ZF TEAM

Mizoram Premier League pualin ZoFooty Newsletter vawi hnih tihchhuah a

ni tawh a, khawi chen nge a thlen chu kan hre lo nangin a zawng thlak hlein
kan hria.
Issue hmasa pahnihah tualchhung football chauh kan ziak a, tun tumah
erawh Lunglei tlangval Lawmkima Hmar-in 'FA Cup chu hei le' tih a rawn ziak a,
local news hlang chu a ni ta bik lo.
FA Cup Third Round hi January 6, Zirtawpni zanah khelh tan a ni a,
Manchester City-in West Ham an sawp chanchin Serchhip tlangval Rempuia
nen zeh tel hram kan duh nen Arsenal tantu Ema leh Machhuana te bakah
Liverpool chanchin ngaihnawm tibik Pa Zaia, Ahruaia leh Elnino Bza te vangin
kan belh ta lo.
Tun tum issue kan dah hlutna ber erawh Puia thuziak Mizoramin player an
thawh thahnem tih hi a ni a, I League leh tualchhung football ngaina pha chin
tan chuan a hlu khawp ang.
ZoFooty admin Lalthanzama Vanchhawng hi Mizoram manager a ni tih kan
belh hram a, chumi rual hriat tel nghal tur chu Pathianni tlai dar 1 hian Mizoram
leh Manipur-in Santosh Trophy final luh an inchuh dawn - tan a va na leh
dawn em.
A tawp berah chuan ZoFooty Newsletter hi hun bi nei pawhin kan kal lo a,
free circulation a ni a, nuam tih vanga siam a ni. Whatsapp emaw email emaw
engtin pawhin dawng la i thiante i lo thawndarh ve dawn nia.

LALZARZOVA
editor@ZoFooty Newsletter

Lal Zarzova
Zama
Jeremy
Rsa Betlu
Hriatpuia Pa
Rempuia
Lawmkima Hmar
Machhuana
Rooney Opa
Hmachhuana
Ropuia Renthlei
Elnino Bza

Ahruaia
Tetea Tochhawng
Sangsangi
Zama Rumkhar
Dustin
Bena
Ema
Michael
Rempuia
Zoa
Puia
Amama Varte

FEEDBACK
In va ti ropui ve, tang zel teh u khai... Local football tana in
hnathawh hi ka hre reng a nia. A thlawn mawlh lovang tih ka
ring e.
- Laldenga Zadeng
(Facebook page leh Website lamah rawn comment taima
ula, England captain Rooney ai chuan kan Rooney a la
naupang zawk a, a tha pawh a la za zawk ang. Tin,
Rooney lo pawh ziaktu kan awm nual bawk)
Tha lutuks
- Hruaia Kawlni
(I comment hian minti phur, comment thui deuh la kan
phur zual ang)
Ka download thei miah lo
- Hriata Balcazar Bawlte
(Whatsapp hmanga thawndarh a ni a, i dawng fuh ve lo a
nih chuan ZoFooty Scribd account-ah upload zel a ni.
http://goo.gl/T7XAhG link-ah hian lut la, issue hmasa lam
thlengin download tur a awm ang)

CONTENTS
Page 2

Mizoramin player an thawh thahnem

Page 7

Team pakhat tan chiah hmunruak a awm

Page 8

FA Cup chu hei le

Page 10

Dodoz hian Chanmari FC tan a theihna zawng zawng a pe a ni

Albino Gomes, Aizawl FC keeper

Mizoramin player
an thawh thahnem

FEATURE

- Puia

India ram a football league sang ber Hero I-League 2016-17 chu January 7, Inrinni hian
khelh tan a ni leh dawn ta a, inkhel pahnih a awm ang. Tlai dar 4:30-ah East Bengal-in Barasat
Stadium-ah Aizawl FC an mikhual ang a, zan 7:00-ah champion lai Bengaluru FC leh Shillong
Lajong FC te Sree Kanteerava Stadium-ah an inkhel bawk ang.

HMANAH CHUAN
Kum 1996 a din National Football League (NFL) kha kum 11 chhung zet India rama football
inelna league sang ber a ni a. Kum 2007 November thla khan Indian football hmasawn
zawkna tur a nih beiseiin AIFF chuan I-League hi a duang chhuak a, a sponsor-tu
ONGC hming chawiin ONGC I-League tih a ni. Kum 2014 atang khan Indian
motorcycle company Hero chuan sponsor ve thungin vawiin thlengin Hero
I-League tih a ni ta.

