TOMO XXVII BLG.

1 | HUNYO 30, 2011

Mahirap magbingi-bingihan sa katotohanan. Mahirap magsulat ngunit kinakailangan.

PlarideL

Ang PAhAyAgAng

Opisyal na pahayagang pang-mag-aaral ng Pamantasang De La Salle

ISANG PAMILYA. Sabay-sabay na ipinagdiwang ng ibat ibang paaralang Lasalyano sa bansa ang ika-100 taon ng Pamantasang De La Salle.

APP/Harlene Marie Ilagan

Student Handbook revision, magsisimula na

MAGSISIMULA na ang proseso ng rebisyon ng Student Hanbook (SHB) 2009-2012 para sa akademikong taon 2012-2015. Inabisuhan na ni Fritzie Ian Paz-de Vera, Dean of Sudent Affairs (DSA) at Chair ng SHB Revision Committee (SHRC) ang lahat ng miyembro nito na hanggang Hulyo 15 na lamang maaaring makapagpasa ng mga panukala patungkol sa rebisyon ng kasalukuyang SHB. Binubuo ang SHRC ng mga kinatawan mula sa ibat ibang sektor ng Pamantasan. Miyembro ng komiteng ito ang DSA, Pangulo ng University Student Government (USG), Vice President for Internal Affairs ng USG, Chair ng Council of Student Organization (CSO), isang kinatawan mula sa pamunuan ng Pamantasang De La Salle (DLSU), at isang kinatawan mula sa mga pakultad. Idadaan sa botohan ang bawat desisyong gagawin ng SHRC sa rebisyon ng SHB. Mayroong pinagsamang isang boto ang Pangulo ng USG, Vice President for Internal Affairs ng USG, at Chair ng CSO sa SHRC. Mayroong tig-isang boto naman ang kinatawan ng pamunuan ng DLSU at kinatawan ng mga pakultad. Bilang Chair naman ng nasabing komite, walang bilang ang boto ng DSA. Pagsapit ng Hulyo 15, titipinunin na ni Paz-de Vera ang mga panukalang idagdag at baguhin sa SHB. Inaasahan ng komite na matatapos ang rebisyon ng SHB sa Nobyembre. Ilalaan naman ang buong ikatlong

Para sa susunod na tatlong akademikong taon:

Pagdiriwang sa 100 taong kahusayan ng DLSU

nina John Mark Carino at Gerard Contreras Patnugot ng Balita at Kasapi

termino para sa pagpapa-imprenta ng bagong SHB para maibigay sa mga mag-aaral sa susunod na akademikong taon. Pagbabago para sa mga mag-aaral Aminado si Cabe Aquino, Pangulo ng USG, na mabilis ang proseso ng rebisyon ng SHB. Gayunpaman, nagsimula na ang USG sa pananaliksik ng mga panukalang ipapasa nito sa SHRC bago pa man magsimula ang unang termino. Ayon kay Nicole Gaba, Vice President for Internal Affairs ng USG, nakalaan ang Research and Development (RnD) assembly ng USG

Sentenaryo ng Pamantasan, matagumpay na nairaos

nina Gerard Contreras at Henri Frederic Reforeal Kasapi at Senyor na Kasapi
HINDI sapat ang mga salita upang mailarawan ang matagumpay na pagdiriwang at matinding kasiyahang namayani sa Pamantasang De La Salle (DLSU) noong Hunyo 16. Siksikan man at maalinsangan, ramdam na ramdam ang Animo saan mang sulok ng Pamantasan. Matapos ang countdown na sinimulan isang taon na ang nakalilipas, masugid na naghintay ang pamayanang Lasalyano sa pagsapit ng araw kung kailan mag-iisandaang taon nang namamalagi ang Pamantasan dito sa bansa. Sama-samang sinalubong ng pamayanang Lasalyano ang pagdating ng Sentenaryo nang opisyal na buksan ng kasalukuyang Pangulo ng De La Salle Philippines na si Br. Ricardo Laguda FSC ang pagdiriwang. 06.16.11 Araw na puno ng kasiyahan Bilang isang Katolikong institusyon, sinimulan ang pagdiriwang sa pagdaraos ng banal na misa sa Most Blessed Sacrament Chapel sa pangunguna ni Most Rev. Gaudencio Cardinal Rosales, Arsobispo ng Maynila. Ibat ibang personalidad ang dumalo sa misa katulad nina Br. Armin Luistro, Department of Education Secretary, Br. John Thompson FSC, Brigadier General ng Brothers of the Christian Schools, at iba pa. Matapos ang misa, pinangunahan ni Laguda ang pagbubukas ng pagdiriwang. Dito nagkaroon ng pagkakataong makapaghatid ng talumpati si Thompson. Aniya, [Today], we celebrate the many people touched by the Lasallian mission people who have found meaning in their lives, [people] who make a difference in the world of today. Hinangaan din niya ang mga De La Salle Brother dahil sa katatagan nito kahit na kakaunti lamang sila. Dumalo sa programa si Pangulong Benigno Aquino III at naghatid ng isang talumpati. Ang mahabang tradisyon ng mataas na kalidad ng edukasyon sa DLSU ay nagbubukal sa inyong haranging paglingkuran ang kapwa at mag-ambag para sa kapakanan ng bansa, giit ni Aquino. Pagmamalaki pa niya, isa ito sa mga dahilan kung bakit maraming opisyal

STUDENT/ SUNDAN SA PAHINA 2

Bagyong Falcon, hinagupit ang DLSU

Mga klase, suspendido
HUMIGIT-KUMULANG 600 Lasalyano ang hindi nakauwi at nanatili sa loob ng Pamantasang De La Salle (DLSU) noong gabi ng Hunyo 23. Bunsod ito ng malakas na buhos ng ulan at mataaas na tubig-baha hatid ng bagyong Falcon. Ganap na ika-4:20 ng hapon, ikinansela ang lahat ng klase sa Br. Andrew Gonzalez Hall dahil sa kawalan ng kuryente sa buong gusali. Sunod namang ikinansela ang lahat ng klase sa DLSU pagsapit ng ika-8 ng gabi. Inabisuhan din ng pamunuan ng DLSU ang mga Lasalyanong umuwi na hanggat maaari. Gayunpaman, maraming Lasalyano pa rin ang hindi na nakauwi at napilitang manatili sa loob ng DLSU. Naging mabilis naman ang pagresponde ng pamunuan ng DLSU,

nina John Mark Cario, Ronald Allan Francis Sunga at Ma. Felichie Ericka Valeriano Patnugot ng Balita, Patnugot ng Isports, at Patnugot ng Bayan
Security and Safety Office (SSO), at University Student Government (USG) para siguruhing ligtas at maayos ang kalagayan ng mga Lasalyanong magpapalipas ng gabi sa Pamantasan. Tinipon ang lahat ng mga Lasalyano sa loob ng Most Blessed Sacrament chapel. Pagkatapos nito, binigyan sila ng mga direktiba kung ano ang dapat gawin sa magdamag na iyon. Iminungkahi ng DLSU ang panantili ng mga mag-aaral na walang sundo sa loob ng Pamanatasan hanggang ika-6 ng umaga ng Hunyo 24. Namahagi rin ang pamunuan ng DLSU ng pagkain, tubig, at mga kutson sa mga naiwan sa loob ng Pamantasan. Kasunod nito, inihatid na ang mga Lasalyano sa mga silid-aralan ng St. La Salle Hall upang doon magpalipas ng magdamag. Huling suspensyon ng mga klase Maayos naman ang naging tugon ng pamunuan ng DLSU sa pangyayari. Gayunpaman, ikinadismaya ng ilang mag-aaral ang nahuling pagsususpinde ng mga klase. Ayon kay Froi Endaya, IIIAB-PSM, nagkaroon sana ng pagkakataong makauwi ang mga mag-aaral kung mas maaga lamang nagsuspinde ng klase ang DLSU. Aniya, Sana naging mas maaga lang talaga yung suspension. Although yung execution naman (ng SSO at USG) naging okay mula

SENTENARYO/ SUNDAN SA PAHINA 2

FALCON/ SUNDAN SA PAHINA 3

HIMIG NG NAKARAAN. Isang pagtatanghal ang ginanap noong Hunyo 18 sa Chapel of the Most Blessed Sacrament upang tunghayan ang buhay at karanasan ng Lasallian brothers na dumating sa Pamantasang De La Salle. APP/ Kenwin Francisco

2 BALITA

HUNYO 30, 2011

HUNYO 30, 2011

BALITA

Matapos ang isang taon:

Suliranin at hamon sa sangay-hudikatura ng USG

nina Gabriel Levon Frilles at Aaron Quidilla Mga Kasapi
Article XVIII, Section 1. The Judiciary shall be the sole body to be vested with judicial power. Judicial power includes the duty of the Judiciary to settle actual controversies involving rights which are legally demandable and enforceable and to determine whether or not there has been a grave abuse of discretion amounting to lack or excess of jurisdiction on the part of any branch or instrumentality of the USG. The Judiciary shall enjoy fiscal autonomy University Student Government Constitution HUSTISYA - isa sa mga konseptong pumaligid sa pagkakatatag ng University Student Government (USG) dalawang taon na ang nakalilipas. Kasama rito ang pagkakabuo ng sangay-hudikatura o Magistrates na naglalayong siguraduhin ang kaayusan ng mga gawain ng mga opisyal ng USG. Nasa ilalim nito ang Commission on Elections (COMELEC) at Commission on Audit (COA). Sa proseso ng pagpipili ng mga susunod na mahistrado para sa akademikong taon, pinipili sila ng papaalis na Executive Committee ng USG at ng kasalukuyang mga mahistrado. Pinamamahalaan ang Magistrates ng isang punong mahistrado at pitong mahistradong kumakatawan sa bawat pitong kolehiyo. Pantay-pantay man ang mga kapangyarihang tinatamasa ng Magistrates at ng dalawa pang sangay ng USG, ang sangay ng ehekutibo at lehislatibo, hindi pa rin nagagawa nang lubos ng Magistrates ang mga nakaatang na responsibilidad sa kanila. Sa ikalawang taon ng USG, anoano ang mga problemang kinaharap ng isa sa mga sangay nito? Paano makikipagsabayan ang Magistrates sa dalawa pang sangay ng USG? Suliranin sa unang Sabak Ayon kay Alexyss Alip, Punong Mahistrado, ang magistrates ang una at huling depensa ng mga magaaral, mapaopisyal man ng USG o pangkaraniwang mag-aaral. Aniya, ang mga paglilitis ng mga mahistrado ang nangangalaga sa mga karapatan ng mga mag-aaral. Kaakibat din ng trabaho ng mga mahistrado ang tungkuling siguruhing hindi lalagpas sa nakatakdang mga kapangyarihan at tungkulin ang mga opisyal ng USG batay sa saligang batas nito. Sa unang taon ng pagkakaroon ng mga mahistrado, hindi maikakailang dumaan sa mga suliranin ang Magistrates. Ayon kay Lorenz de Castro, Pangulo ng USG noong akademikong taon 20102011, naging problema ng Magistrates ang kawalan ng magandang ugnayan at pagkakakilanlan sa mga mag-aaral noon. Hindi man ito lubos na nagawa ng Magistrates noong nakaraang taon, nagsumikap pa rin itong maging malapit sa mga mag-aaral ani de Castro. Ayon kay Cabe Aquino, Pangulo ng USG, naibahagi sa kanya ni Kevin Tuason, dating Punong Mahistrado at ng mga kasalukuyang Mahistrado ang mga naging problema ng Magistrates noong nakaraang akademikong taon. Aniya, ramdam daw noon ng Magistrates ang hindi pagbibigayhalaga sa kanila ng sangay ng ehekutibo at lehislatibo ng USG. Hindi regularly ina-update ng Executive branch [ang Judiciary branch. Hindi sila sinusunod ng (Commissions on Elections) Comelec which is supposed to be under the Judiciary branch. [Bukod pa rito,] late na binigyan ng budget at ang binigay ay pantay lang sa isang batch unit (P4,000), at hindi naayos ang Commission on Audit, kaya hindi nakapag-audit ang COA ng funds ng USG, ani Aquino. Hamon sa panibagong simula Pangunahing hangarin ngayon ng mga mahistrado ang magkaroon ng mga kinatawan mula sa College of Science, College of Engineering, at College of Education. Ani Alip, kahit na pansamantalang kinakatawan niya ang tatlong kolehiyo, iba pa rin kapag ang kumakatawan sa mga kolehiyong ang mga mismong mag-aaral ang galing dito. Sisimulan din ng Magistrates ang pagbuo sa bagong COA dahil hindi naging matagumpay ang pagbuo nito noong nakaraang taon. Binibigyang pansin din ng kasalukuyang USG ang pagkakaroon ng magandang estado ng relasyon ang mga ibat ibang sangay nito. Ayon kay Aquino, mahalaga ang pagkakaroon ng magandang relasyon sa isang organisasyon upang matupad ang kanyang hangaring One USG. Ito ang konseptong nagnanais magsulong ng pagkakaisa sa lahat ng miyembro at sangay ng USG. Nagkaroon ng isang educational campaign tungkol sa USG at mga mahistrado noong nakaraang USG Recruitment week upang makilala ito Layunin nitong malaman ng mga mag-aaral na maaari nilang puntahan ang Magistrates upang malaman nila kung paano nagtratrabaho ang mga opisyal ng USG. Maaari rin silang lumapit sa Magistrates upang magsampa ng kaso laban sa mga opisyal ng USG na hindi tumutupad sa sinumpaang tungkulin nila. Ani Alip, kaakibat ng pagiging isang mahistrado ang mabigat na responsibilidad na manatiling patas sa bawat desisyong gagawin nila. Aniya, isang hamon din para sa kanila na ayusin ang mga panloob na sistema ng sangay-hudikatura, kabilang na rito ang COMELEC at COA. Kailangan din daw na mapabuti ang panloob na sistemang ito upang maisakatuparan ng sangay na ito ang kanilang mga layunin.

Pagbabagong hinihintay:

Pamantasan, papayag ba sa Queer Archers?

nina Joselle Mariano at Amity Ruaro Mga Senyor na Kasapi
BINUBUO ng ibat ibang klase ng tao ang komunidad ng Pamantasang De La Salle (DLSU). Magkasamang nag-aaral at namumuhay sa iisang paaralan ang mga taong iba-iba ang personalidad, edad, at kulay. Kabilang din sa mga ito ang komunidad ng Lesbian, Gay, Bisexual, at Transgender (LGBT) na hindi maitatangging hindi nabibigyan ng kahalagahan sa Pamantasan. Noong Hunyo 10, isang pribadong pagtitipon ng mga LGBT sa DLSU ang pinangunahan nina Krizia Cortez, Pangulo ng FAST 2009, III-AB-ISJ, at Io Cruz, III-AB-ISE. Tinalakay sa pagtitipong ito ang posibleng pagbuo ng isang organisasyon para sa komunidad ng LGBT sa DLSU. Kaugnay nito, ano nga ba ang kasalukuyang kalagayan ng mga LGBT sa pamayanang Lasalyano? Paano nga ba tinatanggap ang mga LGBT sa DLSU? Diskriminasyon, umiiral nga ba? Bilang isang Katolikong Pamantasan, hindi marahil napagtutuunan ng pansin ang mga isyu sa komunidad ng LGBT. Ani Cortez, samut saring puna ang natatanggap ng mga LGBT mula sa mapanuring mata ng lipunan. Dagdag pa niya, hindi pa ganoon kalaya ang mga LGBT dito sa Pamantasan sa pagpapahayag ng kanilang tunay na identidad dahil sa kanilang takot na mahusgahan ng kanilang kapwa. Ayon kay Joseph Campinha, II-BSCHE, isa sa mga naging suliranin niya ang paghuhusga ng mga tao sa kanya, lalo na ang mga hindi pa nakakakilala sa kanya. Pansin niyang iniiwasan siya ng mga taong hindi nakakikilala sa kanya. Sa katunayan, aniya, Ako ang natatakot sa kanila kasi hindi ko alam kung ano ang gagawin nila sa akin, or hindi ko alam kung mamamatay na lang ako in a split second. Sa kabila ng panghuhusga sa kanya ng kanyang kapwa, taas-noo pa rin niyang inilalahad ang kanyang identidad. Aniya, Gusto kong patunayan sa kanilang ang mga kagaya koy tao ring kagaya nila. Bunsod ng pagiging konserbatibo ng ilang mga Pilipino, hindi rin maiiwasan ang pagkakaroon ng takot sa mga LGBT o mga homophobic sa lipunan. Para kay Adrian Go, III-BS-MKT, iniiwasan niya ang mga bakla o bading sa Pamantasan. Hindi naman siya nababagabag sa kanila, ngunit iniiwasan niya sila dahil hindi siya komportable sa kanila. Aniya, Some of them (LGBT) tend to go too far. Tugon naman ni Cortez sa mga homophobic, Dont you think its ironic na nasa La Salle ka and youre being taught of the Lasallian values and youre going to spread negativity towards your fellow Lasallians [and] towards your fellow Filipinos? Its not our problem if youre homophobic. Its your problem and deal with it. Naniniwala rin si Cabe Aquino, Pangulo ng University Student Government (USG), na mayroong diskriminasyong nararanasan ang mga LGBT sa Pamantasan. Bukod pa rito, maraming magaaral din ang nagtatago ng kanilang tunay na identidad bilang miyembro ng LGBT sa takot na makaranas ng diskriminasyon. Gayunpaman, wala pa namang insidente ng diskriminasyon laban sa mga LGBT ang umabot sa puntong nagkaroon ng isang krimen, aniya. Organisasyon para sa LGBT, maisasakatuparan nga ba? Pinaniniwalaan nina Cortez at Cruz na ang pagbuo ng isang organisasyong tutugon sa mga pangangailangan ng mga LGBT ang maaaring magpabuti sa kalagayan nila sa Pamansatan. Ani Cortez, Iyon ang magiging sandigan nila (LGBT) at matatakbuhan nila. [Dito,] may mga taong makakaintindi kung may problema man silang hindi nila masabi sa ibang tao. And right now, what were doing is something that the Lasallian community has never done before. Dagdag pa ni Natividad Manauat, isang propesor mula sa Philosophy Department, We are organizing for their (LGBT) own needs and concerns and creating that space where they can be safe. Hindi ito ang kauna-unahang beses na susubukan ng mga mag-aaral na gumawa ng organisasyon para sa mga mag-aaral na LGBT. Ayon kay Aquino, noong 2007, mayroong inilunsad na proyekto ang Student Council na tinatawag na Pride Against Prejudice. Nilayon ng proyektong itong ipaintindi sa mga mag-aaaral ng Pamantasan ang mga dinaranas ng mga LGBT sa pang-araw-araw nilang pamumuhay. Paliwanag ni Aquino, Ang duty namin is to promote holistic growth in all aspects. It means na regardless of what religion you are, what gender you are, were supposed to protect your rights. Subalit ayon sa kanya, kinakailangang magkaroon ng isang mainam na balanse sa pagitan ng pagkakaroon ng oranisasyon ng LGBT at ang pagiging Katolikong paaralan ng Pamantasan. Dahil dito, nangangalap pa ang USG ng sapat na impormasyon upang matuunan ng pansin ang maaaring problemang kinakaharap ng LGBT community. Nagsimula na ang USG sa pananaliksik noong bakasyon at nakakilala nang ibat ibang organisasyon ng LGBT. Ilan na rito ang Isis International, na tumutugon sa pangangailangan ng mga kababaihan sa Asya, at ng Society of Transgendered Women in the Philippines, na nagtataguyod ng adbokasiya para sa Transgendered Women. Ayon kay Aquino, If it (Pride Against Prejudice) has been approved by the admin before, [mabubuo ang organisasyon]. [However,] there [should be] enough reason for them (LGBT) to form [an organization]. Sa kasalukuyan, mayroong mga polisiyang nakalagay sa kasalukuyang Student Handbook (SHB) tungkol sa pagpapatupad ng organisasyon sa Pamantasan. Ayon sa Section 12 ng SHB, hinihikayat ng Pamantasang bumuo ang mga mag-aaral ng mga organisasyong lilinang sa pangkahalatang aspekto ng kanilang pagkatao. Dagdag pa nito, bago tuluyang mabuo ang isang organisasyon, kailangan nitong sumunod sa mga polisiya ng Aspiring Organizations Accreditation Committee (AOAC). Ayon sa Section 12.3.5.1, AOAC will only consider aspiring organizations that contribute to the Universitys goals of establishing an integrated community of persons. Pagkilala sa pagbabago Posibleng mayroong mga probisyong idadagdag ang Dean of Student Affairs o USG sa SHB kung sakaling mabuo ang organisasyon ng LGBT. Ang first na dapat siguro nating tignan is yung provision na you should respect all the members of the community, regardless of race, gender, or sexual orientation, suhestiyon ni Cruz. Tulad ni Cruz, suhestiyon din nina Aquino at Yjuv Toquero, Pangulo ng College Assembly ng College of Liberal Arts na magpasa ng isang probisyong pinagbabawal ang diskriminasyon sa Pamantasan. It (probisyon) should be against discrimination, period. [It should be for] equality of gender, period, pahayag ni Aquino. Sisiguraduhin nitong walang mag-aaral ang magpapakita ng diskriminasyon hindi lang sa komunidad ng LGBT, kundi pati na rin sa lahat ng tao sa Pamantasan. Dagdag pa niya, I think its (LGBT community) something na you cant ban the existence. Mayroong iilang polisya sa SHB na pumpoprotekta sa LGBT, ngunit hindi ito direkta na nakasaad. Nakasaad sa Section 4: Social Norms na, Statements and actions which are

