APPENDICES

CLASSIC
Masalindaw so intan sa minanga pusulngn manapukala a kaludan a linawan ka manawton so ndo ko
daisayan a bagul ka gumanap kakiling so balamak maguyoda ka pumagagaw siran ko pulindongan o ig
igira minisambi so tambulawan a dilim ka ayatawn kisino a kumalatingko sapad so ragara dinadayon go
manaipsawd so bitoon sa purakan.

MERANAO
Lagid o kasisindaw so akwladan sa ragat a maroni sondo sa kilid ka alagido pkaylay a diran di kasugay
siiko pkasoripan ko ig igira a minisambi a miyagagawii ka ayatawn pkitoos na so manok na dumiyapo ko
pamumulan na kumiyoko, ka sumibang so bitoon sa langit

CLASSIC
Ayapman misambi a ptarda so kilat, na masambugoy so sirig nago manayapsawd so bitoon a mezangkad,
ko mapundara ko langit na igira pkapita, na pusigay so alongan ko lipompongan o palaw, nasumalindaw
so intan, sa minanga pusulugn, na metardas so kilat, sa dalidayan a langit nasumambo so minanga, na
garigayn o minanga ka mawg so pinatola gobo phagayawayaw sa dalanuan a ingud nago salindaw ko
sapad, naguraramay ko lama, nago ranti so alongan

MERANAO
Myarantar so mga bitoon ka si makabangus na sa look a langit na aya ketoosaknon a myapita na so
alongan nasumibang ko subangan, sopkapoonan o ig na riyaot o sindaw alongan, lagido bata raraota a
ranon liyangkapdawn a sindaw, kiyatayawan so ingud ago so langowan a pamumulan, miyada so
kalalambungiron ka sininangan so kalalamae a riyaot dun a alongan

CLASSIC
Alongan, gomanapkalinding a warnadn, ko dalanuan a ingud nagosalung so montia, sa minanga pusulugn,
manta a pkalingi a gilang gumilang, so ayawn rarandangen ka ilalabaw iranden e karadiya disawang
kagiyaden a malanggay na mitagomarobasun, so ruporop sa indagan so langona mga dato, goso langon a
subod a pundarpa sa pandi laginding a masokat si Sumiyalalaw Solog pasintano lingonen, e karadiya a di
sawang miyakalimandaw na datano kawbonge so roparop sa indagan nago tanubo sanodi so karadiya di
sawang.

MERANAO

Miyarantardun so kapiya niyan ko ingud izanta o maiilay a miyakapiya piya e paras ko lulumbaanon
gagalbukuneran so dirandi kasonor diyokadokawan siran ka dasirandn toroga go so langowan a mangoda
ngo so mga datu, miyakatharo si Somiyalalaw solog a tomarug tanu pasin programatanu ka Miyakalima
gawii Na datanoden toroga Na gotanobo pharoman ko programa tanu

CLASSIC
Na antari I dimayon sa lalagi dirangaig na merapenet so ganding, na dadun a batabo khanug sa babo
pusambi sa teg. Ka mebobolog so torog santapman andoga ke Baratamay Lumna na mabalong ke
pekharat na babago siran ganat, sa makayang a laminun ka miyorayaw sa torog, sa rumba a ladaneran na
laginding e Lumna a sambila ko magonong, na sayatadn dudurang ko bagobago pephantaw a darpa a
raniay ka dikowae katawan a taginupun inambar,

MERANAO
Piyaratiyayayran so datu eran na ginukaneran so programeran na dadan a khanug ta a pumbibitiyarae ka
tanto sirandan a tiyorotorog, na sipman si Lumna, nagopen poon sa walay na miyakatorog siran a petharo
iyan a petharo iyan a sayatadun kakaden ko bago a pimbabalay a marani ko ruwasa ka diyakn katawan a
pethataginupakenaya,

CLASSIC
A kiyabantayanaken aso alongan si mauray na sayaden pkagiling ko tepdas a lugawan a papanok sa sulug
a romba a ladantake na dataden kalakaye bamathay miyaribon a daden andoranganonLagindingi
pkharat sambila ko magonong na kasablaw a tonong na inontabo agonong na pagendaw dawanta so
kasarigid o dulum ka badn salakaw sa dar a tagenupungko mambo a ptongkopnakokon ko kiyaren
sineregen, na phagapera kampilan e pagrag. Naso kiyatamanan sa tigo magayawa a lumbay na
iniindagerandn a romba a ladanaken ko gogoling phapandayan,

MERANAO
a miyailayaken a so alongan na pukhatingur sa balkon, nadaniyanden lakaye milay na miyadaden a
kapkatatengeriyan na piloba aken na dakundun matoon
pitharo e pkharat a kasandagananan ugaid na nayawnta a kagagawii niyan, kaaden a taginupunaken
mambo a punggakotnako a sambitan na phagaperan ako a kampilan
So kiyapakasaderan tharo angkoto a dwakataw a wata na minindag sirandn ko bangko

CLASSIC
Na daadidun kulinan sa bitiyara masukat sa bitiyara masukat so magayawa a lumbay kagiyadn a
malanggay arangunda khapita na mapamenag irandun a pundalug a dioran sa kakayangana kindaw na
bamiyakapunggalaw so piyakaganateran so magayawa a lumbay na ikayang so tipdas sa legawan na

pisinosinoiran na miyasino iranden na aya pkagiling so talawmalinggawan sa makayang a laminun ka

amnon a inidukuta sulindawron e ulan na tumanda lumikin so magayawa a lumbay na sumarunaya lalis
na manamitangkopa rogong sa daridayan o langit.

MERANAO
Nadisiran dimbibitiyarae sambarambarang so duwakataw a wata
Na kagiyadn a khapita a miyanugeran ba uran na miyakanggagaan siran gumanat a duwa kataw na likaan
neran so rowasa na diranda di pangilaylayn na miyaylayran a ayadn pkatengur so katriran sa lamin a katri
lawanen.
Minggagaan malalagoy so duwakataw a wata na sumiyong siran sa langit

CLASSIC
Pundakaruniranden so kampilan ago klong na pusanggulay sa kamas kolilimampiyala na manaya sa
tigiyan inao mga dato na etarug dun so torog ka miyasayatanu ka miyaribon so ulan a mabalong ko ikada
naso kiyataman sa tig o magayawa a lumbay na mikharata sirandn sandiyaran so klong na bata
mipapanayan gotarda a kilat ko aloyanan a gabon na lunganun tharoan dn ka manduna miyapanay
dalanunan a ingud.
Na sipman si Somiyalalaw Solog na mabalong ki Lumbatan ka baboden phagagawn ko ragiray di mendod
ka pumbalingan sa baya.

MERANAO
Na kinowayran daan so kampilan neran na kiyaptaneran na pitharo o mga wata a inao mga dato na
pamagunaw kano ka miyada so Lawanen ago so mga raganiyan. Kay makapasad tharo so duwakataw a
wata na so mga dato na mekharatadn a ginawayran na tantoden a miyakala so mga kilakilat a poon ko
gabon
Sipman si Somiyalalaw Solog ago si Lumbatan na basirambo phamaka inuma sa eg ka phamatay
siranden.

CLASSIC
Laginding e tupaan na mabalong ki lumbatan na ino bakano pandang nagoniyo pusawdi sa dalaan a
maminar so panamantanu sa teg na batanudn banuga ka apiya anda tangkal e khabanigantanuron ka
busungn nako malab baakn dn ganati o di kawlodi sa tao isayang ko sa gba pakitambaganaken sa apoy a
lagindaba di mada kao and a dimalab ko langowan a pundatoon solosogng kopn an makuwa totola didn
kaphagingudan sambulanan saragon. Kagiya mada sa tig so rinawraw tupaan na magayonayon siran.

MERANAO

Pitharo e Tupaan ago si Lumbatan a bakanu mga babay ago kanu punggoraok sa kiyada o Lawanen ka
batanudn banuga, apiya anda engud e khatoonan tanuron, na diyakendn awaan o di kalungani sa taw, ka
pakitotongakempn. Na aden a dirompn matay na kuwaanaken ka talasogoayaken ka an makuwa totola so
ingud a didn kabalingan sap era ragon. Na kageya gomunuk tharo so dato na miyagayonayon siran

CLASSIC
Sa inganun so kuyang ko inganganan sa kota so Rinamentaw Mapalaw na bapiya katemegan sa Lampina
sa raya a sanggoyodiyan ko eg na piyakatemegan so inganganan sa kota sa Rinamentaw Mapalaw na
bapiya katumugan na lampina sa Rayasan sanggoyodiyang ko eg. Pipandi anerampen so Pamanay
Lomayan a biyakes a indoron sagaygayan sa bunga asakilat mangkomadug umurimbang sa demaraw
ganatantaroden na itogalin taso tig ko daranda mabaganing napasineyotupaden a dalalona pandi o
Renamentaw Mapalaw kaantanu kaganati a minanga pusulugn.

MERANAO
Sa punopunoon neram baden a mga ala a gumaan so barko eran sa Bumbaran a Rinamentaw Mapalaw na
iphoon kombala a kilid a barko na pinopino iran a sinapang
So barko eran na aya inipandi eranon na pandi e Lumayon, maana aya magu-udaon ko barko eran na
langon o mga datu sa Bembaran.
Pitharo o Dato keran a panapaduneyoden so pud a roran o barko ka an tanu makalarga.

CLASSIC
Kabaari mambo sawang nasagorongan a lalis a rapeg a barobaro nasayata mesasayan ko ptardaa kilat a
pakasasagadiran ko layagen a maporug na kalaboanerandn a makoranda a ingud napuphakatopaneran na
amay ka makatopa na powalasambo sa taw kapakatemeganeran sa lagindinga dimada natawbatapliin na
sayatu mesasayan ko sasayatana romba kadapen kapagingudi so pukhalaboaneran na kagiyadna
malunggay na methagomarobasun so pundaramba ko bidang na dita mambo dawayin ka mezaliyo
somayag a diiron di kambiday.

MERANAO:
Kaykoplarga siran na daan siran a milalis na go piyopokeran so kolintang na datar sirandn o kilakilat a
kagaan o kaplarga eran na aya pikiriran na sadun sa mawna eran a ingud an dodon so Princess Lawanen
na pulungananeran sa taw, nago thotongneran a ingud na dapun kapagingudi na kay mathay na langon
sran a magu-uda ko barko na tantowa diyokawan na tego datu eran a sii tano domukha sa kilida ragat ka
uba and a sumagud a pud a barko

XI

Dawra ayaw sa torog so salalana subod nagoden makapundaging so Sumiyalalaw Solog na manaya sa
tegeyan a Agononga Lumayon na enu mangaday ladan o pasintano umbongan so roparop sa indangan
kamethagomarobasun so pundaramba ko biday na lagindingi Lumbatan adiniyan e lalako pasintanu
Labuan so malopolo puzaleg ka o adna sumagad a berangaya epuzayan na kabantayoneyandn so lolongo
biday tanu--- liyabo anerandn so malopolo puzaleg na enombonganerandn so roparop sa indagan na
lewaten tadn sa darn a etogalin ta so teg ko Mabaningdaw Rogong.

