Yang Lasi na Libro

Bodingding..Pandot.. Wain da kamo? tawag ni Manay

Berta sang mga anak samtang yagaluto ng paniudto nilan.Kay
Anselmo, wain da yangaong mga iso?Wa pa sa ngani yang mga
dagtong sang sad ng bay,dugang ni Manay Berta.
Yang magasawa yagahuya sang butay na yapalibutan ng mga
tanom na madaigay
yang klase.Wa gayud plano ng ama na
magapaeskwela sang kanan mga iso.
Samtang ngadto sang lumbiya, yanagsaok yang maglumon,
aun ikita ni Bodingding. Adoy kay Pandot,unan yani?panguntana ni
Bodingding samtang yakakita ng lasi na libro.Inday sagaw. Wa sak
katigam daw unan yaan,tubag ni Pandot.Abay da kita ngadto bay
kay basin yamadaman
da silan amay aw apay.Paniudto da
kay,laong ni Pandot.
Silan Bodingding aw Pandot abay magda-da ng libro na lasi da
abir wa pa gayud silan katigam daw unan ngiyan. Pagabot ngadto
bay, yadaman yang ama na kadugay-dugay pagsagob na kalapit sa
lang gao ng lumbiya-yang saggobanan nilan.
Kinse anyos da si Bodingding aw trese anyos da si Pandot pero
wa pa gayod makaeskwela abir da grade one.Wa pa gayud katigam
magsuwat aw magbasa.Abay da lang gayud maglabon silan sang
butay .
Sang ka adlaw,yukaon si Manay Presing na gahuya sang
poblacion.Yakakita na gahawidhawid ng lasi na libro yang
maglumon.Ado kay Manay Berta, kalooy sa sining mga iso.Wa
pagayud yani manag-eskuwela?panguntana ni Manay Presing sang
lumon na si Manay Berta ,yang ina sining mga iso.
Yakadungog kay yang maglumon sang isulti ng tiya agaw sa
yusalig silan na mosugot yang ina.Sikira sa gao mosugot silang
amay aw apay, balawbalaw ni Bodingding sang lumon.
Pagpanaw ni Manay Presing, yanaglalis yang mag-asawa.Way
magabuot kanak!Di puyde na magaeskwela yaning mga iso! Amo da
sa gihapon , di sa makatabang.Tanawa yang anak ng sumbay mo,
wa sa makatiwas.Madayaw ngani kay mapuslan pa. Magatanom da
kita sunod buwan! paglitanya ni Mano Anselmo na yadamanay
gayud.Manyari ipugos kadi ng bakkug
na paibanaon yang mga iso pagkasunod balik ng tiya nilan.
Siyang dum , yanagsabut yang maglumon na manibat kun aun
sugo kanilan.Pagpalit kamo ng bagaw , odong aw tinapa kay aun
magapakyaw ng paglabon
sang uma, sugo ng ama sang
maglumon.
Masusom pa, gabaktas da silan Bodingding aw Pandot pasingod
poblacion.Pandot,ayaw pagsamok,ha.Di da kita mumuli ngadto
kanaton.Akadtonan da naton yang bay ni Tiya Persing para
makaeskwela kita. Dyadada ko kay ngaun laong ni Tiya Persing na

lasi na libro. Magapatudlo ako daw unon yani paggamit.Na, ikaw,

mosugot kaw? abay pagtiyab ni Bodingding samtang gabaktas
silan.Inday sagaw sini.Basin masakpan kita nilan amay aw apay,
tubag ni Pandot.
Yamabot da ng hapon, wa gayud yang maglumon uli. Yangita
da hinoon silan sang kanilan tiya.Wa kadugay, yakit-an gihapon
nilan .Ipadayon silan ni Manay Persing.Kay madayaw man gayud
manarabaho ngining mga anakon nan ,agaw sa yakauyunan gayod
ng tiya. Wa da sa isab mangita yang ginikanan nilan na adto bukid.
Ngadto sang bukid ,abay da magtiyaho yang ina nilan.Kay
Anselmo, unon da naton ngidtong mga iso?panguntana ni Manay
Berta na abay mag-ingoson.Kasamok sining utaw!Pasagdi
silan,iyak ni Mano Anselmo.
Yulabay da yang kinse ka tuig na wa managkita yang
magpamilya.Matikadong aw buyag da yang magasawa. Madaig da
yang pyagabati na sakit. Si Mano Anselmo di abay magkila samtang
si Manay Berta kay di da isab masyado magdungog.
Isa ka adlaw ,aun kay yuhunong na kotse sang payag ng
magasawa. Wa say yulapit bisan isa ka utaw kay way yukila.Yukawas
yang bubay na madayaway yang dagum aw madaig yang alahas
sang kanaan lawas.Wa pa gani makalapit sang payag kay abay da
magtiyaho.Pagsilib nan sang payag na maminagaway man,anamanama nan paglakis yang yakatabon sang pultahan aw dayon dagan
pasingud sang ina na gapuko
sang hagdanan.Wa gayud
makapugong si Bodingding paghangkop nang madayaw sang ina
sidto na panahon.Yanagtyinahoay da yang mag-ina nang madayaw.
Nay, pasayloa sa kami na yulayas kami sangaun. Yang kanami lang
gayud gusto na makaeskwela kami para makatabang kami
kamayo.Tay, pasayloa ako,hu..hu..hu, abay pagtiyaho naan na
yulapit da isab sang ama.Wa da isab kapugong yang ama nan aw
sige na da isab magtiyaho.
Sidto na adlaw isab , yumabot isab si Pandot kaiban yang
kanan asawa aw isa ka usog na anak na gaedad ng duwang ka tuig.
Yakatapos si Pandot ng engineering aw manager da adon sa isa ka
kompanya ng konstruksyon .Si Bodingding isa ka maestra pero
yaminyo ng datuay sang Poblacion Bayani.
Yang kamingaw ng payag , yapulihan ng kalipay kay
yagkita da gayud yang magpamilya. Sud sang dugay na
panahon.Yanagpinasayloay yang magpamilya aw yang kalipay di da
masukod sining panahon na yangkayipon silan tanan.
Nay, tungod sangaung libro na lasi agaw yangandoy kami
na matigam daw unon ngidto pagbasa . Salamatay sidto na libro na
hangtud adon ,pyagada-da ko pa gayud. Yadi kay, sabay pakita
sang kadaigan.Yanagkataw-anay da inon silan tanan tungod siyang
libro.
(MANDAYAN Language)

Submitted by:
ALDA B. PAWIN
Master Teacher-I
Grade Five Malugod Adviser
Rabat-Rocamora Mati Central Elementary School-I
Mati Central District
Division of Davao Oriental
Region XI
Department of Education
Contact No.: 09472898117
Email address:jonaldbpawin@yahoo.com