PINAIGTING NA ALYANSA. Nagsalita si U.S. Amb. Harry K. Thomas, Jr. sa isang talakayan tungkol sa relasyon ng Pilipinas at USA na pinangunahan ng International Studies Department ng DLSU. APP/Louie Cabrera

STUDENT/ MULA SA PAHINA 1

sa pag-aaral ng mga probisyong dapat baguhin at idagdag sa kasalukuyang SHB. Pinamamahalaan at pinag-aaralan ng RnD ang mga probisyong dapat baguhin sa kasalukuyang SHB. Pagkatapos nito, pagbobotohan ng Legislative Assembly ng USG kung nararapat bang ipaglaban sa SHRC ang mga panukalang pinag-aralan ng RnD. Para kina Aquino at Gaba, bilang kinatawan ng mga mag-aaral sa SHRC, gusto nilang marinig ang boses ng buong sektor ng mga magaaral at ng buong USG ukol sa SHRC. Ilan lamang sa mga isyung pinagtutuunan ng pansin ng USG para sa rebisyon ng SHB ang mga probisyon tungkol sa Dress Code, I.D. policy, at Intellectual Property rights. Pinag-aaralan din ng USG ang probisyon sa SHB ukol sa kwalipikasyon para sa latin honors. Tinatalakay na rin sa lingguhang pagpupulong ng CSO ang mga posibleng mabago at maidagdag na probisyon sa SHB. Ayon kay Candice Co, Chair ng CSO, pagtutuunan nila ng pansin ang mga probisyong may kinalaman sa mga aktibidad ng mga mag-aaral. Student Handbook revision para sa mga Lasalyano Kada tatlong taon lamang nagkakaroon ng rebisyon ang SHB. Kung ano man ang mapagdesisyunan ng SHRC para sa sususnod na SHB, tatlong taon pa ulit ang hihintayin upang mabago at madagdagan ang mga nilalaman nito. Inaanyayahan ng USG ang mga Lasalyano na makibahagi sa natatanging pagkakataong mayroon tayong mga mag-aaral ng DLSU na mabago ang susunod pang mga taon nito sa pamamagitan ng rebisyon ng SHB. Ayon kay Aquino at Gaba, maaaring lumapit ang mga mag-aaral sa kahit na sinong opisyal ng USG kung mayroon itong saloobin tungkol sa rebisyon ng SHB.

Dibuho ni Stephanie Ureta

SENTENARYO/ MULA SA PAHINA 1

ng pamahalaan sa kasalukuyan ang nagmula sa Pamantasan. Sa kabila nito, aniya, Hindi na mahalaga kung berde o asul, pula o dilaw ang kulay na pinapanigan mo, ang mahalaga lamang ay ang pagkakaisa niyo para sa kapakanan ng mas maraming Pilipino. Matapos ang programa, masiglang nakiindak ang mga Lasalyano sa Amphitheatre kasabay ang mga miyembro ng Cultural Arts Office sa saliw ng musika na kinantat pinatugtog sa Centennial Countdown. Bago sumapit ang alas-dose ng tanghali, nagtipon-tipon ang mga Lasalyano upang sabay-sabay na magbilang at salubungin ang panibagong taon para sa DLSU. Ikatlo ng hapon nang simulan ang Parade: the Green Mile na tirik man ang araw at mausok man sa kahabaan ng Taft Avenue, walang alinlangan ang mga Lasalyano sa pakikilahok sa naturang aktibidad na irinaos sa labas ng Pamantasan. Nagsilbi itong simbolo ng pagkakaisa ng lahat ng mga Lasalyano maging sa ibang lugar. Samantala, itinanim naman sa Marian Quadrangle ang ika1,000,000 binhi para sa proyektong One Million Trees and Beyond ng De La Salle Philippines. Tuloy-tuloy ang selebrasyon sa sumunod na Cheers: Dance and Band Concert sa Amphitheatre kung saan tampok ang Animo Squad, La Salle Dance Company Contemporary, at Street. Pagsapit ng ika-pito at kalahati ng gabi, sabay-sabay na iniraos ang Isang Daan: Sangandaan Centennial Show sa Teresa Yuchengco Auditorium, konsiyertong pinagtanghalan ng sarisaring alumni, Strings and Stanzas: Acoustic Concert and Poetry Reading sa University Library Walk, isang aktibidad ng pagtangkilik sa sining, at Animo Street Party sa Agno Street. Nagpatuloy ang konsiyerto hanggang gabi sa Amphiteatre kasabay ng pagpapalipad ng mga floating lanterns. Tinapos ang pagdiriwang ng isang masigabo at makulay na pyromusical show na isinabay sa saliw ng musikang Live It Up, ang opisyal na awiting pansayaw para sa Sentenaryo. Sabay-sabay namang inawit ng pamayanang Lasalyano ang Alma Mater Hymn sa pangunguna ni Gary Valenciano, isang musikero at alumnus ng DLSU, bago tuluyang matapos ang selebrasyon. Pulso ng Lasalyano Masayang-masaya si Kalikasan Castillo, I-DSM, na parte siya ng centennial batch ng Pamantasan. It was the best. Sobrang hyper ako. I really felt the Lasallian spirit, pagbabahagi ni Castillo. Inaasahan niyang nakatindig pa rin ang Pamantasan pagsapit ng ikalawang sentenaryo nito. Aniya, Sobrang cool non. 200 years na, and still, the future begins here. Para naman kay Arienne Cris Canete, IV-CS-NE, sa kabila ng siksikan, nasiyahan pa rin siya sa naging pagdiriwang. Sa hinaharap, aniya, mas maganda kung mas magiging matibay ang pamayanang Lasalyano para sa mga mithiin nito. I mean yon bang sa lahat dapat mkikita mo na agad na Uy, Lasalyano yon, pahayag ni Canete.

Halaw sa internet
indicative of respect for differencs in gender, sexual orientation race and religious and political beliefs are highly valued. Kaugnay nito ang pagrespeto sa mga mag-aaral sa Pamantasan kahit ano pa ang kasarian nito. Pagkakapantay-pantay ng lahat Nasa iisang komunidad lamang ang mga mag-aaral na Lasalyano sa Pamantasan. Isang pagtanggap at pag-intindi na lamang sa kapwa nito mag-aaral ang kinakailangan upang maging patas ang pagtingin sa mga Lasalyano, kabilang na rin ang na sa LGBT community. Paliwanag ni Manauat, [If you can have] Lasallian achievers for God and Country, you can have queer Lasallian achievers for God and Country, right? Hindi nagtatapos sa pagkilala lamang ng komunidad ng LGBT sa Pamantasan. Dapat ding mapansin, matanggap, at makilala ang mga karapatan nito upang ng kapwa at kung ano man ang nais nila.

FALCON/ MULA SA PAHINA 1

sa pag-aasikaso at segregation ng mga tao. Ayon naman kay Cabe Aquino, Pangulo ng USG, nahirapan magdesisyon ang pamunuan ng DLSU ukol sa suspensyon ng klase. Aniya, wala sa bansa si Br. Narciso Erguiza FSC, Pangulo at Chancellor ng DLSU na tanging may kapangyarihang magsuspinde ng klase. Sa kawalan ng officer-in-charge na hahalili kay Erguiza, naging dahilan ito upang maantala ang pag-anunsyo sa pagsuspende ng mga klase noong Hunyo 23 at 25. HULI! Kitang-kita ang isang pulis na tumanggap ng tinapay bilang suhol sa nahuling motorista. APP/Edward Allen Lim Kahandaan ng DLSU sa mga sakuna Bagamat halos ganito rin ang naranasan ng Pamantasan dalawang taon na ang nakararaan bunsod ng bagyong Ondoy, wala pa ring tiyak na plano ang adminstrasyon para sa mga ganitong pangyayari. Ibinahagi ni Aquino na wala pang masyadong konkretong plano ang DLSU pagdating sa disaster risk management. Iginiit ni Aquino na mahalagang magkaroon ng mas maayos na sistema sa pagkansela ng mga klase para sa ikabubuti ng mga Lasalyano. Aniya, A faster response or feedback system for suspension couldve been a good solution because it was at a point na kaya pang ma-prevent. Naniniwala si Aquino na bagamat nagkulang sa paghahanda ang Pamantasan, naging mahusay naman ang pagtugon dito ng administrasyon at USG. Aniya, Kasi the whole community, the administration [and] the USG, they take it upon themselves to stay and they all worked together [for the students]. Sa pangyayaring ito, ayon kay Aquino, mahalagang magkaroon ng tiyak na plano ang Pamantasan sa pagtugon sa mga sakuna. I think in the future the University should have a [better] system in calling off classes. [We need] the kind of system that would be effective in preventing strandedness and not just reactive because we need [to be] more pro-active for the students, kanyang pagtatapos.

OPINYON
Hunyo 23 nang hagupitin na naman ang Pamantasang De La Salle (DLSU) ng isang malupit na bagyo si Falcon. Bumalik sa alaala ng lahat ang malagim na sinapit ng DLSU at Kamaynilaan dalawang taon na ang nakararaan sa paghagupit ng bagyong Ondoy. Maraming mag-aaral, guro, at empleyado ang hindi nakauwi sa kanilang mga tahanan at napilitang manatili at magpalipas ng gabi sa loob ng Pamantasan. Bunsod ng nasabing pangyayari, hinagupit ng batikos ang pamunuan ng Pamantasan dahil sa mabagal na pagdedesisyon sa pagsususpinde ng mga klase at opisina. Sa pagtaas ng tubig sa bawat sulok ng kampus at ng buong Taft Avenue, matatandaang hindi ikinansela ang mga klase ng pamunuan ng DLSU dahil wala sa bansa ang President at Chancellor ng Pamantasan na si Br. Jun Erguiza, FSC. Tanging siya lamang ang may kapangyarihang magpahayag ng suspensyon ng mga klase at opisina kung sakaling may mga hindi inaasahang pangyayari. Nahirapang magdesisyon ang pamunuan ukol sa usapin ng suspensyon ng klase. Sa mga nakaraang pagkakataon, nagtatalaga ng Officer-In-Charge(OIC) ang mga namumuno bago pa man sila umalis ng Kamaynilaan o ng bansa upang magkaroon ng magdedesisyon sa panahong kinakailangan. Gayunpaman sa kasong ito, walang itinalagang OIC at tila nangapa ang lahat ng tao sa Pamantasan sa kung anong gagawin sa puntong kritikal na ang lagay ng komunidad. Bagamat walang klase noong Hunyo 24, Biyernes, upang gunitain ang Araw ng Maynila, naging malaking tandang pananong kung itutuloy ba ang mga klase sa susunod na araw, Hunyo 25. Maraming mag-aaral ang nalito sa kung ano ang mas dapat nilang piliin ang kanilang edukasyon o ang kanilang kaligtasan. Halos buong gabing naghintay ang karamihan sa mga Lasalyano sa pagpapabatid ng suspensyon noon. Tanging DLSU na lamang ang wala pang naging desisyon ukol sa nasabing kalagayan samantalang lahat ng mga karatig-pamantasan ay nagsuspinde na ng klase. Marami pang naging dahilan sa hindi agarang pagsuspinde ng klase noon. Isa pa sa mga dahilang inilatag sa Pamayanang Lasalyano ang kawalan ng oras para sa kakailanganing make-up classes kapalit ng mga araw na nawalan ng klase. Dahil dito, maaaring hindi maabot sa itinalaga ng Commission on Higher Education (CHED) na kabuuang oras ang mga klase ng Pamantasan. Kung sakaling may mga bagyo pang manalanta sa bansa, at sa sistemang ipinatutupad na six-day class week, Linggo na lamang ang maaaring araw na itakda para sa make-up classes.Hindi naman ito sinasang-ayunan ng pamunuan. Sa puntong ito, tila mas mahalaga pang maabot ang rekisito ng CHED kaysa sa kaligtasan ng mga mag-aaral laban sa kritikal na kondisyon ng Pamantasan at Kamaynilaan. Ramdam na ramdam ng Pamayanang Lasalyano ang hirap ng pananatili sa Pamantasan. Gayunpaman, kung tutuusin, taon-taong nararanasan hindi lamang ng Pamantasan ngunit ng buong kapuluan ang mga paghagupit ng bagyo; at ilan dito ay mababagsik at nag-iiwan ng masalimuot na kalagayan. Tila paulit-ulit na lamang ang nangyayari sa mga ganitong pagkakataon hindi makaalis ng Pamantasan ang mga mag-aaral sa taas ng tubig sa loob at labas ng kampus at mapilitang manatili sa loob ng mga silid-aralan at doon na lamang magpalipas ng gabi. Paulit-ulit na parang walang mga konkretong planong nakalatag sa mga ganitong pagkakataon, hindi lamang sa agarang pagsuspinde ng mga klase. Makikita kasing walang malinaw na balangkas tungkol dito kahit na taon-taon, hinaharap ito ng Pamantasan. Sa kabila ng lahat ng ito, magbigay sana ng maliwanag na tugon ang pamununan ng DLSU tungkol dito. Isa na rito ang rebisyon ng Student Handbook. Magdagdag sana ng probisyon ukol sa pamamahala kaugnay ng mga sakuna at kritikal na kondisyon ng Pamantasan. Para sa pamunuan ng DLSU, huwag na sanang maulit pa ang mga kaganapan sa paghagupit ng bagyong Falcon at hayaang maging kritikal muli ang kalagayan ng buong pamayanan. Nawa ay may nakuha tayong aral sa lahat ng ito dahil sa totoo lang, buhay ng tao ang nakasalalay sa mga pagkakataong gaya nito. Isa ako sa mga na-stranded sa loob ng Pamantasang De La Salle (DLSU) nang hinagupit ng bagyong Falcon ang Pamantasan noong Hunyo 24. Bilang isang mamamahayag pangkampus, nagtungo ako at ang aking mga kasamahan sa Security Services Office (SSO) para alamin ang aksyong ginagawa ng opisina sa nangyayaring sakuna nang mga panahong iyon. Pagpasok namin sa opisina ng SSO, humingi kami ng permisong makapanayam si Dionisio D. Escarez, Direktor ng SSO, subalit sinabi nitong kapanayamin muna ang isang mas nakatataas na opisyal sa kanya. Pagalis namin ng SSO, hinanap namin agad ang nasabing opisyal. Subalit napag-alaman naming nakauwi na pala ang opisyal na ito. Kaya naman, bumalik kami agad sa SSO at umaasang pauunlakan na ni Escarez ang aming panayam. Gayunpaman, sinabi nitong bumalik na lang kami sa Hunyo 26 at hingan ng panayam ang binanggit niyang opisyal. Dahil sa pangyayaring ito, batid ko at ng aking mga kasamahan na hindi papayag si Escarez na amin siyang makapanayam. Bunsod nito, nagpasalamat na lamang kami sa kanya at umalis ng

HUNYO 30, 2011

HUNYO 30, 2011

OPINYON

Magsalita kayo!
Kampi ang APP sa katotohanan, hindi sa administrasyon ng DLSU at hindi rin naman sa mga mag-aaral nito.
SSO. Pagsapit ng Hunyo 26, hindi na namin nagawang makapanayam ang opisyal na iminungkahi ni Escarez dahil sa suspensyon ng mga klase at opisina ng DLSU. Ibinahagi ko ang pangayayaring ito dahil gusto kong iparating sa buong pamayanang Lasalyano na sinisikap ng Ang Pahayagang Plaridel (APP) na gawing balanse ang bawat artikulong inilalabas namin. Sa pamamagitan ng paghingi ng panayam mula sa mga taong may kinalaman sa mga artikulong ginagawa namin at pananaliksik, naghahandog kami ng mga artikulong magbibigay-linaw sa mga isyu sa ating Pamantasan at lipunan. Para sa lahat ng miyembro ng Pamayanang Lasalyano, lalong-lalo na sa mga opisyal ng pamunuan ng DLSU, magsalita kayo at buong puso naman kaming makikinig. *** Kampi ang APP sa katotohanan, hindi sa administrasyon ng Pamantasang De La Salle (DLSU) at hindi rin naman sa mga mag-aaral nito. Gayunpaman, alam naming hindi maiiwasang may mga tao o grupo ng taong hindi magugustuhan ang mga artikulong aming inilalabas. Sa mga pagkakataong ito, inaanyayahan namin kayong diretsong sabihin ito sa amin. Kung hindi kayo sang-ayon sa mga inilalabas naming mga artikulo, at kung palagay ninyo ay may panig na hindi naisama sa mga ito, malaya kayong magpadala ng liham sa aming Pahayagan. Huwag ninyong idaan sa kung sino man o kung saan man tulad ng Social Networking Sites ang hindi ninyo pagsang-ayon sa mga artikulong inilalabas namin. Diretsuhin ninyo kami! Ikagagalak pa naming sagutin ang inyong mga liham nang sa gayon, magkaroon ng diskurso sa ating Pamantasan. Igagalang namin ang inyong opinyon at sisiguraduhing diringgin ang inyong saloobin. Sa ganitong paraan, umaasa rin kaming gagalangin ninyo ang aming opinyon at higit sa lahat, matutuhan ninyong harapin at tanggapin ang katotohanang inisisiwalat namin.

