Panangadal iti

Surat ni Apostol Pablo

kadagiti
taga-Roma

Inurnos ni
Bob Buchanan
Impatarus ni
Eusebio Tanicala
Baguio City (Agosto 2011)

LEKSION 1
1
 INTRODUKSION ITI LIBRO DAGITI TAGA-ROMA
I. Ti NAGSURAT iti Daytoy Naipaltiing a Libro Isu ni PABLO (Roma 1:1)
A. Ni Pablo ket “adipen” (SLAVE) ni Jesu-Cristo, maibilang a kukua ti Apo. Kitaenyo ti
Filipos 1:1. Saan laeng nga adipen ti Apo no di ket adipen pay dagiti kakabsat. Kayatna
a pagserbian ida kuna ti 2 Corinto 4:5.

B. Ni Pablo naayaban nga agbalin nga apostol. (Roma 1:1)

1. “Naibaon” kadagiti GENTIL. (Aramid 26:16-18)

2. Ay-ayatenna dagiti kakabsatna, dagiti Judio! Kitaenyo ti Roma 9:3; 10:1-3.

3. Nagtrabaho ti Dios baeten ken ni Apostol Pablo tapno tignayenna ti PANAGTULNOG

dagiti GENTIL. (Roma 15:18)
C. Ti EVANGELIO nga inkasaba ni Apostol Pablo ket saan a nagtaud manipud iti TAO,
ngem naited baeten iti PALTIING ti APO. (Galatia 1:11, 12)
D. PAKASARITAAN ti biag ni Apostol Pablo:

1. Nayanak idiay ili ti TARSO, provincia ti Cilicia, ngem nagadal idiay Jerusalem iti
sakaanan ni Gamaliel. (Aramid 22:3) Nagtaud iti tribu ti Benjamin. (Filipos 3:5)

2. Miembro idi iti estrikto a sekta dagiti Fariseo (Filipos 3:5, 6; Aramid 23:6; 26:5)

3. Iti panangibilangna iti bagbagina, kas dati a nangparigat iti Iglesia, isu ti kangrunaan
kadagiti managbasol. (1 Timoteo 1:12-15)

II. Ti LUGAR ken TAWEN a Pannakaisurat Daytoy Surat kadagiti taga-Roma

A. Naisurat idi adda iti maikatlo a panagbiahe ni Apostol Pablo a mangasaba.

1. Agsublin ni Pablo idiay Jerusalem tapno idanonna ti sagut wenno tulong para
kadagiti napanglaw idiay Jerusalem. (Roma 15:27-29)

2. Daytoy a tulong isu dayta espesyal a kuntribusion a mabasa iti 1 Cor. 16:1-3; 2
Cor. 8, ken 9; ken Aramid 24:17.

3. Iti panagbiahena nga agsubli idiay Jerusalem, dimmagas idiay Troas a kinasaritana
dagiti panglakayen kuna ti Aramid 20:1-12. Kitaenyo pay ti Armaid 19:21.

4. Kayatna nga idanon daytoy sagut/tulong idiay Jerusalem, kalpasanna bisitaenna ti

kongregasyon idiay siudad ti Roma sa agtuloy nga agpalaud idiay Espanya a
mapan mangasaba. (Roma 1:11-15; 15:22-29)
B. Maipapan nga adda ni Apostol Pablo iti siudad ti CORINTO ken kabangibang a lugar.
Iyamammo ni Apostol Pablo ni FEBE iti kongregasyon idiay Roma. Taga-Cenchrea,
asideg nga ili daytoy iti Corinto. (Roma 16:1,2.
C. Agarup A.D. 55 a naisurat daytoy a libro.
2
III. Dagiti IMMAWAT iti daytoy Surat kadagiti taga-Roma:
A. Saan a masinunuo no siasino ti nangirugi ken kaano a nairugi ti trabaho idiay Roma.
Addada taga-Roma kadagiti nagdengngeg iti sermon ni Apostol Pedro idi Aldaw ti
Pentecostes. Dadduma kadagiti 2,000 ket nagsublida idiay Roma ket isuda ti immuna
a miembro sadiay.
B. Agpada a JUDIO ken GENTIL dagiti miembro iti kongregasion idiay Roma.

1. Dagiti Cristiano naggimongda iti balayda Aquila ken Priscilla. (Roma 16:3-5)

2. Sumagmamano nga adalan napigsa ti pammatida; dadduma nakapsut. Panunotenda

koma ti naggapuan dagitoy a kakabsat ket aggiinnanusda. (Roma 14:1-15:7)

IV. Ti PANGGEP Pannakaisurat ti Libro dagiti taga-Roma

A. Parayrayenna ti pammati dagiti adalan. (Roma 1:11-15 ken 15:15)
B. Ibagana ti panggepna a mapan bumisita idiay Roma. (15:24)
C. Tapno maiparangna ti naurnos a pannakaibinsa ti EVANGELIO, ti “pannakabalin ti
Dios” a mangisalakan iti tao. (Roma 1:16)

AMMOEM: Ti Libro ti taga-Roma isu ti maibilang a maysa kadagiti kasayaatan ken

kasamayan a surat a mangilawlawag iti panagpammati iti Dios.

V. ABABA A BALABALA ti Libro dagiti taga-Roma

A. Kablaaw ni Apostol Pablo (Roma 1:1-7)
B. Panagyaman ni Apostol Pablo (1:8-15)
C. Kangrunaan a Tema ti Libro: Ti EVANGELIO ISU TI PANNAKABALIN TI
DIOS a mangisalakan kadagiti tattao! (1:16, 17)
D. Sapasap a Lubong Nakundenar – AMIN NAGBASOL ket kasapulanda ti Evangelio
(1:18- 3:20)
E. Pannakapalinteg babaen iti Pammati – Ti pannakaisalakan maragpatan laeng baeten ken
ni Cristo! (Roma 3:21-5:21)
F. Pannakapagsanto – Ti pannakapalinteg sapulenna ti NASANTOAN A PANAGBIAG
kuna ti Roma 6:1- 8:17)
G. Paratignay (Motivation) – Dagiti dadakkel a rason a maiparang apay nga awatentayo ti
Evangelio! (Roma 8:18-39)
H. Pannakaibaga a Husto ti Aramid – Husto ti inaramid ni Apo Yahweh iti panangibaonna
iti Anak, ni Cristo. (Roma 9:1- 11:36)
I. Aplikasyon – Gapu ta dakkel ti ASI ni Apo Dios, masapul nga agbiagtayo a nasantoan!
Yaplikartayo dagiti pamagbaga maipapan nasantoan a panagbiag. (12:1-15:13)

J. Konklusyon (15:14 - 16:27)

3
 LEKSION 2

TI PANNAKABALIN TI DIOS ITI PANNAKAISALAKAN

I. Ti Kablaaw ni Apostol Pablo (Roma 1:1-7)
A. Ibaga ni Pablo nga isu ket “ADIPEN” ken “APOSTOL” (1:1). Isu ket pinili ken
inayaban ni Apo Dios
B. Saritaenna maipapan iti EVANGELIO, ti tema ti libro ti Roma (1:1). Daytoy nga
EVANGELIO naikari kadagiti nagkauna a profeta (1:2).
C. Saritaenna maipapan iti ANAK TI DIOS (1:3-6).
1. Daytoy nga Anak nagbalin a lasag, (1:3).
2. Ti PANAGUNGARNA isu ti deklarasyon nga ISU KET ANAK TI DIOS, (1:4).

3. Daytoy ti misyon ni Pablo: tignayenna ti panagtulnog a buyogen PAMMATI, (1:5).

D. Itudona dagiti UMAWAT iti daytoy a surat (1:7). Naayabanda babaen iti EVANGELIO
tapno AGSANTODA. Kitaenyo ti Filipos 1:1.

II. Panagyaman ni Apostol Pablo (Roma 1:8-15).

A. PAMMATI – Saritaenna ti pammatida (1:8).
B. PANNAKIKADUA – Iliwenna nga agkikitada (1:9-12).

C. BUNGA – Kayat ni Pablo nga adda bungana idiay Roma (1:13).

D. TARIGAGAY—Mariknana a masapul a mangasaba idiay Roma, (1:14, 15).

III. Ti Kangrunaan a Tema ti Libro dagiti taga-Roma Isu Daytoy: TI

EVANGELIO ISU TI DINAMITA TI DIOS MAIPAAY ITI
PANNAKAISALAKAN TI AMIN! (Roma 1:16-17) Paneknekan daytoy ni
Apostol Pablo iti panagukrad ti Libro dagiti taga-Roma.

A. “IBAIN” – Pannakaisalakan baeten iti nailansa a Judio? Baro a

kapanunotan ket daytoy kasla nakababain nga ibaga kadagiti tattao. (1 Cor. 1:18-25).
Ngem SAAN NGA IBAIN NI PABLO daytoy a wagas ti Dios Apo.

B. TI EVANGELIO NI CRISTO! (1:16). Ti EVANGELIO ket naimbag a damag. Daytoy

isu ti inaramid, ar-aramiden ni APO DIOS BABAEN KEN NI CRISTO.

____________________________________________________________________________

4
 (1) (2) (3) (4) (5)
C. PASET TI NAIMBAG A DAMAG adda iti ngato:
1. IMMAY DITOY DAGA PARA KADATAYO! (Juan 6:38; 3:16)
2. NATAY PARA KADATAYO! (Roma 4:25; Tito 2:11-14.)
3. NAPAGUNGAR PARA KADATAYO! (2 Cor. 5:15)

4. Nakatugaw iti makanawan ti Dios MANGIBABAET KADATAYO! (Roma 8:34)

5. AGSUBLI PARA KADATAYO! (Hebreo 9:28)
D. Iti TUNGGAL “MAMATI” (Roma 1:16). Ti termino a “MAMATI” ket AGTULTULOY
NGA ARAMID, saan nga apagkanito a tignay! Isu ti aktivo, NATULNOG A
PANAGTALEK!

E. “Umuna iti Judio . . .” Saan laeng nga iti tiempo ti kayat a sawen ti “umuna” no di ket
pannakaipangruna. Inaramat ti Dios ti nasyon a Judio tapno umay ti pannakaisalakan.
PANNAKAISALAKAN agtaud kadagiti Judio kuna ti Juan 4:22.
F. “ . . . ti KINALINTEG TI DIOS” (1:17). Saanna nga itudo ti KINALINTEG A
KABABALIN TI DIOS, ngem ibagana ti KINALINTEG NGA ITED TI DIOS ITI TAO
BABAEN ITI EVANGELIO. Kitaenyo ti Roma 3:21, 22; 10:1-3; Filipos 3:9.

G. “ . . . manipud PAMMATI agingga iti PAMMATI” (1:17). Literal a pannakaisaona:

AGTAUD ITI PAMMATI A MAPAN ITI PAMMATI. Ti kinalinteg ket agtaud iti
sistema a dominaran ti pammati ket iturongna ti tao iti rikna a napnoan pammati.

SALUDSOD A PAGSASARITAAN:
1. Ania ti prinsipio a mariknayo iti panagkuna ni Pablo nga isu ket “NAKAUTANG” iti
pannakaikasaba ti evangelio?
2. Ipalawagmo no ania ti kayat a sawen ti termino a “MAMATI” iti panirigan ni Pablo.
3. Ipalawagmo no ania nga EMOSYON o RIKNA a “tumpuar” manipud iti Cristiano no
panunotenna ti kaipapanan ti EVANGELIO.
________________________________________________

LEKSION 3

TI BASOL KET ADDA ITI AMIN A LUGAR!

(Roma 1:18-3:20)
MAYSA A TEMA A MASAPUL A PANEKNEKAN: AMIN A TATTAO KASAPULANDA TI
EVANGELIO TA AMIN A TATTAO ADDA A NAKUNDENAR ITI BABAEN TI BASOL!

I. Dagiti Gentil Addada a Sibabasol (Roma 1:18-32)

A. Ti PUNGTOT TI DIOS maibukbok kadagiti managdakdakes! (1:18)
B. NAGPAKAAMMO TI DIOS KADAGITI GENTIL! (1:19-20)
5
 C. Ngarud dagiti GENTIL AWAN MABALINDA A PAGPAMBAR! - 20.

D. INARAMIDDA KOMA DAGITOY:

1. DINAYDAYAWDA TI DIOS, ken

2. NAGYAMANDA ITI DIOS! (1.21). Ngem saanda nga inaramid.

E. Nagbalinda a NENGNENG, IMMORAL, NAGDAYDAYAW KADAGITI
DIDIOSEN! (1:22, 23) Nagpatangkenda iti dayta a dalan ti biag.

F. Isu a pinalubosan ida ti Dios a:

1. Nagturong iti PANAGBASOL (1:24-26)

2. NAIPALUBOS TI PANAGDAKES TI PANUNOTDA (1:28)

3. NAGTINNAGDA ITI AMIN A KITA TI KINADAKES (1:29-32)

II. Tao a Naimbag Panagbiagna ket Sibabasol (Judio o Gentil (Roma 2:1-16)
A. Ti NAIMBAG A TAO kundenarenna ti pagano. Ngem ti NAIMBAG A TAO AWAN
MET PAMBARNA! (2:1)
B. Maukomto met! (2:2, 3)
C. Ti KINAIMBAG TI DIOS iduronnatayo nga AGBABAWI! (2:4)
D. Mangukomto ti Apo MAIBATAY ITI ARAMID TI TAO! (2:5-10)
E. AWAN PANANGIDUMDUMA TI APO! (2:11)
F. Dagiti nagbasol iti ruar ti NAKASURAT A LINTEG, MAUKOMDANTO ITI RUAR TI
LINTEG. (2:2) Ket dagiti nagbasol iti sakup ti LINTEG, MAUKOMDANTO ITI
LINTEG.!

III. Dagiti JUDIO Napukawda met gapu iti Basol! (Roma 2:17-28)
A. Ti JUDIO ammona dagiti naimbag a bambanag iti LINTEG! (2:17-20)
B. Ti JUDIO BAGBAGAANNA MET TI BAGBAGINA! “Sika a mangisuro iti sabali …”
(2:21-24)
C. Ngarud ti JUDIO TINABBAAWANNA ti nagan ti Dios kadagiti Gentil (2:24)
D. Ti PUDNO A JUDIO saan nga isu ti NAKUGIT iti ruar, no di ket daydiay NAKUGIT
TI PUSONA! (2:28, 29)
E. Agpayso adda PANGATIWAN TI JUDIO – NAIPAAYWAN KADAKUADA TI
LINTEG – DAGITI SASAO TI DIOS! (3:1)
F. Saanda a MAPAGTALKAN ITI NAIPAAYWAN KADAKUADA ta sabali ti
Panangipatarus dagiti lideres, ngem ti DIOS MAPAGTALKAN! (3:3, 4)
6
IV. Daytoy ti KONKLUSION: Amin a Tattao ket SIBABASOL! (Roma 3:9-20)
A. Nupay adda PANGATIWAN DAGITI JUDIO, saanda a nasaysayaat no ikumpara
kadagiti Gentil! Amin adda iti BABAEN TI BASOL! (3:9)

B. DAGITI IBAGA DAGITI KASURATAN:

1. AWAN NALINTEG, URAY MAYSA! (3:10). Kitaenyo ti Salmo 14:3.

2. Ti karabukobda silulukat a tanem (3:3); Salmo 5:9.
3. Awan panagbutengda iti Dios. (3:18; Salmo 36:1.
C. Tunggal bibig MAPAUMEL! AWAN PAMBAR! (3:19).
D. SAAN A MAKAPALINTEG TI LINTEG! Ngem ti LINTEG IBAGANA NO ANIA TI
TI BASOL! (Roma 3:20)

SALSALUDSOD A PAGSASARITAAN:
1. Ania ti masaoyo maipapan iti kunana, “DAYTOY LUBONG MAPUKAW NO ADDA
ITI RUAR NI CRISTO.”
2. Agpayso kadi a DAKESTAYO ITI SANGOANAN TI DIOS, uray no saantayo met
nga AGARAMID IMMORALIDAD? (Roma 1:32)
3. Ipalawagmo no ania dayta LINTEG A NAGBIAGANDA idi sinurotda laeng ti
KUNSENSIADA wenno SININGIR IDA TI KUNSENSIADA. (2:12-16)

________________________________________

LEKSION 4

MAISALAKANTAYO GAPU ITI PARABUR!

(Roma 3:21-31)
PALAGIP: AMIN A TATTAO KET SIBABASOL KET KASAPULANDA TI PANNA-
KAISALAKAN! Kitaenyo ti Roma 3:9-20). IMPAAY TI AMA TI WAGAS A SUROTEN
PANNAKAISALAKAN BAETEN ITI PARABURNA! (Roma 3:21-31)

I. Ti Kayat a Sawen ti “PANNAKAPALINTEG” (Roma 3:1-25a)

A. Maisina, SABALI ITI “LINTEG TI TRABAHO A PANGTEGGED” (3:21). Mainayon
ti LINTEG NI MOISES a kunana a SAAN A MAKAPALINTEG!
B. TI KINALINTEG TI DIOS isu ti KINALINTEG NGA ITED TI DIOS! Makita daytoy
iti Roma 10:1-3; Filipos 3:9; Roma 3:21-22.
C. Ti “Linteg ken Mammadto” impakaammoda TI PANNAKAISALAKAN BABAEN
KEN NI CRISTO! Lucas 24:44
D. Daytoy a “kinalinteg” agpaay kadagiti AMIN: JUDIO KEN GRIEGO, babaen iti
PAMMATI KEN NI CRISTO! (3:22). Amin ket nagbasol! (3:23)
7
 E. “NAPALINTEGTAYO” (naideklara nga awan basolna, naabsuelto), napakawan
maibatay iti Parabur ti Dios, ti PARABURNA SAANTAYO A MAIKARI! (3:24)
“Awan bayadna” kayatna a sawen “awan gapuna nga agtaud iti naparaburan.”
Kitaenyo ti Juan 15:25.

F. Impakita ni Apo Dios daytoy “pabor naited iti tao a di maikari” ta adda PANNAKA-
SUBBOT (nawayyaan manipud basol, napaluspusan) BABAEN KEN NI CRISTO!
G. Ni JESUS isu ti PAKAPAKAWANAN nga inted ti Dios! (3:25) Daytoy a termino
addaan pay kayat a sawen a “pagtalnaen” ti maysa a makapungtot! 1 Juan 2:1,2.

II. Ti KASASAAD ti Dios iti Panangipaayna iti PANNAKAPALINTEG

(Panangibaga nga Awan Basol, Maabsuelto) (Roma 3:25b, 26)
A. AMMOEM: Ti PUNGTOT ti Dios mapagkalma laeng babaen iti DARA NI CRISTO!
Basaenyo ti 3:25.
B. Ti HUSTISIA TI DIOS SAPULENNA TI PANNAKADUSA TI NAGBASOL! Ti
DIOS KET NALINTEG! KASANO? Inaramidna a ni Apo Jesus isu ti mangisuno
kadatayo iti pannakadusa! Sapulen ti Dios a ti nagbasol madusa. Ti JUSTICIA saan a
rimbawan ti kinamanangaasina. Mayetnag ti hustisia. Madusa ti basol. Ni Cristo ti
naidaton para iti basol! Kitaenyo ti 2 Corinto 5:21.
C. Isu a ti DIOS KET NALINTEG. Isu ti “mangibaga a nalinteg” dagiti addaan
PAMMATI KEN NI CRISTO! (3:26)

III. Ti Kasasaad ti LINTEG TI PAMMATI!

A. Kasasaad ti Linteg ti Pangtegged a Panagtrabaho:

1. Ti Linteg ti Pangtegged a Trabaho addaan reglamentos a ti salungasing ken

Kinasadut ket MAKUNDENAR.
2. Iti babaen daytoy a Linteg, teggedan, itrabahoan ti tao ti awatenna a gunggona.
3. Tapno ti tao ket maibaga a “nalinteg” MASAPUL A NAAN-ANAY A TUNG-
PALENNA AMIN A PASET TI LINTEG ta ti MAYSA A SALUNGASING
ADDAN DUSANA. Basaen ti Galacia 3:10,11.
4. Isu nga awatem no ania ti “nateggedam, naitrabahoam!”
B. Kasasaad ti Linteg ti Pammati:
1. Ti Linteg ti Pammati addaan reglamentos a kunaenna: ADDA NADIOSAN A
TIGNAY A MANGIPAAY ITI PAMMAKAWAN MAIBATAY ITI MANAG-
TUNGPAL A PANAGTALEK.
2. Iti daytoy Linteg ti Pammati, ti PANNAKAISALAKAN KET PARABUR! Saan
a mateggedan, saan a MAITRABAHOAN! (Roma 6:23)
3. No ti pannakaisalakan ket maitrabahoan kas iti sistema nga adda SUELDO, ti Dios
ti makautang iti tao. Ngem kuna ti Roma 4:4, ti tao ti makautang!

8
 C. AMMOEM: “SAAN A PANAGPASINDAYAG” (3:27). Awanan karbengan ti tao
nga AGPASINDAYAG. Apay? Ti Linteg ti Pammati ti masurot, saan a ti Linteg ti
Panagtegged no pagsasaritaan ti pannakaisalakan.
D. PALAGIP: Iti babaen ti Evangelio, saan nga iwalin ti Dios ti Linteg. Ni Apo Dios
ti nangited iti Linteg! Pagay-ayatna ti Linteg. Igunamgunamna a tungpalentayo ti
Linteg (3:31). Tungpalentayo ti Linteg, ngem no makabasoltayo, ti DARA NI
CRISTO ISU TI MANGUGAS KADATAYO. (3:31) Saantayo nga isingir ti
rigattayo nga agtungtungpal Linteg. Saan a pagpanakkel ti tignay a panagtulnog
kadagiti bilbilin ni Cristo. Ti kasapulan isu ti panagpakumbaba, panagpatulong iti
Dios Apo ket situtulok ti nakem ken bagbagi nga agtulnog kadagiti bilbilin.

SALSALUDSOD A PAGSASARITAAN:
1. Ipalawag no kasano a ti JUSTICIA ti Dios (sapulenna ti dusa ti panagbasol) ken ti
KINAMANANGNGAASI ti Dios (kayatna a ti tao mapakawan) agtunosda, agbalanseda iti
saklaw ti Evangelio.

2. Ipalawagmo a nalaing ti PAGGIDDIATAN ti “Linteg ti Panagtegged” (prinsipio ti

panagtrabaho a matangdanan) ken ti “Linteg ti Pammati” (prinsipio ti panagtalek).

3. Ti PANAGTULNOG kadi ket paset ti “Linteg ti Pammati”? Ipalawagmo ti paggiddiatan

“DAGITI TRABAHO A PAGPASINGDAYAG” ken PANAGTULNOG.

____________________________________________

LEKSION 5

ABRAHAM – NAISALAKAN GAPU ITI PARABUR

KEN BAETEN ITI PAMMATI
(Roma 4:1-15)

PALAGIP: AMIN A TATTAO ADDA A SIBABASOL! (Roma 3:9-20). TI PARABUR

TI DIOS ITEDNA TI PANNAKAISALAKAN BABAEN KEN ITI DARA NI CRISTO
BAETEN ITI PRINSIPIO TI PAMMATI SAAN A PRINSIPIO TI PANANGTEGGED
BABAEN ITI TRABAHO. (Roma 3:21-27)
ITA, IPAKITA NI APOSTOL PABLO A NI ABRAHAM KET NAPALINTEG
BABAEN ITI DAYTOY PRINSIPIO TI PAMMATI A MAISINA ITI LINTEG NI
MOISES, KEN SAKBAY A NAIBILIN KEN NI ABRAHAM TI KATULAGAN A
NASELLOAN BABAEN ITI PANNAKAKUGIT! (Roma 4:1-25). Mabalinyo a sublian ti
balabala ti Libro ti Roma.

I. Ni ABRAHAM Naideklara a Nalinteg iti Babaen ti LINTEG ti PAMMATI

(prinsipio ti pammati) (Roma 4:1-8)
A. No naideklara koma nga isu NALINTEG gapu iti panagtrabahona a mangtegged panna-
kaisalakan, AGPASINDAYAG koma. (4:2)
B. NGEM, TI PAMMATINA naibilang a KINALINTEG! (4:3) Basaenyo ti Genesis 15:6.
Ti PAMMATINA isu ti basehan “makagapu” a napaluspusan manipud BASOL!
9
 C. Siputanyo ti MAIPANGRUNA A PUNTO: Iti “Linteg ti Panagtegged” ti GUNGGONA
saan a PARABUR (awan makagapu a panangawat pabor), no di ket UTANG! (4:4)
Makautang ti partido nga agpatrabaho.
D. Ti tao a saan a “PANGSINGIRAN TI DIOS ITI BASOL ISU TI MAPAKAWAN.”
(Basaenyo ti 4:6, 7). Kitaenyo pay ti Salmo 32:1, 2.
E. LAGIPEN: Ti tao nga addaan nakem nga isu ket agtignay tapno teggedenna ti pannaka-
pakawan basol ISU TI TAO A KAYATNA NGA ITRABAHOAN TI PANNAKAI-
SALAKANNA MANIPUD DUSA TI BASOL! Saan a possible daytoy! (4:5)

II. Ni ABRAHAM Naideklara a “Napalinteg” SAKBAY A NAITED TI

KATULAGAN PANNAKAKUGIT! (Roma 4:9-12)
A. Ti PAMMATINA “naibilang” a kinalinteg sakbay nga isu ket “saan pay a nakugit.”
Kitaenyo ti 4:9, 10.
B. AMMOEM: Mapan a 14 a tawen sakbay a naibilin ti PANAGKUGIT, naibilangen ni
Abraham a NALINTEG! (Roma 4:9-12) Siputanyo dagiti pasamak iti baba:

Genesis 15:6 Genesis 17 Bantay

“Nalinteg” Panagkugit Sinai Ti
Linteg

C. Ni ABRAHAM isu ti “Ama” amin dagiti MAPALINTEG GAPU ITI LINTEG TI

PAMMATI! (4:11,12). Patien nga adda Dios a managparabur, patien nga adda Cristo
a nangibaklay dusa agpaay iti sangalubongan.

III. Ni ABRAHAM Saan a Naideklara a “Napalinteg” babaen iti “PRINSIPIO ti

TRABAHO A PANAGTEGGED” (Roma 4:13-17)

A. Babaen iti “PAMMATI” saan a babaen iti “LINTEG” isu “AGTAWID”!

Kitaen ti 4:13; Genesis 12:1-3. (amin a lubong mabendisionan)
B. Daydiay “KARI” ken ni ABRAHAM saan a naited babaen iti “Linteg” ngem naited
babaen iti “Pammati” (4:14). Basaenyo ti Galacia 3:17.
C. Ti “Linteg” itedna ti “pungtot” (pannakakundenar) kuna ti 4:15 ta no adda linteg a
masalungasing, adda basol.
D. ABABA A PANNARITA: Ti KARI A PANNAKAISALAKAN maited babaen iti
“PAMMATI” tapno agbanag a “PARABUR” (pabor a maited iti tao a di maikari) kuna
ti 4:16. Daytoy ti imporante a punto a kanayon a laglagipen!

IV. Ti KABABALIN ti PAMMATI ni ABRAHAM (Roma 4:18-25)

A. NAMATI ITI DIOS NUPAY ADU DAGITI NARIGAT A SITUASYON (4:18, 19).
B. NAMATI ITI DIOS A DI PULOS NAGDUADUA! (4:20)
C. NAMATI ITI DIOS A NAPNOAN INANAMA! (4:21)
10
 D. BUNGA DAYTA A KITA TI PAMMATI: Naideklara nga isu ket NALINTEG! (4:22)
KONKLUSYON: NAISURAT DAYTOY PARA KADATAYO! (Roma 4:23-25)

SALSALUDSOD A PAGSASARITAAN:
1. Ipalawagmo no apay a ti doktrina a “PAMMATI LAENG” ket saan a masarakan iti
sursuro ni Pablo iti Roma kapitulo 4.
2. Ipalawagmo no kasano nga agtunos ti sursuro ni Pablo ditoy ken ti sursuro ti San. 2:21-24.
3. Ipakitam ti PAGGIDDIATAN TI “Linteg ti Panagtrabaho a Panagtegged” nga isu ti
pangalaan gunggona gapu ta isu ti maipaay a sueldo, ken ti “Linteg ti Pammati” nga isu ti
PANAGTALEK ITI PARABUR TI DIOS A MANGIDURON ITI TAO NGA
AGTULNOG (“Trust and Obey”).

_____________________________________

LEKSION 6
DAGITI BENDISION ITI PANNAKAPALINTEG
(Roma 5:1-21)
PALAGIP:

1. Ti basol ADDA ITI AMIN A LUGAR DITOY LUBONG! (Roma 1:18-3:20)

2. Mapalintegtayo (maideklara a nalinteg, maabsuelto) gapu iti PARABUR TI DIOS baeten iti
DARA NI CRISTO! (Roma 3:21-26)
3. Ti MAPAGSANTOTAYO BABAEN ITI “PRINSIPIO TI PAMMATI” nga AWAN
PANAGPASINDAYAG ta ti PARABUR TI DIOS SAAN A MATEGGEDAN. (3:27-31)
4. NI ABRAHAM, ti gayyem ti Dios, NAIDEKLARA A NALINTEG babaen iti ‘LINTEG
TI PAMMATI” (4:1-25).

