Synfocity = 644

Synod Information & Publicity Department, Synod Office (Third Floor), Mission Veng, Aizawl

mail us at : mzsynfo@gmail.com; mizoramsynod@gmail.com - Phone - 2314648 20 th July, 2017

1 Zuangtui Kohhran Biak In thar tur Synod Moderator-in Lungphum a phum
July 18, 2017 (Thawhlehni) zing dar 7:30 khan Synod Moderator Rev. Lalzuithanga'n Zuangtui Kohhran Biak In thar
tur lungphum a phum.
Lungphum inkhawm hi Biak In thar hmun turah buatsaih niin kohhran mipui te kal an tha hle a. Synod Moderator
Rev. Lalzuithanga'n lungphum phumin Pathian hnenah a hlan a, Bialtu Pastor Rev. H. Lalmuanchhana'n malsawmna
in hun a khar a ni.
Zuangtui Kohhran Biak In luahlai hi June 23, 2017 atang khan a innghahna lei a chet avangin luah chhunzawm ngam
a ni tawh lova, tunah hian PWD Godown hluiah an Inkhawm mek a ni. Biak in hmun thar tur hi cheng nuai 110 a lei
niin Synod in nuai 66 a tum sak a, Zuangtui Kohhranin nuai 44 an tum thung a ni. Biak In sak bul tan nan Synod
hian cheng nuai 15 in a tanpui bawk.
An Biak In luah lai luah ngam lohva a awm tak avang leh Biak In thar sak a lo ngaih tak avang hian Synod Officers'
Meeting chuan a thei theiin Zuangtui Kohhran hi tanpui turin Kohhranhote a ngen a, July 20, 2017 thlenga Zuangtui
Kohhranin tanpuina an dawn tawh dan chu hetiang hi a ni:
1) Synod atangin Rs. 15,00,000/- (cheng nuai sawmpanga).
2) Kohhran - 66 leh mimal - 37 hnen atangin tanpuina sum Rs. 20,50,065/-
3) Tha-a hnatlanpuitute : Muanna Kohhran, Mission Veng Kohhran Pavalai Pawl, Seventh Day Adventist ?halai,
Salvation Army, Zuangtui Corps, LAD(UPC),Zuangtui, BCM Mission Department, Zuangtui.
4) Architect, Upa Samuel Lalfana, Khatla, Rev.Dr.Zaihmingthanga fapa chuan a thlawnin architectural design a
tihsak dawn bawk.
Tunah hian PWD Godown hlui chei thain Inkhawm lailawk nan hman mek a ni a, Naupang Sunday School kal nan
High School leh Community Hall hman hawh a ni bawk a. Presbyterian English School kalna atan mimal in ruak
hman a ni bawk.
1 Finance
July 22 & 23, 2017 chhung hian Champhai Kahrawt Bialah Finance Campaign leh Political Campaign neih a ni dawn
a, hemi hunah hian Rev. Dr. C. Vanlalhruaia, Rev. R. Lalengzauva, Upa P.C Vanlalrova, Synod Office, Rev. Lawmsanga,
leh Pu Lalremruata, Revival Speaker te an kal ang.
1 Synod Mission Board
Kumin 2017 January atanga June thlenga Mission Field hrang hranga ringthar an neih dan chu hetiang hi a ni:
1. Arunachal East 117 2. Arunachal North 188
3. Arunachal West 95 4. Assam 28
5. Barak 92 6. Delhi 36
7. Jharkhand 322 8. Karbi Anglong 113
9. Home Mission North 30 10. Home Mission South 160
11. Kolkata 364 12. Lucknow 156
13. Nepal 89 14. Odisha 1
15. Patna 88 16. Siliguri 60
17. Tripura 1112 18. Masihi Sangati 805
TOTAL 3856
1 MSSU
w July 20 & 21, 2017 zan hian Tuikual North Kohhranah Sunday School Zirtirtu Training neih a ni dawn a, hemi
hunah hian Pu John Lalhruaitluanga, MSSU Asst. Coordinator leh Upa B. Lalhmunliana, MSSU trainer, Bethlehem
Venglai te an kal ang.
w July 22, 2017 (Inrinni) hian Chawnpui Vengthlang Kohhranah Sunday School Zirtirtu Training neih a ni dawn a,
hemi hunah hian Upa Lalthahluna Ralte, MSSU Asst. Coordinator, Pu Lalthanchhunga, MSSU trainer, Bungkawn
leh Upa K. Zoremsanga, MSSU trainer, Kulikawn te an kal ang.
w July 22, 2017 (Inrinni) hian Electric Veng Kohhranah Sunday School Zirtirtu Training neih a ni dawn a, hemi
hunah hian Pu John Lalhruaitluanga, MSSU Asst. Coordinator, Upa B. Lalhmunliana, MSSU trainer, Bethlehem
Venglai leh Upa K. Vanlalnghaka, MSSU trainer, Ramhlun East te an kal ang.
1 Zin
July 18 - 21, 2017 chhung hian PCI W orking Committee leh PCI Finance Committee nei turin Shillong-ah
Rev. Lalramliana Pachuau, Senior Executive Secretary a kal a, Upa Lalsawmliana, Finance Manager
pawh PCI Finance Committee turin a kal.
1 Bookroom
w July 3 - 8, 2017 chhunga Kohhran mipuite tana Reduction Sale an buatsaih chu hlawhtling taka zawh fel
a ni a, kum dang aiin mipuiin an hlutsakin sale pawh a tha hle a, a pumpuiah Reduction Sale karkhat chhungin
Rs. 83,38,479/- man lai bungruate hralh chhuah a ni a, kum 2016 Reduction Sale kha Rs. 11,11,505/- in an
khum a ni.
w July 11 - 13, 2017 chhung khan Saiha-a Synod Bookroom Branch puitling hawn leh dan tur buaipuiin a hmunah
Pu Lalniliana, Bookroom Manager, Pu Lalhruaitluanga Ralte, Synod Press Manager leh Upa Lalzarmawia, Sales
www.mizoramsynod.org