Paulit-ulit na pagkakamali
Normal lang ang magkamali, ngunit normal pa rin ba kung paulit-ulit nang nagkakamali?
GURO. Siya ang humuhubog sa pagkatao ng isang mag-aaral sa loob ng paaralan. Siya rin ang tagahubog ng kaalaman at kakayahan ng mga taong sinasabing pag-asa ng bayan. Siya rin ang nagsisilbing pangalawang magulang na magtuturo sa isang estudyante patungo sa tuwid na daan. Gayunpaman, paano na lamang kung hindi niya naisasakatapuran ang ilan sa mga responsibilidad na ito? Nararapat pa rin ba siyang tawaging isang guro? Kilala ang Pamantasang De La Salle dahil sa magandang edukasyong ipinamamahagi ng mga gurong nagtuturo rito. Taglay ng mga taong ito ang galing pagdating sa pagtuturo ayon sa larangan ng propesyong kanilang natapos; dahilan upang makilala rin sila, hindi lamang sa Pilipinas kundi sa buong mundo. Kamakailan lang ay nilapitan ako ng isang matalik na kaibigan dahil may napansin siya sa kanyang propesor. Napansin niyang magulo ang sistema ng pagtuturo ng kanyang propesor. Tila hindi raw maayos ang kanyang pagtuturo na nagiging dahilan ng pagkalito ng mga estudyante. Bagamat may kaunting kaalaman ang aking kaibigan sa leksyong kanilang pinag-aaralan, hindi pa rin niya maintindihan ang gustong iparating ng kanyang guro. Masasabi bang isa siyang halimbawa ng mga gurong tinatawag na magaling magturo sa institusyong ito? Mayroon ding problema ang isa kong guro sa pagtuturo niya sa aming klase. Maraming beses siyang nagkakamali na nagiging sanhi ng pagkalito ko at ng aking mga kaklase. Maraming beses na ang mga kaklase ko na mismo ang nagtatama ng kanyang sagot sa pisara. Maraming beses ding nagbubulungan ang aking mga kaklase dahil paulit-ulit ang maling tinuturo ng aming guro. Gayunpaman, pursigido pa rin ang bawat isa sa amin na makinig sa kanyang mga sinasabi. Naitanong ko na lang sa aking sarili: sino ba talaga ang tama? ang aking guro o ang aking mga kaklase? Bawat isa sa atin ay mayroong imperpeksyon. Ika nga sa isang kasabihan, walang perpektong tao sa mundo. Normal lang ang magkamali, ngunit normal pa rin ba kung paulit-ulit nang nagkakamali? Hindi bat hindi na nakakatuwa kung ganito na lang palagi ang mangyayari sa tuwing papasok ang isang estudyante sa kanyang klase? Alumana ALUMANA - kasingkahulugan ng salitang paunawa. Isang alumana para sa aking kapwa mga Lasalyano: karamihan sa inyo ay ipinagsasawalang-bahala ang mga bagay katulad nito. Huwag ninyong hayaang magpatuloy ang ganitong pangyayari. Mabuti kung ipapaalam niyo na kaagad sa inyong mga guro ang totoong nangyayari sa inyong klase nang sa gayon ay maitama na nila ang kanilang mga pagkakamali. Isang alumana rin para sa mga guro: agahan ang pagkilos upang masolusyunan ang ganitong problema sa ating institusyon. Huwag ninyong hintaying maubos ang pasensya ng mga estudyante at tuluyang hindi pasukan ang inyong klase. Pumasok kami sa pamantasang ito upang matuto, hindi upang itama ang pagkakamaling ginagawa niyo. Para sa anumang kumento at suhestiyon sa nabasa ninyong opinyon, magpadala lamang ng liham sa jenirose_lozano@dlsu.edu.ph

Dibuho ni Juan Kristopier Angeles

EDITORYAL
Aberya sa pagkansela
Mahirap magsulat ngunit kinakailangan.
May nais ka bang iparating o ibahagi sa Ang Pahayagang Plaridel? Magpadala lamang ng liham sa APP@dlsu.edu.ph at sisikapin naming matugunan agad ito. Sundan ninyo kami sa Twitter: plaridel_dlsu
Mahirap Magbingi-bingihan sa katotohanan.

Para sa anumang kumento at suhestiyon sa nabasa ninyong opinyon, magpadala lamang ng liham sa john_mark_carino@ dlsu.edu.ph

Edukasyon sa bansa, mayroon pa bang pag-asa?

Bagamat nariyan ang malakas na hagupit ng katotohanang naghihirap ang bansa, marami pang maaaring gawin ang gobyerno para sa kabataang Pilipino.
Maagang gumising si Juan mula sa pagkapuyat at mabilis niyang sinuot ang kanyang uniporme bilang paghahanda sa unang araw ng pasukan. Sabik na sabik at matulin siyang tumakbo patungong eskuwelahan. Sa kanyang pagdating, bumungad ang malilinis at malalaking silid-aralan na puno ng magagandang ngiti ng kanyang mga kamag-aral. Kabilang si Juan sa iilang kabataang mapalad na nakararanas ng mga ideyal na imaheng ito sa kanilang araw-araw na pagpasok sa eskuwelahan. Nakalulungkot mang isipin, ibang-iba ang mga imaheng ito sa tunay na buhay. Ngayon 2011, itinaas ni Pangulong Benigno C. Aquino III ang badyet ng Department of Education (DepEd) mula sa Php 175 bilyon sa Php 207 bilyon. Kahit na malaki ang itinaas ng pondo, tila hindi pa rin ito naging sapat upang tugunan ang dumaraming programa at lumalaking problemang pang-edukasyon sa bansa. Ito ang masakit na hagupit ng katotohan sa sistema ng edukasyon sa ating bayan. Inilunsad ng DepEd nitong Disyembre ang Universal Kindergarten Program (UKP). Alinsunod sa programang ito, kinakailangang pumasok ng mga bata mula sa pampublikong paaralan sa kindergarten bago sila tumungtong sa unang baitang. Naniniwala si DepEd Secretary Armin Luistro na makatutulong ito upang maisakatuparan ang Education for All na mithiin ng gobyerno. Pinaniniwalaang magbibigay-daan ang programang ito upang makamit ang Millenium Development Goal ng gobyerno pagdating sa sektor ng edukasyon. Bilang paghahanda, ipinakiusap ng DepEd sa mga magulang na maagang magparehistro. Tinatayang 1.93 milyong kabataan ang pumasok sa kindergarten nitong pasukan. Gayunpaman, inamin ng DepEd na nagkulang ng 14,924 na silid-aralan at 27,852 na guro sa pagpapatupad ng bagong programang ito. Sinimulan ang programang ito nitong Hunyo 6 nang magsimula ang pasukan para sa karamihan ng mga pampublikong paaralan sa bansa. Kahit na bago ang damit at gamit ng mga mag-aaral, hindi pa rin nakatakas ang ilang bata mula sa mga problema. Nagsilbing silid-aralan para sa mga bata ng ilang paaralan ang pasilyo ng eksuwelahan. Dagdag pa rito, malaking hamon para sa isang guro ang disiplinahin ang humigit-kumulang na 50 bata na may edad apat hanggang anim sa loob ng silid-aralan. Pinapatunayan ng insidenteng ito na tunay ngang marami pang kailangang ayusin sa sistemang pang-edukasyon. Bilang kagawarang naatasang tiyakin na nasa maayos na kamay ang edukasyon ng kabataan, malaking hamon ang kinahaharap ng DepEd. Mahalagang masimulan na ang pang-matagalang pagpapahusay sa sistema ng edukasyon ng bansa lalo na sa mga pampublikong paaralan. Magsilbing hamon sana ang pangyayaring ito sa UKP para sa kinauukulan upang patuloy nilang paghusayin ang kanilang serbisyong publiko. Hindi pa huli ang lahat. Bagamat nariyan ang malakas na hagupit ng katotohanang naghihirap ang bansa, marami pang maaaring gawin ang gobyerno para sa kabataang Pilipino. Sa bandang huli, mahalagang mabigyan ang kabataan ng isang magandang kinabukasan sapagkat sila pa rin ang itinuturing na pag-asa ng ating bayan. Para sa anumang kumento at suhestiyon sa nabasa ninyong opinyon, magpadala lamang ng liham sa ma_felichie_valeriano@ dlsu.edu.ph

Pepe ng bagong lahi

Magsilbi nawang inspirasyon ang kanyang aral ng kahalagahan ng kabayanihan at edukasyon sa ating mga Pilipino.
NAGING mabilis ang pagtakbo ng buwan ng Hunyo para sa ating lahat. Bukod sa pagdiriwang ng ika100 taon ng Pamantasang De La Salle (DLSU) at paghagupit ng Bagyong Falcon sa bansa, ilang isyu rin ang tumambad sa mga Pilipino at binuksan [maaari] ang ating kamalayan sa mga pangyayari sa bansa. Panigurado, naapektuhan din nito kahit papaano ang tingin mo sa iyong sarili bilang Pilipino. Isat kalahating siglo ang nakalipas, ipinanganak ang isa sa mga bida ng kasaysayan ng bansa ang ating pambansang bayani. Babaero, manunulat, optalmologo, repormista, sandigan ng bayan. Ganito natin mailalarawan si Dr. Jose Rizal. Lagi nating sinasabing isa siyang mabuting ehemplo para sa kabataan at sa lahat ng Pilipino, pero kung tatanungin, isa ka bang Pepe ng bagong lahi? Sa pakikidigma at pamimiyapis ang alay ng ibay ang buhay na kipkip walang agam-agam, maluwag sa dibdib matamis sa puso at di ikahapis. Hindi man ako isa sa mga nanatili sa DLSU para magpalipas ng magdamag noong humagupit ang Bagyong Falcon, isa naman ako sa nainis sa kabagalan ng suspensyon ng klase. Hunyo 23, binabaha na ang kahabaan ng Taft Avenue at tanging ang mga klase sa Br. Andrew Gonzalez Hall lamang ang nasuspende, ika-4:20 ng hapon. Apat na oras ang nakalipas, saka lamang nasuspende ang klase sa buong Pamantasan. Wala nang paraan upang makalabas pa. Sa kabila nito, agad-agad namang inasikaso ang mga naiwang mag-aaral. Binabati ko ang munting paraan ng kabayanihan na ginawa ng University Student Government sa kanilang pagresponde noong panahon ng bagyo. Sa kabila nito, sana magkaroon na ng maayos na sistema ng suspensyon ng klase sa loob ng Pamantasan. Ang aking adhika sapul magkaisip ng kasalukuyang bata pang maliit, ay ang tanghaling ka at minsang masilip sa dagat Silangan hiyas na marikit. Upang tugunan siguro ang adhikaing ito ni Rizal, pinalakas ng mga nagdaang gobyerno ang edukasyon sa bansa. Totoo, bukod sa mga artista at atleta, ang mga natatamo ng mga Pilipino sa larangan ng edukasyon ang isa sa nagpapakilala sa ating bansa sa pandaigdigang perspektibo. Ngunit kung ikukumpara sa ibang bansa, tila bumababa na nga ng kalidad ang ating edukasyon. Dahil dito, matapos ang ilang debate, ipinatupad ng Kagawaran ng Edukasyon ang K+12 System ngayong akademikong taon sa mga pampublikong paaralan. Kung ako ang tatanungin, wala sa akin ang isyu ng pagpapatagal ng taon sa pag-aaral o pagkakaroon ng ibat ibang paradigma ng pagtuturo. Naniniwala akong sa mga guro nakasalalay ang kinabukasan at karunungan ng mga mag-aaral. Para sa akin, silang mga naghuhulma ng isip ng sinasabi nating kinabukasan ng bayan ang dapat na ituring na bayani. Baghawi II Kung ang libingan koy limot na ng lahat at wala ng krus at batong mabakas, bayaang linangin ng taong masipag lupay asarolin at kanyang ikalat. Para sa akin, hindi pa naman talaga gaanong nakakalimutan ng mga Pilipino ang mga turot aral ng ating munting Pepe. Hindi man natin siya ganoong napapahalagahan sa pamamagitan ng ating mga ginagawa, nasisiguro kong hindi lang natin napapansin na naisasabuhay natin ang kanyang mga naituro. Magsilbi nawang inspirasyon ang kanyang aral ng kahalagahan ng kabayanihan at edukasyon sa ating mga Pilipino. Ito marahil ang hamon sa ating mga Pilipino ng kasalukuyang henerasyon: ang maging Pepe ng bagong lahi. Mula sa Patnugot: Nagmula ang mga linya mula sa tulang Ang Huling Paalam ni Dr. Jose Rizal, sa salin ni Andres Bonifacio.

Hindi lang kami basta papel

Kung wala ang papel na ito, mananatiling walang alam ang mga Lasalyano tungkol sa kung ano ang nangyayari sa loob at labas ng Pamantasan.
Tuwing sasapit ang ikatlong linggo ng bawat buwan, hindi ko maiwasang pagmasdan ang mga newsbin sa loob ng Pamantasan. Pilit kong inoobserbahan kung gaano kabilis maubos ang laman ng bawat newsbin na aking nadaraanan. Natutuwa akong isipin na hanggang sa ngayon ay mayroong napakaraming Lasalyanong tumatangkilik sa Ang Pahayagang Plaridel (APP). Gayunpaman, hindi ko maalis sa aking isipan kung ano nga bang nangyayari sa mga dyaryong aming inilalathala matapos itong kunin ng mga Lasalyano? Binabasa nga ba talaga nila o nagsisilbi lamang itong ordinaryong papel na maaaring gawing pansukob sa tuwing umuulan o kaya naman ay pantakip sa mainit na upuan? Masakit para sa isang manunulat na makitang mayroong mga mag-aaral na itinuturing bilang isang simpleng papel lamang ang aming pahayagan. Higit pa rito, mas masakit para sa isang manunulat na makitang mayroong mga Lasalyanong hindi kayang irespeto ang pahayagang naging saksi na sa kasaysayan ng Pamantasan. Hindi man batid ng nakararami ngunit ang mga publikasyon sa Pamantasang ito ay isang mahalagang bahagi ng ating pagiging Lasalyano. Kung wala ang mga dyaryong ito,hindi magkakaroon ng pagkakataon upang marinig ang bawat hinaing ng bawat isa sa atin. Kung wala ang papel na ito, mananatiling walang alam ang mga Lasalyano tungkol sa kung ano ang nangyayari sa loob at labas ng Pamantasan. Hindi ko hinihinging ituring ninyo bilang isang ispesyal na bahagi ng Pamantasan ang bawat dyaryo na aming inilalathala. Ang akin lamang, sana ay irespeto ninyo ang pahayagang ito. Tandaan ninyong hindi lamang kami basta papel dahil isa kaming instutitusyong binubuo ng mga Lasalyano, para mismo sa mga Lasalayano. Bandilyo Sa puntong ito, hinihikayat ko ang bawat isa sa inyo na maging isang responsableng mambabasa hindi lamang ng APP ngunit pati na rin ng bawat pahayagang mayroon sa Pamantasaang ito. Gaya ng Bikolanong salitang Bandilyo na ang ibig-sabihin ay mensaheng nakalaan para sa publiko, magsilbi sana bilang isang mahalagang bandilyong tatatak sa isipan ng bawat Lasalyano ang hamon kong ito. Isang hamon na nagsasabing irespeto mo ang pahayagang ito dahil isa kaming papel na nagsisilbing boses ng boses ng bawat Lasalyano. Para sa anumang kumento at suhestiyon sa nabasa ninyong opinyon, magpadala lamang ng liham sa liz_intia@dlsu.edu.ph

Para sa anumang kumento at suhestiyon sa nabasa ninyong opinyon, magpadala lamang ng liham sa justin_carandang@dlsu.edu.ph

LAYUNIN

DAKILANG

ANG

Ang Ang Pahayagang Plaridel ay naglalayong itaas ang antas ng kamalayan ng mga Lasalyano sa pamamagitan ng pagtalakay sa mga usaping pangkampus at panlipunan. Naniniwala itong may konsensya at mapanuring pag-iisip ang mga Lasalyano, kinakailangan lamang na mailantad sa kanila ang katotohanan. Inaasahan ng Plaridel na makatutulong ito sa unti-unting pagpapalaya ng kaisipan ng mga mag-aaral tungo sa pagiging isang mapagmalasakit na mamamayan. Sa pamamagitan ng paggamit ng sariling wika, nananalig ang Plaridel na maikintal sa puso at isipan ng mga Lasalyano ang tunay na diwa ng mga Pilipino.

BAYAN
Noynoy Aquino at ang pakikipag-isang dibdib sa Pilipinas
Komentaryo ni Karla Rose E. Gutierrez Dibuho ni Allan Jeffrey Bacar

HUNYO 30, 2011

HUNYO 30, 2011

BAYAN

Pag-asa at Pag-aasawa:

Sagradong tipan, dapat bang payagang

Noy-Bi: EPEKTIBO
NGA BA?
Kinalap nina Deborrah Anastacio at Ma. Chrisel Maniebo Dibuno ni Dennice Abegail Paragas
Mag-iisang taon na mula nang maupo ang tambalang Pangulong Benigno Noynoy C. Aquino III-Pangalawang Pangulong Jejomar Binay o Noy-Bi sa pwesto. Parehas nagmula sa magkaribal na partido: si Aquino mula sa partido Liberal samantalang mula sa Partidong Demokratikong Pilipino-Laban si Binay. Sa kabila ng pagkakaiba ng partidong kanilang kinabibilangan, masasabi nga bang naging epektibo ang kanilang tambalan?

TAMBALANG

WAKASAN
kasal, sa mga sumasang-ayon sa Divorce Bill. Sa panayam ng Ang Pahayagang Plaridel (APP) kay Fernandez, iginiit niyang isinusulong ng Divorce Bill ang karapatan ng mga Pilipinong magdesisyon sa kanilang buhay may asawa. Aniya, Kung ayaw na talaga ng mag-asawa [na magsama], mas mabuti nang maghiwalay [sila] kaysa ipagpilitan pa nila ang isat isa. Maaapektuhan lang yung mga anak nila lalo na kung halatang malamig na sila sa isat isa. Sangayon man ang marami sa pagpapasa ng Divorce Bill sa bansa, bakit marami pa rin ang tumututol sa panukala? Kasalukuyang batas, hindi pa nga ba sapat? Sa kasalukuyan, may mga batas na sa bansa ukol sa pagsasawalang-bisa ng kasal. Naiiba ang mga nabanggit na batas sa isinusulong na diborsyo ayon sa ilang kondisyon tulad ng pagkakaroon ng kalayaang muling magpakasal matapos ang hiwalayan na siyang tinututulan ng ilang mamamayan. Inihain ng mga hindi sang-ayon sa panukala ang ilang mahahalagang aspekto ng kulturang Pilipino at maging ng pamumuhay ng mga tao

nina Jeremiah Adriano at Gregory Mark del Carmen Kuha ni Camille Infante
Hindi pa man natatapos ang tensyon sa pagtatalo sa ibat ibang bahagi ng bansa at ng mga mamamayan tungkol sa Reproductive Health Bill, isang panibagong panukalang batas ang muling inihain sa kamara. Kamakailan lamang, muling binuhay ng mga kinatawan ng Gabriela Womens Party List ang House Bill(HB) 1799 o mas kilala bilang Divorce Bill ng Pilipinas. Sa puntong ito, tanging ang Vatican City at Pilipinas na lamang ang wala pang batas ukol sa usaping diborsyo sa buong mundo. Kabi-kabila ang naging tugon ng mga mamamayan sa panukalang batas na ito. Magaganda naman ang punto ng bawat isa, sangayon man o hindi, sa panukalang batas na ito. Nagkaroon ng kabi-kabilang mga debate at maiinit na diskusyon ukol sa isyung ito. Pinagtatalunan ng mga nagsusulong at tumututol sa isyu ng diborsyo , handa na nga ba ang mga Pilipino para sa ganitong pagbabago? Panukalang diborsyo para sa ikabubuti ng mga Pilipino Kamakailan lamang ginanap sa ABS-CBN ang debateng pinamagatang Harapan: Divorce Bill, ipasa o ibasura? Iginiit ni Gabriela Rep. Luzviminda Ilagan, isa sa mga nagsusulong ng nabanggit na panukala, na naaayon ang Divorce Bill na kanilang isinusulong sa pangangailangan ng kasalukuyang estado ng bansa. Taliwas sa mga batas ukol sa diborsyo sa ibang bansa, maraming kondisyon ang kinakailangang makita bago ito maipagkaloob sa mag-asawa. Batay sa HB 1799 kailangang mapatunayan ng mag-asawang nagbabalak na magdiborsyo ang kahit isa sa mga sumusunod: limang taon nang hindi nagsasama; dalawang taon nang legal na magkahiwalay; wala sa matinong pag-iisip at pag-uugali ang kabiyak at; pagkakaibang hindi na maaaring maisaayos pa. Dagdag pa ni Ilagan, hindi ito nakasisira sa pagiging sagrado ng kasal gaya ng iginigiit ng mga kumokontra rito. Aniya, hindi lohikal ang argumentong nakasisira ito ng kasal sapagkat sa simula pa lang ng pagpapasa ng mag-asawa para magpadiboryso, sira na ang kanilang pagsasama. Bukod kay Ilagan, ibinigay rin ni Liza Maza, dating kinatawan ng Gabriela, ang kanyang saloobin tungkol sa isyu. Ayon sa kanya, lingid sa kaalaman ng karamihan, mayroon na talagang konsepto ng diborsyo sa bansa. Taliwas sa sinasabi ng ilan na labag ito sa Saligang Batas, napapaloob ang nasabing panukala sa Artikulo VI ng konstitusyon 1987 kung saan kinikilala ang diborsyo ng kasal sa pagitan ng isang dayuhan at Pilipino. Isa sa mga ipinagmamalaking probisyon ng panukalang batas ang mas mabilis at mas murang pagpoproseso ng diborsyo rito sa Pilipinas. Dagdag pa niya, sa pamamagitan ng nasabing panukala, magkakaroon ng isa pang mapagpipilian ang mag-asawang nais nang magkaroon ng sarisariling buhay. Isa si Elvera Fernandez, 36, 10 taon nang

Bukas ang bintana ng kanyang magandang Porsche, tila mahirap hindi ipakita ang galak sa pagkakaroon ng isang primera klaseng sasakyan. Sa tabi niya, isang magandang dilag, pangatlo na sa nabalitang mga nailalabas niyang babae. Ahahh.. walang katulad ang pakiramdam ng buhay binata! Marahil hindi na niya pansin ang mga hinaing ng ordinaryong mamamayan mataas na tollgate fee, mahal na gasolina, nagtataasang pamasahe at lubak-lubak na kalsada. Ito ba ang paglalakbay tungo sa daang matuwid? Isang binatang pangulo. Isang naghihikahos na bansa. Tila, may hindi tama. Noong Hunyo ng nakaraang taon, idineklara bilang pangulo ng Pilipinas si Benigno Simeon Noynoy C. Aquino III o mas kilala bilang PNoy. Maihahalintulad sa isang telenobela ang kwentong pag-ibig ni PNoy at ng estado bayani kung ituring ang kanyang mga magulang; ang ina bilang ina ng demokrasya at ang ama bilang pangunahing oposisyon ng diktaturya. Siya naman bilang nagiisang anak na lalaki, tila itunuring ng marami na nakatadhana na ang kanyang pagkahalal bilang pangulo. Noong Hunyo, mailalarawan bilang pag-iisang dibdib ng isang binatang pangulo at estado ang pagkapanalo niya bilang pangulo. Mistulang mag-asawa ang binatang pangulo at ang estado puno ng pangako at puno ng pag-asa. Mabigat ang nakaambang responsibilidad sa likod ni PNoy: Pag-asa ng buong Pilipinas na ibangon sila ng isang nilalang sa isang dekada ng kawalang-tiwala. Ang Panunuyo Eleksyon 2010. Marami ang nanligaw sa mga mamamayan para sa pinakaaasam na boto. Gaya ng nabanggit, sampung taong nalubog ang bansa sa panahon ni Pangulong Gloria MacapagalArroyo (PGMA). Sabi ng ilang political analyst, ito ang lost decade kung kailan namayagpag ang eskandalo ng korupsyon sa ilalim ng administrasyon ni PGMA, kaya naman hindi naging mahirap itaya ang boto sa isang kandidatong bitbit ang pag-asa ng isang bayan kung saan sadlak sa kahirapan ang karamihan. Ika nga ni PNoy noong kampanya, Kung walang korap, walang mahirap. Kung iisipin, hindi tama ang katuwiran na ito, sapagkat hindi naman nasusukat ang intensyon at motibo ng isang tao na isinasalarawan ang konsepto ng pagiging korap ngunit mas binigyang bigat ng mga mamamayan ang makislap na kampanya. Sino ba naman ang ayaw na mawala ang korupsyon at kahirapan, hindi ba? Kapos man sa kakayahan si PNoy sabi ng ilang political analysts, naging mabigat na argumento ng marami ang pangangailangan ng bansa ng isang taong mapagkakatiwalaan kung kayat sa usapang trust-rating, nanguna ang Laban ni Aquino noong eleksyon. Paano nga ba hindi bibigyang tiwala ang anak ng amat ina demokrasyang Pilipino? Sa panayam ng Ang Pahayagang Plaridel (APP) kay Aaron Benedict De Leon, kolumnista ng The Lobbyist, sumangayon siyang isang emosyonal na lahi ang mga Pilipino at hindi malayong naaapektuhan ng kanilang damdamin ang kanilang pagbibigay tiwala sa kung ano ang kanilang pagsangguni at pagpapatungkol kay Aquino. Ani De Leon, It was the death of Cory Aquino which triggered the emotion of many Filipinos [and] that another Aquino could save a floundering economy, and inspire us to really go out and become active participants in the rebuilding of our nation. Since the Arroyo [administration] was tainted with allegations of corruption, they were looking for a leader who was opposite of what the previous admin was. Ilang buwan pa lamang pagkapanaw ng kanyang inang itinuring na isang sagisag ng demokrasya at pagkakaisa, tila nasa punto nang malubhang pag-aasam ng remedyo ang mamamayan. Hindi naging mailap ang tagumpay sa tagapagmana ng legasiya

ng kanyang mga magulang. Matapos ang ilang buwan ng panunuyo, nagbunga ang kanyang pag-irog at isang matamis na oo ang ipinagkatiwala ng mga Pilipino. Honeymoon Pangako. Noong unang State of the Nation Address (SONA) ng pamahalaang Aquino, naging pangunahing paksa niya ang pamumuna sa nakaraang administrasyon. Ipagpalagay nating tama naman ito, sapagkat gusto niyang punahin ang mga pagkakamali ng nakaraang administrasyon. Sa kabila nito, nagkulang naman sa sustansya ang kanyang mga plano para sa sarili niyang pamumuno. Marahil madaling tuligsain ang nakaraang administrasyon sapagkat ito ang bantog na opinyon ng madla, ngunit hindi rin naman siya nagbigay ng sistema hinggil sa maayos na pagtugon sa pinunang krisis. Naging tampok ng kanyang SONA ang mga paratang sa administrasyong Arroyo. Mula sa anomalya sa mga transakyong pang-gobyerno, hanggang sa mga appointee, sweldo at bonus ng mga opisyal ng gobyerno, mga problema sa Napocor, Metro Railway Transit, Department of Public Works and Highway at National Food Authority, extra-judicial killings at iba pang pagbibigay-puna sa mga naiwang problema ni PGMA. Kahit papaano, pahapyaw din naman siyang nagbigay ng plano sa edukasyon, imprastraktura, kalusugan, sandatahang lakas, kagalingang panlipunan at iba pa. Ngunit sa lahat ng mga ito, sa isang taon na lumipas, nasaan na tayo? Kung may nagawa man ang administrasyon, gaano na ito kalawak at komprehensibo para bigyan tayo ng tunay na solusyon? Nagtaas ang mga bilihin, toll fees at pamasahe. Pahirap nang pahirap ang manggagawa at tila panakip-butas lamang ang mga solusyong kanyang ipinatutupad. Halimbawa, napakababaw ng proyektong Brigada Eskwela para tugunan ang tunay na problema sa edukasyon. Nais pa niyang bigyang subsidiya sa gasolina ang mga jeepney driver na katumbas lamang ng isang araw na pasada. Hindi bat parang may mali? Ani De Leon, They failed to recognize the evolving problems on criminality and the economy, particularly in terms of unemployment and investment opportunities. Pagtupad. Sa ngalan ng pagiging patas sa paksa, may maganda rin namang nagawa si PNoy sa isang taon niyang panunungkulan. Sa lahat ng nabanggit, ang kanyang pagtatalaga sa ilang natatanging indibidwal ang isa sa mga kapuri-puring aksyon. Mula sa Metropolitan Manila Development Authority, Department of Interior and Local Government at Department of Justice (DOJ), nagbigay sila ng sariwang pag-asa sa tila gobyernong pinamumugaran ng tradisyonal na mga pulitiko. Isang tiyak na halimbawa ang pagtatalaga niya sa dating Commission on Human Rights Chairperson Leila De Lima bilang kalihim ng DOJ. Mataas ang trust rating ni De Lima dahil sa kanyang agresibong pagtugon sa mga isyung pang-hustisya. Napakahalaga ng bagay na ito dahil isa sa mga haligi ng estado ang hustisya at kahit may mga problemang lumilitaw mula noong nakaraang taon, palagiang tumutugon ang naturang kagawaran ng walang pinapanigan. Hindi siya nangiming padalhan ng subpoena ang dati niyang tagapagtalagang si PGMA at hindi rin siya nanahimik kung may dapat punahin sa kasalukuyang gobyerno. Sa tagal na panahon na tila baluktot ang hustisya sa bansa, nagbigay ng kaunting pag-asa ang pagtatalagang ito. Hindi man natuloy, napakaganda rin ng naging pakay ng Truth Commission. Isa itong magandang pamamaraan upang matalakay ang mga nauna niyang pagpuna at alegasyon sa nakaraang administrasyon. Gayunpaman, kapuna-puna naman ang hindi magandang mga desisyon ni PNoy at ang patuloy na paghihiganti sa nakaraang administrasyon. Kitang-kita sa kanyang SONA noong 2010 na

kulang na kulang tayo sa isang plano ng paggawa. Maraming oras na ang nasasayang sa paghahabol sa dating administrasyon na minsan, iisipin mo kung isa na lamang bang palusot ang pasakit ng nakaraan para hindi tayo makausad sa kasalukuyan. Sumasang-ayon naman dito ang political strategist ni dating Senador Richard Gordon na si Louis Pawid. Ayon sa panayam sa kanya ng APP, aksyon din ang kinakailangan at nagiging masyado ng populist ang pangulo dahil higit na apektado ito sa pagtingin sa kanya ng tao kaysa sa trabahong kanyang nagagawa. Ani Pawid, Nanalo siya sa pangakong matuwid na daan [pero] huwag na siyang magbintang ng baluktot na daan sa nakaraan [dahil] ang kailangan ay ituwid na ang daan. Matapos ang unang taon ni Aquino, saan na nga ba tayo patungo? Wala nga bang pupuntahan ang relasyong ito? Masakit isipin na naka-angkla ang pag-asa ng bayan sa administrasyong Aquino gayong wala naman tayong tiyak na plano sa simula pa lamang. Walang katuturan ang direksyon ng gobyerno at ang panakip-butas na ginagawa ng administrasyon. Nag-aabang ang bawat isa sa pag-aasam ng isang magandang bansa sa 2016 pero tila nasa kampanya pa rin si Aquino nangangako nang nangangako, pero walang planong maipakita. Tiyak na ebidensya rito ang kanyang polisiyang panggobyerno sa mga subsidiya at dole-out. Di naman natin kaya ang isang sistema ng dole-outs ngunit gumagastos tayo ng walang kasiguruhan sa kalalabasan nito. Kumbaga, tila hindi pa naiisasabuhay ni PNoy sa kanyang sarili ang responsibilidad at obligasyon sa bansang Pilipinas. Sa anumang pagsasama, mas malaki ang iyong inaasahan, mas malaki ang pagkakataong mabibigo ka. Mula sa mga pagpunang ito, walang nag-aasam na bumagsak ang administrasyong Aquino, kung hindi nagbibigay lamang ng kritiko upang maibangong muli ang sambayanan. Kung tutuusin, pare-pareho namang nakasalalay ang ating kapakanan sa tagumpay ng pagsasamang Aquino at Pilipinas.

Maipasa man o hindi ang panukalang batas ukol sa diborsyo, hindi pa rin mababago ang kahalagahan ng kasal sa mundo.

sa mundo. Sinasabing ang pamilya ang siyang pundasyon ng isang lipunan. Sa opisyal na pahayag ni Cagayan de Oro Archbishop Antonio Ledesma, S.J., D.D. sa Catholic Bishops Conference of the Philippines News, sinabi niyang hindi makatutulong ang diborsyo upang solusyonan ang problemang mag-asawa. Giit pa ni Ledesma, maaaring makasira sa lipunan ang diborsyo. Aniya, Legalizing something that is immoral will not make it right, but will make it worse. Kasabay ng paghihiwalay ng mag-asawa ang pagkasira ng institusyong kanilang itinaguyod sa loob ng maraming taon. Bunsod nito, matinding tinututulan ng Simbahang Katoliko ang panukalang batas na ito. Kumukontra rin sa nasabing panukalang batas si Maria Lourdez Mejia, 35, 9 taon nang kasal. Sa panayam ng APP kay Mejia, naniniwala siyang sagrado ang pag-iisang-dibdib na mayroong basbas mula sa Maykapal at hindi dapat ito pinuputol ninuman. Aniya, Kapag ikinasal na ang dalawang [nagmamahalan], hindi lang sila ikinakasal sa harap ng tao kundi pati na rin sa harap ng Diyos. [at] walang karapatan ang sino mang tao na putulin [ang ugnayang] ito. Panibagong lusot, panibagong gusot Nagsisilbing patunay ang mga linyang For

richer or for poorer, in sickness and in health, till death do us part sa ating kabiyak ng ating intensyong mamuhay kasama sila hanggang sa matapos ang walang hanggan. Gayunpaman, banta sa walang hanggang pagsasama ang mga suliraning maaaring kaharapin ng mag-asawa sa ibat ibang aspekto ng pamumuhay bilang mga indibidwal at iisang pamilya. Sa kabila ng init ng pagtatalo kaugnay ng nasabing isyu, mayroon namang mas pabor na huwag muna itong pag-usapan. Ayon kay Jen Galang, 29, sa panayam sa kanya ng APP, mas mabuting huwag na lang muna itong pag-usapan ng mga mambabatas. Aniya, mas marami pang ibang mas mahahalagang isyung pambansa na dapat pagusapan tulad ng problema sa edukasyon at Spratlys Island. Bukod pa rito, dagdag niya, malabong matuloy ang pagpapasa nito sa Kongreso. Hanggat malaki ang epekto ng Simbahan sa pagdedesisyon ng pamahalaan, hinding-hindi maipapasa ang [panukalang] ito, pagtatapos niya. Subukang paghiwalayin ang relihiyon, ang espiritwalidad, o maging ang pagmamahal, kahit sa bahagi lamang na ito. Mahalaga ang pagpapakasal. Ito ang paraan upang pagsamahin ang dalawang taong nagnanais na bumuo ng isang matiwasay na pamilya. Maipasa man o hindi ang panukalang batas ukol sa diborsyo, hindi pa rin mababago ang kahalagahan ng kasal sa mundo. Sa pagkakataong maipasa ang panukalang batas na ito, kahaharapin ng mga Pilipino ang batas na sumasalungat sa nakasanayang kultura at tradisyon. Dagdag pa, isang malaking hamon din sa tunay na kakayahan ng mga mambabatas ang pagtiyak sa kung ito na nga ba ang panahon upang pagtuunang pansin ang isyung ito. Tunay nga bang kinakailangan na ito ng ating bansa sa kasalukuyan? Ano man ang kahantungan ng panukalang ito, maging bukas sana ang isipan ng mga Pilipino sa kung ano ang makatwiran at wasto.

Narito ang ilan sa masasabi ng ilang mamamayan at mga Lasalyano ukol sa kanilang tambalan: They both kind of worked separately or independently. Si Noynoy, I know, people had been criticizing him. Personally, I think he did a good job in dealing with people. He went to a lot of places [and] he did a lot of speeches but with regards to real advancements, sa cabinet, parang wala pang masyadong breakthrough talaga. But things are still intact, people trust him more, people arent calling him to resign its just that they are not cohesive together. - Cabe Aquino, University Student Government President Masyado lang nag-focus [ang] mga Pilipino sa pagtingin sa mga mali when in fact tayo ba anong nagawa natin? Ilang buwan pa lang and hindi madali [yung] trabaho nila pero may nagawa na sila, obviously mas nababawasan [yung] katiwalian [at mas] madaming na-expose. We should just stop being too judgemental when in fact we are not that aware on what really have they done. For me, theyre doing a good job as of the moment. -Gianne Malimban, II - AB-OCM Arroyos government really left a lot of work for the Aquino - Binay government, but, on my opinion, I havent felt that we already have a new government. Maybe theyre doing their jobs but they should do more! Fulfill all the promises that they made last election. Both of them should not make Filipinos feel that they once again voted the wrong people who will serve them for six years. -Athena Acosta, III - LMG What Ive noticed [is that] gas prices got higher [and I] dont like that. Ta[po]s tumaas na rin ung minimum [fare] sa bus, I dont like that [too]. Ang daming scandal na nasu-suround kay PNoy [tulad ng] paporsche-porsche nalang so thats... not nice to see. Si binay balita ko okay naman and strong-willed so sige good for him. Pero overall, [wala] ako masyadong nafi-feel talaga since the elections -Michael Sanchez, IV - CS-ST Para sa akin, hindi ko ramdam ang tandem [nina] Noy-Bi dahil puro salita sila pero wala naman [silang] ginagawa. Kung mayroon mang napapatupad, hindi namin ito nararamdaman; katulad na lang noong Quirino Grandstand Hostage Taking crisis, sinagot nila ang issue na magkaiba ang opinion kaya tuloy nagmukhang si Noynoy lang ang may pakialam. -Jhen Roque, III - LMG

SUNDAN SA PAHINA 10

RETRATO

HUNYO 30, 2011

HUNYO 30, 2011

RETRATO

Kuha ni Camille Infante

Kuha ni Justin Kenneth Carandang

Sentenaryo

[Today], we celebrate the many people touched by the Lasallian mission people who have found meaning in their lives, [people] who make a difference in the world of today.
- Br. John Thompson, FSC

Isang pagbalik-tanaw sa ibat ibang aktibidad na naganap noong Centennial Celebration Kuha ni Cassandra Louise Singson Hunyo 16, 2011

Kuha ni John Louie Cabrera

Kuha ni Harlene Marie Ilagan

Kuha ni Jenirose Lozano

Kuha ni Camille Infante

Mulit muli, pinatunayan ito ng De La Salle University, dahil ito ang puso ng taga-La Salle: pumipintig ayon sa liwanag at wagas na pagmamahal ng Poong Maykapal, at tumitibok para sa diwa at dangal ng lahing Pilipino.
- President Benigno S. Aquino III

Kuha ni Cassandra Louise Singson

Kuha ni Camille Infante

Kuha ni Justin Ryan Siy

Kuha ni Harlene Marie Ilagan

Kuha ni Johanne Negre

Kuha ni Justin Ryan Siy

10 BAYAN

HUNYO 30, 2011

TAMBALAN/ MULA SA PAHINA 7

HUNYO 30, 2011

Kulungan para sa hustisya sa harap ng bulok na sistema

Komentaryo nina Ma. Rollen Joy Ancheta at Rochelle Anne Relevo Dibuho ni Anthony Ray Apolinario
May ilang bagay na naging maayos naman ang tambalang NoyBi. May mga ilan epektibong bagay na nangyari sa Pilipinas. Pero tila natabunan ng sandamukal na exposge at iskandalo ang kanilang administrasyon lalo na noong mga nakaraang araw. - Sharm Lacsamana, II- AB-ISJ Hindi epektibo kasi wala pa ring pagbabago. [Mayroong] mataas na bilihin, mataas na matrikula, mataas na presyo ng langis,walang pagpapahalaga sa edukasyon.Marami pa din ang naghihirap habang marami pa ding corrupt sa gobyerno na patuloy na ngpapayaman! - John Valenzuela, Call Center Agent The new administration gives hope to the Filipinos and hope is always good. However, not much has changed. The new administration is definitely better than the last because more skeletons are coming out of the closet, but we shouldnt stop at that. In terms of the legislative branch, Noynoy has done little to support laws that can really change the way our country defines development. I hope to see the day wherein he can resist the influences of the oligarchs in the country and challenge a society that has not always kept the best interest of the masses at heart. In other words, this administration needs more backbone if it really wants to uplift the country. There is still so much to be done, this Noynoy-Binay partnership has a long way to go. - Gen Cruz, FAST10 LA Representative Sa aking tingin ay hindi maayos ang komunikasyon ng dalawang lider sari-sarili kumbaga. Hindi rin epektibo ang ginawa na pagbili ng kotse at pagoopisina sa coconut palace [Aquino]. Itoy hindi manipestasyon ng tuwid na daan dahil unethical ang pagpapakasasa sa yaman habang ang mga boss [mga mamayang Pilipino] naghihirap parin. [Sa] pangkalahatan, walang epekto ang kanilang tambalan dahil sa hindi maramdaman ang kanilang mga ginagawa. - Justin Pagalilauan, IV- BS-IS Sa aking palagay, ang tambalang AquinoBinay ay hindi gaanong nagtagumpay bilang mga pangunahing pinuno ng bansa. Una, sa usaping ekonomiya, walang signipikong pagbabago na masasabing nagpaunlad sa nakararaming Pilipino. Pangalawa, sa usaping politika, bagaman at hindi nagbabangayan ang dalawang nasabing pulitiko, hindi rin naman gaanong nakakatulong ang kanilang tambalan sa pagpapatibay ng kanilang hanay/administrasyon. Habang si Aquino ay patuloy na tumatangkilik sa mga kaibigan at mga tumulong sa kanyang eleksyon, si Binay naman ay nagpapakitanggilas, sa puntong natatalbugan na niya si Aquino bilang pangulo. Dahil dito, hindi maiwasang pagkumparahin ang dalawang pinuno sa kanilang pagtatrabaho, lalo pa at si Binay ay mayroong mas matibay na pundasyon bilang pinuno, si Aquino naman ay walang puhunan maliban sa pagiging anak ni Cory at Ninoy. Kinakailangan pa ng mas depinido at matibay na mga aksyon upang umunlad ang nagdarahop na bayan. - Atty. Milajoy C. Cabalatungan Hindi sila epektibo dahil wala namang malaking pagbabagong nangyari at parang mas dumami pa ang problema ng Pilipinas. Isa pa, hindi ko naman nakikita na nagtutulungan silang dalawa kaya paano pa ako maniniwala na magiging epektibo sila - Katrina Solomon, IV - CS-ST

BUHAY

AT KULTURA

11

MGA NATATANGING

agkakakulong ang karaniwang nagiging parusa sa mga taong nagkakasala sa batas. Walang kapantay na kalungkutan ang maaaring mararamdaman ng kahit na sino makita pa lamang ang rehas ng kulungan. Mahihinuha mula sa mga mukha ng mga taong nakakulong sa loob ng mga kinatatakutang seldang ang imahe ng kawalang pag-asa. Sa kabila ng nakapanlulumong imaheng ito, lingid sa kaalaman ng nakararami, ilang preso ang nakararanas ng buhay malaya sa loob ng mga kulungan. Mayroong ilan na nabibigyan ng mga pribilehiyo tulad ng paglabas-masok kung kailan nila naisin at mamuhay-hari sa loob ng piitan. Karaniwang pabor sa mga may-kayang preso ang ganitong sistema ng palakasan dahil sa kakayanan nilang maglabas ng agarang salapi. Isang patunay ng ganitong kaso ang ispesyal na pagtrato umano kay Antonio Leviste, dating gobernador ng Batangas, nang ibinunyag ng ABS-CBN News ang kanyang malayang paglabas sa compound ng New Bilibid Prison (NBP). Sa pagkukubli ng masarap na buhay sa kulungan ng ilang mayayaman, masasabi pa bang nagagampanan ng koreksyonal ang layuning maitama ang isang mabigat na kamalian?

para sa mga privileged. Kung ma-pera ka kasi, ang ibang [kubol] dyan, [pwede mong] rentahan. Sa ganitong sistema, hindi imposibleng maging daan ang mga kubol upang lumawak ang kalakalan ng Sex Trade sa loob ng NBP. Dagdag pa rito, hindi maiiwasang mabigat na mabatikos ang NBP pagdating sa alokasyon ng pasilidad. Habang pinahihintulutan nilang magpakasaya ang mga mayaman at makapangyarihan, tinitiis naman ng 19,000 kapit-patalim na presong nakakulong sa NBP ang masikip, mainit at maruming kapaligiran. Sinong hindi maawa sa mga taong mala-sardinas na sa sikip ang tulugan tulad sa NBP umaabot sa 81 na preso ang nakakulong sa bawat seldang may kapasidad lang na 27 katao?

PASYALAN
PAGBALIK-TANAW
SA KULTURANG PILIPINO
nina Krysta Mae Alcala at Wilma Patricia Diguangco

SA MAYNILA:
Kuha ni Harlene Ilagan
MAYNILA sa paglipas ng panahon, nagsisilbi pa rin itong paboritong destinasyon hindi lamang ng mga Pilipino kundi pati na rin ng mga dayuhan. Bagamat niyakap na ng lipunan ang pamumuhay na kaakibat ng modernisasyon, nananatiling makulay at mayaman ang kulturang una nating kinamulatan sa bawat sulok n ito. Sa kabila ng lahat ng pag-usbong ng mga modernong gusali rito, hindi pa rin kumukupas ang ganda ng Maynila. Ito ang rason kung bakit hindi nawawalan ng dahilan ang mga tao upang muling balikan ang mga kilalang pasyalan sa siyudad. Patuloy man ang pag-unlad nito, hindi maitatangging may ilang mahahalagang lugar sa Maynila ang di pansin ng kasalukuyang henerasyon. Ano-ano nga ba ang mga lugar na ito at paano nito sinasalamin ang kulturang Pilipino? Buksan ang mga matat ihanda ang mga paa sa tatlo sa mga bagong mukha ng pook-pasyalan sa siyudad ng Maynila.

Tugon ng pamahalaan
Bilang pagtugon sa magulong kalagayan sa loob ng piitan, nagkakaroon ng ibat ibang plano ang BuCor upang masolusyonan ang lumalalang sistema sa loob. Una sa mga plano ng BuCor ang panandaliang paglilipat ng ilang mga preso sa Ihawig Penal Colony sa Palawan. Isa rin ang pagkakaroon ng panibagong kulungan sa mga plano ng pamahalaan at ang pagkakaroon ng estado ng mga kulungan. Batay sa planong ito, magkakaroon ng isang malaking piitang matatagpuan sa bawat sentro ng rehiyon. Magiging batayan ang rehiyon na pinagmulan o lugar-kapanganakan ng isang preso sa pagtukoy ng kanyang piitan. Hindi ang pagpapalit ng kulungan ang dapat pagplanuhan ng pamahalaan sapagkat bukod sa malaking halaga ang kakailanganin sa pagsasagawa nito, maaaring hindi rin ito maging epektibo. Matatandaang bago mailagay ang Bilibid sa Muntinlupa, dati itong nakalagay sa Rizal. Kung iisiping mabuti, lugar lamang ang pinagkaiba ng dalawang kulungan ngunit magkapareho lamang ang sinusunod na sistema. Imbis na gawing solusyon ang pagpapalit ng kulungan dapat pagsasaayos ng mga pasilidad at ang pagbibigay ng sapat na pangunahing pangangailangan ng mga preso ang pinagtutuunan ng pansin ng pamahalaan. Maayos na pasilidad pangmedikal ang isang halimbawa sa mga panganagilangang hindi naibibgay ng pamahalaan. Mas maliit ang magagastos ng pamahalaan sa pagsasaayos ng mga pasilidad kumpara sa pagpapalit ng kulungan. Bukod pa rito mawawalan na ng palusot ang ilang mga preso upang makalabas. Nararapat rin na pagtuunan ng pansin ang pagrerebisa sa manwal na siyang gabay ng sistema sa loob ng piitan. Isa ang kubol at patakaran sa pagbibigay ng mga pribelehiyo sa mga kailangang ayusin sa sistema sa kulungan. Wika ni Montes, Tulad ng ilang batas sa bansa, mayroong mga nakasaad sa manwal na hindi na akma sa sitwasyon sa loob [ng kulungan]. Nararapat na maging mahigpit na ang pagpapatupad ng mga batas na ipinapairal sa loob ng mga piitan, sa oras na maisaayos na ang sistema nito. Gayunpaman ano mang pagsasaayos ang gawin sa ating mga batas, kung may mga taong susuway rito, mawawalan lamang ng saysay ang lahat.

Kalayaan sa loob ng piitan

Sa pagkakatuklas ng kaso ni Leviste, nabuksan ang usapin sa tamang sistemang dapat na pinaiiral sa loob ng piitan. Naging isang malaking usapin ang pagkakaroon ni Leviste ng sleep out privilege sapagkat tila naging isang paraan ito upang makapuslit ang dating gobernador palabas. Ayon sa panayam ng Ang Pahayagang Plaridel (APP) kay Vicente Montes, husgado ng lungsod ng Calaca, Batangas, binibigyan lang ng sleep out privilege ang mga presong nasa minimum security prison, may edad 70 anyos pataas lamang, at mayroong pahintulot mula sa Bureau of Corrections (BuCor) at sa korte. Maaari lamang makalabas ang isang preso sa kanyang kulungan sa tulong ng sleep out privilege ngunit hindi siya maaaring lumabas sa compound. Batay rito, makikitang nilabag ni Leviste ang panuntunan sa kanyang pribilehiyo sa paglabas ng NBP. Dito mapatutunayan ang kakulangan ng mahigpit na pagpapatupad sa batas sa loob ng NBP at ang malinaw na paglabag sa batas ni Leviste at kanyang mga jail guard. Sang-ayon si Montes na malinaw na may anomalyang nagaganap sa kaso ni Leviste. Aniya, Umalis siya sa loob ng compound without any consent. Kumbaga tumakas siya [sa kulungan]. Maraming bagay ang ipinagbabawal sa loob ng NBP subalit malakas ang impluwensya ng pera upang piringan at gawing bingi ang batas. Ano nga ba ang totoong kalagayan sa likod ng mga rehas?

Lumang Maynila sa makabagong panahon

Pangalan ng lugar: Plaza San Luis Mga kagandahang taglay nito: Bakas sa lumang arkitektura ng Plaza San Luis sa Intramuros ang mayamang kasaysayang nabuo ilang libong taon na ang nakararaan. Tila ibinabalik ang mga tao sa panahon kung saan ang mga Kastila pa ang namumuno sa Pilipinas dahil sa posturang gwardiya-sibil ng mga tagapagmanman nito. Matatagpuan sa loob ng complex ang ibat ibang kainan, museo, hotel, kapihan, souvenir shops, at function rooms. Tiyak naman na hahanga ang mga bibisita dito dahil istilong bahay ng mga Pilipinong ilustrado noong ika-19 siglo ang museo. Ilan sa mga makikita rito ang mga antigo at kumbensyonal na kagamitan tulad ng lumang bersyon ng refrigerator at ceiling fans. Maayos na ipinakita ang ibat ibang bahagi ng tahanan at bakas sa apat na sulok nito ang karangyaan. Maraming bagay ang matutuklasan sa museo kaya hindi ito madaling pagsawan. Mga klase ng taong malimit magtungo rito: Kung interesado ka sa kasaysayan ng Maynila, balikan at buhayin ang nakaraan sa pamamagitang ng pagbisita sa Plaza San Luis. Direksyon mula DLSU: Sumakay ng jeep at magbayad ng walong pisong pamasahe patungong Divisoria at bumaba sa paanan ng McArthur Bridge. Sumakay patungong Pier-15, bumaba sa tapat ng San Agustin Church, at maglakad sa kanang bahagi ng simbahan upang makapunta sa Plaza San Luis.

Sining sa paligid ng kagubatan

Pangalan ng lugar: Kanlungan ng Sining (Artists Haven) Mga kagandahang taglay nito: Marami ang nagtutungo rito dahil sinasabing ito ang pinakamalamig na bahagi ng Rizal Park. Sa halagang limang piso, malilibot mo na ang munting lugar na nagpapakita ng ibat ibang likhang-eskultura ng mga Pilipino. Nagsisilbi ring lugar para sa ilang art galleries o exhibits, art lessons at workshops kung minsan ang Kanlungan ng Sining. Sa pamamalagi sa lugar na ito, patuloy na nahahasa ang galing ng mga batang Pinoy sa larangan ng sining lalong-lalo na sa pagpinta. Kahit na maliit at hindi kasing sikat ng ibang pook-pasyalan sa Maynila, ang Kanlungan ng Sining ang nagsisilbing tahanan ng mga kabataang Pilipinong nag-aasam na makilala sa larangan ng sining balang-araw. Mga klase ng taong malimit magtungo rito: Kung hilig mo ang sining, pumunta ka sa natatagong kanlungan sa gitnang kagubatan ng Rizal Park. Direksyon mula DLSU: Sa loob ng limang minutong biyahe makararating ka na sa Kanlungan ng Sining. Sumakay ng jeep at magbayad ng walong pisong pamasahe patungong Quiapo, bumaba sa Rizal Park at matatagpuan ang kagubatan sa gilid ng monumento ni Jose Rizal.

Pagkilala sa kalikasan
Pangalan ng lugar: Arroceros Forest Park Mga rason upang balik-balikan: Itinayo noong 1994 ng Winner Foundation, itinuturing itong Lung of the City dahil Sa 3,000 punong nakatanim rito na nagsisilbing anti-pollutant ng usok na nagmumula sa mga gusali at sasakyang nakapalibot sa Maynila. Bilang isang urban forest, ito ang nagsisilbing tahanan ng ibat ibang klase ng hayop tulad na lamang ng mga ibon. Bukod rito, idinaraos dito ang ibat ibang programa katulad ng Earth day celebration,lakbay-aral, at maging poetry-reading. Sa kasalukuyan, isang parte ng nasabing lugar ang pagtataniman ng mga halamang mula pa sa mga mangangalakal at prayle noong panahon ng Galleon sa Pilipinas. Bukod pa rito, nais ding gawing isang rainforest ang nasabing kagubatan sa hinaharap. Mga klase ng taong malimit magtungo rito: Kung katahimikat kapayapaang sa piling ng kalikasan ang nais mo at pakinggan ang awiting hatid ng mga ibon, mamasyal na sa nag-iisang urban forest sa loob ng Maynila. Direksyon mula DLSU: Sumakay ng jeep at magbayad ng walong pisong pamasahe patungong Lawton-Quiapo at bumaba sa paanan ng tulay ng Quezon. Mula rito, maglakad sa kaliwang bahagi ng Mayor Antonio J. Villegas Rd. at magtungo sa Arroceros gate. Wala pang limang minuto, makakarating ka na sa urban forest ng Maynila.

Realidad sa likod ng rehas

Bukod sa kaso ni Leviste, lumabas din kamakailan ang mga anomalya sa loob ng NBP. Ibinunyag ni Leila De Lima, Kalihim ng Kagawaran ng Hustisya, sa pamamagitan ng kanyang fact finding team ang ilan pang mga iregularidad sa sistema ng NPB sa kanyang ulat kay Pangulong Benigno Aquino III. Ilan sa mga ito ang paglipana ng Sex Trade, hindi pagbabawal sa paggamit ng cellphone ng mga preso, pagpupuslit ng droga, pagdami ng mga pinapatay na preso at iba pa. Nakapagtatakang tila walang imik ang mga opisyal at empleyado ng NBP sa sistemang ito. Hindi tuloy maiwasan ang paghihinalang nagkakaroon ng sabwatan sa pagitan ng ilang empleyado at opisyal ng NBP upang maituloy ang mga ilegal na operasyong ito. Pinalakas pa ang suspetsang ito nang biglaang maghain ng pagbibitiw ang direktor nito na si Ernesto Diokno nang simulan ang imbestigasyon sa maling sistema ng NBP. Dahil maituturing na isang napakalaking iskandalo sa BuCor ang pagkakahuli sa akto kay Leviste, halos maikakabit na ang pansamantalang pagliban ng direktor bilang istratehiya upang makaiwas sa mga alegasyong ibinibintang sa kanila. Lumalabas na sa umiiral na sistemang ito, laganap pa rin ang kawalang disiplina at katapatan sa pagganap ng tungkulin hindi lamang ng mga empleyado ng NBP at BuCor ngunit maging ang mga pinuno nito. Isa pang pagpapakita ng bulok na sistema ang tradisyunal na pagpapakasaya na ng mga mayayaman sa mga kubol o magiginhawang kubong nirerentahan at tinutulugan ng mga mayayamang preso. Kinumpirma ni Montes sistemang ito at aniya, Ang mga kubol [ay]

Hustisya para sa bayan, kailan kaya makakamtan?

Nagsisikap ang pamahalaan upang maaksyunan ang mga anomalya sa sistema ng mga piitan sa bansa. Gayunpaman, hindi sapat ang mga solusyong naiisip ng BuCor upang malutas ang mga problema sa kulungan. Maling-mali kung gagawa ang pamahalaan ng mga soluyong pangmadaliian at pangkasalukuyan lamang. Hindi rin isang solusyon ang pagbibitiw ng isang opisyal sapagkat maaari itong maging daan sa pagkakalibing sa hukay ng mga isyung hinggil sa sistemang pagpaparusa sa bansa. Panahon na upang palitan ang umiiral na palakasan di lamang sa kulungan, maging sa pamahalaan. Dapat nang iwaksi ang konsepto ng mayaman at mahirap upang mabigyan ang mga preso ng pantay-pantay na parusa at karapatan. Marahil mahaba-habang proseso pa ang pagdaraanan ng pamahalaan bago maisaayos ang lahat ng suliranin sa bansa. Mahirap mang aminin ngunit wala nang magagawa ang taumbayan kundi ang magbantay sa kung ano mang magaganap sa bansa. Maging hamon sana sa pamahalaan ang mga kontrobersiyang pinagdadaanan nito upang sa bandang huli, unti-unting masolusyonan ang mga problemang kinakaharap ng bayan.

Kuha ni Jenirose Lozano

Kuha ni Louie Cabrera

Tuklasin at mahalin ang Maynila Sa pagbisita sa tatlong pasyalan, kapansin-pansin ang magagandang lugar sa paligid ng Maynila na lingid sa kaalaman nang nakararami. Masayang isiping mayroon pang natatagong kayamanan ang siyudad maliban sa mga tipikal na pook-pasyalang kinagigiliwan hindi lamang ng mga Pilipino. Ipinapakita nito na hindi nalilimita ang ating kasalukuyang pamumuhay sa mga malls at theme parks lamang. Kung bubuksan ang pinto ng mga natatagong lugar na ito, may dahilan pa nga bang hindi balik-balikan ang kabisera ng Pilipinas? Nananatili ang Maynila sa isa sa mga pinakasikat na destinasyon kung saan maaaring matuklasan ang mga bagay-bagay tungkol sa Pilipinas. Nagkakaiba-iba man ng konsepto ng bawat lugar, pare-pareho naman nitong sinasalamin ang mga natatagong sining at tradisyong Pinoy na ikinukubli ng modernisadong panahon. Sa patuloy na pagtuklas sa mga natatanging lugar sa Maynila, mas makikilala at madadagdagan ang ating kaalaman tungkol sa mayamang kulturat kasaysayan ng Pilipinas.

12 BUHAY AT KULTURA

HUNYO 30, 2011

HUNYO 30, 2011

BUHAY AT KULTURA

13

Katawan natin,
instrumento ng isang tugtugin
nina Amity Ruaro at Emmanuel Elijah Songcuya
TAGLAY ng ibat ibang elemento ng musika ang kapangyarihang pukawin ang damdamin ng mga tapakinig nito. Kinakailangan ng isang awitin ang tamang kombinasyon ng ibat ibang elemento tulad ng mapang-akit na himig at makabuluhang titik. Bukod sa mga ito, mahalaga rin ang mga angkop na instrumentong tulad ng gitara at piano na tutugma sa damdamin ng awitin. Masasabing bahagi na ng kulturang Pilipino ang pagkahilig sa musika dahil sa pagiging malikhain at pagkakaroon ng mainam na pandinig. Gamit lamang ang mga ordinaryong bagay tulad ng mga lata, kahoy, at maging ang sarili nating katawan, nakagagawa tayo ng mga makabuluhang tunog na mailalapat sa matatamis nating awitin. Kung kaya ng isip, kaya ng bibig Tulad ng ating kultura, malaki ang naging impluwensya ng mga dayuhan sa ating tradisyonal na musika. Makikita sa ating tradisyonal na musika ang impluwensya ng mga dayuhan tulad ng mga taga-India, taga-Tsina, at lahat pa ng ibang tao na dumayo sa Pilipinas sa kurso ng panahon. Mula sa bawat sulok ng mundo, nahaluan na ng ibat ibang kulay ang musikang Pilipino. Sa bawat pangkat etniko sa bansa, kilala ang musikang mula sa boses bilang pinakaimportanteng uri. Sa paglipas ng panahon, mula sa paggamit ng boses at ibat ibang instrumento, natuto tayong gumamit pa ng ibang mga bagay tulad ng ating mga katawan sa paglikha ng musika. Kapansin-pansing sa rami ng mga genre ng musika, isa sa mga tunay na naging tampok sa masang Pilipino ang hip-hop dahil sa nakapupukaw nitong beat at ritmo. Bukod pa rito, dahil sa malawak na hanay ng mga instrumentong gamit ng nasabing genre, samut saring tunog ang mariring sa mga tugtugin nito. Kabilang si Danny Moynihan, 19, isang DJ sa Green Giant FM ng De La Salle University, sa mga Pinoy na nahumaling sa genre ng hip-hop. Isa rin siya sa mga buhay na patunay na maaaring maging instrumento ng musika ang katawan ng tao sa aspekto ng hip-hop. Kilala si Moynihan sa kanyang hindi matatawarang kahusayan sa beatboxing gamit ang kanyang bibig upang makalikha ng mga tunog na galing sa mga instrumentong tulad ng drums at turntables. Nagbunsod sa beatboxing ang pagkahumaling ni Moynihan sa hip-hop music. Noong una, hindi naging madali ang beatboxing para sa kanya dahil hindi tugma ang paggalaw ng kanyang bibig sa mga tunog na nais niyang gawin. Para sa kanya, naging madali ito dahil natural na sa kanya ang pagkakaroon ng ritmo sa katawan.

BUHAy
SA GITNA NG MASAHOL NA MUNDO
ni Renato Rebellon Jr. Dibuho ni Dennice Abegail Paragas

BASURERo

Pawis, pagod, at puyat ito ang mga salitang

naglalarawan sa naging takbo ng aking araw.

Kahit saan man tayo pumunta, dala natin ang sariling talento at ang kultura natin bilang Pilipino.

Tapik sa hita, tapik sa tiyan Bukod sa ating mga bibig, maaari ring maging instrumento ng musika ang iba pang bahagi ng ating katawan tulad ng hita, tiyan, at kilikili. Ipinakita ng Tunog Tao ng Eat Bulaga, isang noon time variety show sa GMA 7, na posible ngang makalikha ng musika sa pamamagitan ng ibat ibang bahagi ng katawan ng tao. Sinubok ng paligsahang ito ang paggamit ng mga kalahok ng sarili nilang mga katawan sa pagtugtog ng mga tanyag na awitin sa bansa. Sa pagsubaybay sa Eat Bulaga, napag-alaman ng isa sa mga kalahok ng Tunog Tao, ang Street Beat Drumbeaters, na maaari palang maging instrumento ang sarili nilang mga katawan. Lumahok sila sa Tunog Tao at ipinakita ang kanilang galing sa pagpapatunog ng ibat ibang bahagi ng kanilang katawan. Ayon sa panayam ng Ang Pahayagang Plaridel kay Paolo Reyes, 26, percussionist ng Street Beat, Nadiskubre namin kung paano patugtugin ang bawat parte ng aming katawan. [Matapos iyon,] nag-isip [naman] kami ng magagandang tunog para tumugma [ang mga ito] sa gagawin naming kanta. Isinasaalang-alang nila ang mga tunog na maaaring magkaroon ng magandang kontribusyon sa kantang kanilang tutugtugin. Isa sa mga hinaluan nila ng sarili nilang timpla ng mga tunog ang awiting Lintik na Pag-ibig ng Brownman Revival. Aliw na dulot ng tunog tao Talaga namang kakaiba para sa ating mga Pilipino paggamit ng sarili nating mga katawan bilang mga instrumento. Para kay Moynihan, sadyang malaki ang naitulong ng pagkalibang niya sa beatboxing para mahumaling sa napili niyang larangan. Lalo rin siyang naengganyo sa ideyang siya mismo ang

instrumento sa paglikha ng mga awitin. Ani Moynihan, In Beatboxing, you do more electronic or synthesized sounds. In Vocal Percussions, you imitate the natural sounds of actual percussion instruments such as a drum set or bongos. I do both [Beatboxing and Vocal Percussions]. Bukod pa rito, naging dahilan din ang pagiging instrumento ng kanyang bibig upang maging masaya ang kanyang pakikitungo sa mga tao. Aniya, noong panahon ng kanyang kabataan, naging mahirap sa kanya ang pakikipagkaibigan sa ibang tao. Who knew that that same thing which caused me so much ridicule in the past would be the same thing that would put me where I am now? pagbabahagi ni Moynihan. Mas nauna namang natutunan ni Reyes ang pagtugtog ng percussion instruments kaysa sa pagtugtog gamit ang ibat ibang bahagi ng kanyang katawan. Mas nakahuhumaling din para sa kanya ang paggamit ng percussion instruments dahil mas nakikita niya ang pagsayaw ng mga tao tuwing tumutugtog sila ng samba at etnikong musika. Bagamat ganito, hindi pa rin niya maitatanggi ang saya at tawang naidulot ng kanyang banda sa pagtugtog gamit ibat ibang bahagi ng kanilang mga katawan. Kapangyarihang taglay ng Musikang Pilipino Kahit saan man pumunta tayong mga Pilipino, dala natin ang sariling talento at ang kultura natin bilang Pilipino. Naniniwala si Moynihan na kahit hiram ang ilang bahagi ng ating kultura, nagiging ispesyal ito dahil sa puso nating mga Pilipino. Dagdag pa niya, mas nagiging katangi-tangi ang musika natin dahil din sa identidad na taas-noo nating ipinagmamalaki. Pinatunayan nina Moynihan at Reyes na hindi mahalaga ang instrumentong gamit pagdating sa paglikha ng musika bagkus, mahalaga ang pagmamahal na ibinibigay ng mga awitin at ang mensaheng ipinapahatid nito. Sa kaso ng pagtugtog gamit ang ibat ibang bahagi ng katawan ng tao, nagdulot lang ito ng aliw at halakhak sa mga nakikinig nito dahil sa angkin nitong kakaibang tunog.