Danmawia,
Aizawl FC

I-Leagueah hian a dintirh atangin club hrang hrang 25 an inlan tawh

a, heng zingah hian club panga (5) chiah champion thei an la awm.
Chungte chu - Dempo SC, Bengaluru FC, Churchill Brothers, Mohun
Bagan leh Salgaocar te an ni. Dempo SC hi vawi thum champion
tawhin champion ngun ber an ni a, season liam ta khan I League 2nd
Division-ah champion-in I-League khel thei dinhmunah ding leh mah
se sulhna tha zawk hnutchhiah aiin inhnuhdawh an thlang. Champion
lai Bengaluru FC leh Churchill Brothers te hi vawi hnih ve ve an
champion tawh a, Mohun Bagan leh Salgaocar ten I-League nomawi
vawi khat ve ve an chawi tawh bawk.
MIZO KAN NI, KAN HMELA THA!
Season liam ta khan club hrang hrang I-League squadah
Mizo player 43 zet an tel a, kuminah erawh he chanchin buatsaih
lai thleng hian Mizoram atangin player 56 zet club hrang hrang
squadah an tel tawh! Heng zingah hian Aizawl FC-in Mizo
player thawh hnem berin 23 an thawh a, DSK Shivajians in
dawtin Mizo player 11 an kawl. I-League team 10 zingah Minerva
Punjab FC leh Churchill Brothers te chiah hi Mizo awm lohna
an ni.

THE TEAM !
I-League club hrang hrangte dinhmun tlangpui leh Mizo
player khel turte kan thlir ang. Mizo mipui tana a ropui lai
chu player 56 zet Mizoram player an awm tur hi a ni a, tun
dinhmunah chuan team 10 khel tur zingah Churchill Brothers leh
Minvera Punjab te chiah Mizo awm lohna club a awm.

I LEAGUE CLUB-A MIZO* AWM ZAT

#
1
2
3
4
5

Club
Mizo
Aizawl FC
23
DSK Shivajians 10
Bengaluru FC
6
Chennai City
6
Shillong Lajong 6

#
6
7
8
9
10

Club
Mizo
East Bengal
3
Mohun Bagan
1
Mumbai FC
1
Churchill Brothers
0
Minerva Punjab
0
Total 56

* Mizo tih hian Mizorama chengte an ni a, Manipur leh state

danga Mizo hnahthlak a huam tel lo.

AIZAWL FC
Coach
Dinhmun

: Khalid Jamil
: 8th position

MIZO PLAYER-TE (23) : Lalrinzuala Khiangte, H. Lalbiakthanga, Rohmingthanga, Albert Zohmingmawia, H. Lalmuankima,
Zothanmawia, Lalthakima, Lalramchullova, C. Lallawmzuala, Brandon Vanlalremdika, Lalruatthara, Lalawmpuia, W illiam
Lalnunfela, Lalnuntluanga, Lalramhmunmawia, Jonathan Lalrawngbawla, R. Laldanmawia, Vanlalduatsanga, V. Laltanpuia,
Rochharzela, Lalhriatrenga, Zohmingliana Ralte, T. Lalnunpuia.

Aizawl FC hi season liam ta khan pariatna an ni a, an hnuaiah DSK Shivajians an awm. Kumin hian foreign player tha an lak bakah coach thar atan
I-League a tawnhriat ngah Khalid Jamil an lak theih avangin mipui beisei a sang hle. Kum 39 a upa Jamil hi hian kum 20092016 chhung khan Mumbai
FC a lo enkawl tawh a, tun tuma Mizo club-in Syrian midfielder Mahmoud Amnah, winger Jayesh Rane, goalkeeper Albino Gomes leh right back
Ashutosh Mehta te an lak theih nana player hmintu a ni.
Tarlan tawh angin kumin hian Aizawl FC hian Mizo player 23 an ziak lut a, an zinga mi 15 hi I-League boruak tem tawh an ni. Mizo player an lak
thar zingah Zohmingliana Ralte hi Shillong Lajong bakah Pune FC leh DSK Shivajians tan a I-League lo khel tawh a ni a, T. Lalnunpuia (Bawihpuia)
hian Rangdajied United tan I-League ah goal nga a thun tawh bawk.
Thingsai tlangval Lawma hian Shillong Lajong leh Royal Wahingdoh tan I-League match vawi duai lo a lo khel tawh a, Chullova leh Ruatthara
te rintlakzia kan hre tawh a, Albert Zohmingmawia hi Indian defender tha te lakah a zahpuiawm loh bawk.

BENGALURU FC
Coach
Dinhmun

: Albert Roca
: Champion

MIZO PLAYER-TE (6) : Beikhokhei

Beingaichho, Daniel Lalhlimpuia, Lalchhuanmawia
Fanai, Lalhmangaihsanga (Sena), Lalchhuanmawia
Fanai, Malsawmzuala Chhangte
Bengaluru FC hi kum 2013 a din chauh ni mahse
hma an sawn chak bawk a, I-League ah vawi hnih
an champion der tawh. Bengaluru FC hian I-League
a tum hnih champion puitu Ashley Westwood aiah
Albert Roca an thlang a, Manchester pumchhuak
hnawlin Barcelona rimnam an lalut!
Roca enkawlna hnuaia vawi khat chiah la tlawm
BFC hian India ram mai bakah foreign player tha
tak tak an kawl nual avangin a zawn a an champion
mai ringtu an thahnem hle a. Kumin hian Indian
Super League a hming chher tak Lalhmangaihsanga
(L-R) : Thuammawia, Sena Ralte, Daniel, Chhuantea, Sawmtea, Beia
(Sena Ralte) chu Mumbai City FC atangin an hawh
a, ani hi Royal Wahingdoh leh DSK Shivajians tan a I-League lo khel tawh a ni.
North Mualcheng tlangval Sena Ralte hian khelhna hmun a chan duh chuan 2010 atanga I-League khel tawh Lengpui tlangval Chhuantea nen
an inel a ngai dawn a, inhliam vanga ISL inlan thei lo Chhuantea leh Sena te India champion tana khelhna an inchuh rap rap tur hi thil ropui tak a ni
ve hrim hrim! Saiha tlangval Beia hian East Bengal a hming a chher hnuin kum 2013 khan Bengaluru hi a pan a, an player pawimawh tak ni chho zelin
tunhnaiah inlan tam lo mahse a thiam a theihnghilh a rinawm loh.
Goalkeeper Thuammawia pawh hi I-League a tawnhriat ngah niin tunhnaiah kan hmu tam vak lo a, Mualpuia thlawk thei ngei kha a la ni e!
Midfielder Sawmtea leh striker Daniel-a te hian an season hmasa berah I-League nomawi an chawi nghal a, goal an thun ve ve bawk !
Bengaluru coach thar Albert Roca-a'n Blues a enkawl chinah coach chhuak ta Ashley Westwood angin Mizo player-te a chhawr tam lo a, Mizo
ngainatu assistant coach Pradyum Reddy a chhuah tawh bawk avangin Mizo player-ten khelhna hmun chang turin an tan lehzual a tul ang. Season
tantirh lamah Chhuantea leh Thuammawia te inhliam vangin an inlan dawn lo a, an dam hunah hmun nghet an chang thei ang em tih hi zawhna chhan
har tak a ni.

CHENNAI CITY FC
Coach
Dinhmun

: Robin Charles Raja

: Hlan kai (Vawi khat khelhna tur)

Chennai City FC hi AIFF in I-League club ni tura a hlankai zinga mi an ni a,

kum 1946 khan Nethaji Sports Club tih hming chawi a din a ni. I-League an vawi
khat khelhna tur a nih avangin an dinhmun tur hriatthiam a har hle a, football larna
khawpui atanga inlan tur an nih avangin fans pawh an nei chhelo tur a ngaih a ni.
An team enkawltu Charles Robin Raja hi AFC A License nei niin Chennai
khawpuia club hrang hrang a enkawl tawh bakah Santosh Trophy-ah te pawh
hming lo chher tawh a ni. Kumin hian Mizo player paruk an nei dawn a, heng
player-te hi MPL-a tawnhriat nei tawh vek an ni.
Malsawmfela hian Pailan Arrows tan I-League season thum khelin goal thum
a thun tawh a, MPL5 best player leh top scorer hi experience a neih that avangin
Chennai City FC player pawimawh a ni thei ang. Ronald Zothanzama hian Shillong
Lajong leh Aizawl FC tana a khelh laiin I-League boruak a lo tem tawh a, amah ang
bawkin Lalnunmawia pawh Shillong Lajong forward hlui a ni.
Chhinga Veng FC player pawimawh pahnih Joseph Lalnunpuia leh
Lalkhawpuimawia te tan I-League an vawi khat hmachhawnna tur mah nise an
thiamnain a tlin a, hming an chher thei ngei ang.
Liandala (Sena) hi player paruk zinga season liam taa MPL khel lo awmhhun
a ni. Mohun Bagan academy chhuak midfielder hian Shillong club Rangdajied
United FC chu I League-ah inhlankai pui tawh a, MPL club Bethlehem VT bakah
Sporting Goa, Prayag United leh club hrang hrangah te a khel tawh bawk.
MIZO PLAYER-TE (6) : (L-R) Lalnunmawia, Liandala (Sena), Malsawmfela, Joseph
Lalnunpuia, Ronald Zothanzama, Lalkhawpuimawia

SHILLONG LAJONG FC
Coach
: Thangboi Singto
Dinhmun
: 6th position
North-East atanga I-League khel thei hmasa ber Shillong
Lajong hi Mizo te thinlungah an mikhual lo a, Mizo team tih
theih hial tur khawp a Mizo player te hmingchherna hmun a ni.
An coach Thangboi Singto hian kum 2013 atang khan a enkawl
tan a, season liam ta khan parukna an ni.
Kumin hian Mizo player paruk an kawl a, I-League a kan
hmuh thin vek te an nih bakah India tan age level hrang hranga
lo khel tawhte an ni hlawm. Tlungvel tlangval Jacob
Lalrawngbawla hi Bayern Munich-ah training zu nei ngat tawh
kha a ni a, Lajong pum chhuak a ni. Armed Veng tlangval
Adinga hi ISL ah kan hmu tawh a, Joseph Lalfakzuala hi Mizo
coach lar H. Vanlalthlanga fapa a ni a, a chhe thei lo !
Hnahthial tlangval Isaac Vanmalsawma hi India senior team
a tel pha khawp a tha a ni a, Zemabawk North tlangval Samuel
Lalmuanpuia hi season liam ta Aizawl FC laka goal mawi
thuntu kha a ni bawk. Midfielder Lalrammuana hian Shillong
Premier Leagueah hming a chher tawh hle a, tun hi a tan
season pawimawh tak a ni ngei ang.

DSK SHIVAJIANS
Coach
Dinhmun

: Dave Rogers
: 9th position

M IZ O PLAYER-TE (6) : (L-R) Samuel Lalmuanpuia, Zodingliana Tochhawng, Isaac

Vanmalsawma, Jacob Lalrawngbawla, Joseph Lalfakzuala, Lalrammuana

DSK Shivajians hi kum 1987 khan Shivajians Sports Club tih hming pu in
din a ni a, kum 2016 atang khan I-League khel tanin a mawngpha an ni. Kumin
hian Liverpool khaw chhuak Dave Rogers chuan a enkawl ang.
Pune khawpuia inkulh DSK hian ISL Emerging Player of the League Jerry
Lalrinzuala chu Chennaiyin FC atangin an hawh a, Aizawl FC captain hlui
Ricky Lallawmawma an lalut bawk. Anni pahnih hi an player pawimawh ni thei
tur khawp a tha an ni. MPL4 best Midfielder K. Lalthathanga (Puitea) bakah
Dinthar FC midfielder hlui Sairuatkima te pawh I-League a inlan thei zingah an
tel.

MIZO PLAYER-TE (6) : (L-R) Ricky

Lallawmawma, Lallianzuala
Chhangte, Jerry Mawihmingthanga,
K. Lalthathanga, Jerry Lalrinzuala,
Lalnunsiama, Sairuatkima,
Vanlalremkima, Lalawmpuia,
Lalhriatpuia Chhangte

DSK pum chhuak tih theih Lallianzuala Chhangte leh Jerry

Mawihmingthanga te hi kan nghahhlehna a rei tawh bawk a, academy lama
anmahni enkawltu Dave Rogers-a hnuaiah khelhna hmun a chan ngei a
rinawm. Shivajians-ah hian Manipur a khawsa Mizo hnahthlak Biaklian
Paite a awm bawk a, ani chhiar tel chuan Pune khaw club-ah hian Mizo 11
an awm tihna a ni.

AFC left back Ricky-an Pune

khaw club DSK a zawm

KINGFISHER EAST BENGAL

Coach
Dinhmun

: Trevor Morgan
: 3rd position

India ram club hlun ber zinga mi Kingfisher East Bengal

hi kum 1920 a din a ni a, season liam ta khan I-League ah
pathumna an ni. The Red & Gold Brigade hi Indian football
a mikhual lo tak, English pachal Trevor Morgan chuan a
enkawl mek a, I-League nomawi la chawi lo an nih avangin
an fans ruhkawlten thenawmte bengchheng thawm an ngai
thei lo tan viau.
Kumin hian foreigner pathum an lakluh tawh bakah Indian player tha engemawzat an kawl a, Mizo pathum an tel.
ZoFooty Player of the Year vawi hnih ni thei David
Lalrinmuana an lalut a, ani hi ONGC leh Aizawl FC tan a ILeague a hming lo chher tawh a ni. Mizo footballer zinga
tawnhriat ngah ber pawl Robert Lalthlamuana hian captain
armband vawi duai lo a lo hreng tawh a, East Bengal Player
of the Season atan thlan a ni tawh bawk. Didika hi a inhliam
avanga hun engemaw chen a chawlh hnuah ISL tha takin a
khel leh thei tawh a, a club tan goal ropui thun turin a inpeih
leh tawh e!

Mizo player-te (3) : David Lalrinmuana, Lalrindika Ralte, Robert Lalthlamuana

MOHUN BAGAN AC
Coach
Dinhmun

: Sanjoy Sen
: 2nd position

Mizo player (1) : Jeje Lalpekhlua

Kum 127 a upa Mohun Bagan hi The National Club of India ti hial a sawi thin a ni a, an club din hnua a vawi khat nan a Hero I-League chawipuitu
Sanjoy Sen chuan a enkawl chhunzawm ang.
Season liam ta khan Bengaluru FC tluk loin pahnihna an ni a, an nomawi laklet tum hian khaw chhak atanga khawthlang player tha thlengin an hawl
kim hle. Kumin hian AIFF Player of the Year nilai Jeje Lalpekhlua chuan Mohun Bagan kawr a ha leh dawn a, an vanneihzia inhre mawlh rawh se!