Promoter te an kal a, inluah tur te enfelin hmalak dan tur an ruahman nghal a ni.
1 Synod Hospital
July 17, 2017 (Thawhtanni) khan Rawpuichhip Pastor Bialah Mobile Clinic an nei a, thawktu 7 kalin damlo 268
an en a ni.
1 Worship Deptt.
July 20 & 21, 2017 chhung hian Bungtlang Kohhranah Khuangvuak training neih a ni dawn a, hemi hunah hian Pu
Lalromawia, Senior Instructor leh Upa Thanghuta, Dam Veng te an kal ang.
Contd,..
 Synod Information & Publicity Department, Synod Office (Third Floor), Mission Veng, Aizawl

1 Kristian Thalai Pawl

July 23, 2017 (Pathianni) zan hian Ramhlun Vengthlang Kohhranah Mizoram Synod Choir ten hun an hmang ang.
1 Lay Leaders' Training Vawi 197-na neih a ni
July 17-21, 2017 chhung hian Synod Multipurpose Training Centre-ah Lay Leaders' Training Vawi 197-na neih a ni a.
Presbytery - 8 : Aizawl Central Presbytery, Aizawl Chhimthlang Presbytery, Aizawl West-I Presbytery, Chhimchhak
Presbytery, Chhimphei Presbytery, Ramlai Presbytery, Serlui Presbytery leh Tlawng Presbytery te atangin Kohhran
Upa 47-in training hi an nei a ni.
July 20,2017 zan dar 6:30 hian S.M.T.C. Lecture Hall-ah Training kharna neih a ni dawn a, Kharna inkhawm hi Rev.
Vansawma, SMTC Programme Directorin a kaihruai ang a, Synod Moderator Rev.Lalzuithanga'n Certificate hlanin
thuchah a sawi ang, Trainees aiawhin Upa Vungdailova'n thu a sawi ang a. Rev. Lalhluma Sailo Resource Person-in
lawmthu a sawi ang.
SMTC hian Lay Leaders' Training hi kum 1996 atang khan a lo buatsaih tawh thin a, SMTC -ah vawi 162 leh
hmundanga vawi 35 a buatsaih tawh a, Kohhran Upa 6276 an training tawh a ni.
1 Campus Ministry
w July 18, 2017 (Thawhlehni) khan Apollo School Of Nursing, Luangmual Complex-ah hun an hmang a. He hunah
hian Counsellor-in hun hmangin he khawvel ah hian chhan mumal tak neiin Pathianin min dah a, chumi chu hriaa
Pathian thuin min hrilh ang taka nung chhuak turin zirlaite a fuih a ni.
w July 20, 2017 (Ningani) hian Aizawl West College-ah hun an hmang leh ang.
1 MPF Board Executive Committee vawi 95-na an thu a, Political Party te nen thawhhona thuthlung an ziak
July 20, 2017 (Ningani) hian MPF Board Executive Committee chu Synod Committee Room I-ah an thu a, meeting
hi President Rev. Lalzuithanga'n a kaihruai a, Secretary Rev. Dr. R. Lalbiakmawia'n report a pe. Secretary hnen
atangin April 12, 2017 a State Election Commisioner -in MADC inthlan atana Press meet a buatsaihah Rev. Dr. R.
Lalbiakmawia, Secretary leh Rev. Lallawmthanga an tel thu te, MADC inthlan dawnah Constituency 20 ah MPF
Campaign neih a nih thu te leh free and fare election an neih theihna tura MPF hnathawh that avangin Mizoram State
Election Commisioner Pi L. Tochhawng hnen atangin Appreciation Letter dawn a nih thu te leh Constituency pali-ah