KAY sarap nga namang simulan ang umaga na ginising ka ng samyo ng almusal na naghihintay sa hapagkainan. Napakapresko sa pakiramdam ng hangin, ngunit biglang kumunot ang iyong noo dahil sa naging amoy basura na ang naging simoy nito. Ang baho! Sa bawat sulok nga naman ng mga kalye at eskinita, makakahanap ka ng mga mabaho at nakakadiring basura. Tila ba naging isang palamuti sa isang kalsada ang mga basurang nagkalat. Hindi na ba talaga kayang maalis ang markang iniwan ng mga basurang pilit nang ibinabaon ng lipunang Pilipino.? Ano nga bang meron sa mga basura at hindi tayo magkamayaw na tanggalin ang mga ito? Masasabi kong kahit kailan, hindi ko naramdaman ang maglinis ng mala-bagyong kalat na ako mismo ang gumawa. Paano kung maging isa akong kolektor ng basura? Alam kong marangal na trabaho ang pagbabasura, ngunit ano nga ba ang pakiramdam na harapin ang mga bagay na ayaw na ng iba dahil sa rumi at masangsang na amoy nito? Kasabay ng pagbubukas ng aking isipan sa isang mundong iniiwasan ng karamihan, nilakbay ko ang isang mundong nagkukubli sa likod ng buhay ng isang basurero. Samyo ng masamang umaga Araw ng Miyerkules, ikalawang linggo sa buwan ng Hunyo, nagising ako sa ingay na nagmumula sa aking orasan. Hudyat ito ng pagsisimula ng isang paglalakbay na aking tatahakin sa isang mundong marami sa atin ang hindi nanaising subukin. Nais kong mabuhay sa isang bangungot na tila ba isa akong

Pagkaing alternatibong sumibol sa kulturang Pilipino

nina Kim Jerome Alcantara, Vernette Anne Arellano, at Julie Ann Nealega
LUMINGON ka man kahit saan, may makikita kang kainan sa loob at labas ng Pamantasan. Kapag nilawakan mo pa ang sakop ng iyong paningin, tiyak na makikita mo ang kinahihiligan nating mga Pilipino noon hanggang kasalukuyan ang pagkain. Karamihan sa Pilipino ang hindi alintana ang pagtaba ng tiyan o kahit ang pagkasira ng ngipin, bastat mapagbigyan lamang ang hinahanaphanap ng kanilang panlasa. Sa pamamagitan ng paglikha ng bagong anyo ng masusustansyang pagkain, makakaiwas ang bawat isa sa ibat ibang uri ng sakit nang hindi nawawala ang sarap at sustansya ng mga pagkain. Umusbong at tinangkilik ang alternatibong pagkaing naging isa sa manipestasyon ng pagbabago. Handa ka na ba para sa mga pagkaing bago sa panlasa mo? Pag-usbong ng alternatibong pagkain Bilang pagkilala sa pagkaing Pilipino, inilahad sa Ang Pahayagang Plaridel (APP) ni Jose Wendell Capili, isang propesor sa College of Arts and Letter ng Unibersidad ng Pilipinas, na karaniwang masabaw, magata, matamis at mataba ang mga pagkaing Pinoy. Ayon kay Capili, nagsimula ang pagtangkilik ng mga Pilipino sa mga alternatibong pagkain dahil sa dumaraming Pinoy na nagkakaroon ng sakit. Mainam na may iba namang pagkaing masustansya na pagpipilian ang mga tao. Ngunit dahil sa kakulangan ng impormasyon ukol sa mga ito (alternatibong pagkain), hindi pa [ito] ganoong tanggap, pagpapaliwanag niya. Pagbibigay-diin din ni Capili, Dahil sa kakaibang kulturang kinagisnan ng mga Pilipino, mahirap nang baguhin ang pagkahilig natin sa pagkain. Yamang handog ng mga gulay at prutas Isa ang Food and Nutrition Research Institute (FNRI), bahagi ng Department of Science and Technology, sa mga nagsusulong para sa malusog na pamumuhay ng mga Pilipino. Ayon sa inilabas na pag-aaral ng FNRI, isa sa inirerekomenda nila bilang gabay sa pangangalaga ng kalusugan ng mga Pilipino ang pagkakaroon ng wastong nutrisyon at malusog na pamumuhay. Para sa sa lipunang binubuo ng mga taong hilig ang pagkain, isa ang Vegetarian Restaurant sa mga maaaring makatulong para sa pagpapanatili ng malusog na kalusugan ng mga mamamayan ng bansa. Isa ang Greens Vegetarian Restaurant and Caf o Greens sa mga

Pilipinong napaglaruan ng tadhana at nauwi na lamang sa paghahakot ng basura. Alas-tres ng madaling araw, may kabat nginig akong dumating sa opisina ng Leonel Waste Management Corporation kasabay ang ilang mga taong makakasama ko sa paghahakot. Lumipas ang ilang sandali at tinawag na ang aking pangalan para maipakilala ako kay Mang Apolonio, ang drayber ng trak na aming gagamitin sa pagbabasura. Pagkatapos nang aming usapan, kinuha na ni Mang Apolonio ang trak na aming gagamitin para sa buong araw kasama ang dalawa pang basurerong sina Kuya Mervin at Kuya Arnold na sasabak sa isang pagsubok. Gusto ko nang umurong!, tila sambit ng kinakabahan kong katawan. Subalit, hindi ko pwedeng palampasin ang pagkakataon. Nababalot sa dilim ang umaga at tahimik ang baw at kalsad a. Humarurot ang aming trak na parang nagbabadyang may papalapit na halimaw dahil sa nalilikhang ingay nito. Katabi ko si Mang Apolonio sa harapan ng trak habang nakalambitin naman sa likod ang dalawa pang basurero. Madilim, mabaho, mainit at malungkot sa loob ng trak na tila ba inilagay ka sa loob ng isang basurahan. Una kaming napadaaan sa isang palengke kung saan mga tuyong balat ng buko at ilang mga basura galing sa mga kalapit-bahay ang aming nakolekta. Sa bawat busina ni Mang Apolonio, nagsisilbi itong hudyat sa mga taong natutulog sa kanilang mga bahay na gumising na at ibigay ang kanilang mga basura nang nakaraang araw. Bagamat nakakapagod na ang una naming pagsubok, napuno pa rin

naman ng kwela ang trabaho dahil sa mga asaran, kwentuhan at awitan nina Kuya Arnold at Kuya Mervin. Pagkatapos namin sa palengke, dumiretso naman kami sa isang kilalang kainan na tila ba para lamang sa mayayaman sa tunog pa lamang ng pangalan nito. Sa halimuyak pa lamang ng naghalongpanis at tirang pagkain, halos gusto nang kumawala ng pansit na inalmusal ko. Sa kabila nito, patuloy ko pa ring pinilit na maging malakas at itinuon ang atensyon sa trabahong dapat tapusin. Kailangan kong matapos, bulong ko sa aking sarili, at saka ko naramdaman ang buhos ng ulan. Simbolo ng basura Pawis, pagod, at puyat ito ang mga salitang naglalarawan sa naging takbo ng aking araw. Kasabay pa nito ang matinding amoy na bumabalot sa lahat ng basurang nakaharap ko sa umaga. Sa gitna ng lahat ng ito, hindi ko maiwasang isipin ang paghihirap na nararanasan ng mga basurerong kasama ko. Nakapagtatakang sa kabila ng pagod, nagagawa pa rin nilang ngumiti at makipagtawanan sa isat isa. Bagamat wala namang masangsang na amoy ang hatid ng aming kargada, tila suklam ang kanilang isinusukli sa bawat titig na aming ibinibigay sa kanila. Sa kabila ng trabaho, nagsimula na naman akong paglaruan ng aking isipan. Sa gitna ng walang humpay na pag-ulan, tila ba nabalot sa kalungkutan ang daan habang kinukuha namin ang marumi at masukal na basura parang kung paano lamang ihatid ng anghel ng kamatayan ang masasamang kaluluwa sa ilog Styx. Sa isang kisapmata, nawala ang kasiyahan, muling namayagpag ang kalungkutan sa paligid, at nakiramay ang aking mata sa simpatya ng langit. Hindi ako naluha dahil sa tunay na dagat ng kadiring basura. Hindi rin ako naiyak dahil sa mga batang ginagawang meryenda ang langaw na dumadapo sa kanilang bibig para lamang magkalaman ang tiyan. Naluha ako dahil hinigitan nito ang lahat ng klase ng pamumuhay na sadyang aking nasilayan at ang lahat ng klase ng awa na aking naramdaman sa buong buhay ko. Natapos ang aming gawain at umuwi ang aking mga kasamahang masaya para sa isang gawaing natapos nang maaga. Umuwi naman akong hindi na alintana ang baho, ngunit dala ang pangako sa sarili na hindi na muling babalik sa isang lugar na sadyang puno nga ng bangungot. Buhay na sinalanta ng basura Hindi madaling trabaho ang pagbabasura. Sa katunayan, humahanga ako sa mga taong minsan kong nakahalubilo dahil sa kanilang

Kuha ni Camille Infante

paninindigan sa kanilang pangunahing trabaho, ang pagbabasura. Isa sila sa mga taong napakatiyaga at napakasipag dahil kahit na napakaraming basura ang kailangan nilang kunin araw-araw, hindi maririnig ang pagrereklamo mula sa kanila. Aaminin ko na hindi ko kaya ang klase ng pamumuhay na dulot ng pagbabasura. Hindi ito dahil sa tindi at dumi, sa maliit na sweldo o sa isang simbolo na dadalhin mo kahit kailan. Kundi dahil ito sa klase ng buhay na kinakasalamuha ng trabahong ito sa araw-araw. Sadya ngang naubos ang aking lakas dahil sa walang humpay na pag-iisip kung paano matutulungan ang mga taong ito ngunit hindi ko magawa. Sino nga naman ang hindi manghihina kung masilayan niya ang isang mundong napagkaitan na ng pag-asang natural na mahahanap sa kahit na sino. Alam ko na sadyang hindi kapanipaniwala ang mga bagay na nasilayan ko at ang klase ng buhay na aking naranasan, ngunit ito ang totoo, ito ang buhay paraiso ng isang basurero sa gitna ng masahol na mundo.

kainan sa Kamaynilaan na naghahain ng mga putaheng hitik sa sustansya sa murang halaga. Gamit ang gluten, tofu, wheat, soy chicken, at iba pang natural na sangkap, nagiging masustansya ang mga pagkaing tulad ng sisig, barbeque, burger, pasta, at chicharon. Sa itsura pa lamang ng mga putaheng ito, siguradong matatakam ka kahit na walang sangkap na karne ang mga ito. Nagbigay ng halimbawa si Mary Ann Duran, 49, may-ari ng nasabing kainan, kung gaano kaepektibo ang kanilang establisyimento sa paghahanda ng mga pagkaing hindi aakalaing gulay ang ginagamit sa paghahanda. Aniya, Yung mga bata na hindi sanay sa [pagiging] vegetarian [at mas

pinapaburan ang pagkain ng karne], gustong-gusto nila yung pagkain namin dito dahil yung barbeque mukha at lasang karne. Natutuwa si Duran dahil maituturing na instrumento ang Greens sa pangangalaga sa kalusugan ng mga kumakain dito. Bukod pa rito, ipinagmalaki rin ni Duran na taliwas sa iniisip ng iba, hindi naman mahal ang presyo ng pagkaing kanilang inihahanda. Isa pa sa pinakanakatatakam na pagkaing panghimagas-Pinoy ang sorbetes.Sa sangkap nitong hitik sa asukal at taba, hindi ito inirerekomenda ng mga doktor lalo na sa may mga diabetes. Mula sa kalabasa, malunggay, kamatis, sili, at iba pang prutas, nakakagawa ang Paradis Natural Ice

Cream ng mga masustansyang sorbetes. Ayon sa panayam ng APP kay Mark Espaola, 32, isang ice cream chef, Kino-consider namin yung mga costumer na diabetic saka vegetarian dahil dapat mayroon silang benefits na makukuha sa ice cream na kinakain nila kahit na may sakit sila. Ayon kay Jermaine Diaz, 20, sales attendant, itinuturing nilang malaking bahagi ang pagtangkilik ng customer sa kalidad ng kanilang sorbetes. Aniya, Hindi kami gumagamit ng preservatives, powdered ice cream at kahit anong emulsifiers. Medyo mahal man yung costing namin, napapanatili naman namin yung sustansya at sarap nito (sorbetes). Isa si Angeli Recella, AB-PSM 11, ID number 108, sa mga tumatangkilik sa mga alternatibong pagkaing

madaling gawin at tiyak na pasok sa bulsa ng bawat isa. Bunsod ng kanyang pagkahilig sa mga gulay at prutas, sinubukan niyang pag-eksperimentuhan ang pagluluto nito. Pagbibigay-diin ni Recella, Iba talaga kapag sarili mong luto. Sakto sa panlasang habol mo, sakto sa panlasang Pinoy. Ibinida rin ni Recella na kapag gustong-gusto niyang kumain ng junk food, pipino na may dinurog na paminta at suka na lamang ang kanyang kinakain. Pagkaing masustansya para sa masa Patunay ang ibat ibang alternatibong kainan sa ating bansa kung paano nagbabago ang panlasang

Pilipino. May okasyon man o wala, tiyak na mahirap tanggihan ang mga pagkaing nakahain sa ating mesa. Sa pagdaan ng panahon, hindi mawawala ang masusustansya at alternatibong pagkaing tunay na pinahahalagahan ang kalusugan ng mga mamamayan. Sa nalalapit na hinaharap, tiyak na mas tatanggapin pa ang ganitong uri ng pagkain. Ano pa ang hinihintay mo? Tikman nat suriin ang mga alternatibong pagkaing magpapalusog sa katawan at makakatulong sa paglago ng umusbong nating kultura.

Dibuho ni Justine Relativo

14SINING | ISPORTS

HUNYO 30, 2011

HUNYO 30, 2011 Rookies ng Season 74:

ISPORTS

SINING

15

Allan Jeffrey Bacar

Isang pagsilip sa mga bagong mukha ng DLSU sports

ni Precious Que Korespondente

Mga Kuha nina Harlene Ilagan at Justin Ryan Siy

Muli na namang hahataw ang mga atleta ng De La Salle University (DLSU) para sa University Athletic Association of the Philippines (UAAP). Kaugnay nito, maraming bagong salta sa ating Pamantasan ang dapat nating abangan sa papalapit na UAAP Season 74. Kilalanin natin ang ilan sa mga atletang magpapatuloy na pagliyabin ang tradisyon ng DLSU sa mundo ng palakasan.

Alfonzo Gotladera
Stephanie Ureta Allan Jeffrey Bacar
Kurso: AB-SPM Koponan: Green Archers High School: San Beda College Rizal Maipagmamalaking karangalan: Tumulong sa pagkamit ng Red Cubs ng back-to-back championships mula 2009-2010. Nais matamo ngayong Season 74: To win the Championship for our centennial year.

Alyanna King Ong

Kurso: AE-MGT Koponan: Lady Archers High School: Southville International School and Colleges Maipagmamalaking karangalan: Naging bahagi ng tagumpay ng Philippine Team-High School division sa pagsungkit sa ikalawang posisyon sa ASEAN school games. Nais matamo ngayong Season 74: To become champions! Para sa koponang umabot sa Final Four noong nakaraang taon, malaki ang inaasahan ng coaching staff sa mga baguhang gaya ni Ong bilang bahagi ng 2nd unit ng Lady Archers. Maaatasan siyang bantayan ang pinakamagagaling na offensive threats sa kabilang koponan. Hindi naman nalalayong masungkit niya ang Rookie of the Year (RoY) Award na nauna nang nakuha ng teammates niya na sina Miller Joy Ong at Aracelie Abaca.

Darianne Mae Talento

Kurso: AB-ISE Koponan: Lady Paddlers High School: St. Stephens High School Maipagmamalaking karangalan: Tinanghal na Over-all Champion sa 11th FCAAF Interschool Table Tennis Competition Nais matamo ngayong Season 74: Win my matches one at a time, at maging UAAP champion.

Allan Jeffrey Bacar

Kakulangan sa presensya sa shaded lane ang isa sa pangunahing dahilan kaya kinapos ang Green Archers sa kampanya nito noong nakaraang taon. Post presence at rebounding ang dalawa sa katangiang maihahain ni Gotladera para mapunan ang kakulangang ito. Bunsod nito, kailangan niyang bantayan ang ilan sa premier big men sa liga gaya nina Greg Slaughter ng Ateneo de Manila University at Aldrech Ramos ng Far Eastern University.

Maganda ang naging pagtatapos ng Lady Paddlers noong isang taon, subalit hindi kuntento rito ang koponan ni Coach Lauro Crisostomo. Sa pagpasok ni Talento sa koponan, maibabahagi niya ang malawak niyang karanasan sa paglalaro ng table tennis. Idagdag pa rito ang kakaibang liksi niya sa paggalaw at kahanga-hangang eye-hand-mind coordination.

Eugene Lester Lin

NIKE/ MULA SA PAHINA 16
Ayon pa sa kanya, binigyan ng opisina ang Adidas ng pagkakataon upang higitan ang panukala ng Nike. We gave them [Adidas] a deadline to submit their proposal para hindi na humanap pa ng ibang sponsor. ani Reyes. Matapos ang nasabing deadline, walang naisumiteng proposisyon ang Adidas para manatiling isponsor ng DLSU. We felt that that move [of taking no action towards the bidding] is a polite way of them saying, were not interested. pagbabahagi ni Reyes. Dagdag pa niya, malaki ang inaasahan ng mga atleta sa pagbabagong ito. They are excited to go with it, the majority. pagtatapos niya. Marami mang mga taong pumuna sa paglipat na ito ng DLSU patungong Nike, dapat isaalang-alang na kapakanan ng mga atleta ang nakasalalay sa ganitong mga usapin. Abangan na lamang ang magiging trabaho ng Nike sa mga susunod na mga araw. Dito mapapatunayan ng Pamantasan na tama ang ginawa nilang desisyon.

Josafat John Licayan

Kurso: AB- SPM Koponan: Green Jins High School: Corpus Christi School Cagayan De Oro Maipagmamalaking karangalan: Tinanghal na Most Valuable Player sa National Milo tournament at Smart Best of the Best tourney. Nakuha rin niya ang gold medal sa Palarong Pambansa noong 2010. Nais matamo ngayong Season 74: To get back-toback [champiosnhips].

Francesco Adel Valdecanas

Kurso: BSA Koponan: Green Tracksters High School: La Salle Green Hills Maipagmamalaking karangalan: Naging kinatawan ng Pilipinas sa Junior Asian games. Nais matamo ngayong Season 74: Maximize the full potential of the team / individually at kahit anong mangyari, nandito lang ako para sa team. Isang malaking karagdagan si Valdecanas para sa kampanya ng Green Tracksters sa UAAP. Patunay nito ang tangan niyang Philippine Junior record sa larangan ng pole vault na maaari niyang magamit upang maisagawa ang matataas na lukso. Makatutulong siya sa pagkamit ng mga medalya ng Green and White squad upang umangat mula sa ikaanim na pwesto noong nakaraang taon.