I. Dagiti Nakaskasdaaw a Bendision iti Pannakapalinteg (Roma 5:1-11)

A. PANNAKIKAPPIA ITI DIOS! (5:1)

1. Daytoy a KAPPIA agtaud iti PAMMATI (Kasta ti mabasa iti Griego a texto.)

2. Daytoy a PANNAKIKAPPIA ITI DIOS maragpat BABAEN KEN NI CRISTO!

3. Daytoy a TALNA maibatay iti PANNAKIKAPPIA ITI DIOS. Basaenyo ti

Roma 5:11 ken Colossians 1:20-22.

B. PANAGRAGSAK! (5:2-4)

1. KAPPIA ken RAGSAK ket singinda a BENDISION! Adda nagkuna, “Ti kappia

11
 isu ti natalna a ragsak, ket ti ragsak isu ti talna nga agsala.”

2. Adda RAGSAK gapu ta adda NAMNAMAEN A KINADAYAG ITI DENNA TI

DIOS a maited kadagiti mamati! (5:2)

3. Wen, adda RIGAT! Ngem ti RIGAT PATAUDENNA TI PANAGIBTUR ket ti

PANAGIBTUR AGBANAG ITI PANNAKAAY-AYO TI DIOS KEN
INANAMA. (Roma 5:3, 4)

4. AGRAGSAKKA ITI DIOS TA NAIKAPPIATAYON KENKUANA! (5:11)

C. INANAMA! (Roma 5:5-11)

1. Ti INANAMA ti Cristiano madanonto! Saantayo a mapaay. (5:5) Umay gapu iti

AYAT TI DIOS, ken naibukbok iti pusotayo!

2. Ti ESPIRITU SANTO isu ti marka ti KARI NGA ADDANTO DAYAG

a maited kadagiti mamati. (5:5) Kitaenyo pay ti 2 Cor. 1:21, 22.

3. NAIPANEKNEK DAYTA NGA AYAT TI DIOS TA IDI MANAGBASOLTAYO

NAIDATON NI CRISTO PARA KADATAYO! (5:6-8)

a. Manmano ti mangyawat biagna gapu iti nalinteg a tao.

b. Mabalin a ti maysa matay maigapu iti nalinteg ken naasi a tao!

c. Ni Cristo NATAY PARA KADAGITI MANAGBASOL!

4. LAGLAGIPEN! Maisalakantayo babaen iti DARANA! (5:9)

5. Babaen pay iti PANAGUNGARNA! (5:10) Gapuna, AGRAGSAKTAYO! (5:11)

II. Dagiti IMBUNGA ti PANAGBASOL ni ADAN RIMBAWAN TI PARABUR

ni CRISTO! (Roma 5:12-21)
A. TI BASOL SIMREK DITOY LUBONG BAETEN ITI MAYSA A TAO, ket ti
PISIKAL nga IPAPATAY TI BUNGANA! (5:12). Kitaenyo pay ti 1 Cor. 15:21, 22.
B. “Amin nagbasol” saanna kayat a sawen a personal a nagbasoltayo idi kanito a nagbasol
ni Adan. Intakderannatayo laeng ni Adan kas pannakabagi amin a tao. Siputanyo ti
ilustrasyon iti Hebreo 7:9, 10 a ni Levi nagbayad iti apagkapullo babaen ken ni
kapuonanna nga Ama Abraham.

C. Siputanyo ti pannakaikumparada ADAN ken ni CRISTO!

1. Babaen iti BASOL NI ADAN, ADU TI NAGSAGABA!

2. Babaen iti ARAMID NI CRISTO, ADU TI AGBALIN A NALINTEG! (5:15-19)

D. ADU TI PANAGBASOL, NGEM ADADU PAY TI PARABUR TI DIOS! (5:20, 21)

12
SALSALUDSOD A PAGSASARITAAN:
1. Gapu ta ti Cristiano kukuana dagiti adu a BENDISION nga inlawlawag ni Apostol Pablo,
ipalawagmo no ania koma ti riknatayo iti relasyon ken ni APO DIOS, rikna maipapan
kadagiti problema ken SAGABAEN ITI BIAG, rikna kadagiti sabsabali a tattao? Basaenyo
ti Roma 5:3, 4.
2. Ipalawagmo no ania ti rikna ni Cristo kadagiti managbasol. Basaem ti Roma 5:8 ken dadduma
a versikulo kas iladawan ti relasyon ni Cristo kadagiti AGSINGSINGIR BUIS KEN DAGITI
MANAGBASOL. (Lucas 15:1, 2, ken dadduma pay.)

3. Ipalawagmo no KASANO NGA “AMIN NAGBASOL.” Iti ania a sentido? (5:12)

4. Ania ti pagdumaan ti NALINTEG A TAO ken ti NAIMBAG A TAO?

__________________________________________________

LEKSION 7
TI CRISTIANO KET NATAYEN TI RIKNANA ITI BASOL
(Roma 6:1-23)
PAGLAGIP: Kalpasan nga itudo ni Apostol Pablo dagiti sumaganad:

(1) Ti sapasap a problema gapu iti basol – Roma 1:18-3:20, ken

(2) Ti pannakaisalakan babaen iti parabur ni Apo Dios, ken kaadda dagiti bendision nga awaten
dagiti Cristiano – Roma 3:21-5:21, isublatna nga ipakita ti biag a kinasanto a masapul nga
ipaneknek dagiti adalan! (Roma 6:1-8:17)

I. GAPU ITI PANAGTULNOGNA A MABAUTISARAN KEN NI CRISTO,

AGBIAG NGARUD TI CRISTIANO A NASANTOAN! (Roma 6:1-14)
A. LAGIPEM: No ADU TI BASOL, ADADU PAY TI PARABUR TI DIOS! (5:20, 21).
Kastoy ti umno a saludsod: “Nayonak kadi ti panagbasolko tapno umadu ti parabur?”
Ti sungbat masarakan iti Roma 6:1.
B. SAAN! SAAN! NATAYEN TI RIKNAM ITI BASOL iti nabautisaranka a kakuyogmo
ni Cristo iti IPAPATAYNA! (6:3, 4). Kitaenyo pay ti Galacia 3:27.
C. Gapu ta “NATAYKAN” “NAITANEMKA” idiay DANUM TI BAUTISMO kalpasanna
“NAPAGUNGARKA” TAPNO MAGNAKA ITI BARO A BIAG! (6:4) ken Col. 2:12.
D. Ti DAAN KEN MANAGBASOL A PANAGBIAG “NAILANSA” ket saankan a
paadipen iti BASOL. (6:6)
E. “NATAYKAN” wenno awanen riknam iti narugit a panagbiag, NALAPSUTKAN
manipud pannakabalin ti narugit a panagbiag. (6:7)
F. No pudno a “KINAKUYOGTAYO NI CRISTO A NATAY” idi mabautisarantayo,
MAKIPAGBIAGTAYONTO A KADUANA” (6:8)
G. “NATAYTAYON ITI BASOL” ket “SIBIBIAGTAYO ITI DIOS” (6:11)

13
 H. NGARUD, SAANKA A PAITURAYAN ITI BASOL! (6:13)
I. Awanka iti “SISTEMA TI LINTEG” ngem addaka ITI BABAEN TI PARABUR ! No
addaka iti babaen ti sistema ti Linteg, adipenennaka ti basol! (6:14)

II. Gapu iti PANAGSUKAT ITI APO a Suroten ti Cristiano, Ikarina nga Isu
Agbiag a NASANTOAN! (Roma 6:15-19)
A. LAGLAGIPEM: Ti PARABUR SAANNAKA NGA IKKAN WAYAWAYA NGA
AGPAADIPEN ITI BASOL! (6:15)
B. Daydiay PAGTULNOGANTAYO ISU TI AKIN-ADIPEN KADATAYO! (Roma 6:16-18)

1. No adipennaka ti BASOL, ibungana ti IPAPATAY!

2. No AGTULNOGKA ITI DIOS, ibungana ti KINALINTEG! (6:16)

3. Ngem ti Cristiano NAGTULNOG ITI FORMA TI PUDNO A DOKTRINA ket

nawayyaan manipud BASOL. (6:17018) Dayta a forma ti doktrina wenno sursuro
isu dagitoy: NATAYTAYON, NAITANEMTAYO, NAGUNGARTAYO ITI
BARO A PANAGBIAG. (6:1-5)

4. Ti pannakawayya manipud basol kayatna a sawen, nakalapsut iti (1) PANANG-

ADIPEN TI BASOL, ken (2) PANNAKADUSA TI BASOL!

5. Ti Cristiano ket voluntario a PAADIPEN ITI KINALINTEG! Daytoy ti mangited

PANNAKAPAGSANTO! (6:19)

III. PANNIRIGAN: PANANGTEGGED versus SAGUT! (Roma 6:20-23)

A. No ti tao ket ADIPEN TI BASOL, AWAN OBLIGASYONNA NGA
AGPAKALINTEG! (6:20)
B. Ta ania ti BENEFISIO ti naawatyo idi ADIPENNAKA TI BASOL? Pulos nga
AWAN! Imbunganga ti IPAPATAY!
C. Ti NAWAYYAAN MANIPUD BASOL, ti BENEFISIOM ISU TI PANNAKA-
ITURONGMO ITI PANAGSANTOM ken ibanagna ti BIAG NGA
AGNANAYON! (6:22)
D. Ti SUELDO nga ited ti BASOL ISU TI IPAPATAY! Ipapatay ti magunggona
ti agbiag iti basol.
E. Ngem ti PARABUR TI DIOS BABAEN KEN NI CRISTO ISU TI BIAG NGA
AGNANAYON! (6:23) LAGIPEM: A TI SUELDO ISU TI NATURAL A
BUNGA wenno GUNGGONA, ngem ti PARABUR SAAN A MAYSA A
NATURAL BUNGA wenno GUNGGONA! Ited ti Dios dayta a parabur.

SALSALUDSOD A PAGSASARITAAN:
1. Ipalawagmo ti ilustrasyon wenno panagkumpara ti IPAPATAY, PANNAKA-
ITANEM, KEN PANAGUNGAR NI APO JESUS iti panggep ti bautismo ti
maysa nga adalan nga isu dagitoy: PANNAKAITANEM ITI BAUTISMO,
14
 ken BARO A PANAGBIAG (Roma 6:1-5).
2. Ipalawagmo ti giddiat ti kaadda iti “BABAEN TI LINTEG” ken “BABAEN TI
PARABUR.”
3. Iti PANAGBAUTIZAR TI MAYSA NGA ADALAN, apay ngata a sapulenna
daytoy ti NADARISAY KEN NASANTOAN A PANAGBIAG?

_______________________________________

LEKSION 8
TI CRISTIANO KEN TI LINTEG
(Roma 7:1-25)

PALAGIP: Ti Cristiano isu ket (1) Natayen ti riknana iti basol, (2) Naitanem idi nagbautizar, (3)
Napagungar iti baro a kita ti panagbiag – 6:1-4, saan ngaruden nga adipen ti basol, ngem isu ket adipen
ti kinalinteg! (Roma 6:5-23). Ita ipalawag ni Apostol Pablo ti relasyon ti Cristiano iti Linteg, ket
maitudo ditoy ti Linteg ni Moises. (Roma 7:1-25)

I. Ti Cristiano ket Natayen ti Riknana iti Linteg! (Roma 7:1-6)

A. PANAGASAWA kas maysa nga ilustrasyon (7:1-4)

1. Maisinggalut ti BABAI iti asawa a LALAKI kabayatan a sibibiag!

No ti LALAKI MATAY, TI BABAI MAWAYYAAN KET MABALINNA TI
MAKIASAWA ITI SABALI! Ngem no sibibiag ti asawa a lalaki ket makitipon ti
Babai iti sabali, PANNAKIKAMALALA DAYTA! (7:1-3)

2. Babaen iti PANNAKAIDATON NI CRISTO, dagiti ADALAN NATAYDAN,

awanen riknada iti Linteg isu a maisinggalutda ken ni Cristo! (7:4)
3. Isu nga AGBUNGADAN A MAIPAAY ITI DIOS! (Kitaen ti Efeso 2:10)
B. No sibabasol, TI GARTEM IBUNGANA KEN AGBANAG ITI IPAPATAY! (7:5)
C. Ngem ita, KEN NI CRISTO, ti Cristiano nawayyaan manipud Linteg!
LAGIPEN: Ania a Linteg daytoy? Kitaenyo ti 7:6, 7 ken daydiay mailawlawag iti maudi a
paset ti leksion.

II. Ti BASOL ISU TI PROBLEMA – Saan a ti Linteg! (Roma 7:7-13)

A. TI LINTEG TI MANGITUDO NO ANIA TI BASOL! (7:7)

1. Saan a naammoan ni Pablo no ania ti basol a PANAGAGUM no saan nga itudo ti

Linteg a mangibaga, “SAANMO NGA AGUMAN TI KUKUA TI SABALI.”
2. Kasta met la ti ibaga ti Roma 3:20.
B. TI BASOL MASARITA A KAS PERSONA! Kayariganna ti “kampo ti military” ti biag
ni Pablo nga isu ti pagtaudan dagiti panagartem (panagagum) (7:8). Iti uneg ti kampo
15
 military agplano dagiti ofisiales ket ibanag dagiti soldado ti panagraut ken
panagsamsam kadagiti kabangibang a nasion.
C. Ni Pablo NAGBIAG ITI NAPALABAS ITI RUAR TI LINTEG, ngem idi AMMONA
TI LINTEG, TIMPUAR TI BASOL! Kasla itudo ni Pablo ti tiempo a kinaubingna. (7:9)
D. TI LINTEG KET NASANTOAN, NASAYAAT, NAIMBAG! (7:12). TI PROBLEMA
ISU TI BASOL!
E. IPAKITA TI LINTEG A TI BASOL ket DAKES UNAY! (7:13)

III. Ti NAINDAKLAN A BALUBAL ITI NAKEM TI TAO! (Roma 7:14-25)

A. Ammo ni Pablo a ti LINTEG TI PANUNOTNA iturongna iti NAIMBAG, ngem ti
LINTEG TI BASOL iturongna ITI KINADAKES!
B. TI LINTEG KET NAESPIRITUAN, ngem ti TAO KET MANAGBASOL! (7:14)
C. Ti AKIN-UNEG A KINATAO dina kayat ti dakes! Ngem adda napigsa a pannakabalin
A MANGGARGARI (7:15-25). “DAGITI ARAMID SABALI IDIAY KAYATTAYO
KOMA NGA ARAMIDEN.”

D. No kundenarennatayo ti KUNSENSIA IPANEKNEKNA A TI LINTEG KET

NASAYAAT! (7:16)
E. NGARUD TI TALAGA A PROBLEMA ISU TI BASOL! (7:7, 20)
F. TI AKIN-UNEG A KINATAO PAGRAGSAKANNA TI LINTEG TI DIOS! (7:22)
G. DAGITI PANAGGARTEM IDURONDA TI TAO NGA AGARAMID ITI DAKES!
“Kuna ti riknatayo ‘Just do it!’” “Aramidem latta.” (7:23)
H. Isu’t gapuna nga adda KINADAKSANGGASAT! (7:24)
I. Ngem BABAEN KEN NI CRISTO ADDA BALLIGI! (7:25)

SALSALUDSOD A PAGSASARITAAN:
1. Mairaman kadi DAGITI 10 A BILIN iti Linteg a nakawayyaan ti Cristiano?
Adalenyo a nalaing ti Roma 7:4-7.
2. TI LINTEG NI MOISES KET NASANTOAN, NALINTEG, NASAYAAT
kuna ti 7:12. Ngem ania ti panggepna daytoy a Linteg? Apay a ti Cristiano ken
datayo saantayo a pasakup ita?
3. Ania ti “LINTEG TI BASOL KEN IPAPATAY” a mangidurduron kadatayo?

________________________________________

LEKSION 9
“TI LASAG” KEN “ TI ESPIRITU”
(Roma 8:1-17)
16
PALAGIP: Naadaltayon dagitoy sumaganad: (1) Sapasap iti lubong ti panagbasol – Roma 1:18-3:20,
ken (2) Pannakapalinteg gapu ken ni Cristo a daytoy ket pabor ti Dios nga awan pakaibatayanna a
kinaimbag ti tao. (Roma 3:21-5:21)
Iti daytoy a paset ti libro, ipalawag ni Apostol Pablo ti kinasanto ti panagbiag a sapulen ken bunga ti
panagtulnogtayo iti evangelio (6:1-8:17). Isu nga ita masapul a magnatayo kas idalan ti “Espiritu” ket
saan a magna nga iturayan ti “Lasag”! (Roma 8:1-17)

I. Dagiti CRISTIANO NAWAYAANDAN MANIPUD “Linteg ti Basol ken

Patay!” (Roma 8:1-4)
A. No addatayo iti sidong ni Cristo, awanen SENTENCIA TI DUSA! (8:1)
B. “DAGITI AGBIBIAG ken ni CRISTO” adda:

Pannakapakawan, Efeso 1:7 LAGIPEM: “Nabautizarantayo iti

pannakipagmaymaysa
Pannakaisalakan, 2 Timoteo 2:10 ken ni Cristo”

Biag nga Agnanayon 1 Juan 5:11-12 (Roma 6:3; Galacia 3:27)

C. Ti Linteg ti ESPIRITU SANTO nga isu ti mangted iti BIAG isu ti “NANGWAYYA”
kadatayo manipud panangituray ti BASOL KEN IPAPATAY! (8:2)
D. GAPU ITI KINAKAPUY TI LASAG, ti Linteg ni Moises saan a mangited wayyawayya.
NI APO JESUS TI MAKABALIN a mangwayya kadatayo! (8:3)
E. Adda tallo a LINTEG A MASARSARITA:

1. “Linteg” ti BASOL ken IPAPATAY, ti panangituray ti basol, ti panangadipen ti

Basol iti tao! Sublianyo ti Roma 7:23.

2. Ti LINTEG NI MOISES.

3. Ti LINTEG TI ESPIRITU a PANAGBIAG ITI SIDONG NI CRISTO!

II. Dagiti Cristiano AGBIAGDA Mayannurot iti “Espiritu” Saan a Mayannurot iti
“Lasag!” (Roma 8:5-17)
A. “AGBIAG MAYANNUROT ITI ESPIRITU” isu ti panagbiag a sumurot iti pagayatan
ti Espiritu Santo.
B. “AGBIAG” mayannurot iti lasag isu ti panagbiag a sumurot kadagiti nainlasagan a
gartem, panagbiag kadagiti aramid ti basol.
C. Ti PANAGBIAG MAYANNUROT ITI LASAG isu:

1. IPAPATAY (8:6) Efeso 2:1.

2. IBUBUSOR ITI DIOS, di may-ayo ti Dios! (8:7, 8)

17
 3. KAAWAN TI ESPIRITU TI DIOS iti biagtayo! (8:9)
D. Lagipenyo a ti PANAGTAENG TI ESPIRITU isu ti pakauna ti tawid ti Cristiano ken
isu ti tanda ti panagtagikua ti Dios kadatayo. (Aramid 2:38; 5:32; Efeso 1:13, 14;
1 Cor. 3:16; 6:19; Galacia 4:6)

E. No adda ni CRISTO ITI BIAG TI ADALAN, ti daan a kinatao nga AGBASBASOL,

DAYTOY BAGBAGI A PISIKAL AWANEN RIKNANA ITI BASOL! ((8:10) ken
Roma 6:1-6.

F. Ti ESPIRITU SANTO:

1. Tumulongto inton aldaw PANAGUNGAR (8:11)

2. “Babaen iti Espiritu Santo” ti Cristiano iwaksina ti dakes ken nailasagan a rikna,
Roma 8:13.
3. MANGIDALAN! (8:14)
4. AGPANEKNEK no siasino ti pudno nga anak ti Dios! (8:16)
G. SUMARIA: Ngarud, dagiti Cristiano iddianda ti nainlubongan, nainlasagan a panagbiag kuna
ti Roma 8:12, 13.

1. Nagbalintayon nga ADOPTED NGA ANNAK TI DIOS a saan pay nakastrek ken
nakaawat iti nainlangitan a tawid! (8:15-17)

2. Kasapulan ti panagsagaba sakbay ti PANNAKAIDAYDAYAW! (Roma 8:17)

SALSALUDSOD A PAGSASARITAAN:
1. Ti Espiritu Santo tumulong a “mangpatay kadagiti nainlasagan a tarigagay ti bagbagi,”
“mangiturong” ken dadduma pay nga aramid. Ipalawagmo no kasano a ti Espiritu Santo
aramidenna dagitoy baeten iti NAIPALTIING A SAO.
2. Iti ania a wagas a MASAO A TI LINTEG NI MOISES KET NAKAPSUT? (8:3)
3. Aniada dagiti BENDISION a maawat no AGBIAGTAYO ITI SIDONG NI CRISTO?
Ipalawagmo ti kaipapananda iti biag ti adalan ita a tiempo.

___________________________________________

LEKSION 10
PARATIGNAY ITI PANAGSERBI TI CRISTIANO
(Roma 8:18-39)
PALAGIP: Impalawag ni Apostol Pablo dagitoy: (1) Ti Basol isu ti sapasap a parikut, (2) Ni Cristo
isu ti pakasarakan pannakapakawan!, (3) Ti kayat a sawen ti pannakaisalakan babaen iti parabur gapu
iti pammati – Roma 4 & 5, ken (4) Ti kinasanto ti panagbiag kas sapulen ti panagtulnogtayo ken ni
Cristo – Roma 6:1-8:17. Ita, ania ti mangtignay kadatayo nga agbalin a napudno nga adalan ni Cristo?
Apay nga agserbitayo? Apay? Kitaenyo ti Roma 8:18-19.
18
I. Gapu ta Adda KINADAYAG A MAPASUNGAD! (Roma 8:18-30)
A. TI PANAGSAGABA ita saanna a MAPATASAN TI RAGSAK TI KINADAYAG A
MARAGPATANTO! (8:18) Inayon ti 2 Corinto 4:16
B. Ti sibubukel a sangaparsuaan sigagagar ken agpapaut-ot nga agur-uray gapu ta
mariknana ti agdama a rigat! (8:19-22)

C. Uray dagiti CRISTIANO AGAS-ASUG NGA AGUR-URAY TI PANNAKAWAYYA

DAYTOY BAGBAGI! (8:23) Mairaman pay dagiti addaan kadagiti umuna a bunga
ti Espiritu Santo.
D. TI INANAMA ADDA ITI MASANGOANAN, SAAN PAY A NARAGPATAN!
(Roma 8:24-25) Ti INANAMA pataudenna ti PANAGIBTUR! (2 Tim. 1:12)
E. TI APO TUMULONG KEN MANGTED INANAMA (8:26-30)

1. Yahweh-Jireh (Ti APO Makakita ken Mangted) (Genesis 22:14)

2. Ti ESPIRITU SANTO mangibabaet ket ipangatona dagiti ararawtayo no adda
dagiti “ananek-ek ti puso a di mayebkas” (8:26, 27)
3. Pagbalinen ti Dios Apo AMIN A BANAG AGTRABAHO A PAGSAYAATAN
DAGITI AGAYAT KENKUANA! Naayabantayo babaen iti EVANGELIO kuna ti
2 Tesalonica 2:14.
4. TI PANGGEP TI DIOS MAIBANAG. (8:29, 30) Ammo ti Dios ti masakbayan,
inayabanna dagiti pinilina! (Maipalawag dagitoy iti maudi a paset ti leksion.)

II. Gapu ta ADDA BALLIGI MAIBATAY iti AYAT ti DIOS! (Roma 8:31-39)
A. NO TI DIOS KADUATAYO, SIASINO TI KUMONTRA KADATAYO? (8:31)
B. INTEDNA TI ANAKNA – SAANNA KADI NGA ITED AMIN A KASAPULAN
TI ADALAN TAPNO AGBALLIGI? (8:32)
C. Siasino ti MANG-AKUSAR, mangpabasol kadagiti pinili ken INAYABAN ti DIOS?
Ni Apo Dios ti mangibalikas no siasino ti NALINTEG! (8:33, 34)
D. SIPUTANYO: Adda napintas a sumaria maipapan iti Evangelio: IPAPATAY NI
CRISTO, NAGUNGAR NI CRISTO, AGTURAYEN A NAKATUGAW ITI
MAKANAWAN TI DIOS! (8:34)
E. Riparenyo a NI JESUS SIBIBIAG A MANGIBABAET KADAGITI CRISTIANO!
(Roma 8:34)
F. AWAN MAKABALIN A MANGISINA KADATAYO ITI AYAT NI CRISTO!
(Roma 8:35-39)

1. AYAT NI CRISTO PARA KADATAYO daytoy!

2. DAYTOY NGA AYAT TI DIOS MASARAKAN KEN NI CRISTO! (8:39)
3. PANAGSAGABA KEN RIGAT saanda a kabaelan nga isina ti CRISTIANO!
19
 4. AWAN PANNAKABALIN ITI LUBONG A MAKABAEL A MANGISINA
KADATAYO ITI AYAT TI DIOS!
G. AGBALLIGITAYO GAPU KENKUANA NGA AGAY-AYAT KADATAYO!

SALSALUDSOD A PAGSASARITAAN:
1. Ipalawagmo ti Roma 8:28 no KASANO a ti Dios agtrabaho iti biag ti Cristiano. Idasigmo
daytoy iti Genesis 45:5, 6; 50:20; Colosas 1:17; Mateo 6:25-34.
2. Ipakitam no kasano nga aggiddiat ti PREDESTINATION nga isuro ti Biblia ken ti
PREDESTINATION NGA ISURO NI CALVIN. Isuro ti predestination ni John Calvin a ti
Dios, sakbay pay a naparsua ti lubong, pinilinan dagiti maisalakan nga awan biang ti bukod a
nakem (free will) ti individual a tao. Kitaenyo ken inayonyo ti Efeso 1:3-5.
3. No sukimatenyo a nalaing ti Roma 8:18-39, mariknam kadi ti dakkel a NAMNAMA manipud
iti daytoy a paset ti Biblia?

_______________________________________

LEKSION 11
NALINTEG KEN NAPUDNO TI APO
(Roma 9:1-11:36)
PALAGIP: Kadagupan dagiti impalawag ni Apostol Pablo iti Libro ti Roma, klaro ti imbagana nga
“Awan pannakaisalakan iti ruar ni Cristo” gapu ta (1) Amin addada nga adipen ti basol, (2) Ni Cristo ti
sungbat ti Dios iti problema ti basol! (3) Ti pannakaisalakan isu ti parabur ti Dios kadagiti addaan
natulnog a pammati ken ni Cristo! Ngarud, nalawag a ti tao mapukaw no awan ni Cristo iti biagda!
Nalinteg kadi ni Apo Dios iti kastoy nga INURNOSNA A WAGAS KEN aramidna? Maibaga kadi a
nalinteg ti Dios no kunatayo a ti tao mapukaw no aggian iti ruar ni Cristo? Wen, nalinteg ken napudno
ti Dios! Siputanyo dagiti pito a puntos nga iruar ni Apostol Pablo nga argumento.

I. KAAWAN PAMMATI DAGITI JUDIO isu ti Problema! (Roma 9:1-5)

A. SINAO NI PABLO TI KINAPUDNO! (9:1)
B. DAKKEL TI LADINGIT NI PABLO AGPAAY ITI ISRAEL, NO MABALIN LA
KOMA KET ISU TI MAILUNOD PARA ITI PAGILIAN! Inayatna ti ilina (9:2, 3).
C. RIPARENYO DAGITI ADU A PRIVILEHIO DAGITI JUDIO! (9:4, 5). Ngem awan
PAMMATIDA KEN NI CRISTO!

II. NATURAY NI APO DIOS! Addaan Kalintegan a Mangpili no Siasinoda

dagiti Maisalakan! Isuda dagiti Mangawat ken ni Cristo! (Roma 9:6-29)
A. SAAN A BATAYAN TI PANNAKAYANAK ITI LASAG! Saan a dagiti annak iti
lasag dagiti makaayayo iti Dios! Dagiti ANNAK ITI KARI DAGITI MAKAAYAYO!
(Basaenyo ti Roma 9:6-8).
B. GAPU TA NATURAY TI DIOS, pinilina NI JACOB saan a ni Esau! Addaan kalinteg ti
DIOS a NANGPILI KADAGITI JUDIO NGA ISU TI PAGTAUDAN TI MESIAS!
(9:10-13)
20
 C. SAAN KINAKILLO ti aramid ni Apo Dios! (9:14-18)
D. Ngarud, AWAN KALINTEGAN TI TAO A MANGDILLAW ITI DIOS! (9:19-29)

III. PANNAKAPUKAW TI ISRAEL BUKODNA NGA ARAMID! (Basaenyo

ti Roma 9:30-10-13)
A. Sinapulda ti PANNAKAISALAKAN BAETEN ITI LINTEG WENNO PRINSIPIO
TI PANAGTEGGED, SAAN NGA ITI PRINSIPIO TI PAMMATI! (9:30-33). Saan a
a baeten ken ni Cristo.

B. SINAPULDA TI KINALINTEG BAETEN ITI BUKODDA A KINALINTEG

WENNO BAETEN ITI PANAGTRABAHODA! (Roma 10:1-4). Kitaenyo pay ti
Filipos 3:9.
C. Para iti amin a tattao ti EVANGELIO! (Roma 10:11-13) ket kabaelan ti tao a
maawatan daytoy a mensahe no maisuro kadakuada.

IV. Ti PANNAKAILAKSID DAGITI JUDIO SAAN A GAPU ITI KAAWAN

OPURTUNIDAD! (Roma 10:14-21)
A. Ti MENSAHE MAIPAPAN KEN NI CRISTO MAIDANON KADAGITI AMIN
A TATTAO! (10:14-18)
B. Inurnos ti DIOS TI MENSAHE TAPNO MAIDANON KADAGITI AMIN!
(Kitaenyo ti 10:19-21)

V. LINAKSID KADI TI DIOS DAGITI TATTAONA? Saan! Saan! (11:1-10)

A. JUDIO MET NI APOSTOL PABLO! (11:1, 2)
B. Kadagiti amin a tiempo, ADDA LATTA NABATI A NAGSERBI KENKUANA!
Roma 11:2-5
C. Pilien ti DIOS DAGITI TATTAO BAETEN ITI “PARABUR” saan a baeten iti
Wagas a PANANGTEGGED! (11:6)
D. KAADDUANNA KADAGITI JUDIO TIMMANGKENDA KONTRA KEN NI
CRISTO! (11:7-10)

VI. PANANGLAKSID DAGITI JUDIO KEN NI CRISTO AGSERBI A

PAKDAAR KADAGITI GENTIL a Cristiano! (Roma 11:11-24)
A. Iti DI PANANGAWAT DAGITI JUDIO KEN NI CRISTO, naipan ti pannakaisalakan
kadagiti Gentil! (11:11, 12)
B. Ni Pablo nagbalin nga apostol kadagiti GENTIL! (11:3-16)
C. Binallaagan ni Pablo DAGITI GENTIL A SAANDA NGA AGPALANGGUAD!
(11:17-24) Babaen iti KAAWAN PAMMATI, MABALIN A MAISINADA MET!

VII. Idiaya ni Apo Dios ti ASINA iti TUNGGAL MAYSA! (Roma 11:25, 29)
A. Ayaten ti DIOS dagiti Judio MAIGAPU KADAGITI AMMA! (11:28-29)
21
 B. AMIN ‘MAIBILANG’ A NASUKIR TAPNO TI DIOS IPAAYNA TI ASI
KADAGITI ISUAMIN ! (11:32)
C. Dagiti WAGAS TI DIOS ket NARIGAT A MAAWATAN ket MAIDAYDAYAW!
(11:33-36)

SALSALUDSOD A PAGSASARITAAN:
1. PUDNO KADI NGA ISUAMIN A TATTAO KET MAPUKAWDA NO AWAN NI APO
JESU-CRISTO iti biagda?
2. Adda kadi KALINTEGAN TI DIOS A MANGITUDO NO SIASINO DAGITI TATTAO A
MAISALAKAN?
3. Ipalawagmo no ania ti kayat a sawen ni Apostol Pablo maipapan iti BALANG NGA OLIBO
ken ti NATARTARIPATO NGA OLIBO? (Roma 11:16-24)

______________________________________________

LEKSION 12
DAGITI KINAMANANGNGAASI TI DIOS KENTI BIAGMO
(Roma 12:1-21)
PALAGIP: Mangrugi iti KAPITULO 12, pamagbaga dagiti isurat ni Apostol Pablo. Impalawagna no
ania dagiti INARAMID NI APO DIOS PARA KADATAYO! Managbasoltayo amin! (Roma 1-3) KET
NI CRISTO ISU TI SOLUSYON TI PARIKUT (3:21—5:21). Gapu ta NAPAGUNGARTAYO ITI
BARO A PANAGBIAG, MASAPUL A NASANTOAN TI PANAGBIAG! (8:18-39) NALINTEG TI
DIOS ITI INARAMIDNA! (9:1—11:36) ITAN, itedna dagiti praktikal a pamagbaga no kasano ti
panagbiag ti Cristiano. Riparenyo ti “ngarud” iti 12:1.

I. KASAPULAN ti PANNAKAPABARO ti PANAGBIAG! (Roma 12:1, 2)

A. Kuna ni Pablo a TI PANNAKAISALAKAN BABAEN KEN NI CRISTO ISU TI
GAPU NGA AGBIAG A NASANTOAN!
B. IDATAGYO DAGITI BAGBAGIYO KAS “SIBIBIAG A DATON” GAPU
KADAGTI ASI TI DIOS! (12:1)
C. TI KABABALIN TI NABALIWAN A PANAGBIAG (Kas insurat ni Bill Smith):

1. SIPAPAKINAKEM – “Idatag” Ited iti Dios Apo!

2. AMINMO – “Dagiti bagbagiyo!” Itedmo a kumpleto ti aminmo!

3. AGTULTULOY – “Sibibiag!” Di agpatingga a kinapudnom iti Apo.

4. DATON – Aramid daytoy ti maysa a padi/saserdote. Kitaen ti Hebreo 13:15, 16.

5. PAGDAYDAYAW – “Nalinteg a pagserbi!” Daytoy ti husto a wagas ti panagbiag

ti maysa a DISIPULO ni CRISTO!

22
 D. TI PANUNOT KET “NAPABARO” (12:2). Basaenyo ti Colosas 3:1-17.
II. PANNAKAPABARO ti PANAGBIAG SAPULENNA ti HUSTO a
PANIRIGAN iti BUKOD a BIAG! (Roma 12:3-8)
A. NAPUDNO, NAPAKUMBABA A PANIRIGAN ITI BUKOD A BIAG! (12:3)
B. AGTRABAHO KAS PASET TI MAYSA A BAGI! (12:4, 5)
C. ARAMATEM DAGITI SAGUT NGA INTED TI DIOS KADATAYO (12:6-8)
Mapagtalkan ken nagaget nga agaywan.

III. Ti NAPABARO a PANAGBIAG SAPULENNA ti NAINKABSATAN nga

AYAT iti FAMILIA APO! (Roma 12:9-16)
A. NAINKABSATAN A RIKNA KADAGITI kakadua a Cristiano (12:9-10)
.
B. AWAN PANAGINSISINGPET!
C. NAPASNEK! Kas narangrang nga apuy! (12:11)
D. NARAGSAK, NAANUS, MANAGKARARAG! (12:12)
E. MANAGTULONG! (12:13)
F. PAGBALLIGIANNA DAGITI MANGIDADANES! (12:14). Bendisionam ida.

G. MAKIPAGRIKNA! Mariknam dagiti marikna dagiti sabsabali. “Makipagragsak”

wenno “makipagladingit” kadakuada! (12:15). Segun iti situasyon.
H. PANNAKIKAYKAYSA! (12:16)

IV. Ti NAPABARO a PANAGBIAG Sapulenna ti Husto a Panirigan kadagiti

Amin a Tattao! (Roma 12:17-21)
A. Saan a SUPAPAKAN ITI DAKES TI DAKES! (12:17)
B. NADAYAW DAGITI ASIKASOEN A BAMBANAG! (12:17)
C. MAKIKAPPIA KADAGITI AMIN A TATTAO! (12:18)
D. SAANKA NGA AGIBALES NO MAIDADANESKA! ( 12:19)

E. Tulongam dagiti BUMUSBUSOR kenka! (12:20)

F. Sikreto ti BALLIGI! “Parmekem” kayatna a sawen PAGBALLIGIAM. Agballigika
babaen iti panagaramid iti NAIMBAG! (12:21)

SALSALUDSOD A PAGSASARITAAN:
1. Ipalawagmo daytoy “DAGITI ASI TI DIOS” kas motivation o paratignay iti NABALIWAN
A PANAGBIAG. Agpayso kadi a DAGITI ASI TI DIOS iramanna amin dagiti inlista ni
Apostol Pablo maipapan iti Evangelio, ti parabur ti Dios, ti sakrifisio ni Cristo, kdpy. iti
Kapitulo 1-11?
2. Ipalawagmo ti “MAIPARBENG A PAGSERBI” wenno naesprituan a panagdayaw. Pudno
23
 kadi a ti “panagserbi” ket itudona ti inaldaw a panagbiag, ket saan laeng nga iti oras ti
panaggimong ti kongregasyon? (12:1, 2)
3. Ipalawagmo no ania dagiti madumaduma a TRABAHO ITI 12:4-8. Agpayso kadi a tunggal
maysa a Cristiano ket ADDA REBBENGNA A TRABAHOEN?

___________________________________________

LEKSION 13

MAINAYON A RESPONSIBILIDAD TI NAPABARO A PANAGBIAG

(Roma 13:1-15:13)

Iti kapitulo 12 saritaen ni Apostol Pablo ti BIAG A NAPABARO! No ipaaytayo dagiti

bagbagitayo kas daton a sibibiag (12:1,2) addaantayo kadagitoy:

(1) Husto a panirigan iti biagtayo (12:3-8),

(2) Nainkabsatan nga ayat kadagiti kakadua a Cristiano, (12:9-16) ken
(3) Husto a panirigan kadagiti amin tattao a dagitoy MAINAYONDA ITI BILIN A
PANAGAYAT!

