ဥပဒေအရ ရပ်တည်ခွင့်ကိစ္စ စစ်အစိုးရကို အမှု ၂ ခုနဲ့ NLD

တရားစွဲဖို့ပြင်
2010-09-05

အမျိုးသား ဒီမိုကရေစီအဖွဲ့ချုပ် NLD ပါတီကို ဆက်လက်ရပ်တည်ခွင့်မရှိအောင် မတရားသဖြင့် ထုတ်ပြန်ခဲ့တဲ့

ရွေးကောက်ပွဲဆိုင်ရာ ဥပဒေတွေနဲ့ ပတ်သက်လို့ စစ်အစိုးရကို အမှုနှစ်မှုနဲ့ တရားစွဲဆိုဖို့ ပြင်ဆင်နေပြီလို့ NLD
ဗဟိုအလုပ်အမှုဆောင်အဖွဲ့ဝင် ရှေ့နေ ဦးဥာဏ်ဝင်းက ပြောပါတယ်။

အမျိုးသား ဒီမိုကရေစီအဖွဲ့ချုပ်မှ ပြောခွင့်ရ ပုဂ္ဂိုလ်နှင့် ဒေါ်အောင်ဆန်းစုကြည်၏ ရှေ့နေတဦးလည်း ဖြစ်သူ

ဦးဉာဏ်ဝင်း မေလ ၂၇ရက်နေ့က NLD ဌာနချုပ် ရုံးတွင် သတင်းထောက်များကို ရှင်းလင်း ပြောကြားနေပုံ
ဖြစ်ပါသည်။ (Photo: AFP)

“ရွေးကောက်ပွဲဆိုင်ရာ ဥပဒေတွေ ထွက်လာတဲ့အခါမှာ အဲဒီ ပါတီမှတ်ပုံတင် ဥပဒေအရ ရက်ပေါင်း ၆၀ အတွင်းမှာ

ပါတီအဟောင်းတွေက ပြန်လည် မှတ်ပုံတင်ရမယ်၊ မတင်ခဲ့လို့ရှိရင် ပါတီ အလိုအလျောက် ပျက်ပြယ်တယ်ဆိုပြီး
ပါတယ်လေ။ အဲဒါကြောင့် အဲဒီလို ဥပဒေပြဌာန်းချက်ဟာ ၁၉၈၈ ဥပဒေအရ မှတ်ပုံတင်ထားတဲ့ NLD နဲ့ မဆိုင်ဘူး၊
NLD အပေါ်မှာ အကျုံးမဝင်ဘူး။ ဘာဖြစ်လို့လဲဆိုတော့ NLD ဟာ အဲဒီအချိန်က တရားဝင် ရပ်တည်လာတယ်၊
ဘာပြစ်မှုမှ မရှိဘူး။ အဲဒီတော့ တရားဝင် ရရှိတဲ့ အခွင့်အရေးတွေဟာ စကားရပ်များ အနက်အဓိပ္ပါယ် ဖွင့်ဆိုရေး
ဥပဒေအရ ဆက်လက်ခံစားထိုက်တယ်၊ ဒီ အခြေခံအချက်အပေါ်မှာ အစိုးရကို တရားစွဲဖို့ ကျနော်တို့
ကြိုးစားနေတာပါ”

နိုင်ငံရေးပါတီ ရပ်တည်ပိုင်ခွင့်က သီးခြား တမှုဖြစ်ပြီး၊ ၁၉၉ဝ ခုနှစ် ရွေးကောက်ပွဲအနိုင်ရ လွှတ်တော်

ကိုယ်စားလှယ်တွေရဲ့ ရပ်တည်ပိုင်ခွင့်နဲ့ ပတ်သက်လို့ နောက်ထပ်တမှု စွဲဆိုမှာဖြစ်တယ်လို့  ဦးဥာဏ်ဝင်းက
ပြောပါတယ်။

ဒေါ်အောင်ဆန်းစုကြည်ရဲ့ ရှေ့နေတွေဖြစ်ကြတဲ့ ဦးဥာဏ်ဝင်း၊ ဦးကြည်ဝင်းနဲ့ ဒေါ်ခင်ဌေးကြွယ်တို့ မနေ့က

ဒေါ်အောင်ဆန်းစုကြည်နဲ့ သွားရောက်တွေ့ဆုံခဲ့ရာမှာ စစ်အစိုးရကို တရားစွဲဆိုဖို့ ဒေါ်အောင်ဆန်းစုကြည်က
ညွန်ကြားခဲ့တာ ဖြစ်တယ်လို့ သိရပါတယ်။

အမှုအတွက် အချောသတ် ပြင်ဆင်မှုတွေ ပြီးစီးသွားတဲ့အခါ ဒေါ်အောင်ဆန်းစုကြည်နဲ့ တိုင်ပင်အတည်ပြုချက်

ရယူပြီး မကြာခင်မှာပဲ စတင် တရားစွဲဆိုမယ်လို့ ရှေ့နေ ဦးဥာဏ်ဝင်းက ပြောပါတယ်။

ဒီအကြောင်း ရှေ့နေဦးဥာဏ်ဝင်းကို ကိုကျော်ကျော်အောင် ဆက်သွယ်မေးမြန်းထားပါတယ်။

Source:http://www.rfa.org/burmese/news/DASSK_asks_lawyers_to_sue_junta_over_party_legality-
09052010113705.html

စစ်တပ်ကပစ်ခတ်လို့ လူငယ် ၂ ဦးသေဆုံး

2010-09-05

ပဲခူးမြို့မှာ နယ်မြေခံစစ်တပ် အရာရှိတွေနဲ့ အရပ်သားလူငယ်တွေ စကားများ အခြေအတင် ဖြစ်ပွားရာက

နောက်ပိုင်းမှာ စစ်သားတွေက သေနတ်နဲ့ ပစ်ခတ်ခဲ့တဲ့အတွက် လူငယ် ၂ ဦး သေဆုံးသွားတယ်လို့ သေဆုံးသူတွေရဲ့
မိဘတွေနဲ့ ဒေသခံတွေက အာအက်ဖ်အေကို ပြောပါတယ်။

သေဆုံးသူ လူငယ် ၂ ဦးဟာ ပဲခူးမြို့ ဇိုင်းဂနိုင်းရပ်ကွက်က ဖြစ်ပြီး မနေ့ညက ပဲခူးနယ်မြေ တာဝန်ကျ

ခြေလျင်တပ်ရင်း ၅၉ က အရာရှိတဦးနဲ့ လက်ဖက်ရည်ဆိုင်မှာ စကားများခဲ့ပြီးနောက် ညသန်းခေါင်ကျော်မှာ
နေအိမ်ကို အရာရှိနဲ့ တပ်သား ၁ဝ ဦး ရောက်လာပြီး သေနတ်နဲ့ ပစ်ခတ်ခဲ့တာလို့ သိရပါတယ်။

သေဆုံးသူ လူငယ် ၂ ဦးကတော့ မောင်အောင်သူဟိန်း အသက် ၂၂ နှစ်နဲ့ မောင်စိုးပိုင်ဇော် အသက် ၁၈ နှစ်တို့

ဖြစ်ပါတယ်။ သေဆုံးသူလူငယ် ၂ ဦးရဲ့ အလောင်းတွေကို အာဏာပိုင်တွေက ထိန်းသိမ်းထားပြီး အာအက်ဖ်အေက
သတင်း ရယူခဲ့တဲ့ အချိန်အထိ မိသားစုနဲ့ တွေ့ခွင့်မပေးသေးကြောင်း၊ အာဏာပိုင်တွေဘက်က အမှုကို ကြေအေးဖို့
တောင်းဆိုထားကြောင်း သိရပါတယ်။

စစ်တပ်ကိုစမ်းရင် သေချင်းဆိုးနဲ့ သေသွားမယ်၊ စမ်းကြည့်ကြ ..