MERANAO:
Miyaka suggest si Somiyalalaw Solog a tigeyan ko Agononga Lumayon a inu mangaday o pasintanu
pakatoroga ka tantodna diyokawan so langon o magu-uda ko barko na miyaka tharopn si Lumbatan a
giyanan mambo e kabaya aken a sii tanu domukha sa kilida ragat ka uba adna zagad a barko na khailay
niyan so ulo o barko tanu domekha sirandn sa kilida ragat na miyamakatorog sirandn.

XII
Itogalin taso teg ko Mabaning daw rogong kayrandarandangiyan a diniyan kambiday ka inidorowabantog
ka magawasa gobatan ka miyasipaw so kalipapa daayaw kalangen sa manabonga sa miyangen so
sampayan o Lumbayoda ingangan sa rogongana sebokaw na mekhawlanganitaw kabalabag sa gobaten ka
ipoon tasa lolong na wetntasa ulinan naditamaytong milay e rarantayan a bidang ka baniyan enekhateg e
lagalaya somalug kapalanandodorowan sabolawan datumanong sa oray domalondong a mezorumbi so
okop sadaadi khabantayan a warnawarnaden.

MERANAO:
Sopman so Mabaning namiyabayabaya---sa kaplarga o barko niyan ka miyakaganat den sa ingudiyan ka
miyapunopuno so barko niya ko mga ruraneyan a imbtangeyan ko Lawanen ka pagowetniyan sa ingud o
Lawanen.
Ipoon sa ulo o barko niyan na taman sa uriyan na mapupuno naditakhabilang so kadakel o roraniyan a
perak ago bualwan nabaniyandn piyakikolambuwan so perak ago bolawan ka andipkailay a kapiya niyan
e paras.

XIII
Ko darpa e Mabaning na ba pakattetemugi sa lalawangana manggar a sapolomelobay a pizosonana
manggar ko dadabongano menuken na piyakazaa-saap sodarpa ona lotang sayana

pakaranon si Mabaning Daw Rogong sa kudarangana Ina ka ayaden menesambi a mirigi sa malungga
sandidirobayan sabok a ayawa babagulun kabolayoka a lesu a dumakolay alisun si Mabaning Daw
Rogong na ayadn matatabo a mampirampin so asar so alongan kaboklod menesundig na masikun
pundoraten amobolawan sindaw a puzaleg a dabo a rangkaniyan.

MERANAO:
Sopuman so akkadnan e Mabaning ko barko niyan na pupuno ona tembak a langon mga aala a timbak a
piyakapulapilapis
Sipuman si Mabaning ko barko na tominindug sa malombat a rorobayniyan so bokiyan a matas ago
babagulugn a mabobolaw na ayawto a matatabo a oras na pukhagabi ka puphakaranidn so alongan ko
palaw a sumisindaw na dabo a karangkaniyan.

14
Nagodaluyongsondo a manawta puzamber nagodaeyas so ranon ke Mabaning Daw Rogong nagoden
makapundaging a madaman sa tegeyan a Talntaka Matangkoy andimambutadaken a dikodn khapantonan
sorangkono ki Ulan nalagindingi Matangkoy a methaluntak si ladan na phagundawdaw kadn ka di
malnggay di mathay na kabantayankadn so dimarawalongka nalagindingi Mabaning nadikodn
khapantonan so rangkono ko ki ulan ka idadalawdn sa dar so arkata Lawanun ka knadn a basawang ka
odiyakn kabantaye na khabalona luthangko a mephanasong sa baya a ginawa ladanakn.

MERANAO:
Nagosambur sondo sa marani nagokaranoni si Mabaning ko pagariniyan a si MATANGKOY a tegayan a
pagariko na antona miyasuwa aknaya a tantowakendedn a ipkhadali so lawanen na miyakasumbag si
MATANGKOY tegeyan a pagariko na nayaw Kaden kadidn mathay na khaylayngkadn so Lawanen na
miyakhataro pman si mabaning a diyakndn kategur a ranonakn ki Lawanen kadataraken o pkhaylay a
mararata a ginawa niyan ka odiyakn maylay na ayakndn ephatay kapipikiraknon.

15
Lagindingi Matangkoy a methalentak ki ladan na ayaki a lalako na bangkaden pangombonge so roparop
sa indagan ka pakizandaganaken ko kanakangko gadongan so kalipapada ayaw ka anka kabantaye so
Arkata Lawanen na para sa kabnaran si Mabaning Daw Rogong na panalananiyandn so dadaganbo
menukun, orayawan sa torog naso kenenagoniyan ko galingana mephangkat na ene indagiyandn a romba
a ladaniyan ko gogolimpipandayan na mawatan panawagen so daridayana ragat a manaya sa teg eyan a
deridayan sa ragat na darundangkasa lezan ka anaken kawmbonge so roparop sa indagan.

MERANAO
Miyakatharo si Matangkoy a tegeyan pagariko na aya kabayaaken na aya bakadn pakatorog ka
pakaawidanaken sa tonong so barko tanu ka antano magaan makawma ka ankadn mailay so Lawanen.
Kiyabunaran so Mabaning na somiyong dn ko igaaniyan ko barko na tiyalowaniyan so maid iyan na
tegeyan a kayatangka so igaanaken ka anako toroga pasin.

16
Si mambo si Mabaning na minibolog so torog ka gomana phanirigan e meodayaw ron a ating naso romba
e Matangkoy na piyantonaniyan dn so kanakan sa gadongan a manaya sa tegeyan a tanang kanoden
kamput sa ginilingana narra abongkalisiyo sa ig na ayaki akadayong na makapira miyambay sa
kakayangana kandaw nagobo pakadulunga sa didalum a tangkopa e limogaw sa rontayg natarowagkha sa
tonong kambidaynan sa gorong nagong katarda lalis o kanakan sa gadongan nadiniyo puzawange kabong
kalisa so ig,

MERANAO:
Sipman si Mabaning na tantowa teyorog na phangalililid so atingiyan sa kiyatorogawn. Sipman si
Matangkoy na siyogo eyan so mga ngongoda ko barko a tegeyan a langongkano kapud sa pora na
languntanu tumawag sa tonong ka antano magaan makawma ko songantanu na ubakano pkharibat a
langontanodn pupora sa kilid o barko tanu.

17
Na antari edimayon sa lagindingi Matangkoy natanandun dunmiyakar sa ginilingana narra so tarza a
mangoda.
Lawasan andoganta so Rimanentaw Mapalaw ayawa guminiling ko malopolo lgawan na ayaladi
Lumayon na daniyandn nombonge e roparop sa indagan kapithodayaniyandn e kadadayon o dalum na
mapamunagiyandn a gumanap kitlas ko kalodana linawan napisinosinoniyan nadaniyan dun masino ka
ayabo pukhasino na kilatodayongeyan a sobonga komakadug sa kalodana linawan.

MERANAO:
Na langon sirandn miyatiyaya ki MATANGKOY na langon sirandn komiyaput sa pora.

Sopman so barko a taga Bumbaran a Rinamentaw Mapalaw na pulargasiran mambo nasipman si

Lumayon nadadn pakatorog ka pitodayaniyanden so kagagawii na miyailayniyan a lagido mituturasa
apoy na ayabu a pukhaylayniyan na apoy.

18
Lagindingi Lomayon kanakangko Bembaran na ethakiyang so torog kabatanu pnayawa e kadaiya solna
ko Rinamentaw Mapalaw natanangkana Dakar sa paliyatago potaw nago pamakaidaga ko kabokabo a
lotang na kormatn a tombor so pumbarangay marandang naba ari mambo sawang na tanandn domiyakar
sa paliyatana lodang so kanakan su Bumbaran na gobo pakasalama ko kobo kobo o lotang nagodn
tarobang so bel kombalasa bhazayanan na metarda so kilat na manadulaga oran a kabaiyaso ambor ko
kalipapa daayaw kabamezorang mega so kanakan sa gadongan.

MERANAO:
Sipman si Lomayon na piyokaw niyan so mga ngongoda ko barko na tigeyan pamagnaw kanu kabaniyo
pnayawa e kawma a ruktanu o kadug natanangkanu kaput sa timbak.
Piyaratiyayayran so datu asi Lumayon na piyamakambtoeran so mga tembak kiran na piyaka-agawiran ko
pukhaylayran a Apoy na takinuba a gyoto so barko e Mabaning na miyamakayga so mga ngongoda e
Mabaning a miyangasusugat.

19
Na manden a piyonayon so alono kalumbayan nagosaronayalalis a manaya sa tegeyan a kanakan sa
gadongan nadikanu kharowange na o and a damalab na panalangkanu Dakar sa paliyatadi potaw nago
pamakaduranga ko kabo kabo a lotang so dadna natangeyan sa pagayawa ladiyan na antari e di monot ko
lagindingi Matangkoy natananden domiyakor sa paliyatadipotaw so kanakan sa gadongan nagoyran
pagapirun sa kakayanganindaw nagobo pakaduranga ko kabo kabo a lotang nagoden tarobang so lol
nalomontana so lukup natomarasay so kilat nagomana pukhararay a kalodana linawan.

MERANAO:
Tantowa miyarata gianwa e Lomayon na milalis na tegeyan a mga ngongoda na dikanu khaluk na o and a
damatay na kaput kano mambo sa mga timbak ka malos tano ka mataan angkaya a tominimbak ruktano a
dadna adateran a taw. Piyaratiyayayran so Matangkoy na langon sirandn kumiyapt sa timbak na
piyanimbakeran mambo so barko o taga Bembaran na datardn mambo o kilakilat a kapukhaylaya ko mga
panglo o timbakeran.

20
Lagindingi Matangkoy a kanakan ko gadongan abiyaksa endoron sagaygayan sa bunga abaniyo zawange
e kabongkalisa ko eg ka esugantanusiran kasogabayna biday so barangay ran koi g kang galuda tanoden
sa kalodana linawan kakampilani sumambi na dingkari kabayaan so kanakangko gadongan a biyaksa
indoron sagaygayonabonga ka biyakusa kunuman na domiyakar sirandn sa kaliyatadi potaw
nagopagapirapirun sa kakayangana kindaw nagodn pakasalama ko kabokabo o lotang na erigiyan so
lukup.

MERANAO:

Pitharo e Matangkoy a mga ngongoda na diniyodn tharugun a kaplargatanu ka ubayntanu siran

kanggaluda tanudn sa ragat sa ayapman a thamparn naso mga kutub na kagiya ko dayrampn mawbay so
barko o taga Bembaran na daaneran a piyamakambto so mga tembakeran na dataro dalundug a
katanogiyan na aya kabagureyan na miyakoyong so barko o taga Bembaran na lagidkon mambo o
mabagur a oran a kiyagdamayranon ko barko. Na lomikup dn sa ragat sadiran di katimbaka.

21
Natornasay so kelat na manduna miyasoba a dalundng so ka paraan ka amndalendega uran a pamakatana
iyan ko Rinamentaw Mapalaw. Sipman si Mabaning nabamiyakapung-galaw sa piyakaayaniyan na
kabantayan niyanden so kanakan a miyalab na esanggolay so tobaw sa katabilanga beneng na maniyana
di sino kasowari so mawaraw a andanga thatagaman na madaman sa tigiyan pithalentaka ladan na
pagsidiyakongka kapusinosinoken andaromaga tangkal e pukhaganataneran nago pusino-sino naken e
kadnan datu eran

MERANAO:

Na mikilakilat pn na tarosa a mindadalundug na datardun o mala a oran a kapkhamakatanug o panglo eran

ko barko o taga Bembaran.

Sipman si Mabaning naso kiyapakanaw niyan na minggagaan montod na miya ilay niyan so miyamatay a
mga ngongoda na metobaw sa benaneng na dataro diniyan iitatapian so miyamatay ka mathana e karangit
na petaro eyan ko pagariniyan a punayawakongka ka mobayakokeran ka anaken katokawe o anday
ingudiran goa natae datu iran.

22
Na amay ka masinoko na tondogengko a biday ka powalasangko sa taw ka sadimapakabaling sa
dadaliyan kargan na zolozologangkopen. Ayadn kawnotan a ekormat sa bansa ko methagoma marandang
na baari mambo sawang na parasa pukhapita ka milalansay ko langit so pindiyara ko subangan na mirigi
si Mabaning ko lolongo bidayniyan na kabantayaniyandn so Rinamentaw Mapalaw ka piyagibatibatan
kabasiranon maasa alongana mga datu sa Iliyana Bumbaran.

MERANAO:
Amay tege Mabaning katokawanaken siran na tondog nakn siran a barko na phamonoonakn siran langon
na sapn sadiron matay nandakupunaken a daan, ka epagomanakempn a pagowitn sa Bembaran. Na
samanoto na magaandn mapita ka pusubang so alongan sa subangan na gumiyanat si Mabaning na
tominindeg ko ulo o barko niyan na miyailay niyan so barko a Rinamentaw Mapalaw ka miyakilala niyan
go miyaylay niyampn so mga datu sa Bembaran a langon siranon maka-ada ko barko a Renamentaw
Mapalaw.

23
Lagindingi Mabaning na mapundara sa dulum na tampilongka phangolin nagongkapakabantaka ko
lolongo biday tanu ko umpara o mapalaw ka panalanangkosiran ka baakn di ezae si Sumiyalalaw Solog o
enuwako zalanaa a tabooka masalug a daakopn ezae a baana minibago a rampana sa Bembaran na uda a
rido sa dar o langowa mga dato na ungangungka pithanan ka panalanangko siran ka bosongnako malab

odiko pakakaduga so magayawa a biday ka ay diko mitimbang ko langono mga datu ka antaedi pungganat ko diwatandaw gibonan.

MERANAO:
Pitharo e Mabaning ko driver ko barkoeran a tingurangka a barkowaya na paka antapangka sa ulo o
barkotanu ko barku eran ka zongako keran ka pagiza-anakn si Sumiyalalaw Solog o inuwako niyan
pakiphanimbakn ago daakoniyandn ezae go epageza akn keran o ba adna rata a genawayran rakn
Pitharo iyan ko pagariniyan a pakalanat kadn ko zongakokeran na mezapa si mabaning kka uda maptharo
eran a rataa genawayran rakn na thotongnakn so duwa timan a barko ka antona e kadato eran a diyakn
mambo kadato.

24
Ayatapman dodan si Sumiyalalaw Solog a mabalong ki Lumbatan na kabantayanerandn so barangaye
Mabaning a kalipapada Ayaw a manduna pithangkopan a luthingan goso lupa nagosalalawa ranon so
langowa mga datu ki Mabaningdaw Rogong na siyawdanerandn sa dalaana maminar ka liyangolay
meragat luwasanandoganta ki Limogaw Saromayag na eneduza iyandn ko umpara o mapalaw so lolongo
biday niyan natumarda lumikin si Mabaningdaw Rogong ko umpara o mapalaw na lagindingi Lumbatan a
ingomaka Agonong

MERANAO:
Sipman si Sumiyalalaw Solog ago si Lambatan na miyaki lalayran mambo so barko e Mabaning a
kulilimpada ayaw nadatar kirangkon o minidag a langit ago so lupa na langon siran kiyagagawan ki
Mabaning na miyamaka sugad siran langon ka miyapikiriran a kiyarasay mambo e Mabaning sa ragat.
Sipman si Limogaw Saromayag na miyontod ko ulo o barkoeran sa Bumbaran na sipman si Mabaning na
tomikaw tomupak ko ulo o barko eran sa Bumbaran na tigi Lumbatan a dayongkadn pagariko.

25
Ka inidalaw ka sa dar sadangkadn kapakagid nasi mambo si Mabaning napharonaydn sa pantaw ko
madiwandiwanga dar o Sumiyalalaw Sologna kawanan si Lumbatan nasayana pakaranon
kaginilinganerandn sa lupalupa darimbang a manaya sa tegeran na agononga Mabaning nakatayadn so
mono napuphangombongingkadn nasorombae Mabaning na madaman sa tigiyan saribat I a datu na
dikopasin umbongan so sabani si lamono udiyakn mapamunag e rampana sa dariyo

MERANAO:
Ka inikadali amiska sa dangkadn kapakawma. Si mambo si Mabaning na miyontod ko pagulutano duwa a
datu a tampar sa diyawang o Sumiyalalaw Solog na tampar sa kawanan e Lumbatan kagiya ko makaontod
na inobayaeran sa lutuan na pitharo o duwa a dato a Mabaning na katayaso imbama nambama kawndn.

Sipman si Mabaning na aya menesumbag yang keran na tigiyan a mga pagariko na diyako niyo pasin
pumbama udiniyo rakn mapanotol o antonae awida akal iyo

26
Kamawatan satanggako a daakodn ezae na kormatn a lotang so barangayakn ko ig ka o miyaribonako na
yako ekharibon so talibona didaan ka phangelay ko sa sanang sa romba a ladaniyo ka egera pikirungko so
kanakan ko gadongan a manseran a inolod a pasayan sa masamar nakagiya mapamunag e Sumiyalalaw
Solog na miyangudayda lalag na mabalong ki Lumbatan ka babaden puphagawn ko ragiraya di mundod
somagayawa a dato. Luwasanandogantaki Lomondaya sa barat a manaya sa tigiyan a Aganonga
Mabaning.

MERANAO:
Kamawatan sa pikiraken a daakoniyadn ezai na piyanimbakiyo so barkowaken adiniyo katawan na o
miyatayako na ayakn ephatay a kapagowaitakn ko tamok sa ingudiyo a imbtangakn rukano. Katantowa
masakit raken a miyasuwa o mga pudakn a mga ngongoda a langon siran sa ragat. Kagiya katokawan e
Somiyalalaw Solog ago si Lumbatan a miyasuwa e Mabaning ago so mga pudiyan nabasirambo
piyamakaynum sa ig sa khada a napasiran sa kinikharata ana ginawayran ko Mabaning. Ayapman a
miyatharo o esa keran a datu na tegeyan a Mabaning.

27
Puphangomboningkadn so biyanisi lamuno nagongka phupamunaga ka panotolang ko ska sa rampana
menebolog ka ankadi masasawang na ayamuna sa totol na usa emantowaya na ayalado maning Bembaran
na enolodan sa pandi kapiyamakaburudan sa panambowan so sabang na piyakandibaloyan a lalawan
suminanga kasapolo e baogan na kiayasabayantanu ayadn miyasabay so alaga sa Bembaran ka usa
emantowaya na dadna taw a maliin ki Baratamay Lumna na mabahong ki Pikharat ka papanok a zaludan
so salawn a legawan

MERANAO:
Na daangkadn ambama nagowakongka pamakinuga ka panotolanakn ska emanto na tantowa mala a
problemakn ka aya masusuwa emanto a Bumbaran na piyangotang so pandi na aya piyamakatindugon na
pandi a piyatayan ka emanto na kokom a sapolo a ingud a mararantar a kiyadaan a sasakataw a mataid a
bae ka emanto nadadn a mataoron anda matatago si LUMNA ago si PIkharat ka ayada a miyada naso
katri e Lawanen ka ayadn piyaki-awidan sa tonong.

28
na kageya mapamunag e Mabaning daw Rogong na miyangaday da lalag na babadn phagawan ko
rageraya de mendod o langowa mga Datu na antare e dimaranon ki Mabaningdaw Rogong na Lagindingi
Thupaan na inao mga Datu na purinarinaw kano ka bakanu ari pandang agoniyo puzawdi sa dala ana

maminar so panamantanu sa teg na parasa kabunaran so lalanana pandian na lagindingi Mabaning a ribate
a Datu a sinaloda so ampan na kagiya miyaribon so inalang ko mimbala na paladungko so tamok a talibon
e pundoron ka langungkano a dato ka bosong nako malab obaakn phangombonge so biyanisi kamuno
odiko mezambi sa teg sa Arkata Lawanen na ayabo puzanaan so talenntaku daraken

MERANAO:
Kageya manug e Mabaning so masusuwa sa Bumbaran na miyamumusa sa mababo piyamakaynom sa eg
o mga dato ka pukhagtan na langon sirandn miyakasugad ko Mabaning na miyakhataro so isako mga dato
a purinarinaw kano nadikano pusugad ka bakano mga babay agotano panggoraoka so babaytano.
Miyakhataro so Mabaning a tegeyan a mga pagariko na kagiya miyada so Lawanen na phaladunakn rkano
so tamok a awidakn ka pung-geloba anakn na mezapa kadidn pumbama taman sa diniyan mimbitiyarae so
Lawanen.

29
Mindalandang so subod ko kalipapa Daayaw ka myabolona ambor a romba a ladaniyo na lagindingi
Thupaan aliwatangkadn so dar kabangkadi khabantaye ayalinamongko eg erabayn a miyalab a kanakan sa
Bembaran na lomingge si Thupaan na iyaloyan so dadan a kalikali sinzal a tauthago rinayong na
miyakalimalingko ko magayawa a biday na lagindingi Matangkoy a mithalentak sa ladan na inung karing
ganate so Kalipapa Daayaw a apiya anda tangkal e pukhaborondantanu na baako di phakaraw a sruza-an
sa koyang

MERANAO
Pitharo e mabaning a miyakayto so lamba ko mangangongoda a pudakn sabap ko kipanimbakaniyo
rukami na miyakhataro si Thupaan a lipatingkadn anan ka Bangka mambo da maylay a ayadn
miyadumpas sa ig na so bok o mangangongoda a miyamatay rukame sa Bembaran na kominowa si
THUPAAN sa tali na piyakanggakota iyan sa miyakalima so duwatiman a barko na pitharo e Matangkoy
a inungkaringganati so barko a sakn na apiya andatanu zung a ingud na phagotonaken suka.