I. PAGREBBENGAN ti Cristiano iti GOBIERNO (Roma 13:1-7)

A. PAGTULNOGANTAYO DAGITI AGTUTURAY! 13:1), ta ti gobierno ket tinudingan
ti Dios nga agserbi iti tao. Basaenyo ti 1 Pedro 2:13-17.
B. Aramaten ti Dios ti gobierno kas AGSERBI Kenkuana (13:4)
C. Gobierno adddaan PANNAKABALIN A MANGDUSA iti dakes a tao! (13:4)
D. Rebbengentayo ti agbayad BUIS ken ITED PAMMADAYAW! (13:6,7)

II. PANAGAYAT MAYSA A Responsibilidad ti Cristiano (Roma 13:8-10)

A. “AWAN KOMA TI UTANGYO” wenno “bayadanyo ti mautangyo.”

B. AYAT ket maysa nga utang a di pulos mabayadan.

C. TI AYAT KET kanayon a maipakita iti TIGNAY! (13:9, 10)

III. Responsibilidad a Mangisuot iti “KALASAG ti LAWAG!” (Roma 13:11-14)

A. Ti Agnanayon a PANNAKAISALAKAN ket AS-ASIDEGEN NGEM IDI
nangrugitayo a namati! (13:11). Masangoanan a panawen daytoy.
B. Ti kabibiag ti Cristiano maiparbeng koma. Saan a biag ti panagragragsak, bartek ken
KINAGARTEM. Apay? Naikawestayon ni Apo Jesu-Cristo! Lagipenyo TI
PANNAGNA MAYANNUROT ITI ESPIRITU SAAN A MAISUROT ITI LASAG!
(8:12-17). Ngarud magnatayo iti LAWAG saan nga iti SIPNGET!

IV. RESPONSIBILIDAD iti NAKAPUY a KABSAT (Roma 14:1-15:13)

A. Addada NATIBKER ITI PAMMATI, addada met dagiti NAKAPUY. (15:1)
24
 B. Dadduma makapagtaraonda iti karne, sumagmamano nateng laeng. Dadduma ipategda
ti maysa nga aldaw a nangnangruna ngem sabali. Addada met bambanag a maibilang
nga opinion, dadduma a banag ket maipapan pammati! (14:2-6)
C. Dagiti Cristiano SAANDA KOMA A LAISEN DAGITI KAKABSATDA kadagiti
balikas a makain-sulto no maipapan bambanag no ania ti kasayaatan a wagas.
Laglagipen koma daytoy a banag!

D. Amin a Cristiano KET KUKUA NI APO DIOS! (14:8)

E. Laglagipentayo dagiti kakabsat a nakapuy. Siputanyo dagiti tignayyo tapno SAANDA A

A MAITUBLAK nga ISU TI PAKAPUKAWANDA! (14:15)
F. Awan koma tao nga isu ket SINGIREN TI KUNSENSIANA. (14:20-23) Daytoy ti kayat
a sawen ti “aniaman a saan a maibatay iti pammati ket basol.” (14:2-6)

G. Ipakitatayo ti AYAT ITI NAKAPUY A KABSAT, ket agaramidkayo ketdi ti MAKA-

SAYAAT KENKUANA. (14:15, 19)
H. Ti NATAENGAN TULONGANNA TI NAKAPUY, ket saan a ti bukod a bagbagi ti
pagpagustoan! (15:1)
I. SAAN A TI BUKODNA A BAGBAGI TI INAYAYONA! (15:3)
J. Inyawis ni Apostol Pablo ti PANAGKAYKAYSA! (15: 5, 6)
K. Pamagbaga daytoy: “PASANGBAYENYO TI MAYSA KEN MAYSA” KAS ITI
PANANGARAKUP KADAKAYO NI CRISTO ket daytoy pakaidayawan ti Dios!
(15:7)
L. RIPARENYO NO KASANO TI PANANGARAKUP NI CRISTO KADAGITI AMIN
A SANGKATAOAN! (15:7)

SALSALUDSOD A PAGSASARITAAN:
1. Ti kadi “awan koma ti makautang kadakayo” ket iparitna ti installment a panaggatang?
2. Ania ti relasyon ti Aramid 5:29 ken 4:19, 20 iti bilin a PAGTULNOGANTAYO TI
GOBIERNO SIBIL?
PALAGIP: Ipalawag ni Pablo ti rikna ti Cristiano kadagiti kakabsat A NAGGAPU KADAGITI
MADUMADUMA A KAPADASAN! Isuro ni Pablo a padagusen, pasangbayenyo ti maysa ken
maysa. Itudo kadi daytoy a sursuro no ania ti relasyontayo kadagiti kakabsat nga aggapu iti
madumaduma a tribu, maris ti kudil, ken pagsasao?

_______________________________________

LEKSION 14

25
 DAGITI PRINSIPIO A MASARAKAN ITI KONKLUSION NI PABLO
(Roma 15:14-16:27)

PALAGIP: Dagiti maudi a lima a kapitulo ti Libro ti Roma laonenda dagiti praktikal a pamagbaga
maipapan panagbiag ti Cristiano. Dagitoy ket agtaud iti relasyontayo iti APO. (Roma 12:1) Daytoy ti
kayat ti Dios a kita ti panagbiagtayo. Naisalakantayo baeten iti parabur ti Dios babaen ken ni Cristo isu
nga aramidenyo dagitoy a sursuro. Nakitatayon ti nagbaliwen a biag ti adalan (12:1-21);
responsibilidad iti gobierno, agbalin a tattao nga ayaten ti Dios (3:1-14), ken panangawattayo kadagiti
kakabsat nga awan panangidumduma (14:1—15:13). Ita riparenyo dagiti dadduma pay a prinsipio iti
konklusion ni Pablo.

I. Ti SIRMATA ti MAYSA a MISIONERO! (Roma 15:14-24)

A. Adda PANAGTALEK ni Pablo kadagiti kakabsat idiay Roma! (15:14)
B. NATURED TI PANAGSURATNA KADADUADA! (15:15)

C. Naiyawat kenkuana ti PANAGSERBI KADAGITI GENTIL (15:16-18)

D. Nangasaba ni Pablo manipud JERUSALEM a napan idiay ILIRICO (probinsia daytoy
iti amianan ti Macedonia) (15:19)

1. Addada mapan mangasaba kadagiti nabangonen a kongregasion (1 Tim. 1:3, ken

dadduma pay a versikulo.)

2. Sabsabali, kas ken Pablo, mangasabada kadagiti LUGLUGAR A DI PAY

NAIKASABA TI NAGAN NI CRISTO! (15:20)

3. DAGITI SAAN PAY A NAKANGEG MENSAHE MASAPUL KOMA A

DUMNGEG! (15:21)

4. KALIKAGUM NI PABLO TI MAPAN IDIAY ROMA! (15:22, 23)

5. Kalpasanna kayatna ti MAPAN IDIAY ESPANYA, (15:24)

II. PANAGSERBI kadagiti NAPANGLAW a Tattao! (Roma 15:25-33)

A. Sakbay a mapan idiay ROMA KEN ESPANYA, umuna pay a mapan idiay Jerusalem
kuna ti 15:25. Basaenyo pay ti Aramid 20 ken sumarsaruno a kapitulo.
B. Mapanna idanon ti kuntribusion agpaay kadagiti SASANTOS! (15 25-29)

1. “Ministering” addaan kayat a sawen “panagserbi” (Kitaenyo ti Mateo 28:20)

2. Daytoy a “kuntribusyon” isu ti ibaga ti 1 Cor. 16:1-3 ken 2 Cor. 8 & 9.

3. Daytoy termino a “kuntribusyon” (15:26) isu met laeng a balikas a maipatarus

“fellowship” wenno panagbibingay, pannakiranud iti material a bendision.

4. LAGIPEN: Daytoy a kuntribusyon saan laeng a naited tapno matulongan dagiti

agkasapulan a sasantos no di ket paginnasidegenna ti rikna dagiti Cristiano a Judio
26
 ken Gentil. Dagiti Cristiano a Judio indanonda ti EVANGELIO kadagiti Gentil. Ita,
dagiti Gentil tumulongda babaen kadagiti MATERIAL a sagut! (15:27)

5. Kasapulan ni Pablo ti KARKARARAGDA! (15:30-33)

III. NARAGSAK PANANGPADAYAW kadagiti Napateg a Kakabsat (Roma

16:1-16)
A. Ni FEBE a naayaat nga AGSERSERBI iti kongregasion idiay Cencrea! (16:1, 2)
B. Da AQUILA ken PRISCILLA nakasublidan idiay ROMA! Riparenyo ti naimbag a
trabahoda (16:3-5). Iti napalabas a panawen, napapanawda idiay Roma (Aramid 18:1-8)
C. Observarenyo ti NASINGED a RIKNA ni Pablo kadagiti kakabsat ken ti kumendasyon
nga impaayna kadakudada! (16:5-16)
IV. PAKAASI nga ADAYUAN dagiti MAKAGAPU iti PANAGSISINA! (16:17, 18)
V. PANANGIDAYDAYAW iti DIOS a Nangited iti Nadayag nga Evangelio! (16:25-27)

SALSALUDSOD A PAGSASARITAAN:
1. Ti kananakem ni Apostol Pablo MAIPAPAN ITI MISYON isurona kadi kadatayo
ita ti PANAGMISYON?
2. Ipalawag no ania ti kayat a sawen ti PANAGKAKADUA kas inusar ni Apostol Pablo iti
Roma 15:26.
3. Apay ngata a nasayaat nga aramid ti mangidaydayaw kadagiti tattao nga agserbi iti Dios
a napakuyogan iti napudno a nakem kas inaramid ni Apostol Pablo kadagiti adu a kakabsat
kas mabasa iti Roma 16:1-16?

-Nalpas ti Leksion-

27