Delitua, Jumat 15 Oktober 2016

PERSIKAPEN

1. Orangtua pengantin pekepar naruhken

pangantin ku lebe-lebe pintun gereja, janah
Runggun Gereja GBKP Delitua sikap ngalo-
ngalosa i je.
Orangtua : Man kam Runggun Gereja Delitua ras
Pandita, iendesken kami anak kami si
MOSES RITZ OWEN TARIGAN ras
MISALINA BR BUKIT enda guna
ngaloken pasu-pasu ibas Dibata nari, tek
kami maka kam ipake Dibata ibas dahin
enda.

Rg. Gereja : Alu erpengarapen man Tuhan Yesus, meriah

ukur kami ndahiken dahin enda, maka mari
kam anak kami duana radu ras orangtua
bagepe keluarga rikut ras perpulungen
bengket kubas Rumah Pertoton enda, gelah
sibenaken Kebaktin Pemasu-masun enda.

2. Pengantin bengket ku bas Ingan Kebaktian

(Iiringi Song Leader)
3. Rende KEE No. 205 : 1, 3 (ibabai Pt./Dk.) (Perp.
Tedis)
1.Rehlah min o Tuhan, sikap kami k’rina. Ersembah man
baNdu jenda.
Nusurlah min Tuhan, bahan sikap k’rina, Ukur kami
pebadia.
O, Bapa, b’re gelah daten pasu-pasu, Kami k’rina enda.
3.Tuhan Dibatanta Badia kap Ia. Surga pe muji gelarNa
Malekat pe rende Tuhan e Badia,
1 Dibata si telu sada.
Dengkehken KataNa, ikut rende k’rina, Pehaga gelarNa.

K E B A K T I AN
1. Votum/Salam :
Lit : Kebaktin pemasu-masun perjabun enda
ibenaken i bas gelar Dibata Bapa si njadiken
manusia, i bas gelar Jesus Kristus Takal
perpulungen, ras i bas gelar Kesah si Badia si
mpersadaken jabu kalak si erkiniteken.
Perkuah ate ras dame i bas Dibata Bapa ras i
bas Tuhan Jesus Kristus nari, i bas kerembaken
Kesah si Badia, ras kam kerina gelah. Amin.
Perp: A...min A...min A............min
2. Introitus : Enda me pedahKu,
‘Sikeleng-kelengen min kam bagi Aku
ngkelengi kam’ (Johanes 15 : 12)

3. Rende : KEE No. 192 : 1-3

Perp : Meriah kita ras k’rina, sipuji
Dibatanta
Perban lias ateNa isehkenNa man banta pe
Nggo pulung kita k’rina pe
I bas ingan enda, ibas ingan enda
Diberu : Dage pegegehi bantalah, muji Tuhan
perkuah
 I bas keleng ateNa nge, seh banta keriahen
e
Gunduari subuk ras pagin
Tuhu meriah min, tuhu meriah min
Dilaki : Dage lah ula lupa min, pehaga Dibatanta
Alu perbahanenta kin, kelengilah pe temanta
I bas kegeluhenta e, i babo doni e, i babo
doni e.
4. VG / Koor : Kel. Bukit / Pelawi Mergana (Perp.
Kundul)
Koor PJJ Sektor VI GBKP Rg. Delitua
Kel. Tarigan Mergana
5. Ngoge Kata Dibata (Responsoria) Epesus 5:19-
20
(Perp. Tedis)
Lit. : Patuhlah sekalak nandangi sidebanna,
erkiteken kam mehamat man Kristus.
Perp. : O Kam ndehara, patuhlah man
perbulangenndu bagi patuh man Tuhan.
Lit. : Sabab perbulangen nge takal ndeharana, bali
ras Kritus takal perpulungen, janah Kristus
nge si Engkelini perpulungen si jadi kulaNa e.
Perp. : Erkiteken si e ndehara arus patuh kal man
perbulangenna ibas kai-kai pe, bali ras
perpulungen patuh man Kristus.
Lit. : Kam perbulangen, kelengilah ndeharandu,
bagi Kristus engkelengi perpulungen, dingen
ngendesken kesahNa guna perpulungen.
Perp. : Kristus erbahan bage guna mpersembahken
perpulungen e man Dibata, alu kataNa,
kenca ibersihkenNa e alu mbasuh alu lau.
Lit. : Tole pe gelah iendeskenNa perpulungen e
man DiriNa alu dem kinijilen desken sekalak
penganten e man diberu bersih dingen la
 ersalah, la lit cungikna ntah ringutna, bage
pe la lit si man pandangen.
Perp. : Perbulangen arus engkelengi ndeharana bagi
ia engkelengi kulana. Kalak si engkelengi
ndeharana, engkelengi dirina kap.
Lit. : Labo pernah lit kalak elem-elem nandangi
kulana. Tapi ipekena-kenana dingen ikawalina
kulana e bagi Kristus mpekena-kena dingen
engkawali perpulungen.
Perp. : Sabab kita me ringring kula Kristus.
Lit. : Bagi lit tersurat ibas Pustaka Si Badia,
“Erkiteken si e, sekalak dilaki nadingken
nande bapana, jenari ersada ia ras
ndeharana, janah si dua e jadi sada kula
me.
Perp. : Si enda ncidahken rahasia si mbelin kel
ertina. Janah aku jine ngidah, maka si enda
nuduhken persadan Kristus ras perpulungen.
Lit. : Tapi pe kerna kam : Tep-tep perbulangen arus
engkelengi dirina, janah tep-tep ndehara arus
mehamat man perbulangenna.
Ketuahen kalak si megiken kata Dibata
dingen simakekenca ibas geluhna si tep-tep
wari. Haleluya.
Perp. : Haleluya….. Haleluya….. Haleluya……
(Perp. Kundul)
6. VG / Koor : VG. Keluarga
Kaban
Solo Permata GBKP Rg. Delitua (Dan
Samura)
Koor Moria GBKP Rg. Delitua
7. Khotbah
8. Pengakun Kiniteken
(Perp. Tedis)
9. VG / Koor : Solo Permata Psr.
II Titi Rante
Permata GBKP Rg. Delitua
VG. Permata Psr. II Titi Rante
10. Persembahen :
Lit : Genduari ibereken kesempaten man banta
ersikap guna ngendesken persembahen
pengataken bujurta man Dibata. I bas kita
ersikap ngendesken persembahen e, ikataken
Dibata man banta i bas 2 Kor 9:6-7:
“Ukurkenlah: si merdang medipan, perani pe
medipan. Si merdang melumbar, perani
simpar. Sekalak-sekalak ibahanna bagi arusna
me; ola alu ate morah, tah terpaksa, sabab
kalak si mereken alu ate meriah ikelengi
Dibata kap.”
Tupung sisehken persembahen pengataken
bujurta man Dibata, ras kita rende: SEE 233

1. Si pepulung me persembahenta
Si endesken dage man Dibata
Tanda meriah ukur, ban pasu-pasuNa
Si simpar brena man banta
Ref Asa si nggo isikapken, Asa singgo
itotoken
Em pengataken bujurta, kempak
Dibata

2. Tuhu simpar pemere Dibata, man perjuma ras si

erbinaga
Krina si erdahin, si ngarap man baNa
Ituahi pasu-pasuNa Ref...
 3. Pengataken bujur man Dibata,
enda mbelin kal tuhu gunana
jadiken geluhta, kula ras tendinta
Persembahenta si nggeluh. Ref...
Pertoton kerna persembahen.
11. VG / Koor : Duet Agnes /
Dani Br Ginting (bebere Pelawi)
Koor Morimar GBKP Rg. Delitua
Koor Mamre GBKP Rg. Delitua
12. Nehken pemasu-masun man si erjabu.
a. Ngogeken Liturgi Pemasu-masun
b. Padan si ipasu-pasu:
Si dilaki : Aku si MOSES RITZ OWEN TARIGAN
muat kam si MISALINA BR BUKIT jadi
ndeharangku. Janah aku erpadan tetap
ngaloken kam subuk i bas paksa senang,
ntah pe susah, subuk i bas paksa sehat,
ntahpe sakit, subuk i bas paksa meriah
ukur bage pe ceda ate. Aku erpadan njaga
kebadian perjabunta seh Dibata nirangken
kita salu kematen
Si diberu : Aku si MISALINA BR BUKIT muat
kam si MOSES RITZ OWEN TARIGAN
jadi perbulangenku. Janah aku erpadan
tetap ngaloken kam subuk i bas paksa
senang, ntah pe susah, subuk i bas paksa
sehat, ntah pe sakit, subuk i bas paksa
meriah ukur bagepe ceda ate. Aku
erpadan njaga kebadian perjabunta seh
Dibta nirangken kita salu kematen.
c. Pemasu-masun:
Lit : IPASU-PASU JANAH IKAWALI DIBATA KAM,
SIANG AYO DIBATA ERSINALSAL I BABONDU,
JANAH MELIAS ATENA NGENEHEN KAM.
 ITATAP DIBATA KU KAM, JANAH MALEM
ATENDU IBAHANNA. AMIN

