teks ini pernah dipakai di acara kami darul hijrah dan pernah kupakai di lomba

madihinan antar sejurusan fakultas syariah, rasanya kami juara 2

Pemulaan
Iqbal : awal am dahulu membaca am basmalah
sabalum bejalan tarang dahulu am malangkah
sambilan mangingat lawan tuhan pang allah
sambilan ba doa mudahan jangan tesalah
kyo : sabalum unda memulai madihinan
nang lebih baik harus ada penghormatan
kapada semua nang ada dilapangan
supaya kita mendapat barkat tuhan
iqbal : nang ulun hormati para juri madihinan
nang paling tagas lawan jua bijak sana
tanpa mereka nang menilai buhan kami
paling kena kami bediham haja
kyo : kada ingat jua nang ulun hormati
para panitia,pintar,ulet,lawan gagah
banyak mahasiswa segan maitihi
para panitia dari fakultas syariah
iqbal : nang ulun hormati para penonton setia
nang bujang lawan bakaluarga
wan para undangan nang dating dengan gagah
khusus para supporter nang setia meng hadang unda
kyo : ngumung2kita ni bahas apa
bujuran unda ni pina kada paham
usulakan pikiran pian hapa
hanyar kita lanjut be madihinan
iqbal ; nyawa ni kada jua pe ingatan
beribu2 kali unda memadahkan
rukun islam lawan sejarah alquran
hanyar habis ngitu kita be hapakan
rukun islam
kyo : rukun islam ada 5 kubepadah
nang pemulaan ngitu pastinya syahadah
bunyinya ashaduallaila ha illallah
wan ashaduanna muhammadarrasulullahadalah
iqbal : ngini ada rukun nang saring diamalakan
rukun nang kadua ngitu sambahyang
kalo ngini rukun kada dikarjaakan
neraka jahanam sudah siap menghadang
kyo : rukun katiga ngitu adalah puasa
bulan ramadhan itu adalah waktunya
menahan lapar haus lawan dahaga
dari fajar shadiq sampai waktu magribnya
iqbal : rukun nang kaampat manunaikan zakatnya
baik zakat fitrah ataupun zakat harta
 rukun nang tarakhir tagasnya rukun kalmia
naik haji bila mampu adanya
Kyo : tanggal 17 itu am nuzulul quran
nang pang lah kita salagi kaparcayaan
kitab pang lah suci nang kita bahacakan
yang diturunkan oleh allah pang tuhan

kyo : hamun kada salah dalam keandakan

itu pang lah kitab kada pernah kehilangan
walau am lah tahun sudah am beganti zaman
tarang masih haja dijamin keaslian
iqbal : ingatakan banar tanggal,bulan lawan hari
nabi am Muhammad manarima kitab suci
22 tahun2 bulan dihinggari
Bahakan pulang 22 hari
Kyo : Jadi berupa mushaf nang sekarang kit abaca
Jumlah 30 juz hamun kada salah manata
114 surah nang jumlah banyaknya
Hayo kekawananan Ingatakan dikepala
Iqbal : Kitab ama pang lah suci sebagailah pedoman
Apa pang handak didalam kehidupan
Dari pamulaan sampai akhirat pahujungan
Langkap akan banar disana dikisahakan
Kyo : Bubuhan pamariksa nang ada disini
Coba lihati unda nang bungas ngini
Unda nang bungas kaya roger danuarti
Iqbal : Tapi sayang muka kaya tudung panci
Kyo : Tiganya nyawa mutung pandiran unda
Mamutung pandiran kada dikira2
Roger danuarta dasar mirip kaya unda
Nang lebih parah lagi muha nyawa kaya panda
Kyo : Bunyi karpuk ngitu kriuk-kriuk
Bunyi ma amuk ngitu tanda orang ma amuk
Pina harat muha gaya kisah hapuk
Rambut haja kaya sapu handuk
Iqbal : Jangan banyak ilmu haja lalu nyawa pina koyo
Nyawa guring haja usiknya nang kaya hantu
Kawan pina pasrah melihat ikam mahamuk
Jadi tambah pasrah mandangar ikam mangorok
Kyo : Kada papa jua kat orang mangorok
Nang panting unda gagahnya kaya ken arok
Daripada muntung nang kay tanduk badak
Pantasan binian pina koler beparak
Iqbal : Mana mungkin putri titian handak batamu
Muha haja nang kaya hantu
Kulit hirang nang kaya tungku
 Hidup marigat kaya siluman batako
Kyo : Siluman batako itu kada marigat
Nang unda tahuhidupnya sangat babarakat
Lain nyawa nang kulit hirang pekat
Kadada satupun binian handak baparak
Iqbal : Kada marasakah nang pian sambati
Masalahkata kulit hirang tadi
Biar hirang kulit unda bau melati
Dari pada kulit nyawa hirang bau tahi