ဒီဖြစ်ရပ်ဟာ စစ်တပ်က အရပ်သားပြည်သူတွေအပေါ် ရာဇ၀တ်မှုတွေ ကျူးလွန်နေတာကို သက်သေပြတဲ့

ဖြစ်ရပ်တခုပါလို့ ပဲခူးမြို့က လူ့အခွင့်ရေးနဲ့ လူမှုရေးလုပ်ငန်းတွေမှာ ကူညီနေတဲ့ ရှေ့နေဦးအေးမြင့်က ပြောပါတယ်။

“စိတ်မကောင်းဖြစ်နေတဲ့ အချက်က ပြည်သူလူထုကို ကာကွယ်ပါမယ်ဆိုတဲ့ တပ်မတော်သည် ပဲခူးတိုင်းမြို့တော်ရဲ့

မြို့မျက်နှာဖုံး၊ အာဏာပိုင် အဖွဲ့အစည်းတွေ၊ ဌာနဆိုင်ရာ အသီးသီးတွေ ရှေ့မှာတောင်မှ ဗြောင် သေနတ်နဲ့
လာပစ်သတ်ရဲတယ်။ ဒီကြားထဲ စိမ်ခေါ်သွားသေးတယ်၊ စစ်တပ်ကိုစမ်းရင် သေချင်းဆိုးနဲ့ သေသွားမယ်၊
စမ်းကြည့်ကြ ဆိုတဲ့ အော်ပြောသွားတာတွေလည်း ရှိတယ်ဆိုပြီး ဘေးက ပြောတယ်လေ။ ဒီလိုဆိုရင်
တိုင်းရင်းသားလူမျိုးတွေ၊ တောထဲတောင်ထဲမှာ တောင်ယာတွေလုပ်ပြီး အသတ်ခံခဲ့ရတာတို့၊ မုဒိန်းကျင့် ခံခဲ့ရတာတို့၊
အိမ်ကို မီးရှို့တယ်တို့ လုပ်ချင်သလို လုပ်ခဲ့တယ်ဆိုတဲ့ စကားတွေဟာ အမှန်တွေပါ ဆိုပြီး ထောက်ခံသလို
ဖြစ်သွားပြီ”

ဒီအကြောင်း အသေးစိတ်ကို အာအက်ဖ်အေ ၀ိုင်းတော်သူ မခင်ခင်အိက စုံစမ်းမေးမြန်းတင်ပြထားပါတယ်။

Source:http://www.rfa.org/burmese/news/military_civilian_clash_killed_2_in_bago-
09052010120322.html

ပါတီအားလုံး တန်းတူ အခွင့်အရေးပေးဖို့ NDF တောင်းဆို

၂၀၁၀ ရွေးကောက်ပွဲ ပိုအသက်ဝင် လှုပ်ရှားပြီး တရားမျှတတဲ့ ရွေးကောက်ပွဲမျိုး ဖြစ်လာအောင်
ပါဝင်ယှဉ်ပြိုင်ကြမယ့် ပါတီတွေ အားလုံးကို တန်းတူ အခွင့်အရေး ပေးဖို့နဲ့ နိုင်ငံပိုင် သတင်းမီဒီယာတွေကနေ တဆင့်
လူထု မဲဆွယ်စည်းရုံးခွင့်ပြုဖို့ ရွေးကောက်ပွဲမှာ ပါဝင်ယှဉ်ပြိုင်မယ့် တတိယ အကြီးဆုံး ပါတီဖြစ်တဲ့ NDF အမျိုးသား
ဒီမိုကရေစီ အင်အားစုက ပြောဆိုလိုက်ပါတယ်။ ဒါ့အပြင် ရွေးကောက်ပွဲ ကျင်းပဖို့ ၁ လခွဲသာ လိုတော့ပေမဲ့ NDF
ပါတီက တင်သွင်းထားတဲ့ ကိုယ်စားလှယ်လောင်း စာရင်းကို ရွေးကောက်ပွဲ ကျင်းပရေး ကော်မရှင်က
အတည်မပြုရသေးတဲ့ အတွက် မဲဆွယ်စည်းရုံးရေး လုပ်ငန်းစဉ်တွေကို အခုထိ အကောင်အထည်
မဖော်နိုင်သေးဘူးလို့လည်း ဆိုပါတယ်။ အပြည့်အစုံကို ဆက်သွယ်မေးမြန်းထားတဲ့ မနန္ဒာချမ်းက
တင်ပြပေးထားပါတယ်။

NDF အမျိုးသား ဒီမိုကရေစီ အင်အားစုက အခုလာမယ့် ၂၀၁၀ ရွေးကောက်ပွဲဟာ တရားမျှတတဲ့ ရွေးကောက်ပွဲမျိုး

ဖြစ်အောင် ယှဉ်ပြိုင်ကြမယ့် ပါတီတွေ အားလုံးကို လူထု မဲဆွယ်စည်းရုံးမှုနဲ့ ပတ်သက်လို့ တန်းတူအခွင့်အရေး
ပေးသင့်တယ်လို့ တောင်းဆိုလိုက်တာပါ။ မြန်မာနိုင်ငံမှာ ရွေးကောက်ပွဲ ကျင်းပဖို့ ၁ လခွဲသာ ကျန်တော့တဲ့ အချိန်မှာ
တချို့ပါတီတွေ အနေနဲ့ လူထု မဲဆွယ်စည်းရုံးမှုတွေကို မစတင်နိုင်ကြသေးတာ ရှိသလို ဝေးလံတဲ့ နယ်စွန်နယ်ဖျားက
ပြည်သူတွေဆီ သွားရောက် မဲဆွယ်စည်းရုံးဖို့ရာကလည်း အခက်အခဲတွေ ရှိတဲ့အတွက် ၁၉၉၀
ရွေးကောက်ပွဲတုန်းကလို ပါတီအားလုံးကို နိုင်ငံပိုင် သတင်းမီဒီယာတွေကနေ တဆင့် မဲဆွယ်စည်းရုံးခွင့်
ပေးသင့်တယ်လို့ NDF ခေါင်းဆောင် ဦးခင်မောင်ဆွေက ဗွီအိုအေကို အခုလို ပြောခဲ့ပါတယ်။

“ရွေးကောက်ပွဲ မဲဆွယ်မှုက တလအတွင်းဆိုတဲ့ အခါကြတော့ ဝေးလံတဲ့နေရာတွေ သွားဖို့၊ နောက်ပြီး အသက် ၂၀

ဝန်းကျင် လူငယ်တွေအဖို့က သိပ်ပြီးတော့ ရွေးကောက်ပွဲအကြောင်း မသိသလို ရွေးကောက်ပွဲမှာ ပါမယ့်လူတွေ
အကြောင်းလည်း သိပ်ပြီး မသိကြဘူးဗျ။ မသိကြတော့ ဒီကိစ္စက သိပ်ကို အရေးကြီးတယ်ဗျ။ ၉၀ ခုနှစ်
ရွေးကောက်ပွဲတုန်းက အစိုးရပိုင် ရုပ်မြင်သံကြားနဲ့ ရေဒီယိုတွေက တပါတီချင်းအလိုက် တာဝန်ရှိ ပုဂ္ဂိုလ်တွေက ၁၀
မိနစ်လောက် သွားပြီးတော့ မိမိတို့ သက်ဆိုင်ရာ ပါတီတွေရဲ့ မူဝါဒတွေကို ပြောခွင့်ပေးပါတယ်။

“အခုဟာ ပါတီတွေက နည်းသွားပြီဆိုတော့ နည်းတဲ့အလျောက် နိုင်ငံပိုင် ရုပ်မြင်သံကြားနဲ့ ရေဒီယိုတွေကနေ အဲဒီလို

ပြောခွင့်ရမယ်ဆိုရင် ပြည်သူတွေ အားလုံး တပြေးညီ သိခွင့်ရသွားပြီး ရွေးကောက်ပွဲဟာ ပိုပြီး အသက်ဝင် လှုပ်ရှားပြီး
စိတ်မ၀င်စားတဲ့ လူတွေသော်လည်းကောင်း၊ စိတ်ဝင်စားပြီး မသိခဲ့သော်လည်းကောင်း၊ မဲဆွယ်မှုကို
နယ်စွန်နယ်ဖျားအထိ ကျနော်တို့က မသွားနိုင်တဲ့ ကိစ္စတွေမှာပါ နိုင်ငံပိုင် မီဒီယာက ပြောခွင့်ရခြင်းဟာ အလွန်ပဲ
အရေးကြီးပါတယ်။ နောက် ၉၀ ခုနှစ် ရွေးကောက်ပွဲမှာ ခွင့်ပြုပေးထားတာ ဖြစ်တဲ့အတွက်ကြောင့် အခုလည်းပဲ ၉၀
ခုနှစ် ရွေးကောက်ပွဲမှာ ရရှိခဲ့တဲ့ အခွင့်အရေးကို နိုင်ငံတော်က ပါတီတွေကို ပေးဖို့ အထူးပဲ အရေးကြီးပါတယ်လို့
ပြောချင်ပါတယ်။”