MUMBAI FC
Coach
Dinhmun

: Santosh Kashyap
: 5th position

Mumbai FC hi kum 2007 a Maharashtra a naupang zawkte football a

hma an sawn theih nan a din a ni a, private sumdawng intelkhawm Essel
Group ta a ni. Season liam ta khan pangana an ni a, I-League team paruk zet
lo enkawl tawh Santosh Kashyap an a enkawl mek. Royal Wahingdoh a
hming lo chher tawh Kashyap hian a sang pathum zingah an tel ngei tur thu
a sawi lawk tawh !

Mizo player (1) : Lalchhawnkima

Kumin hian Royal Wahingdoh leh Aizawl FC tan a lo khel tawh Mizo
defender tha Lalchhawnkima chu an lalut tawh a, Champhai Kanan tlangvalin
Wahingdoh-a amah enkawl tawhtu coach Kashyap-a hnung a zui hi a mak
lo. Mumbai FC-ah hian Siam Hangal a awm bawk a, Bengaluru FC midfielder
hlui hi Mizorama cheng ni lo mah se Mizo hnahthlak a ni.

MINERVA PUNJAB FC

CHURCHILL BROTHERS

Coach
: Surinder Singh
Dinhmun
: Hlan kai
Mizo player : NIL

Coach
: Joseph Afusi
Dinhmun
: Hlan kai
Mizo player : NIL

Minerva Punjab FC hi Chennai City FC ang bawk in I-League khel

thei tur a hlan kai an ni a, kum 2005 a din niin Chandigarh khawpuia
innghat an ni. India international player engemawzat chher chhuaktu
leh Pailan Arrows assistant coach hlui Surinder Singh chu an head
coach a ni dawn. Ani mai bakah hian AIFF Technical Director hlui Colm
Tolm leh UEFA Pro License nei Jose Carlos Hevia te an thluak bur
zingah an tel miau avangin dah hniam ngawt chi an ni lo ang !
Tunah hian foreign player thate bakah India rawlthar duhawmte an
la khawm mek a, an match hmasa berah Chennai City FC nen Chennai
khawpuiah an innuai ang.

2012-13 I-League champion Churchill Brothers hi kum hnih zet kan

hmuh loh hnuah an rawn kir dawn a, Indian football ngainatu tan chuan
chanchin lawmawm tak a ni. Churchill Brothers hi mimal club zinga
Indian football a hlawhtling ber pawl niin I-League vawi hnih an chawi
tawh a, Durand Cup pathum leh Federation Cup an kawl ran bawk.
Tun dinhmunah hian foreign player tha thenkhat an lakluh tawh
bakah Goan footballer tha te an khawm mek a, Nigerian coach lar
Joseph Afusi chuan a enkawl ang. Churchill Brothers hian Shillong
Lajong leh Rangdajied United winger hlui David KC Ngaihte chu seng
luh ngei an tum niin an sawi.

2016-17
Season
I-League khel
tur Indian
player zinga
23% zet chu
Mizoram
player
an ni

HMA KAN SAWN

All India Football Federation (AIFF) in football tier kalphung thar a
duan tak avangin kumin I-League hi I-League hnuhnung ber a nih tawh
a rinawm a, hei vang hian club hrang hrangte an tangin player tha inchuh
pawh kum dang zawng aiin a na emaw tih tur a ni. He league ah hian Mizo
footballer engemaw zatin hming an lo chher tawh a, tun hmaa kutzungtang
thliah tham lek awm thin kha kuminah erawh Mizo footballer tam zawk
hmel kan hmu a, a lawmawm takzet a ni.
Club tin hian a tam berah Indian player 24 theuh an kawl angah lo
ngai ta ila, chuti a nih chuan Indian player chu 240 an ni tihna a ni. India
ram club-te football hmanga inelna sang bera Mizoram player 56 zet an
awm hi a namai lo a, tluklehdingawn 1.252 awmna rama nuai 11 chuang
lek awmna state-in I-League a Indian player zawng zawng zinga 23% kan
thawh thei hi chu hawi san vahna tham a tling!

COVER STORY

Team pakhat tan chiah hmunruak a awm

MIZORAM VS MANIPUR

-Lal Zarzova

Standing (L-R)
Sitting (L-R)

: Dinliana, Chhaia, Sangbera, Rinchhana, Malsawma, Arema, Sangpuia, Muanawma, Chhuantea, Israel, Lalhlima, Ahmuntea
: Mamawitea, Rinchhana, Biaktea, Zautea, Anand (asst coach), Zama (manager), Sanga (coach), Zuala (physio), Jesse, Muanzova, Apuia,
Rammawia

Santosh Trophy final round-ah Mizoram leh Manipur an lut kawp

thei lo a, January 7 tlai dar 1:00-ah North East football thiam state pahnih
hi Polo Ground number 1, Shillong-ah an inhmachhawn dawn.
Mizoramin an match hmasa berah Tripura 6-0 zetin an sawp. Manipur
erawhin beisei tur nei tawh lo Tripura hi 4-0 a an sawp thung avangin
final round lut turin Lalsangzuala Hmar hote tan draw a tawk.

Manipur-in point an hlawh chhuak a nih ngat chuan Mizoram nomawi

beiseina a tawp dawn. Khelmual chhungah H. Vanlalthlanga kaihhruai
Mizoram team an tang em em a, khelmual pawnah Mizoram manager a
tang em em bawk.

Manipurin kum thum chhung a zawnin Santosh Trophy final round

an lut tawh lo a, tun tumah lah Tripura lamah second half-ah goal an
khung lo. Sulhnu leh kumina an inkhelh tawh dan thlirin Mizoram tan
final round a hnai a, mah se inkhel tur thlir lawk nan statistics a tawk lo
thin.

Mizoram manager hian Lammual pavilion-ah dinna bik a nei a, chumi

hmuna a din tawh chuan Mizoram an che tha bikah a ngai a, mak takin a
thleng dik ve thin bawk. January 31 lamah Pu Maruata hi a dinna turah a
la ding lo a, Mizoramin goal an khung thei lo. Zan an ni chho a, Mizoramin
goal an la khung lo a, Lammuala entu khat tlat (pavilion-ah pawh a khat
vek) mah se inkhel chawhnu lamah Pu Maruata chu a dinna turah a ding
tawh.

Mizoramin kum 2014-ah a vawi khat nan Santosh Trophy nomawi an

chawi a, India ram champion ni leh tur chuan qualifier-a an khelh hmabak
minute 90-ah a chetsual a thiang lo a. Shillong lama Mizoten Mizoram
team hi Polyground lamah an tawiawm that a pawimawh ang.

Minute 82-naah R. Laldanmawia'n goal pawimawh bik a khung a, hun

pek belha Zico Zoremsanga goal nen Mizoram 2-0 in an chak. Final roundah erawh hna vangin Pu Maruata a zin tawh lo a, Pu Lalbiakzuala chu
team manager niin champion chhohna kawngah Pu Bza hi a tangkai hle.

Engtin Zel?
Mizoram leh Manipur player-te bihchian a chakawm a, hei erawh an
ZoFooty-in live update kan neih huna belh zeuh zeuh atan kan khek ang.

Pu Maruata a dinna tura a din avangin Mizoramin Manipur an hneh

kan ti lo a, amaherawhchu coaching staff-a awm zawng zawngte leh playerte an inlungrual chuan team a tha sawt a, vanneihna a awm tel thin bawk.

Pathianni tlai dar 1:00-a an inkhelh hunah https://www.facebook.com/

ZoFooty/ ah live update kan ngaichang dawn nia.

Tun tuma Mizoram manager Lalthanzama Vanchhawng hi Santosh

Trophy-a Mizoram manager ni thei naupang ber a ni mah se tawnhriat a
neih tawh atangin chak duh pawimawh zia a tem tawh. Chhinga Veng
tlangval Zama hian Mizoram manager hna a chan hmasak berah
hlawhtlinna chan ngei a duh a, theihtawp a chhuah bawk. ZoFooty chuan
kan wesbsite administrator hi hlawhtlinna chan ngei turin kan duhsakna
kan hlan.

A tawp nan
Mizoramin Santosh Trophy an champion hmasak ber khan qualifiera team manager chu Lalruatsanga Tochhawng a ni.
January 31, 2014 tlaiah Lammual khatin mipui an pungkhawm a,