Kyo : Kenapa sih nyawa nyambati kulit ngini

Kulit ngini dilulur tiap hari
Lulur kemangi nang mantap sekali
Iqbal : Tapi sayang dilulurnya dari tahi
Kyo : Ngomong-ngomong nyawa ngini dari mana
Rasanya pernah unda melihat nyawa
Malihat nyawa dibanua afrika
Nang jadi TKI nang sadang disiksa
Iqbal : Mata nyawa ngini ditaruh dimana
Jelas-jelas unda kaya david villa
David villa nang dari Madura
Kyo ; Maduranya ngitu sebelahnya afrika
Kyo : Gedung ngitu auditorium banama
Gedung ngini gedung psb ngarannya
Nyawa awak kurus hirang kada baharta
Bemodal bibirmonyong maju kamuka
Iqbal : Caiya caiya ngarannya brigtu norman
Paman sate bejualan depan perpustakaan
Biar haja ngini tapi banyak baisi kenalan
Dengan berakhlak baik banyak beisi kawan
penutup
iqbal : Ulama lewat baiknya disalami
Kalo ceramah kita jangan bapandir
Mungkin samapai ngini madihinan kami
salah khilaf kalo ada salah pander
kyo : kai-kai bajalan dijembatan
handak tajarungkup tacium pohon rambutan
amun salah pander jangan takutan supan
sebab ngitu samuanya pandidikan
iqbal : dari uraian tadi mudahan kawa disimak
kawa diambil wadah kita bejajak
hati barasih lawan harum samarbak
menyebut nama allah kita malapas hinak
kyo : tarangnyalah ulun handak banar parmisi
setiap pamariksa nang ada dilapangan ngini
mohon akan ampun sabalum ulun ma akhiri
 ungkapakan pantun baranglah sabiji
iqbal : kalo nya lah sumur am diladang
buli haja kalo umpat manumpang mandi
kalo pang lah ada umurnya kiranya panjang
insya allah pang kaina badapat lagi

29Nov
MADIHIN KOCAK - JOHN TRALALA BANJAR
Madihin Kocak
Lirik Lagu Daerah
Kalimantan Selatan Banjar
John Tralala

Salamat bertemu salamat barjumpa

Ulun ucapkan kepada ibu bapa
Para penggemar dimana saja berada
Baik nang di kota
Atau nang di desa

Ulun datang hanya liwat udara

Untuk mengajak ibu lawan bapa
Untuk mengibur sarta bergembira
Madihin Kocak bersama John Tralala

Sabalum ulun handak manarusakan

Madihin Kocak nang ulun bawa'akan
Mambawa kasanian Kalimantan Selatan
Supaya terhibur kita barataan

Disini ulun batitip pasan

Lawan panggamar katuju mandangarakan
Lamun tatawa jangan banyanyaringan
Karna di rumah orang sakit bagaringan

Manurut dokter ilmu kasihatan

Tatawa itu memang dianjurakan
Tapi jangan sampai tatawa katarusan
Kaina salah paham dikira lupa ingatan

Kali ini ulun handak mambawa

Madihin Kocak nang ulun bari nama
Mudahan pang pian tahibur barsama

Sebuah kisah dua anak manusia

Nang sadang asik ini dimabuk cinta
Mimang cinta mulai dahulu sudah ada
Kapada makhluk nang sadang banyawa

Sejak jaman adam lawan siti hawa

Kita sakarang sebagai pawarisnya

Sabalum ulun mambawa kisah ini

Muhon maap ulun sakali lagi
Lawan ibu bapa saudara saudari
kalau kisah ini kurang berkenan di hati

Seni mengucapkan syair dengan berlagu yang diiringi alat musik di pulau Kalimantan ini
disebut dengan Madihin.

Contoh syair Madihin :

Pembukaan yang pertama :

Aaawan
Assalamualaikum saya maucap salam
Pada Bapak Ibu Saudara sekalian
Baik nang di kiri atawa nang di kanan
Baik nang di muka atawa nang di belakang
Baik nang sudah kawin atawa nang bujangan

Pada Madihin biasanya pada awal mula pembukaan, isi maupun penutup atau pada saat akab
memulai dan menyambung kepantun berikutnya akan menggunakan kata Aaaaaa.wan.
Tetapi sekarang kata-kata tersebut sudah berubah sesuai dengan yang ingin menunnjukkan
madihin.

Pembukaan yang kedua ini juga disebut pantun memasang Tabi :

Hormat saya lebih dulu dihaturkan

Kepada Saudara laki-laki dan perempuan
Baik nang sudah mandi atawa nang baluman
Kalau ada salah mohon dimaafkan

Isi yang pertama :

Kiamat itu ada bamacam-macam
Tapi ini hanya manurut pamadihinan
Kiamat masyarakat, tarjadi karusuhan
Kiamat bupati, camatnya bagandakan
Kiamat camat, pambakalnya bajagauan
Kiamat pambakal, Katua RT-nya pamainan
Kiamat katua RT, warganya batauran
Kiamat rumah tangga, tarjadi parcaraian
Kiamat babinian, batianan saurangan
Kiamat para siswa, kada sing lulusan

Isi yang kedua :

Dunia sekarang zaman globalisasi

Ujar orang bahasa, dunia basa-basi
Ujar (orang teknik), dunia teknologi
Ujar (wartawan), dunia informasi
Ujar (orang Telkom), dunia komunikasi
Ujar tata usaha, dunia administrasi
Ujar orang bank, dunia likuidasi
Ujar para siswa, dunia reformasi
Ujar guru-guru, dunia sertifikasi
Ujar SBY, dunia demokrasi
Ujar Megawati dunia hampir mati
Isi pantun pada madihin pada dasarnya bebas atau manasuka, tapi kebanyakan dari pantun
madihin bersifat humor, nasihat yang bersifat sindiran.

Penutup :

Ingin berhenti saya ingin batahan

Terbang dipukul bunyinya perlahan
Sambil membunga di akhir penutupan
Membawa pantun sebagai penghabisan
Pinang muda berangkaprangkap
Pinang tua bersusun-susun
Pada nang muda saya mohon maaf
Pada nang tua saya mohon ampun

Pada madihin tidak harus menggunkan bahasa Banjar tetapi juga Bisa menggunakan bahasa
indonesia. Tergabtubg dimana tempat diadakan pertunjukkan madihin.

(Di rangkum berdasarkan Seminar madihin di Universitas Lambung Mangkuran Banjarmasin di

Fakultas FKIP Unlam prodi PS-PBSI oleh Drs. Sabhan, M.Pd)