VOL. XXX ISSUE NO. 24 An Official Organ of Y.M.A. Republic Veng Branch Dt. 10.06.

2012

I Mizo pui thatna i ngaihtuah hian i hnam i hmangaih tihna a ni

BRANCH EXECUTIVE COMMITTEE VAWI 7 NA

The Republican 10thJune 2012 : Ni 7.6.2012 (Ningani) zan khan YMA Runah Branch executive committee neih a ni a, an thurel tlangpui pawimawh then khat te lo tarlang ila a tha awm e :* YMA Run hnuai siam : Branch hmang hian Field bula YMA YMA Library Sub-Committee Canteen hmunah hian Branch YMA enkawlna hnuaia YMA Run hnuai Library Building tur hi sak tum a Kuang duanna tur siam mek chu a ni bawk. chhuat chhun hmabak niin hei hi * Inverter lei : YMA Run-a hman Dt. 21th June, 2012 (Ningani) tur Inverter leh Baterry lian tha tawk ah Branch pumhuap nileng tak lei tum a ni a. Pu R. Rokunga, hnatlang a chhunzawm tum a ni. Section-I in Rs. 10,000/- min pek Tin, Raja Rammohun Roy bakah Branch YMA General Fund Library Foundation (RRRLF)-in atangin Rs. 5,000/- leh Thlanmual Branch YMA Library Building Fund atangin Rs. 5,000/- hman tura sakna tur Rs. 6,00,000/- (Cheng rel a ni a, Pu Rokima Ralte, nuai ruk) min pek tur atangin 1st Treasurer leh Pu B. Zokhuma, Installment Rs. 3,00,000/- (Cheng Secretary i/c Information te hma la nuai thum) hmuh tawh a ni a, hemi tura ruat an ni.

LOCAL COUNCIL NEWS

Republic Veng PPP Mode hmanga bawlhhlawh paih motor tlan dan leh tlan hun hetiang hi a ni: 1) Hmarveng to Hmawngkai (Pachhunga University College Road) Thawhtanni leh Ningani, zing dar 7:00 A.M atangin Hmarveng atangin a chhuak thla tan ang. 2) Lungli Tuikhur to Kela Road, Nilaini leh Inrinni. Zing dar 7:00 A.M atangin Lungli tuikhur atangin a chhuak thla anga, Kawipui ah tawpin Pastor Quarter hlui bul atangin a dawh phei leh ang. 3) Hmawngkai to Mualvengchung, Thawhlehni apiangin zing dar 7:00 A.M. atangin, Hmawngkai / Hmarveng chuanhnuai atanga lo chhuakin Mualvengchung ah chhuakphei in Primary School kawt ah a tawp ang. Bawlhhlawh te hi hmun khata chhek khawm lovin mahni ngeiin paih theuh turin kan in hriattir nawn leh a ni. Bawlhhlawh paihna man hi Vengchhung intinah Rs. 10/- a khawn ani a, veng faina tur ani tih hre rengin, chhung tin ten thahnem ngai tak a pe theuh turin kan inhriattir nawn leh a ni e.

SECTION YMA NEWS

Section I :Nimin inrinni nileng khan YMA chhangte YMA Day a an intihsiakna tur lam an zir a, thingpui leh a hmeh tui tak an hmeh a ni. * Holy Heart School bula zunin an siam chu vantlang tana hman theih turin an peih fel ta. * Karleh hian Property House sakna tur bungrua a rawn thleng dawn a, section member te hnatlang tura lo inring turin an in hriattir a ni. YMA Day intihsiakna turah hian pakhatna ni ngei turin hma an la a ni. Tin, YMA Day lawmna a kal vek turin YMA member te kal vek turin kan in hriattir a ni. Section IV :Kan hma lawk a YMA Day lo awm turah, inelna hrang hrang a lawmman lak ngei tumin an inbuatsaih mek zel. Tin, YMA chhang member te pawh hnam lam intihsiakna turah lawmman lak ngei tum in ngawrh takin lam an zir zel bawk. * Tunlai hian an section huamchhung in tinah Property House Fund khawn mek a ni a, chhungtin te tlawmngai a lo pe turin an inngen a ni. Section V : Nimin inrinni zing khan sum tuak nan Pu C.Lalsiamkima vawk an talha inhlawhna siamsak tu leh tlawmngaia sa leisak tu te chungah an lawm hle. * Tunkar kal ta khan vengchhung thianfaiin zingkar vawihnih an hnatlang bawk a,YMA chhang nen thawkin member an thawkchhuak tha thei hle. * Nimin zing leh tlai khan YMA chhangten khuallam an zir leh a,thawhtan tlaia zir leh turin an in hriattir nghal bawk. * YMA day zingkar hnatlang leh chhun lam programme a kal theuh turin,member, nu leh pa leh YMA chhangte an ngen bawk. Section VI : Dt. 2.6.12 (Inrinni) zingkar khan YMA chhangte nen section chhung tifai a hnatlang neih a ni. Member thawk chhuak kan tha hle. Pi Ramluahpuii te chhungin section-a hman turin tray thar phek 4-naah chhunzawm a ni...

CYMA News
Ni 5.6.2012 khan Central YMA CEC Meeting neih a ni. He Meeting hian Mizoram Sorkar-in The Lushai Hills District (V/C) Amendment Act a siam that turah hmeichhiate tana a hranpa a Women Reservation siam a tum chu tha a ti lova, VC/ LC inthlan hi a vote hmu tam tam tlinna a nih avangin hmeichhe candidate pawh siam ni mahse, an tling lo vek thei thova, chuvangin a hranpa a hmeichhiate tana reservation siam hi a tullo niin a ngai.

Bo Chhar
Pen Drive 4GB YMA Run bul step-ah chhar a ni a. A neitu chuan a hnuai a mobile number tarlan ah hian ngaihven tur a ni e. Contact : 8974963471

The REPUBLICAN WEEKLY

Editors Jt. Editors : H. Lalhriatpuia R. Lalthanzawna : Robert Zosangliana RD.Lalrammawia Lalzarzova : H.Lalremruata Lalhmingmawia Andrew Lalrohlua Lalliantluanga Lalthanmawia Zomuanpuia Sailo : Ngurthanmawia : Lalhmangaihsanga Sailo Biakzosanga Kananmawia

Y.M.A. REPUBLIC VENG BRANCH

9862536632 9436159221 9862379583 9612698049 9856310432 9862449817 8974963471 9612318217 8575707353 9612325489 9862732404 9436375023 9862170549 9615820570 9862754953

Dt. 10.06.2012

E DITORIAL B OARD

Lungrualna
- RD.Lalrammawia, Sec-VII

News Editors

Manager Cir. Managers

YMA RUN hmang turte tan Br. YMA I/c Secy., Property - 9862369320 / 9436362024

YMA DAY... YMA Day kan lo thleng leh dawn ta reng mai. Kan branch pawhin kan veng field-ah intihhlimna nei turin programme a siam a, section inelna tur chi hrang hrang siamin kan branch chhunga section pasarihte kan inel dawn a ni. Hun kal tawh thlirin kan veng hi intihsiakna/inelna la na thei tak mai veng kan ni a, section inelnaah te pawh tan lutuk vanga thinrim mai te pawh awm thei a ni. Chumi anih avang chuan tun kan inelna turah pawh hian rilru thianghlim tak pu in, a inelna ai maha intihhlimna rilru put theih a tha hle. A endiktu turte hi mihring ve tho an nih avangin tihsual palh nei thei an ni a, chuvangin intihsiak turte pwhin rilru zau tak pu a kan chung a thleng ang ang kan pawm thiam a pawimawh hle bawk. YMA Day hi thangtharte hian kan ngaihlu ta lo riauvin a ngaih theih a, YMA hian belchhian a dawl a, khawtlang mai bakah mitin tan a tangkai zia ngaihtuah phei chuan YMA tan liau liau a ni bik hi chu ngaih hlut a phu hle. Chuvangin hemi ni ah pawh hian kum bithliah awm lovin kal vek i tum ang u. Hei bakah hian YMA day-ah hian kan branch chuan zingkar hnatlang a ko a, section tin te mahni section huamchhung thianfai a hnatlang neih tur a ni a, member zawng zawng te YMA day pual hnatlang anih angin kim takin i hnatlang theuh ang u.