FA Cup chu hei le

1

- Lawmkima Hmar

FA Cup, official a Football Association Challenge Cup tih chu kan hma lawkah en theih tura
chhawpchhuah a ni ta. Division thliar hrang lo va 187172 season atanga khelh tan, khawvela
football competition upa ber hi a buatsaihtu English Football thuneitu sang ber Football
Association (The FA) hming chawiin FA Cup tih a ni thin a, kum 2015-2018 chhung
erawh chuan a sponsor-tu hming chawiin The Emirates FA Cup tih a ni ang.
Kum 1871 khan FA Secretary C. W. Alcock chuan FA hnuaia club te tan inelna
awm tura rawtna a thlen chu pawm niin he tournament hi khelh tan a ni a, match
13 an paltlang hnuah Wanderers champion lallukhum an khum a, a kum lehah
pawh an champion leh nghe nghe. A lawmman ai mahin a tournament upat leh
ropui avang hian an ngaihlu a, club lian zingah tel lo an awm ngai lo tih theih a ni.
Amaherawhchu, 19992000 season khan champion lai Manchester United chu
FIFA in khawmualpui tina champion club te inelna Club World Championship-a
an tel a ngaih avangin an inlan lo! Hei hi Club World Championship hmasa ber khelh
hun leh FA Cup an khelh hun tur a inrual vang a ni a, neuh neuh a siam tam hle.
He inelnaah hian English football league system-a Level 1 atanga 10 thleng an tel
thei a, amaherawhchu, non-league team pawh nise stadium pangngai an neih a ngai
thung. Premier League leh Football League (Levels 1 to 4) a professional club 92 te chu
tel thei tura tling sa an ni a, a bak Non-league team, National League System (Levels 5 to
10) te chuan FA-in a phut ang an tlin chauhin an khel thei thung. Football ngiah ropuina
ram England-ah chuan a khel thei lo hi an tlem zawk fe a, 2011-2012 season kha team tel an tam
ber tum niin club hrang hrang 763 zet an intihsiak a ni.
Semi-finals thlen hma hian round 12 zet a awm a, Competition Proper 3rd Round (Round 9-na
a ni mah zawk) atangin Premier League club te tel tan. Tournament-a champion tur hian a tlem berah
game 5 atanga game 14 khelh ngei ngei a ngai a, division sang leh hniam ten match an inkhelh tam hleih
thei viau.
Tun season atang hian FA Cup Quarter Finals replay khelh thin chu tihtawp a ni tawh dawn a, hun
pangngaia an inhneh tawk a nih pawhin match khatah chinfel a ni tawh mai dawn a ni.
Hetia FA-in dan thar a duan chhan hi English Club ten fixture an ngah lutuk tih ziaawmna tur a ni a, quarter
finals thlen hmaa replay khelh thin erawh a ngaiin a la kal dawn a, hei hi chu club te zawkte hma khaw ngaia tih
a ni thung.
Club te zawkten an muala club lian an mikhuala ticket hralhna atanga sum tam zawk an lakluh theihna ber
chu replay hi a ni a, club te zawk leh division hniama awm ten titawp lo tura an ngen avangin chhunzawm
zel a ni dawn.

Result rinlawk harsatna tournament ni mahse, tun hnuah erawh club an thang zual a, inelna a san telh telh
avangin a hlu zualin an la thutak telh telh a, Modern era-ah phei chuan non-league team zingah quarter finals
round lut an awm ta meuh lo va, Level
CLUB ZAT PRIZE MONEY
2 hnuailam team zingah final lut an ROUND
Extra
preliminary
round
winners
(184)
1,500
awm ta lo bawk.
Preliminary round winners
(160)
1,925
Kum 2008 atang khan semifi- 1st round qualifying winners
(116)
3,000
nal chin chu Wembley Stadium- 2nd Round Qualifying winners
(80)
4,500
ah khelh thin a ni a, champion 3rd Round Qualifying winners
(40)
7,500
te hian Community Shield 4th Round Qualifying winners
(32)
12,500
bakah, Europa League 1st Round Proper winners
(40)
18,000
khelhna remchang an nei 2nd Round Proper winners
(20)
27,000
(32)
67,500
thin. Manchester United hi 3rd Round Proper winners
(16)
90,000
champion lai niin Arsenal nen 4rth Round Proper winners
5th
Round
Proper
winners
(8)
180,000
vawi 12 ve ve an champion
(4)
360,000
tawh a, champion ngun ber 6th Round Proper winners
Semi-Final
winners
(2)
900,000
nihna an hauh dun.
Semi-Final losers
(2)
450,000
Ticket man leh sponsorship Final runners-up
(1)
900,000
etc chhiar tel lovin hetiang hi an Final winners
(1)
1,800,000
chetthat dan a zira sum an hmuh NB : 1 hian Indian Rupess 83.61 a tluk mek an champion team
dan a ni.
hian Rs. 150,498,000/- an dawng dawn tihna a ni.

INTEVIEW

10

Dodoz hian
Chanmari FC
tan a theihna
zawng zawng
a pe a ni
-Asawma
Mizoram Premier League Season 5-ah Chanmari FC an champion a,
finalah Bethlehem Vengthlang FC 3-0 in an hneh. December 16, Zirtawpni
zanah Ugochukwu Godswill, Vanlalbiaa leh R. Malsawmtluanga ten
Chanmari tan goal khat theuh an khung a, coach Lalsangzuala Hmar-in a
club hlui BVT FC a hneh.
Chanmari FC champion-an kawnga Sanga hnathawh a ropui a, playerte thawhrimna a fakawm bawk. Chutihrualin CFC hi MPL5-a player nei
tha ber a nih avangin club hotute hnathawh sawi hmaih a thiang lo.

Season tan hmaa Mizo player tha an lakluh hnuah BVT an tluk lo a,
league an thunun theih loh avangin Ivorian forward Leonce Dodoz leh
Nigerian defender Ugochukwu Godswill te an lalut. Foreigner pahnih hi
awm lo ta se MPL5 tawp dan hi ziah danglamin a awm thei tlat
ZoFooty chuan tun tumah hian Ivorian forward Dodoz-a'n Chanmari
FC a zawm theihna kawnga mi pawimawh Lalmalsawma kan kawm thei lo
a, Chanmari tlangval Asawma'n kan zawhna te tha taka min chhan avangin
a chungah kan lawm hle a ni.

Dodoz-a'n Chanmari jersey a hak theih dan?

Ka thianpa Jet Airways a ka thawhpui ve thin hi Indian Football Management (football agent) a lo ni tawh a, ani nen hian football hi kan sawi dun
nasa thei hle. MPL second phase a hman theih tur foreigner player tha manto si lo tur hi ka zawt thin a, Dodoz-a hi min kawh hmuh ta a ni.
Foreigner lak kan tum a, Calcutta Football League(CFL) hi kan tin zawn deuh hrim hrim a, he league hi September a zawh a ni thin. Dodoz a hi CFL
league khel zo chiah a nih avangin a awl lai a lo ni hlauh bawk. Ivorian forward hre chiang tur hian CFL-a kan Mizo footballer thiante Mama leh Didika
bakah Liandala(sena) te kan rawn nasa hle.
Kan mi rawn ten Dodoz a chu player tha tak a ni an tih vek avangin theih tawp chhuahin lak tumin hma kan la ta a ni. Dodoz a lak hi thil awlsam a
ni lo a, amah hi Ivory Coast-ah CFL zawh velah chawlh hmang turin a haw thla nghal a. Chubakah ani hi Mohammedan-a contract nei lai a nih
avangin loan a hawh a ngai bawk.
Mohammedan Sporting Club playmaker ber leh an duh lai CFL runners up an nih theihna atana thawh hlawk tak player lalut tur hian hun kan
mamawh rei a. Thla hnih dawn tep inbiakna kan neih hnuah leh vawi hnih dawn lai kan beidawn tep hnuah Pathian khawngaihna zarah Dodoz hi an
ram atangin a chawlh hmang lai ko chhoin kan la thei ta hram a ni.
Ugo leh Dodoz te hi Aizawl an awm hnuah enkawl an harsa em?
Aizawl hi a vawi khat rawn kalna a ni a, an rawn thlentirh atangin nuam an ti a, mawi an ti bawk. Club lamin hotel an thlenna tur kan zawn sak a, veng
chhunga dah ngei kan duh avangin vengchhunga hotel neitute kan han be kual a. Vanneihthlak takin Hotel Chief Guest neitu Pu Lalrinenga Sailo
chuan a hotel-ah hian Chanmari FC club tan tiin a thlawnin a cham chhung zawng a thlen min phal sak a. Chanmari FC pawh a chungah hian kan
lawm hle a ni.
Chaw pawh hotel a mi a rem rem an eiin an in ve a a, an phun chiar lo. Football khel tura lo kal tih takah football-ah chiah rilru an pe a, han lenchhuah
leh bazar a kal tih vel a rilruah pawh a awm vak lo. An room-ah an inkhung deuh reng mai a ni.
Dodoz vanga inbuaina, Chanmari tana a khelh danah a phu tawk bawk em?
Chanmari FC tana a khelh danah Dodoz hi a fakawm ka ti thlawt, a theihna zawng zawng a pe a ni. Dodoz hian champion turin ka rawn kal tiin a rawn
thlimah a sawi a, a thusawi ang ngeiin champion tumin ni khat pawh inthlah dul loin a tumah hian a ti tak tak niin ka hria. Dodoz a hi Professional
footballer tih takah field chhung leh pawnah hian a tangkai em em a, fiamthu thawh peih tak leh teammate-te tiphur thiam tak mi a ni a. Kan buaipuina
te a thlawn lo a, kan tumah kan hlawhtlingah a ni.

Khalid Jamil,
Aizawl FC coach

I LEAGUE - ROUND 1 FIXTURES

January 7, Inrinni
4:30 PM
East Bengal
Vs
Aizawl FC
7:00 PM
Bengaluru FC Vs
Shillong Lajong
January 8, Pathianni
4:30 PM
Chennai City Vs
Minerva Punjab
7:00 PM
Mumbai FC Vs
DSK Shivajians*
7:00 PM
Mohun Bagan Vs
Churchill Brothers
* Live Telecast a ni ve dawn lo.
Match dang pali erawh Ten 2-ah a en theih ang.

11