NDF ပါတီဟာ ဒီရွေးကောက်ပွဲမှာ ၀င်ရောက်ယှဉ်ပြိုင်ဖို့ ကိုယ်စားလှယ်လောင်း ၁၆၄ ဦးရဲ့ အမည်စာရင်းကို

တင်သွင်းထားပြီး ဖြစ်ပေမဲ့လို့ ရွေးကောက်ပွဲ ကော်မရှင်က လာမယ့် အပတ်ထဲကျမှ ဒီစာရင်းကို စိစစ်
အတည်ပြုပေးမှာ ဖြစ်တဲ့အတွက် အဲဒီအခါကျမှ ပါတီ မဲဆွယ်စည်းရုံးရေး လုပ်ငန်းစဉ်တွေကို စတင်နိုင်မှာ
ဖြစ်တယ်လို့လည်း ဆိုပါတယ်။ ဒါ့အပြင် ရွေးကောက်ပွဲ ကော်မရှင်ရဲ့ စည်းကမ်းတွေကိုလည်း လျှော့ပေါ့ပေးဖို့နဲ့
နယ်တွေမှာ မဲဆွယ်စည်းရုံးရေး ဆင်းတဲ့အခါ အစိုးရက ကျောထောက်နောက်ခံ ပေးထားတဲ့ ကြံ့ခိုင်ဖွံ့ဖြိုးရေးပါတီနဲ့
တခြားပါတီကြီးတွေ နည်းတူ အခွင့်အရေးရဖို့ လိုအပ်တယ်လို့လည်း ဦးခင်မောင်ဆွေက ပြောဆိုခဲ့ပါတယ်။

“ဥပမာ ချောက်မြို့နယ်က ကျေးရွာတခုမှာ ကြံ့ခိုင်ဖွံ့ဖြိုးရေးပါတီက ဒေါ်ဝင်းမာထွန်းနဲ့ အငြိမ်းစားဗိုလ်မှူး

အောင်ငြိမ်းတို့က ဦးသုဝဏ္ဏ ဘုန်းကြီးကျောင်းမှာ လာပြီး ကော်မရှင် ဥပဒေပါ အချက်တွေနဲ့ မကိုက်ညီစွာဘဲ
မဲဆွယ်စည်းရုံးရေး ဆင်းသွားတယ်ဆိုပြီး ကျနော်တို့ဆီကို သတင်းပို့ထားတာ ရရှိပါတယ်။ အဲဒါမျိုးတွေကို
လုပ်တဲ့လူတွေက လုပ်နေပြီး ကျနော်တို့လို ပုဂ္ဂိုလ်တွေက အဲဒီလို မလုပ်ရတဲ့အခါမှာ တန်းတူညီမျှတဲ့ အခွင့်အရေး
မရဘူးဆိုရင်တော့ မဲဆွယ်တဲ့ ကိစ္စကလည်း အခက်အခဲတော့ ရှိကောင်း ရှိနိုင်တယ်လို့ပဲ ပြောချင်ပါတယ်။ ဒါကြောင့်
ကျနော်တို့လည်း ကျေးရွာရောက်တဲ့အခါမှာ ခုနပြောတဲ့ ပါတီကြီးတွေများ နည်းတူ ခွင့်ပြုချက် ရမယ်ဆိုရင်
ကော်မရှင် စည်းကမ်းကို လျှော့ပေါ့စဉ်းစားပြီး လုပ်ပေးဖို့ လိုပြီလို့ ထင်ပါတယ်။”

နေအိမ်မှာ ဖမ်းဆီးခံထားရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် ၁၉၉၀