* YMA Day kan thleng tep e. Tlai tina ngawrh taka YMA Chhang lam zirte hmuh a chakawm tawh khawp mai. Section tin YMA chhangte an thawkrim bawk a, YMA Day ti hlu tu leh ti nuam tu an nih ngei ka beisei. - Mr. Khuallam Kawngpuia tui luang tura motor sil ching kan la awm cheu mai hi, kan veng kawngpui hriselna atan hian ava thalo dawn em. Engtikahnge kan sim theih ang aw! - Mr Black Top

Mahni chauha khawsa a, tudang mah rawn lova rilru leh thinlung lawmzawng ti hmiah hmiah thinte hi, an lung a rual mange kan ti ngawt ngai lova, mahni thu duh kan ti daih thin. Amah leh amah chu lungrualin lo tlei viau mahse, lungrual tur thinlung pakhat chauh a neih avangin, mi lungrual te huangah khung ve ngawt chi an nilo. Lungrualna chu mi pahnih aia tlem lo te duh leh lawmzawng thuhmunna atanga lo chhuak anih avangin, mahni chauhin alungrual theihloh. Lungrualna chu huho thiltih a ni si a. Lungrualna han tih hi a tobul chu ka hrelo nang a, a thu mai atang chuan thinlung thuhmun, ngaihtuahnain a avei zawng in ang,mihring hrang hrang nisi, ni awm tak a ni.Mihringte hian kan ngaihtuahna leh kan finna zawng zawng inbawk khawm na chu, kan thluak ah ni awm tak in an sawi thin a,mi remhre deuh chu 'a thluak a tha mang e' kan ti thin.Kan thluak hi thil ngaihtuahtu a lo ni a nih pawhin,a ngaihtuah sa khawl khawmna leh lo chhinchiahna chu thinlung hi niawm tak a ni.Thluak a ngui ngai lova, a rum ngai bawk hek lo a,thinlung zawk hi a ni rum thin chu. Kan Pathian thu pawh in pawn lam lan dan nilo in, thinlung en tu ka ni a ti a,thluak lam en tu a ti reng reng lo.Chuvangin kan thinlung hi, ngaihtuah na leh finna inbawk khawm na zawk a ni a,kan thlarau pawh he thinlung chhung ah hian cheng ber zawk in an ring thin. Chuvangin he lunhgrualna hi mihring kan nih chhung a kan mihrinna ber atang a lo chhuak a nih avangin 'sawi ai in min hmangaih' tih hla ang deuh in hetia chhiar mai ai hian a ril ania.Tanrual hi chakna tiin kan sawi chamchi a,mi lungrual lo te an tan rual theih loh a vangin, lungrualna aiin a hmasa zawk thei lo.Thurualna pawh hi lungrualna lo lan chhuahna pakhat tho a ni a,a tha lam a lungrual te avangin he khawvel pawh hi a nuam mai mai a ni. Nula tlangval in hmangaihna ah pawh hian,hmangaih leh hmangaihte hmangaihna a lungrual loh chuan, mipahnihte in hmangaihna a par chhuak thei chuang lo.Tlangval in nula a hmangaih a, a hmangaihna avangin lo tuiral lo chuah pawh nise,chu hmangaihna lungrual pui tura nula in tlangval duh dan a tawmpui si loh chuan,tlangval hmangaih na chu riangvai ah a chantir a,a in siamrem thiam loh phei chuan he luipui ah hian a pil thin.Hmangaihtu leh a hmangaih a te hmangaihna a luan dun erawh chuan, an karah lungrualna a lo awm a,chu chuan khawvel a ti nuam a,chenna tlak a lo ni chauh thin, ti ila ngaihdan uchuak tak chu a ni em lovang chu maw? Chutichuan tanrualna tih te leh thurualna tih te hian tum thuhmun,kawk hrang daih si an pai hlawm a,an in chhungkhawmna erawh chu he lungrualna tho hi a ni. An vai hian he hringnun khawvel a hring fate nunphung an sawi fiah vek a,Rotekawla Sepa ang mai a mahni chuah a awm thei lo hringmi kan nih zia pawh a ti lang chiang hle . Lungrualna hi thinlung lam duhzawng thu hmun zia tarlang tu an ni a,mihringte hian thil vei kan nei a nih chuan, kan veina lai tak chu kan thinlung chhung hi a ni.Chuvangin mi lungrualte thil vei chu a thuhmun put lo thei lo.He lungrualna hi a pawimawh em em a, thihhnu piah ram thlurau khawvel chung changa mitmeng fiah deuhte pawh in thlarau khawvel a lengte lungrual zia sawi in 'lungrualna tlang then lohna ah' tih te leh 'an

(chhunzawmna phek 4)

The REPUBLICAN WEEKLY

Y.M.A. REPUBLIC VENG BRANCH

Dt. 10.06.2012

EURO 2012 SPECIAL

TANGO 12 UEFA Euro 2012 a an ball pet tur hi Adidas Company siam 'Tango 12' tih a ni. Tango 12 hi World Cup 2010 a an hman 'Jabulani' ai khan hriatthiam a la har zawk niin an sawi. Jabulani kha goalkeeper leh player ten an sawisel nasa tih chu kan hre awm e. Adidas Chairman 'Herbert Hainer' chuan he ball tharah hi chuan hla tak tak atanga goal thun a tam tura an ngaih avangin fans te duhzawng tak anih a ring. Tango 12 hi Ball thiam ram Spain, Germany, Netherlands leh ram thenkhatte tan chuan a that a rinawm a, a chhan chu ball hi a per awlsam dawn avangin control dik a ngai dawn hle a. Player tam tak chuan an harsat theih rualin, ball thiam tak player chuan rang taka a chet pui theih dawn avangin hman nuam an ti hle tura ngaih a ni. Euro-2008-ah khan match 31-ah goal 77 a lut a. Chu chu match tina 2.48 goal lut ang a ni a. An ball hman hi 'Europass' a ni. World Cup 2010-ah khan match 64-ah goal 145 a lut a, match tinah goal 2.27 zel lut ang a ni a. An ball hman hi Jabulani a ni thung. Euro-2012-ah hian 'Tango 12' hmang hian goal engzatnge lut ang le? Team Kits/Jerseys Euro 2012-ah hian Adidas, Nike, Umbro leh Puma Jerseys kan hmu dawn a. Hummel, Joma leh a dangte jersey siam kan hmu dawn lo a ni. Adidas Jersey siam hi team 6 in an ha dawn a, chung team-te chu Russia, Greece, Ukraine, Germany, Spain leh Denmark te an ni. Nike Jersey siam hi team 5 in an ha dawn a, chung team te chu Croatia, Netherlands, Portugal, France leh Poland te an ni. Umbro Jersey siam hi team 3 in an ha anga, chung team-te chu England, Republic of Ireland leh Sweden te an ni ang. Puma jersey siam hi Czech Republic leh Italy ten an ha anga, anni hian thawh tlem berin team 2 an thawh a ni. Group tin jersey hak dan hi in tarlang leh hram teh ang. Group A: Nike 1, Puma 1, Adidas 2 Group B: Nike 2, Adidas 2 Group C: Adidas 1, Umbro 1, Puma 1, Nike 1 Group D: Umbro 2, Adidas 1, Nike 1 Adidas Golden Boot Euro-ah hian top scorer ni zawn hi an la awm ngai lova, chuvang chuan Euro 2004 a top Scorer Milan Baros (Czech Republic) hi Top Scorer a nih leh theih chuan Top Scorer vawihnih ni hmasaber a ni thei dawn a ni. Golden Boot hi mi pakhat chiah in an dawng thei a, pet goal zat inang an awm anih chuan: *Assist ngah zawk thlan tur a ni. *A la inang cheu chuan minute khel reilo zawk thlan a ni ang.

