Jinghpaw Wunpawng Amyu Sha Hpung

Kachin National Organization

Email: info@kachinland.org, Website: www.kachinland.org

February 5th, 2010

Jinghpaw Wunpawng Amyu Sha Hpung a 49th ninghpring rawt malan n htoi n dau shabra
laika

1. Dai ni gaw Jinghpaw Wunpawng Amyu sha ni tinang a lu ra ai ahkaw ahkang hte rap ra ai ahkaw
ahkang lu na matu , amyu kaba lailen gumshen ladat hpe adawk agrawp kau mayu ai majaw rawt
malan hpang wa ai labau shang rawt malan nhtoi ladu hkrum ai hte maren rawt malan hkrum lam
hta asak ap nawng lai wa sai myu tsaw share shagan ni hpe myit kraw lawang ma hkra hte shawng
ningnan hkung ga jaw dat ga ai.
2. Rawt malan hkrum lam mayak mahkak law la ai raitim, hpye wa hpe n ding yawm, amyu sha lawt
lu lam hpe madung da let, tinang amyu sha mung masa ahkaw ahkang n lu ding sa lanknak lang
shakut nga ai Wunpawng Mungdan Shanglawt Hpyendap ( KIA) hpe arawng la shakawn shagrau
dat ga ai.
3. Dai ni na nhtoi lamang hta rawt malan hkrun lam laman sai salat, asak law law wa arang bang da sai
lam hpe n mai malap ai zawn, amyu sha ni lawt lu lam hkrun lam de du dep hkap shang lu wa na
matu rawt malan ninggam shatsaw nna, amyu sha yawng shang lawm ai Mung shawa rawt malan
hkrum lam de lahkam htawt sit let grau grau arang bang shakut ra ai lam hpe mung amyu sha ni
yawng hpang de shadum dat ga ai.
4. Ndai labau shang ninghtoi hta dai ni tinang amyu sha ni a Karai jaw ai Sali wunli rai nga ai Mali N
mai zup hpe jahten sharun, tinang amyu sha ni a htinghput hting ra ni hpe maja zing la nna, Mali
hka makau Mare kahtawng kaji kaba hteng za, tinang amyu sha mun sen ruk yak jam jau hkrum wa
mai ai ndai Mali Zup madim hpe Mung shawa ji n bang yawng lam amyu myu hku ja ja ninghkap ra
ai lam alak mi ga saw lajin dat nngai.
5. Karai jaw ai shadip jahpang lamu ga, htunghking ningli , a ga, makam masham, amyu ru sai ni hpe
makawp maga na gaw rawt malan u hpung u hpawng ni hta sha lit nga ai n rai, tinang amyu sha
mung shawa dinghkrai yawng hta lit nga ai hte maren, dai n ngut n hkre shi ai amyu hkye mung
hkye masing rawt malan hkrun lam, yi ngam magam hta n gun gahkyin lata gindun let hkum dek
shagu shang lawm sa wa ga ngu ga saw lajin dat ga ai.

1
UK Office: Thailand Office: India Office: USA Office: Denmark Office: Japan Office:
Tel: 44-1234 360 725, Email: kno_office@yahoo.com Email:kno_India@yahoo.com 5842 Stevens Forest Rd. #23 Tel: (45) 7543 7227 Email@ knojapan@yahoo.com
Tel : 44 – 798 562 1298 Columbia, MD 21034 Email:knodk@yahoo.co.uk
Fax: 44-208 568 2246, USA
Email: knoffice_uk@yahoo.com Email: kno_usa@yahoo.com
Fax: (443) 283.4016
 6. Teng man ai rawt malan hkrun lam re ai majaw awng padang ninglaw lu na mung teng sha rai nga
ai.
Jinghpaw Wunpawng Amyu Sha ni ------------ Lawt lu uga.
Jinghpaw Wunpawng Amyu Sha ni-------------Awngdang uga.
Jinghpaw Wunpawng Amyu Sha ni -------------Grin nga uga.

Ginjaw Komiti
Jinghpaw Wunpawng Amyu Sha Kongsi
Jinghpaw Wunpawng Amyu Sha Hpung

Matut mahkai
1. Duwa Mahkaw Hkun Sa, Ninggawn Amu madu- (001 8126799639, 001 8128577865)
2. Sadan Hkanhpa Tu, Ningtau Amu madu (0044 7950577051)

2
UK Office: Thailand Office: India Office: USA Office: Denmark Office: Japan Office:
Tel: 44-1234 360 725, Email: kno_office@yahoo.com Email:kno_India@yahoo.com 5842 Stevens Forest Rd. #23 Tel: (45) 7543 7227 Email@ knojapan@yahoo.com
Tel : 44 – 798 562 1298 Columbia, MD 21034 Email:knodk@yahoo.co.uk
Fax: 44-208 568 2246, USA
Email: knoffice_uk@yahoo.com Email: kno_usa@yahoo.com
Fax: (443) 283.4016