ရွေးကောက်ပွဲ အနိုင်ရ NLD အမျိုးသား ဒီမိုကရေစီ အဖွဲ့ချုပ်ကတော့ ဒီ ၂၀၁၀ ရွေးကောက်ပွဲဟာ လွတ်လပ်ပြီး
တရားမျှတတဲ့ ရွေးကောက်ပွဲ ဖြစ်မှာ မဟုတ်တဲ့အတွက် ရွေးကောက်ပွဲကို မ၀င်ဖို့ ဆုံးဖြတ်ခဲ့သလို အခုနောက်ဆုံး
ရွေးကောက်ပွဲကိုပါ သပိတ်မှောက်ဖို့အထိ ဆုံးဖြတ်ခဲ့တာ ဖြစ်ပါတယ်။ ဒါ့အပြင် ပြည်သူတွေ အနေနဲ့လည်း မိမိတို့
ဆန္ဒအတိုင်း မဲမပေးလိုရင် မပေးဘဲ နေနိုင်တဲ့ အခွင့်အရေး ရှိတဲ့အကြောင်းနဲ့ NLD ကိုမှ မဲထည့်ချင်တဲ့ ပြည်သူတွေ
အနေနဲ့လည်း မဲမပေးဘဲ နေကြဖို့ကို တိုက်တွန်းခဲ့ပါတယ်။

NDF ပါတီကတော့ ရွေးကောက်ပွဲကို ၀င်ရောက်ယှဉ်ပြိုင်ဖို့အတွက် NLD ကနေ ခွဲထွက်ခဲ့တဲ့ ပါတီတခုပါ။ သူ့ပါတီ

မဲဆွယ်စည်းရုံးရေး အတွက် ပါတီ ပြင်ဆင်ချက်တွေနဲ့ ပတ်သက်လို့လည်း ဦးခင်မောင်ဆွေက အခုလို
ဆက်ပြောပြခဲ့ပါတယ်။

“ကျနော်တို့လည်း ဂျာနယ်ထုတ်ဖို့ တာစူနေတာ တလလောက် ရှိပြီဗျ။ ကိုယ်စားလှယ်လောင်းတွေရဲ့

ကိုယ်ရေးရာဇ၀င်တွေပေါ့၊ အဲဒါတွေကို ကျနော်တို့က အမျိုးသား ဒီမိုကရေစီ အင်အားစုပါတီ သို့မဟုတ်
ခမောက်ပါတီပေါ့၊ ပါတီရဲ့ သင်္ကေတက ခမောက်ဖြစ်မယ်၊ ပါတီရဲ့ အမှတ်တံဆိပ်ကလည်း ခမောက်ဖြစ်မယ်ဆိုတော့
ခမောက်တံဆိပ်နဲ့ ကိုယ်စားလှယ်လောင်းများရဲ့ ကိုယ်ရေးရာဇ၀င်တွေကို ပြည်သူကြားထဲကို Pamphlet တွေ
ရောက်နိုင်သမျှ ရောက်အောင် ဝေငှပြီးတော့ စည်းရုံးရေးလုပ်ရမှာ ပထမဦးဆုံး အရေးကြီးတဲ့အချက် ဖြစ်နေပါတယ်။”

NDF ပါတီခေါင်းဆောင် ဦးခင်မောင်ဆွေ ပြောသွားတာ ဖြစ်ပါတယ်။

NDF ပါတီဟာ လက်ရှိမှာ ကိုယ်စားလှယ်လောင်း ၁၆၄ ဦး အမည်တင်သွင်းထားတဲ့ တတိယ အကြီးဆုံး ပါတီတခု
ဖြစ်ပါတယ်။ အစိုးရက ကျောထောက်နောက်ခံ ပေးထားတဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီကတော့
ကိုယ်စားလှယ်လောင်း ၁,၀၀၀ ကျော်နဲ့ အကြီးဆုံးပါတီဖြစ်ပြီး ဒုတိယက တိုင်းရင်းသား စည်းလုံးညီညွတ်ရေးပါတီ
ဖြစ်တဲ့ တစည ဖြစ်ပါတယ်။ အဲဒီပါတီကတော့ ကိုယ်စားလှယ်လောင်း ၉၀၀ ကျော် ရှိပါတယ်။

Source:http://www.voanews.com/burmese/news/myanmar-election-ndf-102253284.html