30
na lagindingi Mabaning a pethalanka ladan na arate ribonako na pukapn a kharibon na ayaki lalako na
makatotolangkha ka daamebhago Datu a khudarangana Lena na ayangkake sayani so kandadatu anaken a
tanan gawian so tao na sukapman Thupaan agoso langowa dato na siiyaku ganate sa rumba a ladaniyo so
pithalentak ki ladan naso kiyatamanannuto na tomanda lumikin ko daisayana bagul ka epalimbang
niyanden a romba a ladaniyan ko pamakolodangko eg

MERANAO

Na pitharo e Mabaning na pagariko na dika phagonot ka ate matayako na pud kapn a phatay na aya
khabaya akn na mkathalimbagak ka kadaa mibabagak a datu sii sa ingud tanu na ayangka suwaa naso
kandato aken a pipiyapiya anaken so mga taw. Pitharopn e Mabaning ko langon o mga dato sa Bembaran
a emanto na siiyakn ganate so pagariyakn rukano naso kiyapakapasadiyan tharo na tomikao tompad na
phagagaw dn sa kilida eg.

31
ka metha sa lalageyan asiiyakn eeza ko walay na lumiyaw so Arkata Lawanen adiniyandn Tongkapen
saginawaken Mabaning o andawn miyaribon so Arkata Lawanen ko mibala bala ko eg a marawrawa
tangkal dawn dagoong so eg a dasolimbaga rogong ka anakoron di pangka sa kapunduranga koron na
liwasan andoganta si Mapandara sad alum na pamagawanerandn so talethago rinayong a kalikala sinuzal
na mabalong ko lumbayan na ayantega madaman

MERANAO
Aya oriyan a miyatharo iyan na sii yakn eesa ko walay na lumiyaw so Arkata Lawanen ka diniyan
rakenden pagmaan o anda matatago so Lawanen sangkae ambala bala a ingud ka a anakoron di mararasay
o andakn khasongwe a ingud, Sopman so barko eran sa Bembaran na piyakanggakota eran ago o
So barko e Mabaning sa mga babagur a gakot sa aya katharo o esa keran a datu.

32
na aya diko katawan o basarigida so bangkit ka aya pakangganata o magayawa a biday na
piyakaranoranon na pung ganatanerandn so malomalo puzaleg a phanalanananerangkon a talethagana
dalum nagowirambo laboan sa sagurongana ragat na goyranbo laboon sa mezorambi a ragat na
dingkakikabayaan so kanakan sa ruzaan a kalilangon so rido nadayrandn zawange e kabongkalise ko eg
na kageyadna malanggay na matag salakaw sa dar a lomontana so lukup ko rapunutano palaw

MERANAO
Ayako di katawan oba makawma so bangkit kagobo malambulag ang kaya a duwatiman a barko

Sopman so mangoda a driver ko barko eran nadasirandn tarug lumarga na kagiyadn a mathay a kapularga
eran na miyamumusa siran ka miyakapoon so lukup(malibutng) ko palaw.

33

Napurondama so lawd na phangandama so datem na puthambiling so lena na sayana pakaranon kago

ontawar so timor sa kalodana linawan nago niyan panagaden so Rimanentaw Mapalaw nasobonga
siyagadan na kalakati so dadan a talunthago rinayong nago ondas so salatan sa lawda linayagen na
goniyan sarigidi so rinayong maboklod na manasiya rigidan ana gonting so rinogadi a ekto Kalipapa
nadata gaid bolonga na mekoyakas sa so lukup na ayawa miyaribon so Kalipapa Daayaw adaden a
mbantayanon

MERANAO
Mimbagul dn sa mala na tomipad so maliboteng na tantoko marugun ka go samber so mabagur ando
nagoniyan samburun so barko a Rimanentaw Mapalaw a ruk o taga Bembaran nagoniyampn samburun so
egagakot ko duwatiman a barko sa datar o piyotol a gunting so ekt o duwatiman a barko. Da mathay na
miyada so lukup na miyadapun so barko e MABANING a kalipapa da Ayaw nadayrandn maylay anda
miyatago.

34
na manduna pithangkopan a lethengang goso lupa si Somiyalalaw Solog nago so langowa dato lagindingi
Thupaan agononga dalima Somiyalalaw Solog na Mabaning ki Lumbatan na kagiya manayadem e
miyapurombatanu a liwaten tanu Mapundara Sa Dalum na gotanobo bombangini so panamantanu sa teg
kaomangko mapamikir so insane e Mabaning ko dalindigandi masar na khalabona luthangko na
magayonayan siran a langowa mga dato a luwasan duganateg a si Mapundara sa Dalem na mawatandanu
ragat e kiyalaboaneran ko datanga tawi a eg a so

MERANAO
Na tantodn a miyarata a genawa e Sumiyalalaw Solog nago si Lumbatan nago so langowan a dato a
phoon sa Bembaran. Pitharo o isa keran a datu ki Sumiyalalaw Solog a kagiya dataraya a miyasuwa tanu
na tarugantanan pasin geluba si Lawanen ka ayatanu pasin gilobaan na so Mapundara sa dalum ka
omanakn mapikir so inisana ruktano e Mabaning a inisana niyan ruktanu si pagariniyan na ekhasakitakn,
na miyagayonayon siran dn a mga datu.
Sopman so Mapundara sad alum na mawatan a kiyatagoangkeran ko ragat.

35
a manaya sa tegeyan a masabulaw a ragat kageyayupn ka muma so pangadi o lalakho a pulayo
onakenden ko methaluntak sa ladan adiniyandn ganate so barangay nyan ko eg nadaakon malayo na
enokagiya ribbon a romba a ladanaken na lagindinga masokat ee masablaw a raga na inao na pilombay na
dikadn puphangandam kaosaratan sa tonong a maribon sa ladtanu nadisabadi maribon a romba a
ladantanu o kuris sa diwata a ditanu mariwada na para sa kabunaran so Mapundara sa Dalum na
kagiyadna malunggay na mapamangerandn e idadagoango eg

MERANAO:
A diniyandi tharoon a giyayapn ka mawma so kabaya akn a phagakolenakendn ko pagariyakn a diniyan
pagawae so barko niyan na da aknondn maakol na inokagiya miyada ako badn, miyakhataro so
pakaoonotaneran a maid eran a dikadn pukhaluk wata ka okoris tanu a phatay tanu na phatay tanudn na
oditanu kuris na nadi tanu phamatay, na kiyabunaranon so Mapundara sa dalum ko katahro o maid na
kagiya matahay na adna miyanugeran a pundalugsa ragat.

36
nago psinusinuwa na miyasinowerandn miyasinowerandn a barangay pladlad a paphagayas sayas sa
kalodan sa linawan na miyasinowerandn a aya katotongkopan ko lingayo e Mabaning ka manona inidakat
salindawrone ulan na ayadn menesambe a lumingi si Matangkoy a madaman sa tegeyan a Mapundara sa
mayag na tampilangko phaagolen nagongka pakambantaka so barangay tanu ko eg a kapanganongka
sulugan ko pumbaranggay marandang aya katotongkopan ko lingayo e Mabaning a pulalagoniyoman
kadangimpn o matoman na ditanudn makaundod na ditanurong khayaan na amay ka mundod tanu a
barkowaya ka tondogn tanu siran amay ka ditano mamatay na makaundod tanu

MERANAO:
Piyamamakinugeran na miyailayran a barko a dinggagaan lumarga sa ragat na miyailayran a ron matatago
so Lawanen a phangaromaan e Mabaning ka pukha ilayrandn a kataidiyan ko barko. Sipman si
Matangkoy na duminingil ko driver na pitharo eyanon a pakasangorangka a barkowaya ka tondogn tanu
siran ka amay ka ditanu mamatay na khayaantanuron amay ka makawmatanu sa ingud

37
katanubomaribon na mapulalagerandn a batawalaw si Matangkoy kiyabantayanian so lingayo e pithanan
nadaniyan kalaboe na adiyadi so kalab adiso kadowa ngaran na dingkari kabayaan so kanakan ko
gadongan a kalilangn so rido kadomiyakar sirandn sa paliyata di pataw na gupamakadurangan ko
kabokabo o lotang nago irigi so lukup na metarda dn so bel sombala sa bazayanan o kalipapa Daayaw
nagodalundng so lotang na mana mitondo tondog a a matalintinga rogong sa kakayangan kendaw
nagomana pukhasoba a dalundung so kaparaan nago mana pukhabidar na mandum a lilinoga so Kalipapa
Daaayaw sa ayogonga kabagur

MERANAO
Na ayadn, a maputharo eran na miyalukako keran. Miyaylaydn e Matangkoy andodon so Lawanen na
tumu a tigiyan a baako matay adisa aya matotol na daakn maligtas so Lawanen. Inikapdi eran si
Matangkoy na komiyapt sirandn langon sa timbak nago iran panimbakn ko barko nalomikup sa kadakl o
timbakiran na bl dn a pkhailay kombala a kilid o barko eran na ayadn a katanog o mga timbakiran na
datardn o katanog o dalundug na miyakoyongdn so barko eran sa kabagur o timbakeran.

38
O murimbanga batingan ko inalongana lolong a mandalandaga oran na kpahakadansaliyan ko
membarangay marandang nagowaya mabumbar ko pumbarangay marandang so sarabata di maggot na
mandum a piyangolod a pasayan sa masamar so kanakan ko gadongan na diniyo puzawangi kabong kalisa
ko eg ka antanu makanduron ka sambian sa kampilan so sarayatan di maggot nabatamambo biyolong na
makandoron sirandn na mirigi si Matangkoy ko lolongo bidayniyan na kawaan sa malungga so
kolilimampiyala sa mararamagalna

MERANAO
So dowatiman ko mga alaa timbakeran na sii tatagoa ko ulo o barkoyran na datardn o oran a
kaphamakatana o panglo iran ko barko a piyanembakeran. Ayadn a miyasuwa o mga ngongoda a meescort ko Lawanen na langon sirandn miyamatay miyanga anod sa ragat. Miyakhataro si Matangkoy a
ubaniyo pkatarga a kaplarga tanu ka antano maka oobay keran ka gunukan so katimbak ka kampilan
pman a gamitn tanukeran. Damathay miyakapagobay sirandn na tominindung si Matangkoy ko ulo o
barkoniyan na kiyaptaniyan so Kampilaniyan.