d. Rende : KEE No. 124 : 1-2

1. Ipasu-pasu Tuhan Dibatandu,
O kam si empo kam si tersereh
Bahanlah Tuhan Jesus man temuendu,
lah sura-sura si mehuli seh
Bre Ia min si njujurken jabundu
gegeh ras ukur pe ras peraten
Lah kekelengen i bas kam pekepar,
la lesap pe seh nirang kematen
2. Senang me kap si ‘rjabu sada arih,
pehaga Tuhan peratenna ras
Mehuli kal di ise pe la dalih,
berkat ku Minggu lah ertoto ras
Di kebiaken gelgel banci salih,
‘Di pengerana reh hamatna pe
Bas kehamaten labo ‘rlatih-latih,
Ipasu-pasu Tuhan kepe
e. Ertoto
f. Tukar Cincin
g. Nehken Persembahen ku lebe : Rende KEE
No. 181 : 1 -2
1. Segedang-gedang geluhku, itemani
penebus
Labo kai pe lit si kurang, adi tanNa negu
t’rus
Dame surga lit bas aku, iusekenNa bangku
Kegeluhen jadi senang, kai pe la lit si
kurang…2 x
2. Segedang-gedang geluhku, kubentasi k’rina
e
 ‘Di si mberat reh man bangku, Ia
penahangisa
Labo pediatna ndabuh, minter kal iangkatNa
Lalap ijagaina aku, iban keleng ateNa …2 x
13. Duet Pengantin
14. Doa Syafaat
15. VG / Koor : VG. IMKA USU
Koor Moria GBKP Rg. Psr. II Titi Rante
Koor Moria se-GBKP
16. Rende : SEE No. 232:1-3 (Perpulungen
Tedis)
1. Lit Paksana merdang, lit ka paksa peranin
Lit paksana ngadi, lit ka paksa erdahin
Kerina erpaksa-paksa, nggeluh ibabo doni
Tapi katawari gia, Tuhan saja sipuji
2. Amin gia kita paksa senang tah suin
Ula min erleka, kempak Yesuslah madin
Marilah si puji Tuhan je me ingan pengadin
Adi sirang ras Dibata labo banci terkelin
3. Jumpa pencarinta ban sampur pemereNa
SI kataken bujur ras ermengkah ateta
Perkuah ate Dibata la kap erkeri-kerin
Marilah si puji Tuhan si dem bas kiniulin
17. Pertoton Tuhan
18. Pemasu-masun:
Lit : Mulihlah alu dame ras mejuah-juah, aloken
pasu-pasu idur Dibata nari:
Dibata si mada perkuah ate, si enggo
nenahken kam ku kemulianNa si rasa lalap i
bas Kristus, njadiken kam serta, tetap,
 megegeh dingen paguh. Ia nge si mada kuasa
seh rasa lalap, si masu-masu kam. Amin.
Perp : A...min A...min A............min

ACARA NGERANA RAS ERGAMBAR

A. Iaturken Runggun Gereja:
 Ergambar Pengantin ras Pendeta
 Nehken Surat Pasu-Pasu
 Ergambar Pengantin ras Pertua Diaken
B.Iaturken Anak beru pekepar
 Ngerana keluarga pekepar
 Kerina Perpulungen nalami Keluarga
Pengantin Pekepar
C.Ergambar (iaturken Anak Beru pekepar)

GBKP RUNGGUN DELITUA

Mengucapkan :

Selamat Menempuh
Hidup Baru
 2

Pengataken Bujur

Isehken kami mbue bujur man bandu ibas

kerehenndu :
Runggun Gereja ras Pandita si enggo ngaturken Liturgi
Pemasu-masun Perjabun, bagepe Perpulungen, Sangkep
Nggeluh. Tole pe rombongen Koor, Vokal Group si
enggo nehken puji-pujin man Dibata. Mbera-mbera
kerina si enggo ibahan kita erbahan pujin ras
kemuliaan gelar Tuhan.
Ertoto kami, maka Tuhan nehken pasu-pasuNa
man banta kerina.