Isiltasuna ez da isolamendua. Sarritan nahasten ditugu. Demagun
basoaren sakonean gaudela, isiltasuna dago? Basoan isiltasuna ezinezkoa da. Oihanean ezintasun hori nabarmenagoa da. Isiltasunak ez du isolamendua ziurtatzen, isolamenduak ezin du isiltasuna bermatu. Gure hizkuntzan isiltasuna ez da soinuaren ausentzia, hitzaren hutsa baizik.
“Mikelek eskatutako letrak ez neuzkan prest, kontatu zigun Artzek
behin batean, orduan musika egiten hasi zen hitzik gabeko ahotsean”.
Arbasoen oihuak zirela esango zuen aditu batek edo bestek,
beranduago.
Beharbada, Laboak Artzeren isiltasunari ahotsa jarri zion.
*******
Gabonak dira, 90. hamarkadaren erdian. Gaztelekuan jaialdi
akustikoa antolatu dute. Oholtzara igoko diren gehienak ez dira musikariak. Gai librean, bakoitzaren baliabideekin, norberaren erregistroan aritu daitezke. Araurik ez dago.
maitemenditutakook, egun horretan behintzat, badugula zerbait esateko. Soinua, txeloa eta idazmakina ditugu musika tresna, baina tresnarik potenteenak gure ahotsak dira eta ahots librean Laboa kantatzen dugu: