INT.

MTR － DAY

車廂人多，座位已坐滿。

四名女士舉高手拉著扶手，腋下沒有腋毛，手按著電話。

毛，15歲女生，較大膽，忠於自我，認為有體毛才是完整的自己。

淇，15歲女生，較怕事，沒有主見，與毛是好朋友。

毛和淇身穿校服，舉高手拉著扶手，腋下有少許腋毛，二人高興地聊天。

到站後，二人手挽手離開鏡頭。

二人原本站的位置後面是一個脫毛廣告。

OS:

毛：
行快d啦！遲到啦！

EXT. 學校操場 － DAY

同學們整齊地排好隊，男女分開排隊，毛和淇都在隊上。

男老師：
（os）舉高手！

毛爽快地舉高手，淇有點害怕也跟著舉高手。

男老師：
（os) 儀容唔合格，排呢條隊！

毛和淇走到另一條只有她們的隊上，身後同學在集隊。

校長：
(os) 我地學校系會跟足教育局既規
定，嚴格執行呢個儀容檢查。毛！係
學校，係社會，一條都唔可以出現。
我重覆一 次，毛！一條都唔可以出
現。（唔鹹唔淡既廣東話）

毛和淇相視而笑。

男老師戴著金絲眼鏡，在檢查女同學的腋下。

男老師：
（對住一個女同學說） 有一條，出去。

女同學1：
老師，一條姐！唔好扣我分啊！

男老師：
出去。

女同學不忿地排到毛和淇後面。

女老師攞住放大鏡，在檢查男同學的唇上。

<MOST>
男同學們很緊張，均很不自然。

只有啊國表現得很不滿。

啊國，15歲男生，父親為學校副校長，反叛，不喜歡遵守規則。

女老師：
咳咳～（細聲對啊國）聽日剃乾淨d啊。

女老師走到男同學1面前，仔細觀察。

女老師：
出去啦！咁多汗毛仲返學。

男同學1不屑地走出隊伍。

INT. 學校課室 － DAY

下課鐘聲。

課室內，女同學三五成群，毛和淇在課室一角。
四個女同學圍在一起在聊天，在課室中心。

女同學1:
頂！一條毛都扣我分！

女同學2:
鬼叫你仲用剃刀咩。

女同學3:
咪係！呢排我地去做激光脫毛，一條都無淨。

女同學1:
邊間好架？我想脫曬佢之後去識仔仔。

女同學4:
聽講beauty of hong kong 幾好。搵日同你去
啦。

女同學2:
你有無錢架？

女同學3:
（os）無錢都做得架，政府會資助架啦。

毛聽唔落去，拉著淇走出課室。

INT. 課室走廊 － DAY

走廊是不是有同學結伴走過。

毛和淇挨著走廊欄杆。

毛舒了一口氣。

淇：
繼續唔剃｀格拉底’毛得唔得架？

<MOST>
 毛：
點解唔得啊？d毛我地架嘛，唔鍾意剃咪唔好
剃。

淇：
但係咁樣落去，我地無幾多分可以比佢地扣。

毛：
我地唔比佢地見到d毛咪得。

淇：
姐係點啊？

二人靜默。

二人有眼神交流，相視而笑，毛大笑。

淇：
得唔得架？

毛：
試下咪知！
恆和數名高大籃球對隊員經過。

恆，高大靚仔，17歲男生，籃球隊隊長，很愛乾淨。

淇看到恆，癡迷地望著他。

毛看到淇的反應。

毛：
（靠近淇說）好靚仔wo～～

淇點頭，眼神仍然離不開恆。

毛：
咁鍾意，行近d睇嘛。（推淇向恆的方向）

淇仆向恆的方向，但沒有碰到恆，恆望了毛和淇一眼。

恆：
無事嘛？（招牌微笑）

淇：
無～～

恆和隊員離去。

淇：
喂啊！（打毛）好柒啊！！

毛：
唔開心咩？人地問你有無事wo～～

淇：
仲笑人！！（欲打毛）

<MOST>
毛避開並笑著跑開，淇追著她。

INT. 學校女廁 － DAY

毛和淇在同一個廁格內。

毛：
（os）我幫你啦，得返五分鐘就打鐘啦。

淇：
係咪真係得架？會唔會又扣分？

毛：
無事既，佢地吹得我地漲咩。

毛和淇從廁格出來，二人都穿著冷衫。

淇仍滿面擔心。

毛：
放心啦，有我係度，今次一定扣唔到我地分。
EXT. 學校操場 － DAY

同學們依然整齊地排好隊，男女分開排隊，毛和淇都在隊上。

天氣炎熱，沒有人穿著冷衫，只有毛和淇。

毛和淇頭上都是汗。

男老師走近毛和淇。

淇緊張低頭。

毛坦然。

男老師：
好凍咩？除冷衫，檢查儀容。

毛和淇除冷衫，露出由腋下包到手臂的繃帶。

毛：
老師，我地整親啊，今日應該檢查唔到架
啦。（扮可憐）

男老師不悅。

毛：
老師，我地發誓我地有剃毛架。

毛的手撞了淇幾下。

淇慌忙地點頭。

啊國看見，笑了一下，他面上有少許鬍鬚。

男老師奈毛唔何，只好離去。

<MOST>
毛覺得興奮，她和淇相視而笑。

INT. 學校課室 － DAY

課室內，學生們都坐在座位，男老師正在上課。

毛和淇坐在一起，啊國亦在課室內。

毛和淇在聊天。

男老師：
毛靜，你係度做乜？

毛：
無啊老師。

男老師：
我上緊堂，你傾乜計？

毛：
佢地都有傾計啊。（指住其他同學）
男老師：
我淨係見到你講野。企去後面。

毛不發一語。

男老師：
聽唔到我講野啊？企去後面。

毛不忿地企去壁報板前。

淇緊張地看著毛。

啊國看著了毛，覺得這個女孩很有意思。

毛望著自己的腳，在無聊地玩。

淇偷看毛，發現毛沒有在留意自己。

淇就在自己的座位拿出信紙，開始寫信。

淇小心翼翼折好信紙，放入信封，並貼上心心貼紙。

男老師：
（os）毛靜！放學跟我落去校長室。

毛抬頭，看著男老師。

INT. 課室走廊 － DAY

淇拿住信，站在課室門口。

淇緊張跺腳，咬著唇，緊緊拿著信。

信封上寫著“給恆”。

恆經過淇。

<MOST>
 淇：
啊恆！

恆看著淇，不明所以。

淇：
呢個...比你架！（遞上信）

淇遞完信，急忙跑開。

恆打開信，輕輕笑了一下。

INT. MTR － DAY

車廂內人不太多，一樣的脫毛廣告還在。

毛和淇放書包在地上，站在坐位前。

毛：
救命，cool左我成日。（拆繃帶）

淇幫毛拆繃帶。
淇：
(os) 點算啊！個個老師開始針對你
啦。

毛：
（os）無所謂啦，針對得幾多日啊。

座位上的兩位女乘客看到毛的腋毛，驚訝。

她們竊竊私語，連忙拿出手機拍下了毛。

毛的夢境 － 虛境

（top shot)十數名全身黑衣連頭套的瘦弱的人手牽手站在一起，包圍著毛。

十數名全身白衣連頭套的強壯的人同步進入鏡頭。

白衣人同步粗暴地扯開黑衣人，並抱起他們，同步離開。

毛想阻止，但阻止不了。

白衣人再次同步進入鏡頭，扯開黑衣人，並抱起他們，同步離開。

畫面只剩下毛一人穿著校服，仰望看著鏡頭。

INT. 學校課室 － DAY

毛望出窗，呆望著鏡頭。

淇：
（撞撞毛的手踭）你無野嘛？係咪因為fb單野
唔開心啊？

毛：

<MOST>
 咩facebook啊？

淇：
我地被人影左相po左上fb，好多人留言
啊。（偷偷攞電話開fb比毛睇）

毛：
咁都好討論既，關佢地咩事啊。

淇繼續look落去睇留言，突然停左。

恆留言：影響市容，呢d污漕邋遢既人連朋友都唔應該做。

百多人讚好此留言。

淇呆左。

毛看著淇。

毛：
你無野嘛？
淇：
（鼓起勇氣）不如我去剃毛啊？

毛：
為左佢？

淇：
咁佢先有機會鍾意我。

淇起身。

毛：
我陪你去啦。

淇：
唔洗啦！我自己去得啦。

淇走，毛跟住淇。

淇：
你唔好跟住我啦。我受夠啦。我唔洗你陪啊。
我唔想我既世界淨係得你一個。

毛：
咩啊...我地唔係好地地架咩？

淇：
好係邊度啊？我唔想次次都聽你講啊。

二人靜默。

淇：
我地呢一排都係唔好見啦。

毛企在原地。

<MOST>
INT. MTR － DAY

黃昏。同一個車廂內。車廂內不太多人。

毛一人拉著扶手，露出腋毛。

其他乘客投以奇異的目光，開始竊竊私語。

毛感到難受。

毛穿上冷衫，

目無表情地拉著扶手。

INT. 學校課室 － DAY

男老師在上課。

毛站在壁報板前，

看著自己的腳，無聊地玩著。
男老師：
（os）毛靜！有無聽書架你？

毛不發聲，仍然低著頭。

淇低著頭。

男老師：
我岩岩講緊邊頁？

毛抬頭，眼神凌厲，看著男老師。

毛：
我。唔。知。

男老師：
你以後上其他老師既堂都企係後面！！

下 課 鐘 聲 響起。

男老師離去。

女同學1，2，3，4圍到淇身邊。

女同學1:
（對淇）你去邊脫毛架？

淇：
我無脫啊，剃左咋。

女同學3:
咁好既，我脫左都仲有黑色點點。

淇：
係咩？（有點尷尬）

<MOST>
毛看著她們。

女同學4:
（os)我都係啊！脫毛個個話我毛孔閉塞，要
比多d錢做多個療程wo。

女同學2:
（os) 我介紹你地去我舅父間脫毛公司做啦，
有折架。

女同學1，3，4:
（os）真既！（異口同聲）

毛聽不下去，走出課室。

淇望著她。

女同學1:
咁我地星期六去啦，好無？

女同學3:
（對淇）你去唔去？
淇晃過神來。

淇：
哦！好啊。

INT. 學校課室 － DAY

黃昏。課室只剩下毛和淇。

（top shot)毛和淇在收拾書包和桌面。

二人靜默。

毛：
陳淇，我有野想同你講。

淇停止了收拾。

恆：
（os) 啊淇，你走得未？

淇：
走得啦，而家走。

毛感到錯愕。

淇收拾好書包，離開課室。

淇挽著恆手臂。

毛坐在原地。

INT. MTR － NIGHT

同一車廂內，不多人。

<MOST>
毛按著手機。

手機顯示是毛whatsapp淇：聽日一齊返學啊？我係你屋企樓下等你。

whatsapp裡面，毛一直有whatsapp淇，但淇沒有回覆。

EXT. 淇屋企樓下公園 － DAY

清晨，人煙稀少。

毛坐在公園長凳，望著樓的門口。

毛等了很久。

(jump cut)毛坐在公園不同位置等待。

毛嘆了一口氣，站起來，離開公園。

EXT. 學校操場 － DAY

同學均走向操場集隊。
毛直接排在記了名的隊上。

淇跟著恆走去操場。

淇見到毛，

二人四目交投，

毛走近了淇一步。

淇移開目光，快步離去。

毛失落。

毛看著自己的腳，無聊地玩著。

(cu)毛的腳，旁邊多了一雙腳。

毛抬頭，看到國。

國臉上鬍鬚多了。

毛皺了一下眉，忍俊不禁，偷笑了出來。

國：
你笑咩啊？

毛：
無啊。我好耐無見到人留鬚。幾得意啊。

國：
等我再留多d鬚，就會好型仔架啦。

毛：
下話～

<MOST>
 國：
你唔鍾意人留鬚架咩？

毛：
唔係啊！幾好睇啊。

國：
真係？

毛：
唔係啊。我講笑咋嘛。

二人相視而笑。

INT. 學校課室 － DAY

男老師走進課室。

毛企起身走到壁報板前。

國看到，亦站起來，走到壁報板前。
毛不明所以。

男老師：
國，坐返埋位。

國：
我腳痕，想企下。

男老師不敢再多說什麼。

毛饒有趣味地看著國。

國：
係咪覺得我好型呢？

毛：
一定係啦，蠢材。我唔洗人陪我企啊。

國：
我無話要陪你啊，都話我腳痕。

二人看著黑板。

毛又望著自己的腳，無聊地玩著。

國：
好好玩咩？

毛：
我係感受緊五隻腳趾既存在。

國不明白，但覺得有趣。

毛：
你唔望到d腳趾，你都唔知原來佢地生得咁唔
一樣。但係你睇唔到，淨係感受呢，其實佢地

<MOST>
 本質係一樣架。佢地都係腳趾。（邊說邊閉著
眼感 受）

國看著毛，也跟著她一起閉著眼感受。

國閉著眼微笑。

毛看著國微笑，也微笑。

毛：
我係咪好奇怪啊？

國笑而不語。

國：
點解你要留住d｀格拉底’毛？

毛：
因為我唔知點解要剃。咁點解你要留鬚？

國：
因為...我都唔知點解要剃。
毛：
（失笑）你咁無創意既。

國：
係真架，我唔知點解要剃。或者咁講，我唔明
點解大家都要剃。

毛：
咁係男仔角度，女仔有毛好醜咩？

國：
對其他男仔可能係啦，但係對我黎講就唔係。

毛：
點解啊？

國：
有無毛咪又係人一個。點解要咁執著一個人有
無毛。

毛靜默。

毛：
咁如果我話你剃左鬚，我就鍾意你，你信唔
信？

國驚訝又開心。

毛：
（無視國的反應）你又點會信啊。咁點解個傻
妹會信架？（望住淇）

國有點失望，以為毛喜歡自己。

下課鐘聲。

<MOST>
 國：
你放學有無野做？

EXT. 學校天台 － 黃昏

國和毛偷偷跑上天台。

國和毛均喘著氣。

毛看到日落，驚嘆。

毛：
嘩！！呢度好正啊。

國：
係呢～我無介紹錯呢～

毛跑去欄杆。

毛：
（大叫）啊！！！！
國急忙跑去摀住毛的嘴巴。

國：
你個痴線婆！咁樣會被人發現架！

毛：
係wo～

國和毛大笑。

毛：
我想摸下你d鬚啊。（伸手摸）原來咁吉架！
好神奇啊。

國：
你摸左我d鬚～我都想摸下你d｀格拉底’毛！
（伸手）

毛：
（避開）唔比！哈哈，你抓到我就比你摸。

國抓住毛的雙手，擁她入懷。

毛愕然，沒有推開。

國摸毛的頭髮。

國：
我想，好好咁守護你。

INT. MTR － DAY

早上，同一個車廂。

國和毛穿著校服。

<MOST>
國和毛拉著扶手，愉快地聊天。

到站停車。

國和毛牽手走出車廂。

EXT. 學校操場 － DAY

同學已集好隊。

國和毛排在記名的隊伍上，兩人平排。

毛偷偷摸了國的鬚。