Constituency Forum din thar a nih thu te ngaihthlak a ni a. Mizoram Political Party hrang hrang te nena thawhhohna
thuthlung siam thar a ni thu te leh he thawhhona thuthlung hi MNF te, ZNP te, MPCC te, MPC te leh BJP President
ten an signed tawh thu report a ni bawk a. He meetingah hian thawhhona thuthlung hi MPF President leh Secretary
ten an sign ve nghal bawk a ni.
MPF Board Executive Committee Meeting-ah hian Annual General Meeting neih dan tur te, kum 2018-2019 Budget
te, Vote lei leh hralh chungchanga Pamphlet chhuah chungchang te leh thil pawimawh dangte an sawiho a ni.
1 Hruaina Eng FM Radio & TV Programme
w JULY 21, 2017 (FM ZOAWI AIZAWL @ 7:30 P.M.):
Zaipawl - South Hlimen Pavalai-Chhandamtu fakin kan zai zel ang, Solo-Juliet - Ka hriatchian ni, Thusawi - Rev
Lalrinmawia - Anchhedawng thihna kraws, Solo - Lalramchhana-Kan run lo mawi la, Group zai - KTP Zarkawt
Female Voice-Medley
w JULY 21, 2017 (FM LUNGLEI @ 7:30 P.M.):
Zaipawl - South Hlimen Pavalai-Chhandamtu fakin kan zai zel ang, Solo-Juliet - Ka hriatchian ni, Thusawi - Rev
Lalrinmawia - Anchhedawng thihna kraws, Solo - Lalramchhana-Kan run lo mawi la, Group zai - KTP Zarkawt
Female Voice-Medley
1 Susamachar Prasaran Programme
w JULY 23, 2017 (Pathianni) 5:00 pm. :
Group/Choir/Solo : Chhinga Vengthlang - Kalvari me prabhu, Group/Choir/Solo : Aizawl South West - Rabba
Ki Howe Sana, Sermon : Rev Laltharzuala - Sansar se Prem na karo, Group/Choir/Solo : Tetei - Anugrahkari,
Group/Choir/Solo : Amar Chhetri - Jaana Hai Hamko
1 JULY 23, 2017 (Tv Programme) @ 4:00 - 6:00, 8:00 - 9:00 p.m) :
Weekly Round Up, Bungkawn KTP Bial Half Yearly Meet, PC Girls School : Hnam lam & thil dang
1 Moderator Programme
July 21 - 23, 2017 Bial Kohhran Hmeichhe Retreat hmanpui Zote Bial

HRIATTIRNA
Synod Bu leh Synod Financial Report Bu 2016 tihchhuah tawh a ni a, Kohhran copy tur la lam
lo chuan Synod Office-ah ngaihven theih a ni e.
Sd/-
(Upa Lalrinmuana)
Superintendent
Synod Office

ADVERTISEMENT
Synod Hospital, Durtlang chuan GNM zir tur a la dawn a, Prospectus/Application form hi 1st July - 12th
August, 2017 (tlai dar 4) chhungin Principal Office, Millennium Centre Clinic, Dawrpui leh Dr. Frasers
Clinic, Mission Vengah dar 9:00 am - 4:00 pm chhungin lei theih a ni a, application form hi Principal
Office, Synod Hospital, Durtlangah thehluh tur a ni.Prospectus/Application man - Rs. 250/-
Dil thei chin: 1.10+2 emaw a tlukpui emaw pass, 40% mark hmu chin.
2.Nupui/Pasal la nei lo, kum 17-35 inkar.
3.Vacational stream-te tan dil theih a ni lo .
Sd/-
Director
Synod Hospital,Durtlang
Synod Social Front Helpline: 9089777129;
Tuai & Patil
MailHelpline : 8729800130;
us at : mzsynfo@gmail.com,
Students Helpline :mizoramsynod@gmail.com
9856883377
Synod Information & Publicity
Phone - 2314648 Synfo