39
A sayasaya binaning o baloda langkasolog a palanga gimbaanenen na miyakalimalingko sa kaposani
sinuzad na tomarda lumikin ko barangay e Marogong na inizola erandn ko barangay e Rogongn naba
mezorang miyagaw so kanakan sa Rogongn na dita mambo dawayn ka aya linamongko eg e robayn a
miyalab ka magundod si Matangkoy ko barangay niyan koi g na talabokn a koyang e enundawno
marogong na inotadi maranon si Mapundara sa Dulum a dimanalililayn sa takoranga dangalab embala sa
elngi na menerunda iyandn a romba a ladaniyan ko polayagano lolong nadiyatananaerandn a matagiran
zanganen kodaon raota kathag si Mapundara sad alum nadasiranden makangun sa kamboyoga marandang
kabamambo ka mezorang so kanakan ko membala

MERANAO
A bobongkosan sa binaning a babalodn na miyakalima niyan mikabud ko kampilan niyan na tomikaw
lumikn si Matangkoy ko barko e Marogong na miyakitidawa kerandn si Matangkoy na tanto a madakl a
miyapatay niyan ko mga ngongoda ko barko na ayadn kakhasoy e Matangkoy ko barkoniyan na
minisogaton so kampilan e Marogong na maytobo na mataydn so Matangkoy ka sii miyasogat kombala a
parasiyan na enawaaneranbo si Matangkoy ka miyaluk siran obaraota a panabang si Matngkoy na
dasirangkon maka ato katanto a madakul a miyatay kiran.

44
Nalawasanandoganta ke Mabaningdao Rogong abaniyan dudurangen a romba a ladaniyan ko torogano
Anonen ka eneezaiyanon so inalang ko mimbala nalagindingi Anonen a kagae ko magabi na
kiyarowasanaken na sayaden pukhagiling so salawn algawan ko aloyanano gabon naso kiyarundana tig o

magara e Anonen na lomilingay sa diwang si Mabaningdao Rogong so kudaranganalna na

kabantayanirandn so Kalipapa Daaayaw ko lungulungan salna nago pusinosinowa namiyasinoniyanden so
kalipapa Daaayaw a bapakambabandana sa saklat mangkomandug a enalongan lolong
napakaboborodampn sa pasandalan diragn na pakapuririmbangn sa obarobara baning napapandianerampn
sasaklatamangkomadug, sa inalongana lolong.

MERANAO:
Sipman si Mabaning na moontod ko walay o Anonen ka ene eza iyanon o daniyan maylay so Lawanen na
pitharo e Anonen a kagae ko magabi na miyailayaken a sii moonot ko gabon naso kigugunuk tharo o
Anonen a duminingil sa diwang so Mabaning na kiyandingilaniyan so barko niyan a kalipapa dn ayadn a
minitoosiyanon so decoration niyan agoso pandi a tatagoon ko uloniyan a duwatiman nago papandiampn
sa mariga so ulo niyan.

CLASSIC
A dibo ayaw mametes ka nanao ki Mabaning a magawa sa gubatan na dayrandn mawlod ka menetkaw so
tudo kodasomalonga tangkal na piyakaranoranon si Mabaning dao Rogong kaba miyakapanglaw sa
kiyapakaborodiyan kawaan sa malenggay so kiyarun sinirigan a inindato a tonong ki Tominaman sa
Rogong na ilotna dadagen so kolilimapiyala a pinikiliti Mabaning a sayasaya binaning a baloda
langkasolog a palangga gimba-anen ka miyakalimalingko sa kapusan ki kasadan na taglayn sa kilid
nasomaronaya lalis na goniyambo lengenun ko pagorog sa lutingan na tomarda lomikin ko aloyanano
gabon na bata mambo biyolong na kanayonaniyandn so kalipapa da ayaw ayabo miyasino a tarsikon so
rogo na pukhabangkowatilin so pamarasi o bagul sa tarsikon o rogo.

MARANAO
A dibo mapoporo so pandi iran ka toos siranoto sa kambaling I Mabaning sa Bumbaran na dayran
mapangothang ka badn menetkaw a kiyapakitidawa iran ko mga ingud na inotadi kapdiin so Mabaning ka
dapn makadukha na minggagaan tomindug na kinowa niyan sa malumbat so gomaan niyan a tonong na
giyakotiyan sa kasadaniyan so kampilan niyan sa dinis a binaning a stripe a borda niyan na miyakalima
niyan mikibud sa kasadaniyan na kay mapasad gomakot na go plalis tomukaw na taros a tomipak gagaan
siidn miyaka okit ko phagokitano gabon naba miyathay na miyakawma ko barko niyan a kalipapa da
ayaw.

CLASSIC
Na pukhabangkawitilin so pamarasi o bagul sa tarsikona rugo ka ayalinamongko ig e rubayn a miyalab na
mirigi si Mabaning ka pusinosinoniyan so taluntakaniyan sa darn a miyasino niyandn na badn
makarurunda ko polayagano lolong ka ayabo pusokadan edi kabaling sa baya kagomana linilayan sa
takoranga dangalab a katubilanga bunung na piyakaranoranon si Mabaningdao Rogong na
panalananiyandn so talentakaniyan sa darn a nadaadipagambongan sa katabilanga beneng na
pusaodaniyampn sa dala ana maminar.

Nagopamakasagada sa pamalampakanatoln so adimat a langganan a paramisodaag a pundaaya

pamungang a iphagilay sa kalab na makalingi sa diwang si mapundara sad alum a phagodayawana loh a
romba a ladaniyan.

MARANAO
Ayadn a ephagodas o eg ko kilido barkoniyan na rogo na miyadumpas dn so mga bok o miyamatay koi g
na dominingil si Mabaning ka phangilaylayniyan so pagariniyan na miyailay niyan so pagariniyan na
badun makarurunda ko ulo o barkoniyan ka ayabo a korangon na phataydn ka kiyapalian sa mala a
bunungiyan ago giya parasiyan na inobay niyandn so pagari niyan na piyangangarkaniyan na taros a
pusugad dn si Mabaning.
Na ayasiyowa e Mabaning na miyagalamat o andamanaya e khasowa o pagariniyan o phatay o di.
Sopman so pagari niyan na miyakadigil sa diwang na phangalililid so lo siiko mataniyan.

CLASSIC
Lagindingi Mabaning na taluntak a matangkoy na amay ka baka khalab nabosongn malabako na baakodn
phagingud sa kudaranganal ka ayakodn durangn e domiyakar ki ulan ago pud andakarengko e kalamay
enezola a romba a ladanka kaitamang ko si ngaran ka pakipuragongangko a romba a ladanaken kadabo a
khandodangko a marina sa Bumbaran na mabalon sa gadongan ka ayakopukandodan so rampona a
miyangud na lagindingi Matangkoy a baandako di malab kadiko khaliwat sa dar si Dimarogongandao na
lagindingi Mabaning na enongkaring-ganati o mga randanga dato? Na aya tigi matangkoy nadayrandn
ganati a romba a ladanakn kadaawidn zawangi e taluthago Rinayong ka miyakalima lingko so kalikala
sinuzal ko murimbanga barangay.

MARANAO
Pitharo e Mabaning a pagariko na amay ka barkadun matay na mataan ka diyakodn magingud sa ingud
tano ka ayakodn pagonaan sumaop naso kuminowa ki Lawanen na ikaduwa a zaopanaken na sadn sa
minitidawa aka ka phagugutakodn odiyakn sukano misaop kadabo a khandodanaken a mapiya sa
Bembaran ka miyada so phangaroma anakn nasii mambo sa ingud tano na daa khandodanaknon a mapiya
amay ka matay kapn.
Miyakatharo so pagariniyan a tigiyan a baanda ko akie di phatay kada ako kadae sa tanod. Miyakatharo
pman si Mabaning tigeyan a inokabs pagawae o mga dato sa Bembaran? Na ayatege Matangkoy a
daakoyran man ganati ka piyakapagikta ami so duwa a barko sa miyamakalimawn mikibud so mala a
gakot ko duwa teman a barko.

CLASSIC
Na ayakodikatawan ba sarigid so bangkit ko aya pakang ganata o magayawa a biday na kawayan dua
tonong a lomontana so lukup ko rapunutano palaw na purunduma so barat nago ayawa sumambr so timor

sa kalodan nago niyan panagaden so magayawa a biday nasagito siyagadan a kalakati so rantay a
taluthago rinayong na inisarigidiyan so magengena barangay na mana siyarigidan a gonting so kalikala a
ikto kalipapa na diirandn katawan I kiyalaboanaken nadiko mambo katawan e kiyalaboaneran. Lagindingi
Mabaning na pithaluntaki ladan na aya lalagaknon na puphagondodn ka a romba a ladanka sa
kudaranganalna ka baakndn duranga so Arkata Lawanen sa mizalbo sa ragat.
MARANAO:
Ayakodi katawan tege Matangkoy o ba sagad so bangkit ka aya bo kapakangganata o duwa barko.
Miyamumusa kami badn tegeyan ko makalibotng ko mga kalasan nago mbagul so ragat nago sagad so
mabagur a ndo sa ragat na ayadn kiyasabapan a kiyapakambulag o duwa a barko ka datardn o giyonting
so igagakot ko mga barko.
So kiyapakambulag o duwa a barko na miyadadn so lukp nadayrandn maylay andako miyaka antap so
barko eran sa Bembaran. Miyakagiraw si Mabaning a pagariko na aya kabaya akn na bakadn kasoy sa
ingud tano ka baakndn banoga so lawanen o anda miyaka antap mararantara engud.

CLASSIC
Lagindingi Matangkoy a diyakodn pagundod sa kudararanalna ka apiya anda tangkal e pukhalaboanka
nabaakodi phakaraw a sarsigan so kayang a kampilana sarza, na lagindingi Mabaning na taluntaka
Matangkoy nadingkadn phagonotn a romba a ladanka ka ayangkadn lalaga na apayoribonako na
pukhapen a kharibon na kanogona gadongan a makoranda a ingud a dadna phamantonun so arkata
kandato a aloyado karandang a kaphagisay o ingud a kudaranganalma amay ka tanan ribbon a romba
aladantaki nasayana so gadongan ka dadna pundatoon ababo tambilingi bok. Na ayaki a lalako na
pakandodn so barangay tano ko ig sa kudaranganalna ka oba ako kharibon na paguragakongkabo na
muribon sa tigiyan na diyakudn tawagn so diwata sa gadongan.

MARANAO
Pitharo e Matangkoy a diyakodn baling sa ingud tano ko apiya andaka pusong ko mga ingud na
phagonotakorka ka baako di phakaraw makitidawa.
Pitharo e Mabaning a pagariko na dikadn phagonot rakn ka aya pikirangka na gopoonako matay na atipud
kapn a phatay na kanogoniyan so ingudtano a mapiya a ingud nadaa khalambaon a dato, nadadn a kiisug
o ingud tano a mapiya amay ka langonta matay na miyabinasadn so ingud tano ka aya makapundatoon na
mga a babo tambilingi bok.
Aya kabaya akn tege Mabaning na pakasonganiyo a barkotanuwaya sa ingud tano ka antano makabaling
sa ingud tano na oba ako phatay na pagurugakongkabo, sa diyakndn talowan so tonong sa ingud tano.

CLASSIC
Ka ayakobo tawagen so diwata di rewinding a masagola darimbang na manamayongka tonong na aya
lalagaknon na makawnot so timor ko kalipapa da ayaw asiiniyan laboon ko minanga o gadongan
nadatagaid bolonga na lomontana so lukup ko rapunutano palaw na purunduma so barat na pang-gaiba sa
datem na datagaid bolonga nago ontawar so timor na miyakawnotondn so kalipapa da ayaw.

Sipman si Mabaning natomarda lumikin ko aloyanano gabon na initupadiyan dn a romba aladaniyan na

mezalbo a ragat namimbukuna da ayaw so kiyarun sinirigan a masimbarnangkilat nadomakolaya sandag
ko sanggolingo sulugn nago pakaputhanona e alongan muranona.

MARANAO
Ka ayakobotalowan na so tonong a rewinding na aya kabaya aka tege Mabaning na makawma so tonong
na sii niyandn dukhaan so barkotanu sa ingud tano. Nabamiyathay nago tupad so lukup ko palaw
nalominibotngdn nabamiyathay na miyakawnot dn so barkoeran ko tonong na miyakakasoy sa ingudiran
so barkoeran.
Sipman si Mabaning na tumikaw tompak ko lalano gabon na tomipad bo ko ingud na dumikhaon na
miyamimikirandn o antaonona tonong e thalowaniyan.

CLASSIC
Manaya sa tigiyan a diyakendn tawagen so diwata e rewinding kaayakobo tawagen naso diwata inilawd
nadingka phakasubanga so alongan si Mawray nabamatay magaganday ko rapuntanu palaw nandaka
kapantone na milalansay so madem sa ginawako Mabaning nadiirandn masino a ginawako Mabaning
naso kiyataman sa teg e Mabaningdao Rogong na phangaroma pusinang a pukhakaratalongan na ibaragin
so topong a dulugna lumiyaw na lomontana so lukup na milalansay so madum ki Mabaningdao Rogong
na ipinalaniyandn sa minaaga puzalgan nandadalundugon so taw sa puphamagowaneran so pangalado
minanga, a biyatiyonga watona kabantayanerandn so Manobo sa layonan na pitumuganerandn.

MARANAO:
Miyapikiriyan a diniyandn tawagen so tonongeran ka ayaniyandn talowan na so tonong sa subangan na
dingkadn pukhasubanga so alongan naoda a makasosorga na pakazalinakongkadn sa Madem nago
pagakolnakn ruka a diyakoyrandn makilala o basakn si Mabaning na so kiyapakapasad tharo e Mabaning
na miyoran nago pusinang a dikakharata a alongan na tomipad mambo so madem asi Mabaning na
somiyongdn sa kilida pantalan a madakla tawron a puphanagoaneran sa mga alad a kilid a pantalan a mga
ator na miyailayran so madem na linikopaneran.

CLASSIC
Godn makapundaging so kadnan dato eran na pundiyaton ko subod a manaya sa tigiyan a kanakan ko
mimbisa na pakabalinganiyo sa didaliyan kargan so Manobo sa layonan kabaakn di katawi a pumbaloya
madum so mga dato sa iliyana Bembaran na lagindingaya madum a saluboka ki dato kadikadato mapandi
sa pukhalangayandaw ka dika maayona taw kadaniyodn ezai a ginawako a madum ka badn phakabalinga
sa sormbiana dulum a ginawako a madum nadapayo da mandaging e pamanaya anginakn ko kadnan datu
iyo, na baakndn dodn ko kadnan dato akn ka phanotolnakn a daakn dn mandaging e pamanay anginakn
kabaniyodn barata a ginawako a madum.

MARANAO
Aya miyatharo o datu eran na tegeyan a mga ngongoda na bono aniyo badn angkanan a madem, kabaakn
di katawi a dimbabaloy a madum so mga dato eran sa Bumbaran kayko maneg o madem so order o datu
eran na miyakatharo so madum sa tigiyan a sambida ka a datu go dika kiporo sa kadato ka sambida ka e
adat ka daangkadn pasin paki ezae na bakongkadn phakibono-on, a daakn pn mataro e paganginungko ko
maporo iyo, naino ka komasoyako ko datu akn na panotolnaknon a dakmpn matharo e paganginungko na
baakoniyodn pimaratae.

CLASSIC
Na para sa karinawan a romba-a ladaneran na aya romba o madum na giyanataniyandn a minanga
puzalegen ka ephanalaniyaniyangkon a romba a ladaniyan ko totooron a tangkal ka kabantayaniyandn
maynampira namat a boongana pethapar nadata gaid bologna na pukinayon sayadn ko kawladangko lama
andadalundugoona taw na sayana pakaranon so Manobo sa nayonan ka kabantayaneranden a langona mga
dato sa mezalubo a ragat nagodun makapundaging si romundaw sa pagayaw a manaya sa tigiyan a
kanakangko mimbisa na aya lalagaknon na pakitumuginiyo sa kiyarum pagayawn so Manobo sa layonan
kabaakn di katawi a pumbabaloya madum so mga randanga dato sa Iliyan a Bembaran na lumilingay su
diwang so Manobo sa layonan a pukhala sa ditanto na pukharundingiyambo a tindoro pisisingan
kamuropo sa kasban a manaya sa tigiyan a masablaw ka dato andamiyodn ezai a ginawako a madum ka
basongn malabako o baako ari madum o Sumiyalalaw Solog ka rogong midalungako baako gimbaanen e
lumiyalabaw a raga ka dapayo da mandaging e pamanay anginakn.

MERANAO:
Na kiyabunaraniyan siran na aya siyowa o madum na inawa aniyan siran ka siikon zong ko pure a mga
walay na miyailay niyanda a datardn o inampir a namat a kararantar o buongan o mga walay, nadadn
mathay na miyakawma dn so Madem ko kalalamaeran a madakl a tawron na aya miyasuwa o madum na
miyailaydn o madakl a datu na aya mitharo naso security o mga dato sa tegeyan a aya kabaya akn na
sukano a mga ngongoda na likopiniyo so madum ka katawanakn a so mga dato sa Bembaran na disirandi
zalin sa madum na aya miyasuwa o madum na duminingil sa diyawang na sumininga sa mayto na
pundalonganiyambo a lima a ngari-iyan sa aya katharo o madum na tegeyan a masandag ka a datu ka
daakoniyodn pasin ezae ka mataan aki ka knaba ako madum e (sumiyalalaw solog) ka daakm matharo e
paganginungko sa kiyasongakn rukano.

CLASSIC
Na baakndn dodn a romba a ladanakn ka asara katawangko a dika dato mepandi sa pukhalanggayandaw
na mamaya sa tegeyan na Manobo so layonan antae palandanga dnar nagoso pamanayangin na lagindinga
madum aya palandonga dar si Buriongan Mapandi odidn duwaa sa totol su zasaya so Lawanen ka
phamagowanamikon so baranggayami ko eg ka pukhataganamikon a mezalbo a ragat na lagindingi
romondaw a Manobo sa layonan na panalangkadn madum sa torogana kalinan na mowayawa bnar so

Manobo sa layonan na puzumbaya totoo so madum a laylayn napungganataniyandn so mga randanga dato
ka phanalananiyangkon a torogana kalinan nadata gaid bolonga na mininayon sayadn ko binuwayangko
lupa adarendana a atong aya kaboboradan o pipalakat a narra natingaraan so towak kamamadalengka
manik na miyakalima zambi e longkayana ranonan na manalondanga kilat a piyakasagadiyan ko palkata
ragibon.

MERANAO
Na baakobadn maling ka asarka a kiyatokawanakna dikaa khadato so mala a kadato ko pukhawri a gawii,
na miyakagiraw bo so dato a anta abs e zongowanka? Nago antonae paganginun ka? Sumimbag so
madum tegeyan a siiyako zong ko Buriongan Mapandi ka siyogo ako sii I Datumanong kilatn ago so dato
sa kilida ragat epagiza iyangkon ko Buriongan MAPANDI o bnar so totol a zasaya so Lawanen ka
purorananami sa mga timbak so barkowami ka pukhataganamiskano, na miyakatharo so Romondaw a
Manobo na panic kadn sa walay n atego Manobo a oway na inowayniyandn so mga dato na taros a
puphanikdn ko walay nada mathay na miyakawmadn so madum ko towak na komiyapt dn ko towak na
miyakalima makasalam sa kaphanikiyan, na kayko makasalam na tantodn a magaan a kaphupanikiyan ko
towak.

CLASSIC
Na mibardadn sadar e BURONGAN MAPANDI so Manobo sa layonan enelawdiyambo o manaya na
manaya sa tigiyan a malawandn e lalag so dato a Romandaw ka ino phakadayona so Manobo sa layonan
sa torogana kalinan kabayandi katawi a pumbabaloya madem so kanakangko mimbisa na aya lalagak non
na pakiyumuginiyo sa kiyaran sinirigan so Manobo sa layonan na lomilingay sa diwang a pkhala sa
ditanto a madaman sa tegeyan a masablaw ka dato a BURIONGAN MAPANDI ka inubs da mepangkat a
giid ka kandato sa mezaluba a ragat ka dika maaynataw na bosagn malabako o baako ari madem e
Somiyalalaw Solog a dapayo dn mandaging e pamanay anginakn na baakndn dodn a romba a ladanakn sa
randanga gaganatan na bayabayaka dato o phakabalinganiyo sasolumbiana dulum a ginawako a madum
kaandn mindadaliay a dikano khasongowan kabadn phakabalinga sa baya na para sa karinawan si
BURIONGAN MAPANDI na mamaya sa tigiyan a Manobo su layonan na kagiya mananitig na
ingomakasa obay nadansoligo kadansal ko raniay ko paytaw.

MARANAO:
Na miyaylaydn o Buriongan mapandi so madum na miyakagiraw a matgas dn e ulo so Romondaw
(security) ka inoniyan phakadayona so Manobo sa mansion kabayaniyandi katawi a dimbaloy a madum
so taga Bumbaran na maeyorder so dato a Buriongan Mapandi tegeyan aya kabaya akn na likopi niyo so
Manobo na badn duminingil sa diyawang a pusinga badn su mayto a tegeyan a masandag kabs a dato ka
inobs da Makala a ingud kayne ka dika mapiya e kandato na mataan a tego madum ka kna oba ako
madum e Sumiyalalaw Solog ka daakn matharo e paganginungko rukano na nayno ka baakodn kasoy sa
ingudakn ogaid na pamimikirangka ka gopoonako niyo bonoa na kelangkapdn komadakul a ingud a
dikano khasongwan kabaniyod pmbonoa so phamisita rukano na datar oba niyan kiyabnaran so dato a
BURIONGAN MAPANDI na pitharo on o dato a Manobo na kagiya giyanan e lalagka na obay ka rakn
nagoka dayon na miyontod mambo so Manobo ko bangko ko ubay a paytaw.