PRIZE MONEY Euro 2012-ah hian 196m an sem ral dawn a, chutia nih chuan Euro 2008 a 184 an sem ai khan 12m laiin an sem tam dawn tihna a ni. Tun tournament a tel hrim hrim hian 8m an dawng dawn a. Hemi bakah hian group stage bikah an chak apiangin 1 an dawng anga, an indraw anih chuan 0.5 an dawng thung ang. Group stage-ah pawh a tawp thlenga inkhel a tang theihnan pathumna in 1m an dawn bawk dawn a ni. Quarterfinalists in 2m an dawng anga, semifinalist in 3m an dawng bawk ang. Pahnihna in 4.5m an dawng anga, Champion in 7.5m an dawng dawn a ni. Champions League Champion hian 9m an dawng a, Europa League Champion hian 3m an dawng bawk. Tournament hun chhung ngaihtuah chuan Euroa an pawisa dawn hi heng tournament lian pahnih ngaihtuah chuan a tam zawk daih a tih theih awm e. STATISTICS Euro hi mi tam tak chuan World Cup aiin a game quality a sang zawk niin a sawi thin a, a dikna chen pawh a awm maithei. Euro-ah hi chuan team tin hi an tha vekah a ngaih theih a, chumi anih avang chuan chak zawk tur pawh sawi lawk har tak a ni. Mahse statistic erawh chu a sawi lawk theih e. Tun tournament-ah hian Croatia playerte chu an sang ber a, an san zawng hi chawh rualin 185.54 cm an ni a, anmahni hnaihbertu chu Germany niin an san zawng chawhrual hi 185.43 cm a ni thung. A mimal a sang ber erawh Sweden Goalkeeper Andreas Isaksson niin 199 cm a sang a ni. Team kum chawhruala naupang ber chu Germany niin an kum chawh rual hi 24.52 years a ni a. A upa ber erawh Republic of Ireland an ni thunga, an kum chawhrual hi 28.43 years a ni a, Russia (28.34 years) leh Italy (27.91 years)pawh hi an naupang zawk zawk lo. A mimal anga lak chuan Greece goalkeeper Kostas Chalkias (Kum-38) a upa ber a, Netherlands defender Jetro Willems (Kum-18) chu a naupang ber thung. Euro 12 Qualifier Entu tamna ber inkhel: England Vs Switzerland (He inkhelah hian entu 84,459 an awm.) Entu tlemna ber inkhel: Andorra Vs Armenia (He inkhelah hian entu 103 chauh an awm) In sawpna nasa ber: Netherlands 11-0 San Marino Goal thun tam ber: Netherlands (37 Goals) Goal chhuah tlem ber: Italy (2 Goals) Chak fai vek: Germany, Spain Draw ngun ber: Romania (5 Draws) Chakloh nei miahlo: Germany, Italy, Greece, England Spain. Goal chhuah hnem ber: San Marino (53 Goals) Goal Score tlem ber: San Marino (0 Goal) Clean Sheet ngah te: Ireland, Russia, Italy, BosniaHerzegovina (clean sheet vawi 5 theuh an nei).

The REPUBLICAN WEEKLY

YMA MOTTO: * Hun awl hman that * Zofate hmasawnna ngaihtuah * Kristian nundan tha ngaihsan

Y.M.A. REPUBLIC VENG BRANCH

Dt. 10.06.2012

YMA NIHNA : YMA chu Politics rawngkai lo tlawmngai pawl a ni.

IN LUAH DUH TAN

Republic Veng Community Hall chhawng hnuai ber (Ground Floor) Kawngpui an chu July 2012 atanga luah duh tan dil theih a ni. 1. Pindan/kaw 3 a ni a, a vaia luah tlang duh tan Rs 4500 (Cheng sangli leh zanga) aia hniam lova luah theih a ni. 2. Pindan/kaw 2 luah zawm duh tan Rs 3000 (Cheng sangthum) aia hniam lova luah theih a ni. 3. Pindan/kaw 1 chauh luah duh tan Rs 1500 (Cheng sangkhat leh zanga) aia hniam lova luah theih a ni. Luah duh chuan luah ngamna zat leh Pindan luah duh zat ziak telin Hall Committee Chairman/Secretary hnenah Ni 24.6.2012 aia tlai lovah dilna thehluh tur a ni.
SEAL SIAMNA
Self Inking Stamp man tlawmte in kan siam thei e. Republic Field Road Motor Silna chungah min rawn pan ve rawh le. Contact : 9612862927 (2-2) Ricky-a