毛偷偷地甜笑。

國伸手反擊，但被毛抓住。

二人被男老師訓話。

國和毛扮認真地聽，二人偷望對方，
二人甜笑。

INT. 學校課室 － DAY

男老師在上課。

國和毛站在壁報版前。

國伸手牽毛的手。

毛看著國，國也看著國，

二人甜笑。

毛的手牽得更緊。

虛境

全白的空間，白色正方形箱子不規則地疊起，擺放在整個空間，空間裡面藏著
很多鬧鐘，只有一兩個鬧鐘明顯地放在箱子上。

國和毛站在空間的中間，由箱子包圍。

二人面對面牽著手，

二人對望，甜笑。

（ms)二人擁抱。

鬧鐘聲。

二人皺皺眉，分開。

毛看到正在響的鬧鐘，走去關掉。

二人對看，毛笑著走往國。

<MOST>
第二個鬧鐘聲。

二人尋找第二個鬧鐘。

國找到第二個鬧鐘，準備關掉。

第三個鬧鐘響。

二人不耐煩。

第四個鬧鐘響。第五個鬧鐘。全場的鬧鐘響。

二人四周看。

國皺著眉頭，關掉手上的一個。

國繼續尋找。

國找不到，放棄，坐在地上。

毛繼續找，找不到，有點失落。
毛繼續找，繼續關鬧鐘。

毛看到國坐在地上，發現只有自己在找。

毛放棄，也坐在地上。

EXT. 學校天台 － 黃昏

國坐在天台的凳上。

毛從門口進來。

毛看到國，興奮地坐在他的旁邊。

毛牽著他的手。

國看著外面。

毛挨著國，陪他看著天。

二人靜默。

國：
不如你聽日著冷衫啊。

毛：
（覺得奇怪，望著國）點解啊？

國不出聲。

毛發現國剃了鬚。

毛：
（突然明白）哦～你唔想你屋企人知我有毛，
係咪啊？

<MOST>
國不出聲。

毛：
你唔可以同佢地解釋咩？

國不出聲。

毛：
（有點憤怒）你做咩唔出聲啊？

國：
點解釋姐。佢地都唔明。

毛：
又係你講既，有無毛咪又係人一個，點解要執
著一個人有無毛。

國：
咁你可唔可以剃左你d毛啊？

毛不知如何回答。
國：
咁咪係囉。

二人靜默。

國站了起來。

國：
不如我地呢排都唔好見啦。

國離去。

毛聽到，站了起來。

毛想挽留，但不知說什麼好。

毛站在原地，看著國離去。

畫面黑。

毛：
(os) 我仲以為你會明白我。

INT. MTR － DAY

早上，同一個車廂。

毛穿著冷衫，拉著扶手。

EXT. 學校操場 － DAY

同學在集隊。

毛站在記名的隊上。

<MOST>
INT. 學校課室 － DAY

男老師在上課。

毛站在壁報板前。

虛境

同一個全白的空間。

弱弱的鬧
鬧鐘 聲 。

毛仍然坐在同一個位子上。

但身邊的國已經不在。

只剩下毛和她手上的鬧鐘。

毛關掉手上的鬧鐘。

毛摸摸啊國本來坐的位置。
（top shot）毛坐在地上。

EXT. 學校操場 － DAY

同學在集隊。

毛站在記名的隊上。

毛看到國。

國看到毛。

國後面跟著女同學1。

毛想對國說話。

國迴避毛的眼神，

拉著女同學1離去。

毛站在原地。

INT. 毛家的廁所 － DAY

毛身穿白色背心，站在鏡子前。

毛手握著剃刀。

毛看著鏡子。

手緊緊握著剃刀。

毛舉起一隻手，

看著鏡中的自己。

<MOST>
毛想笑，笑不出來。

毛舉起剃刀。

blackout。

全劇完

<MOST>