CLASSIC
Nabamambo puphagendod so Manobo sa layonan napuronaydn sa pantaw ko polaosa dadayon a
tiningayona okir a raniay ko paytaw nagodn makapundaging si Buriongan Mapandi na aya kandaginayan
na kanakan a masonor na galinganan sa ringka so Manobo sa layonan na kagiya kagilingan so
ringkaringka masalug na talabokna kamas so Manobo sa layonan na inilawdiyambo a manaya sa tegayan
a BURIONGAN MAPANDI na obangka panangkapa e bada a natangakn sa ginawa ladanka sa diko
kakhaombongi ko biyaroraw a mono sa kumbo akodn madum na diyakndn katawan e kawrayaw sa mono
nagodn makapundanging si BURIONGAN MAPANDI a Manobo sa layonan na pagiza- angkoska
andakawn gaganat nagosa pamanayangin na lagindingaya madum a siiyako gaganat sa ondiyana a
tinanasiyogo ako sii e Datomanong Kelatn sa ondiyaanatina ago giya dato oto BARATAMAN MAYAG
sa rinamentoana eg ka phaki eza erangkon odidn dawaling so tig a zasaya so Lawanen a panamani sologn
sa Iliyan a Bembaran.

MERANAO
Si mambo si Manobo na kageya ka makaontod ko bangko na rominda dn ko polaos a okir nasipman si
Buriongan Mapandi na siyogo eyan so mangoda niyan a tegeyan a kuwangka so imbama nagong ka rakn
obayn ko Manobo na kagiya miyobay niyanon so mamaan ko Manobo na kiyawa iyan a lima na
inibutadiyambo so mamaan na tegeyan ko dato a obangka pikira badn a respetowanakn rka sa daakn
kambama ko inisakot ka rakn ka mataan aki dato ka kumbo akodn madum nadiyakndn katawan e
kambama.
Sabap roo na metharo so dato a Buriongan Mapandi tegayan emanto na ipagiza akn rka o andaka
makapopoon a ingud go antona e paganginunka rakn? Aya miyatharo o madum na siiyako gaganat sa
ingudami a TINA nasiyogo ako sii o datu ami a Datomanong Kilatn ago si Baratawna Mayag a datu ami
su kilida ragat ka epageza irangkon o bnardn so totol a zisii rukano so Lawanen a bae a phoon sa
Bembaran.

CLASSIC
Na amay kaba zizie so arkata Lawanen na phamagowanamekon so baranggayame ko eg ka
pukhathaganamikon a mezalbo a ragat ka miyapamunagame a pulaboanerangkon a magawa sa Bumbaran
na mezalbo a ragat odiniyan kasanaya a baraasa sulugn a kiyawlodan sa taw a muribosandagingn na
Manobo sa layonan a monaya sa tigiyan a kadnanaya dato nagopuda epageza e Datomanong kilatn o
andakon e maporug ko arkata Lawanen agoso panama a tig e Kadara Ondaw nagodn makapundaging si
Buriongan Mapandi a Manobo sa layonan na opman so eza a didn dawalig a tig a zasaya so Lawanen
nagoso kephagizaan o antae maporugon ago so panama sa tig na makoranda a bae so panamantano sa tig
na amaybo ka miyabay na thanongn e karani na sipman si Lawanen na lamokmpn si ULAN agopn ganat
ko palaw na lagindingono madem a makaphawl ka kadiyakn phakirmbang so panamantano sa tig ka
eneliko so ragat na bakumbo da matumug nada a rimbange ulan a Kadaraondaw.

MARANAO:

Pitharo o madem amay kaba zisii rukano so Lawanen na phagdaanami so barkowami ka

phanabanganameskanu na miyanugami a zongowangkano o ataga Bembaran na okon o makasong siran
rkanu na pulungananirangkon sa taw a ingudiyowaya.
Ikaduwa a pitharo o madem ko datu na iphageza kompn o datu a Datumanong Kilatn o andakon e mataid
ko Lawanen ago so bagowatawiran sa ingudiran a si KADARA ONDAW.
Aya minisumbag e Buriongan Mapandi KO madem naso tigiyan so eza aka o zasaya so Lawanen na oway
zasaya rukami, na opman o aya ipagiza aka na antae mataid kiran agoso Lawanen, na mataid so kadara
Ondaw ogaid na igira a pukhaobay na pkhatalo so kataidiyan ka mataid so Lawanen adiskaniyan. So
kiyapakapasad tharo o dato na aya pitahro o madem na khasapa angka datu ka so saknon na diyakn phaki
talo sa kataid so bagowataw tano a kadara Ondaw ka miyaalibutakn so langowa ingud na dadn a dataron o
bagowatao tanu sa kataid.

CLASSIC
Laginding e Mapandi a masablaw ka madem na odika khabnari na panalangkasa lamin ka anka kabantaye
na para sa kabnaran so Manobo sa layonan na mirigi sa malunggay na iphanalaniyandn a romba a
ladaniyan sa makayanga laminun naso kiniyomiyan ko palkata ragibas a itimbawaw sa lamin na tingaraan
so towak ka mamadakon ka manik na langagn so paytaw ka modas ka tomimbawaw na miyakalima
zambi e longkayan mranona na minipandi sayadn komoliyo paytaw a tharowagan sa phanik na mibardadn
sa dar o ikadara ondaw a manaya sa tigiyan a malawanda e lalag so mga panama sa tig ka ino
phakadayona so Manobo sa layonan sa makayanga laminun a bayran di katawi a pumbabaloya madem so
mga randanga datu sa Iliyan a Bembaran. Lagindingaya madem a kadnangkowa bae na basongn
malabako o boako wari madum o Sumiyalalaw Solog kasiyogo ako saya e DATOMANONG KILATN sa
ondiya awa tin aka phariksa sa totol aginawako a madem.

MARANAO:
Miyakatharo si Mapandi na tigiyan a masandag ka a madem na odika khabnari o antae mataid kiran na
songkasa lamin ka anka mailay antae mataid kiran. Sopman so madem na tominindug sa malombat ka
miyapikiriyan a songdn sa lamin naso kiyapakawma niyan ko towak a ephanik sa lamin na komiyaput dn
ko tuwak na lalagoyniyan so paytaw ko pantag a towak na miyakalima makasalam na taros a miyanikdn
na kagiya ko makapantag ko paytaw na miyailaydn skaniyan o IKADARA ONDAW na aya miyatharo
iyan na maladn e lalag so mga datu akn ka ino iran phakadayona so madem a knabayrandi katawi aso mga
dato sa Bembaran nadisiran dimbaloy a madem na ino iranaya phakadayona sa lamin? Kagiyako manug o
madem so katharo o bae na miyakagiraw so madem a mataan a sakn na knaba ako madem e Sumiyalalaw
Solog ka siyogo ako sii e Datumanong kelatn a datu sa ingudami ka adn a phaki-eza iyan rakn sii.

CLASSIC
Lagindingo ikada a kagiya mananitig na ingomakasayaden na dansoligo kadansako rongarongangko
lamin na baari ba phagundud so Manobo sa layonan na pharonaydn sa ganat ko rongarongang ko lamin na
pusinosinoniyan o ana rampona sa dar o arkata Lawanen na miyasino niyandn aromarampana sa dar
kalpapakatutumugi sa lalawangana manggar asapolo mulomboyon na lowasan andoganta so arkata
Lawanen na mapamunagiyandn a adna minibago sa makayanga laminan a Manobo sa layonan na manaya

sa tigiyan na inandingang kilaman na aya lalagaknon na panayatn kadn so lalawangana manggar na

luwasanandoganta so inandingang kilaman na ba miyaka punggalaw sa piyakaborodiyan na
ipinayatiyandn so lalawangana manggar na lagindingo liyamin a inandingang kilaman na
paladiyakongkadn sa ragraya dimundad, ka pakakulasngkoron e karawi a da thaman nasi mambo si
kilaman na undhakaraniyandn sa kundi kundi a oray na mapapaladiyandn ko kadnambae niyan na
talabokuna kamas o totoo a liyamin so kundi kundi a oray na phangombonganiyandn so ragiraya di
mundod.

MARANAO:
Aya miyatharoon o ikada na kagiya giyanan e lalagka na taroskasayadn sa lamin na si mambo si madem
na somiyongdn sa lamin nadiniyan dipamimikiranen o ba mararata a ginawa o Lawanen ka
makipangongolambo sa sapolo lapis. Sipman si Lawanen na miyasinosinosino iyan mambo a datar o adn
a minibago a bisita sa lamin, a madem. Pitharo e Lawanen ko maid ayan a INANDINGANG KILAMAN
na aya kabaya akn na pangowaangkawn pasin a kolambowaya naso ammbo so maid iyan na piyangowa
niyanondn so musket na miyamangnipn sa eg ko maid eyan ka phamomogkon. Naso mambo so maid iyan
na inobayaniyandn sa kundi a tatagoan sa ig na kinowa mambo e Lawanen so kndi na mininomon
mambo.

CLASSIC
Na ililingay sa diwang so mona sa inombongan na inilawadiyandn so kundi kundi a oray nagoneyambo
dakaren Sayana pakaranon so Arkata Lawanen ka manaya sa tegeyan a Ikara Ondao na sapolo so
inadangko sa gianwangka liyamin ka obangka panangkapa sa bada a natangakn sa ginawangka liyamin
kabaako pundarimbangka inganangkaliyaman ka oskay mininayon sa Iliyana Bembaran nada a mezambi
ika sa bitiyara masokat sa limbayana ladka na ana epagezako ko manobo sa layonan, nalagindingo Ikada a
inuwari di rinaw sa ginawako Ikada na asaradi tongkopn sa limbayana ladakn na lagindingi Lawanen a
kembo ako lumbayan nadiyakn katawan a kakharanda sa lalag sa bada a phakanugon na muribo sa
tegeyan qa manobo sa layonan na odirampana sa darn a ana ipagizako sa ginawa ladanka na lagindinga
madem na ino badi kharinaw sa ginawako a madem na piyakaranoranon ka mulaginding sa marg so
arkata Lawanen

MARANAO
Sopman so Lawanen na pitaro eyan ko Ikadara Ondao na panabiyaangkoska sa makasapolo sa obangka
badn mapikir bada adatakn ruka ka ayamana pikirangka na oskay matatago sa ingudami a Bembaran
adaamipumbitiyaraingka na tantowa marugun. Emanto na o khaparo ruka na badi mapakay a
makambitiyarae kami ago geya madem aya? Pitharo o Ikadara Ondaw inodi khapakay makambitiyarae
kano na asarka dingkarakn pagmaan so bitiyaraniyo na aya menesumbag o Lawanen a sakn na kumbo
akodn taw nadiyakodn ptharo sa sekreto a bada a phakanugun

