Professional Documents
Culture Documents
Ang Himagsikang 1896 ang pambansang paghihimagsik ng mga Filipino laban sa kolonyalismong
Espanyol at sumiklab noong Agosto 1896 sa pangunguna ng Katipunan. Itinatag ang Katipunan o
Kataastaasang Kagalanggalang na Katipunan ng mga Anak ng Bayan noong gabi ng 7 Hulyo 1892
pagkatapos mapabalita ang pagdakip at pagdestiyero kay Jose Rizal. Inisip ng mga tagapagtatag na sina
Andres Bonifacio, Teodoro Plata, Valentin Diaz, Ladislao Diwa, Deodato Arellano, at dalawa pa na walang
saysay ang kilusang repormista. Ang Katipunan ay isang lihim na samahan para ibagsak ang gobyernong
dayuhan. Unti-unti itong kumalat sa mga bayan sa paligid ng Maynila at nagkaroon ng mga sanga
hanggang Ilokos sa hilaga, Kabikulan, Aklan, Cebu, Palawan, at hanggang Mindanao bago natuklasan
noong Agosto 1896.
May ulat na si Padre Mariano Gil ng Tondo ang nagsuplong sa Katipunan. Nalaman niya ito mula
sa isang Katipunero, si Teodoro Patio, na hinimok ng kapatid na relihiyosang ipagtapat sa pari ang lihim
na kilusan. Noon ding gabi ng 19 Agosto 1896 ay dinakip ng pulisya ang maraming Filipino na
pinaghihinalaang kasapi ng Katipunan. Nsa Kalookan noon si Bonifacio at dagliang nag-atas na
magtipon ang mga Katipunero sa Balintawak. Sa naganap na pagtitipon, ipinasiya nilng lumaban para sa
kalayaan. Noong Agosto 28, nagpalabas ng manipesto si Bonifacio na gumaganyak sa sambayanan na
lumahok sa himagsikan. Ang unang malaking labanan ay naganap noong Agosto 30 sa San Juan del
Monte. Samantala, nagsipagalsa din ang mga Katipunero sa mga karatig lalawigan.
Isang masaklap na pangyayari sa Himagsikang 1896 ang pagpaslang kay Bonifacio sa Cavite
noong 10 Mayo 1897. Napunta kay Heneral Emilio Aguinaldo ang liderato. Dumanas ng mga pagkatalo
ang mga manghihimagsik sa ibat ibang pook.
1. Jose Rizal
4. ANDRES BONIFACIO
6. EMILIO JACINTO