Recruitment: Alas ng DLSU tungo sa tagumpay

nina Hosanna David at Ma. Rollen Joy Ancheta Senyor na Patnugot at Kasapi
TAON-TAON sa Pamantasang De La Salle (DLSU), maraming bagong pangalan ang umuusbong sa larangan ng palakasan. Bawat laban sa loob at maging sa labas ng bansa, hindi alintana na dala ng bawat manlalaro ang pangalan at karangalan ng DLSU na itinatak nito sa mundo ng palakasan mula noon hanggang ngayon. Naniniwala ang Pamantasan sa indibidwal at pangkatang kalakasan nito kaya naman sinisiguro nito ang kalidad ng mga atletang nananatili at lalong-lalo na ang mga bagong pumapasok dito. Maraming mga atleta mula sa ibat ibang sulok ng bansa ang nabibigyan ng oportunidad na dalhin ang prestihiyosong pangalan ng DLSU. Maihahambing sa pagpasok sa butas ng karayom ang pagpasok ng bawat atleta sa Pamantasan. May sariling opisina ang Pamantasan, ang Office fo Sports Development (OSD), para gawin ang komplikadong prosesong ito. Pagbibigay-pamantayan sa pagre-recruit Hindi man komplikado ang proseso ng recruitment sa Pamantasan, may mga alituntunin pa rin itong kailangang bigyan ng konsiderasyon bago tumanggap ng isang atleta. Ayon kay Edwin Reyes, Direktor ng OSD ng DLSU, We do have our basic protocols such as the list of potential recruits, [and] give us their records. Kasi minsan, ang damidaming gustong pumasok, [pero] hindi naman endorsed ng coach [nila]. Gayunpaman, dagdag ni Reyes, nakabatay pa rin sa mga coach ng bawat team ang pagre-recruit at pagpili ng mga manlalaro para sa kanilang koponan. Kung sakaling hindi makapasa sa pagsusulit, magkakaroon ng proseso ng rekonsiderasyon sa mga manlalarong nagpakita ng kakaibang gilas sa koponang nilang nais pasukan. Kung sakaling hindi iniendorso ng isang coach ang atletang nais maglaro sa Pamantasan, binibigyang pagkakataon ang mga walk-in athletes para makapag-try out. Gayunpaman, idiniin ni Reyes na mas prayoridad ng kanilang opisina ang mga recruit kaysa sa mga walk-in athletes. Ipinaliwanag niya na walang disiplina ang karamihan sa mga walkin athletes kaya masasabing abala lamang sila para sa tanggapan. Pagbabago sa paglipas ng panahon Marami man ang nangangarap na makapasok bilang atleta sa DLSU, marami ding suliraning kinahaharap ang Pamantasan pagdating sa pagkuha at pagpapanatili ng magagaling nitong manlalaro. Ayon kay Reyes, nagkaroon pa ng mga panahon na umaapaw ang bilang ng magagaling na atletang sumasali at nanatili sa koponan ng DLSU. Gayunpaman, hindi rin maitatanggi ang pagkakaroon ng kakulangan ng pribelehiyong nakalaan para sa mga atletang Lasalyano kung ikukumpara sa ibang Pamantasan. Dagdag pa ni Reyes, isa mang bentahe ang kalidad ng edukasyon at pangalan, nagiging dahilan din ito ng hindi pananatili ng ilang atleta dahil sa mahigpit na iskedyul ng trimestral system ng Pamantasan. Dagdag pa rito, nariyan din ang problema sa pamimirata ng ilang mga atletang maituturing na kabawasan para sa koponan. Isa pa sa kinahaharap na suliranin sa proseso ng recruitment ang kakulangan ng DLSU sa koneksyon at partner high schools. Magiging malaking bentahe sana ito sa DLSU kung magkakaroon ang Pamantasan ng pagakakataong makadiskubre o mahasa ang mga manlalaro habang nasa kabataan pa ang mga ito. Masasabing paraan ang sistemang ito upang makakuha ng magagaling na atleta at ng mga taong magtuturo sa kanila. Pinatotohanan ito ni Reyes at aniya, Its really an art of networking. [Mahalaga talaga] yung connection mo kung gaano ka kareachable at accommodating to those people and kung gaano ka kasipag manuyo ng players. Recruitment: Isang komplikadong proseso Hindi madali ang maging atletang Lasalyano. Gayunpaman, masasabing hindi biro ang ginagawa ng Pamantasan upang masigurong mayroong tunay na disiplina at dedikasyon sa kani-kanyang larangan ang mga atletang makukuha nito. Tunay ngang isang mabigat na pasanin ang pagpili sa mga bagong manlalaro sapagkat sa kanila nakasalalay ang karangalan ng bawat Lasalyanong humihiyaw para sa kanilang susunod na tagumpay. You cannot just rely on the schools image. Ultimately, what makes the school really work is the people in it., pagtatapos ni Reyes.

Kurso: ECE Koponan: Green Tankers High School: Chiang Kai Shek College Maipagmamalaking karangalan: Nagtapos na ikatlo sa 200m medley sa Palarong Pambansa 2011. Nais matamo ngayong Season 74: Aim Higher. Win Harder!

Matapos makamit ang kampeonato noong Season 72 sa pangunguna ni 3-time MVP Enchong Dee, hindi naman naipagpatuloy ng Green Tanker holdovers ang tagumpay ng koponan. Nagtapos lamang sila na ikaapat noong nakaraang taon. Dulot nito, kailangan ng koponan ang gaya ni Lin na makatutulong sa muling pagsungkit ng kampeonato ng DLSU, makapag-ambag na rin sa medal tally ng Taft-based squad.

Mula sa koponang nagkampeon noong Season 73, malugod na tatanggapin ng Green Jins ang isang high calibre athlete gaya ni Licayan. Inaasahang makatutulong siya sa back-toback quest ng DLSU na makuha ang kampeonato ngayong Season 74.

Victonara Galang
Kurso: AB-SPM Koponan: Lady Spikers High School: Angeles University Foundation (AUF) Maipagmamalaking karangalan: Tumulong sa 3rd place finish ng AUF sa Palarong Pambansa 2011. Nais matamo ngayong Season 74: Maging champion sa buong stay ko sa DLSU.

Akio Sy
Kurso: AB-DSM Koponan: Green Tennisters High School: Home School Maipagmamalaking karangalan: Naging bahagi ng Jr. Davis Cup team. Nais matamo ngayong Season 74: Magchampion siyempre, at [mag-]Rookie of the Year and MVP.

UAAP Season 74 Mens Basketball Schedule (Round 1)

July 10 | DLSU vs. FEU | 1:00 pm July 16 | DLSU vs. ADMU | 3:00 pm July 23 | DLSU vs. UP | 1:00 pm July 28 | DLSU vs. NU | 3:00 pm July 31 | DLSU vs. UE | 1:00 pm August 6 | DLSU vs. AdU | 3:00 pm August 11 | DLSU vs. UST | 3:00 pm

Matapos magapi ang University of Santo Tomas Growling Tigresses sa UAAP Season 73, malaking puwang ang maiiwan sa paglisan nina MVP Jacqueline Alarca at former team captain Stephanie Mercado. Kung magiging maganda ang paglalaro ni Galang sa off-season tournaments, malaki ang posibilidad na makasama siya sa rotation ni Coach Ramil de Jesus.

Sa unang tingin, masasabing wala nang makapagpapatumba sa DLSU sapagkat sila ang defending champions sa nakalipas na dalawang taon. Gayunpaman, hindi dito natatapos ang pagnanais ng Lady Tennisters sa pagsungkit ng isa pang kampeonato. Masasabing puno pa ang roster ng Taft-based squad sa puntong ito ngunit kung magsisikap si Sy, maaari niyang mapatunayan na hindi nagkamali ang back-to-back champion team sa pagkuha sa kanya.

Malaki ang aasahan ng buong pamayanang Lasalyano sa mga baguhang ito. Sa pagsisimula ng UAAP Season 74, panghahawakan ng lahat ng rookie ang kanilang pangakong maibigay ang lahat ng kanilang makakaya upang magtagumpay ang DLSU.

16

HUNYO 30, 2011

ISPORTS

Halaw sa internet

DLSU Dragon Boat Team, naghari sa Penang Festival

nina Justin Kenneth Carandang at Mark Albert de Silva Tagapamahalang Patnugot at Kasapi
SUMAGWAN tungo sa tagumpay ang De La Salle Dragon Boat Team (DLSDBT) noong Hunyo 11 hanggang 12 sa nakaraang 32nd Penang International Dragon Boat Festival sa Penang Malaysia. Nasungkit ng DLS-DBT ang gintong medalya sa parehong 250m at 500m Junior Under-23 race laban sa ibat ibang koponan ng ibang bansa. Nakatunggali ng Taft-based squad sa nasabing kompetisyon ang mga bigating koponan mula sa ibang bansa tulad ng National University of Singapore (NUS), Podsi Kabupaten Siak ng Indonesia, Kolej Universiti Insaniah (KUI), University of Kuala Lumpur, at PBC Tanjung Bungah ng Malaysia. Sa Under-23 250-meter race, nagtapos sa ikatlong puwesto ang DLSU matapos ang unang round nang itala ng koponan ang 1:20.42 marka. Agad bumawi sa sumunod na karera ang DLS-DBT gamit ang 1:20.03 pagtatapos upang agawin sa KUI ang korona sa 250m race. Sa kabuuan ng laban, itinala ng DLSU ang 2:40.45 marka, mahigit sa isang segundo ang lamang kontra KUI upang iuwi ang korona. Hindi naman naging hadlang sa Green and White squad ang pagod para pagharian ang 500-meter category. Dinaig ng DLSU ang mga kalaban sa parehong round ng kompetisyon. Nagtapos sa oras na 2:40.97 ang Dragon Boat Team ng Pamantasan sa unang round habang mas mabilis nilang tinapos ang ikalawang round tangan ang 2:37.83 marka. Pitong segundo ang itinalang agwat ng DLSU sa pumapangalawang NUS para itakas ang gintong medalya sa 500-m race. Ayon kay Mikel Camacho, miyembro ng DLS-DBT, naging susi sa kanilang pagkapanalo ang kanilang determinasyon upang makuha ang kampeonato. Aniya, Makikita sa buong koponan yung pusong gustong manalo sa laban. Determinado kasi ang team na makapag-uwi ng karangalan para sa Pamantasan. Para naman kay Jikay Laborte, VicePresient ng DBT, Sobrang nagsosoar ang team sa mga kompetsiyon. Nakakalungkot lang na nanatiling unrecognized ang koponan sa sa Pamantasan kahit na nagtatagumpay ito. Bukod sa nasabing tagumpay, matatandaang nagwagi rin ang Dragon Boat Team noong nakaraang Oktubre 2010 sa Camarines Sur Festival.

DLSU, handa nang umarangkada sa Season 74!

nina Liz Angela Intia at Aldrich Dane Adiong Patnugot ng Buhay at Kultura at Korespondente

Pagtahak sa landas tungo sa tagumpay:

Kasabay ng nalalapit na season ng University Athletic Association of the Philippines (UAAP), maraming paghahanda ang isinasagawa ng Pamantasang De La Salle (DLSU) upang makamit ang inaasam na General Championship.
NAGING mailap man para sa Pamantasan ang inaasam nitong kampeonato noong mga nakaraang taon, masasabing buo pa rin ang loob ng bawat koponan upang matiyak na epektibo ang mga programang nakalaan sa bawat atleta. Ano-ano nga ba ang mga paghahandang ito? Paano nga ba ito naiiba sa paghahandang ginawa para sa mga nakaraang taon? Ngayong nalalapit na namang magbukas ang bagong season ng UAAP, ano-ano nga ba ang mga istratehiya ng Pamantasan? Sapat na ba ang mga ito upang makamtan ang inaasam na layunin ng Pamantasan? Ang Paghahanda Psychological advantage ito ang masasabing isa sa mga kalamangan ng DLSU sa iba pang koponan na kabilang sa nasabing torneo. Ayon kay Edwin Reyes, Direktor ng Office of Sports Development (OSD), nakatutulong para sa mga atleta ang mga training na isinasagawa sa ibang bansa. Pagbibigay-diin niya, Coming from a country that is predisposed to colonial mentality, kapag training na galing sa abroad, talagang mas maganda [ang dating sa mga tao]. Dagdag pa sa training na ito ang ibat ibang programang nakalaan upang mahasa ang kakayahan ng bawat atleta ng Pamantasan. Hindi rin maitatangging bahagi na ng taunang paghahanda ang pagpapaganda ng imahe ng Pamantasan upang makuha ang magagaling na manlalaro mula sa ibat ibang paaralan tuwing recruitment week. Ani Reyes, Nagpupunta pa rin sa Ateneo o La Salle [ang magagaling na atleta], kasi mas maganda ang kalidad ng edukasyon dito. Kakabit ng imaheng ipinapakita ng DLSU sa paghahanda ang motibo ng mga manlalaro sa pagsali rito. Ika nga ni Reyes, People now are more objective. They know what they are getting [from the schools]. Ano na nga ba ang narating ng DLSU? Nalalapit na naman ang panibagong season ng UAAP kaya naman puspusan na ang preparasyong ginagawa ng bawat koponan. Isang buwan bago magsimula ang UAAP Season 74, ano na nga ba ang narating ng DLSU pagdating sa mga paghahanda nito? Bagamat hindi pa sila lubusang handa para sa nasabing torneo, makikitang maganda pa rin ang ipinapakita ng bawat koponan. Ayon kay Reyes, Hindi ko masasabi ngayon na handa na ang lahat, were getting there. Yung performance ng mga teams ngayon kahit na hindi pa maaaring ipagmalaki, kahanga-hanga pa rin naman. Gayunpaman, mayroon pa ring ibang koponan na mapapansing nagpapakita ng kakaibang husay at pagiging handa para sa UAAP Season 74. Kabilang dito ang womens volleyball, mens volleyball, pati na rin ang Badminton at track and field. Patunay lamang ang mga ito na isang matagumpay na season ang maaaring makamit ng DLSU. Ang suportang ibinibigay ng administrasyon ang isa sa masasabing dahilan sa likod ng tagumpay na maaaring harapin ng bawart koponan. Masasabing isa rin itong paraan upang masigurong hindi lamang ang kalidad ng edukasyon ang nabibigyang pansin ng Pamantasan. Lahat ng gawin natin [ay] excellent, and we will not play secondfiddle to UST for the GC, ani Reyes. Isang panibagong taon na naman ang kailangang harapin ng mga atletang Lasalyano. Kasabay ng mga sulairaning maaari nilang harapin ang suportang natatanggap ng bawat atleta mula sa DLSU at OSD. Bilang mga tagasubaybay at tagasuporta ng DLSU sports, maibuhos din sana natin ang 100 porsiyento para palakasin ang kanilang loob at maihatid ang tagumpay para sa Pamantasan.

Nike, bagong katuwang ng DLSU

nina Gerard Co ntreras, Mark Albert de Silva at Renato Rebellon Jr. Mga Kasapi
KASADO na ang bagong kontrata ng Pamantasang De La Salle (DLSU) para sa darating na University Athletics Association of the Philippines (UAAP). Pansamatalang tinuldukan ng DLSU ang ugnayan nito sa Adidas upang bigyang daan ang kompanyang Nike bilang pangunahing isponsor ng mga atletang Lasalyano. Kasabay ng balitang pagpapalit ng isponsor ng DLSU sa darating na taon, maraming usap-usapan ang lumutang ukol sa kakayahan ng Nike bilang isponsor ng Pamantasan. Tama nga ba ang desisyong ito ng DLSU na magpalit ng isponsor para sa darating na UAAP season? Isyu tungkol sa Nike, makatotohanan ba? Marso noong nakaraang taon, pinirmahan ng Ateneo de Manila University (ADMU) ang kontratang iprinisinta ng Nike Philippines para sa Blue Eagles. Isang taon ang nakalipas, kumalat ang mga balitang hindi natugunan ng Nike ang ilan sa mga probisyong nakasaad sa kanilang kontrata. Mula sa inilabas na artikulo ng The Guidon, opisyal na pahayagan ng mga mag-aaral ng ADMU noong Marso 2011, marami ang naging pagkukulang ng Nike bilang isponsor ng nasabing pamantasan. Ilan sa mga isyung mabilis na kumalat sa buong komunidad ng ADMU ang pagkakaantala ng mga produkto ng nasabing kompanya. Nariyan din ang hindi pagkakaparehas sa kalidad ng mga apparel na ibnibigay ng Nike sa mga Atenista. Paliwanag pa sa nasabing artikulo, dumating ang mga kagamitan ng mga manlalaro, lalo na sa football at baseball team ng ADMU, sa mismong araw ng kanilang laro noong UAAP season 73. Nakasaad pa rito na hindi orihinal ang ibang mga apparel ng ilang koponan ng Katipunan-based squad. Ilang buwan matapos ang pagpapalabas ng nasabing isyu, nilinaw ng mga opisyal ng ADMU ang ilang punto sa artikulo ng The Guidon. Sa artikulong In response to The Guidons Bring Back the Stripes, inamin ni Angelica Lim, Editor-inchief ng nasabing pahayagan, ang mga kamalian sa mga detalyeng kanilang ipinalabas. Dagdag pa rito, sinabi rin sa naturang balita na hindi nanggaling sa University Athletics Office (UAO) ng Ateneo ang mga impormasyong inilabas ng The Guidon. Sa isyu ng pagkakaantala sa pagdating ng mga kagamitan, iginiit ng UAO na natanggap ng ADMU football at baseball teams ang kanilang mga apparel bago pa sumapit ang UAAP season. Patunay rito ang hindi pagkaka-disqualify ng mga naturang koponan dahil sa hindi pagsunod sa dress code ng nasabing liga. Pinagtanggol naman ng UAO ang Nike sa isyu ng orihinalidad ng mga team uniforms. Ayon sa kanila, hindi maaaring ilagay ang swoosh logo ng Nike sa mga unipormeng hindi gawa sa pangunahing pagawaan ng clothing apparel ng kompanya na nakabase sa ibang bansa. Bilang pagtugon sa kanilang kasunduan, binabayaran ng Nike ang mga kumpanyang gumagawa ng mga unipormeng susuotin ng mga atletang Atenista. Bagong yugto para sa Green Archers Pinabulaanan ng mga opisyal ng ADMU ang mga haka-haka ukol sa kakayahan ng Nike bilang isang isponsor. Sa magiging pagbabago sa isponsorship sa mga kagamitan sa darating na UAAP seaon, malaki ang inaasahan ng Office of the Sports Development (OSD) mula sa Nike Philippines. Ayon kay Edwin Reyes, direktor ng OSD, naging mahigpit ang proseso ng pagpili ng susunod na isponsor ng DLSU. Aniya, We make sure that all teams will be supported by the next sponsor. Then, we want the next sponsor to offer something new for the athletes na wala sa ibang universities.

Bagong kabanata para sa Pamantasan:

NIKE/ SUNDAN SA PAHINA 14

UAAP Season 74: All Out, All Heart! Opening Ceremony

Hulyo 9, 2011 | 4:00 ng hapon | Marikina Sports Complex