leng dial dial lungrual kimin' tiin rinna mitthla a an thil hmuh chu an lo tlangzarh tawh.Vanram nawm zia pawh hi sawi dawn ila,a hmun mawi zia leh ropui zia lam ai chuan, an lungrual zia hian hian hmun a chang sang zawk fo.Tih ah chuan khawvela hmun nuam leh mawi a an sawi ,Arizona nitla eng mawi ramah pawh khuan, lungrualpui nei lo a mal tlat tur chuan, tupa mah hi an pem lut duh in ka ring lo.Lungrual pui te nen lo chuan he khawvel a hmun nuam kan tih te hian a hran pa in nawm na an pai reng reng lo. Kan lungrualna hmunah chuan kan huat pawh a in ang a nga ,kan lawmzawng pawh a thuhmun ang a, chu chuan in hmangaih tawnna a hring chhuak leh ang a,hmangaih leh hmangaihte kan nih vek tawh chuan hreawmna pawh hian hmun lai lum a chang thei lo. Hmun nuam kan tih fo pawh hi, chuhmun a chengte vang a nuam mai mai an ni a, kan lungrual pui lohte in ropui tak ai chuan,kan lungrualpui theih te chenna daprap in chu kan tan a nuam zawk a, hmun nuam tak tak kal pel in, a biru laiah kan fuk chut thin hi.Vanram ah pawh hian kan hmangaih rawn leh min hmangaih vektu, Lal Isua hi awm ta lo se,lungman tam kawng ka leh rangkachak tual hian awmzia a neih thui ka ring lo. Chuvangin kan lungrualna hmun hi hmun nuam chu a ni mai a,hmun nuam,in chhung nuam,ram leh khawtlang nuam neih kan duh anih chuan, kan lungrual phawt mai atul a nih chu.Kan ramah pawh hian kan do leh kan duhlohte a in an a,kan duh a thuhmun chuan ram nuam a ni mai ang.Chengho reng si a lungrual lo te, nuam ti a iak iak ta hi ka hre ngai lo.Chutichuan chhungkaw nuamte, khawtlang nuamte leh ramnuamte nei tur in, he lungrualna huangah hian i lo pen lut ve dawn em le?

Section News chhunzawmna paruk min pe a, kan hlawm hle. YMA Day a YMA Chhangte intihsiakna tur khuallam pawh ngawrh taka zir mek zel a ni a. YMA Chhang member lam la zir ve lote pawh zir turin kan inngen. Tin, YMA Day lawmna turah memberte a tam thei ang ber kal turin kan inngen bawk. YMA Day-ah hian sumtuaknan vawk misa bai zawrh tum a ni a. YMA Day lawmna a kal tur zawng zawng ten min dawr vek turin kan ngen e. Section VII : YMA chhangten YMA Day intihsiakna tur lam an zir ngawrh hle a, nimin ni 9.6.12 khan sawhchiar nen nilengin lam an zir a an thiam tawh hle. Section VIII : Nimin ni 9.6.12, inrinni nileng khan thuthleng siama hnatlang neih a ni. Pu F. Ramnghaka te chhung chuan Rev.Lalthanga hriatreng nan thuthleng siamna tur atan hian thing phek thuthleng sawm daih an rawn thawh a. An chungah section hruaitute an lawm hle. Section YMA Chhangte'n YMA Day intihsiakna Khuallam an Commander Nl. Lalruatfeli (Afeli) leh Nl. Zongaihawmi (Ngaihtei) te hovin an zir ngawrh hle. A lo zirtirtu Nl. Malsawmtluangi leh Nl. Baby Lalduhawmi (Sec-V) te chungah Section hruaituten lawmthu an sawi.

ADVERTISEMENT
Thingzai, thingphek leh buhfai (a man tlawm leh to) kan zuar e. Min han dawr ve rawh u. Contact : 9862364992 Sangzuala (2-2) Republic Vengthlang

TAEKWONDO ZIR DUH TAN

Thalai leh naupangte tana rilru leh taksa insawizawina tha, zuk leh hmuam ruihtheih thil laka fihlim thei Game Discipline tha,Catch Them Young policy a hlawhtling ber,Pathian thu hrilna hmanrua atana hmun tam taka an lo hman thin TEAKWONDO zir duh tan Admission a tih theih a ni e. Class kal hun : Zing Dar 6:00-7:00(Mon-Sat) A Hmun:Hawla Indoor Stadium Republic Vengthlang Teakwondo Club Ph.- 9612705323/6436196487 (3-1)

Advertisement
Heng te hi kan zuar e, min han pan ve teh. 1.Ar chaw tha ber (Samrat) 2.Wheet vai 3.Mithhi tuamna puan (3-1) Lalrohlui (Nu Rovi) Republic Venglai

Published by Republic Veng Branch YMA, Printed at Zo-Awm Press, Khatla, Copy 750