CLASSIC

Kayko makapasad modas so lawanen ko ikadara ondao na tiyalowaniyan so madem na tegeyan ko madem
a khapakay ada a ipagisa akn rka? Oitharo o madem a ino di khapakay? Piyakaranuranun ka so lawanen
na baniyambo matitigur ka makaptharodn sa matanog aya kandagingiyan na aya ipagiza sa ginawangka a
madem na andakawn gaganat nagosa pamanayangin na lagindingang madem a siyako gaganat sa undiya
ana tina na aya pamangangin na siyogo ako saya e datomanong kelatin sa ondiya ana tin aka phariksa sa
totol a ginawako a madem na lagindingi lawanen na puda epagizako sa ginawa ladanka na dangkasan
kasagadi so sumiyalalw sulog, na mabaloy ki madali nago geya datu oto a ayoong kalombatan na
mabaloy ki bantogen ago giya dato oto a lomondaya sa barat na mabaloy ki lumbatan nago pud a epagiza
si baratamay lumna na mabalong ke pekharat na dikorka iiza si mabaningdao rogong ka sisie sa gobatan
na lagindingmo madem a dingkadn phagizaan so langowa manga dato ka tanan siran mimbiday

MARANAO
aya tig ko madem nay a ipagiza akn ruka na andaka makapopoon go antonae panganganinan ka sie?
Pitharo o madem a siyako phoon sa inguda a tin aka siyogo ago sii a datu ami a datumanong kilatn ka and
a phakiiza iyan rakn sie, pithuro o lawanen aya pud a ipagiza akn ruka na dangkarakn san maylay so
sumiyalalaw sulog sa bantogun ago si lamondaya sa barat nago si mabaning dao rogong ka dasa walay.
Miyakatharo so madem a dingkadn phagisaan a mga datu anan ka imanto na langon siran dinggiloba

CLASSIC
Sipman si lumna na mabalong ki phekarat na rook ko siyagadan sa daridayana langit na so kiyarundan sa
tig o Manobo sa langon na laginding lawnanen a Manobo sa layunan na iphagiza akn rka o andangkawn
diyakar so mosala ginalayon a salakaw kumodadlo a saloonga lagawan? Lagindingana madem
magowakodn pulimbay ko pamakolodangko ig na minindaronakn si mabaningdao rogong, nadaniyan izae
a ginawako a madem na inapiraniyandn a kampilan iparag a ginawako a maden na gowanibo da mathay
nadarakembo makangen.

MARANAO:
Sumimbag so madem sa tigiyan a inako pilalakawako sa kilid a ig na minimbalaka aknon so mabaning na
dakoniyandn ezae na initidaw niyan rakn so kampilan niyan na kayko mathay nadarakumbo maka ato na
giyaya a miyakowakn a mosalaniyanaya

CLASSIC
Sa karandalangna na minitopaniyambo so musala dinalayon na kagiya mada so tig o manubo sa layunan
na ginilingan sa ringka o arkata lawanen a manaya sa tigiyan a manubo so layunan na katayadn so mono
ko ringka ringka masaleg na phuphugumbongingkadn ka kanduri e mabaning sa kadaa silangadan sa
kapphuphunalang iyan ko mawatana salinding

MARANAO:
sabap ko daniyan reka kapaka ato na minibgay niyan rakn angkae a musala niyan kay makapasad thuro so
madem na inubayan o lawanen sa imbama sa tigiyan a madem nambhuma kasyadn ka kanduri dn e
mabaning sa kapsungiyan ko mga wawatana ingud.

CLASSIC
Lqagindinganu madem a kadnambae akn na diyakn kha ombongan ka kombo akoman madem na dakn
kaombongi so sabaniosi lamano na lagindingao lawanen na kagiya daombongi sa sabnar soi lamono na
ayangkadn dakara so katiyupo a oray ka obangka mipundoren so mabaning rogong na paladanka raknun
na lagindingao madem a kadnangko a bae na diyaknden dakarn si katiyupo a oray ka bakanii ba mithalad
ka mabaning dao rogong sa kapakandoronami na amay ka ribonako na pudpun a kharibon so katiyupo a
oray dn

MARANAO
Aya miyathuro o madem ki lawanen na diiyako maka pumbama ka kumbo akodn madem nadiyakndn
katawan e kambuma na aya miyathuro o lawanen na kagiya dakambama na awidingka rakn angkae a
lutuan sa imbama na obangka miptoona so mabaning dao rogong na bugan karakn. Miyaka sumbag
puman somadem tigiyan a lawanen na diyaknanan pagawidan kadiyakn katawan a bakami makapthoona
phuroman ko mabaning na amy ka iwigadn ako badn ka pud pun a khadda so lotuan ka sa imbuma

CLASSIC
Lenganenta roodn na luwasanandoganta ko mga randangan datu sa misalubo a ragat na miyalimod
sirandn sa torogana kalinan lapulilimbaw siran sa onganguna miphasad nagodn makapundaging si
buriongan mapandi a manaya sa tigiyan a kanakana masunor na aya lalagakunon na panalangka sa lamin
mangukakiran dhaginga a ingangunan s amono so ringkaringka masalug ago siran tanan tupad sa
torogana kalinan ka an siran makagiling sa ringka ringka masalug

MARANAO
Sopman so mga datu sa ingudato na mitimotimo siran langun sa torogn ka pmeeting siran ka meyorder so
datu iran a buriongan mapandi a siyogoiyan so sasariganiyan a manguda a tigiyan a panic kasalamin
nagongka kiran thuroa a phanaguan eran sa mga imbama so mga lutuan sa imbama

CLASSIC

Nagongkakiran thuroa ko mga raga sa lamin a langun siran tepad sa torogan ka an siran makapanakot sa
imbuma ko mga dato. So kiyatamanan sa tig e buriongan mapandi na miyanalan sa lamin si kanakan
masunor naso kinipandi iyan ko bolawangko lawin na mibardadan su kar o ikadara ondao manaya sa
tigiyan na kanakama masunor na ingornaka sa obay ko inarkata pontaw nabamambo phuphugundod si
kanakan a masunor na phanoraydn sa pntaw na galinganan sa ringka e kadara ondaw naso mambo si
masunor na pangumbunganiyandn so biyaroraw a mono na lagindingo IKADA a kanakan a masunor na
ay pamanayangin sa makayanga laminan na lagindingi masunor a siyugo akobae buriongan mapandi ka
asrikon sa marina na inganganan sa mono so ringkaringkamasaleg ka aniyo kagilingi sa ringka ringka
masalug sa languwa mga datu nago isapn liyamin natanangkano phanalan sa torogana kalinan. Nagodn
makapundaging si ikadara ondao a , managa sa tigiyan a inao mga raga ipanabutanodn a romba a
ladantano sa torogana kalinan na mabaloy ko lawanen.

MARANAO
So kiyapakapasad tharo e buriongan mapandi na miyanalan dn sa lamin so mangoda a sosogoon na so
kiyapakawma niyan ko paytaw pantag o lamin n Amiya ilay skaniyan o ikadara na tiyalowan o ikada a
tigiyan a obaykarakn na miyobayron mambo so manguda na inobayan sa imbama o ikada na mimbama dn
mambo so mangoda na tigiyan antonae siyungan ka sie sa lamin na tigo mangoda a siyugo ako sie
buriongan mapandid na o mapipiya a ginawa niyo na phagoaniyo sa mga imbama so mga lutuan ka
aniyukon mapanakot a imbama so mga datu nago isapun a pithuro iyan na tanangkanukon phunog sa
torogan. Na pithuro o ikada ko mga raga a languntanukon phunog sa torogan na tamangki lawanen.

CLASSIC
Lawasan andoganta so manubo sa langunan na pungganatan niyan dn a makayaga lawinun na initupad
iyandn a romba a ladaniyan sa torogana kalinan na inigana miyadn a romba a ladaniyan ko ranaiyo
paytaw na luwasanan dagantaso mga raga sa lamin na mawna sa pulimbayan sa dogalna mabso, na
lagindingo ikada a talondog kawn dayo nago si dakolalawn nago si datu matangked nagosi dapanganogon
nagurombo makatunog so ikadaraondao nagurombo makatundog so arkata lawanen na mawarisa
limbayan so paniyulama sarig nagurombo makatondog si pinalayo su manur nakhasagubay niyan si
inandingan kilaman naso isawna pandang na badn miyaka indig ko gogolin pipandayan naphukasawadn
iyan sa dala ana maminar a manaya sa tigiyan na inao mga dayo na diyako ohukawna bumaramba ki man
kadamana suyawakn nasumbay yasan daani nalagindings liyamin nadiyanandn daani sa dangkadn
pamikira so dakano sa ilimbay ka ayabo pitudayana e kaymobatu lago ka apayo daatanto na piag
gandinganginayidn sa mariyawaga kala.

MARANAO
Sipman si manubo or madem na gumiyanatdn mambo sa lamin na tumipad dn sa torogon na miyuntod dn
ko bangko so obaya paytaw.supman so m,ga raga nay a miyawma tumindag so dugalna mabso bisuya o
ikada na pithuro o ikda a tundugangka dakulalayun nagu suka dita mitangked naguska dapanganugun
nagurumbupman makatundog pman o mga maid o lawanen asi lawanen asi paniyulana sirig , pinalayu sa
maror nagubopman si inandingan kilaman, si isakeran a maid o lawanen na badn miyaka iga ko katri so
tigiyan a diyakorkanu phakawrot ka daman anditarnakn nasumbay, ako niyo. Miyakaginaw so lawanen
agiyanadn daani so dangkadn mapamikir su nditarn ka ayabo magagalbuk ka kadn

CLASSIC
Na initupadirandn a romba a ladaneran sa turogana kalinan na so kininayuniran ko darpa e mapandi na
pharunayadn pantaw si paniyulan sirig ko madiwandiwanga dan e buriongan mapandi nasupman so
lawanen na mulaginding sa marug a dimalilin sa obay a manaya sa tigiyan a manubo sa layunan na sii
kadn ipantaw ko mawadiwanga dar a ginawa ladanakn kaburayangka e solog saluwakata nindao na
lagindinganu madum a kadnangko a bae na sarigka dika khawanan a mangkadn a tiyungkop ko
sapangkatano langit ka dikawn sasamburun o madadarandawandao na muribo sa tigiyan a diyakundn
tawagn so diwata e rewinding a magagala darimbang a inipagayuna dark a yakadn tawagen so diwata ko
sa maga minoaw a minepen a tuminuray ko langit na odaka kapantune natarongka a tawag na
pakawatangka madem

MARANAO
Na miyanogdn langun so mga naga sa torogn na kagiyako makawma siran ko kakadnan o buriongan
mapandi naso isa ko maid e lawanen asi paniyulan sirig na siidn kumiyadn ko tampar sa diyawang o datu
asi mapandi, Sipman si lawanen na phagobaydn ko madem adee tharo sa mayto a tigiyan o madem na
siiyakodn tumammpar sa diyawangka sikay isasambi akn pasin ko sumiyalalaw solog. Aya inisumbagun
akn pasin ko sumiyalalw solog aya inisumbaga o bae a lawanen na tigiyan a princeesa lawanen naso kiya
obayka rakn na datarkadn p initapok sa langit a kibagubaran a dikawndn khasambr ando. Aya oriyan a
khutaro o madem natigiyan a diyakndn tuklowan nasutunong ssa langit sa odaa makasosorga imanto na
songkarakn nagungkaraknn kuwaa kambabaloyaka a madem