Atin ng alam mula pa sa pagkabata Syang isang daan tungo sa kapayapaan, Pambansang pagkakaisa at kaunlaran.
Minana natin ito sa ating ninuno
Pinanday ng panahon at itoy nabuo. Syang dahilan ng buhay at pagkakasundo Ng mga bayani na nagbuwis ng dugo.
Dati tayoy parang mga ibon sa hawla
Tunay na nasisiil at di makawala. Sapagkat tayo ay dinatnan na ng sigwa. Ikinulong at nagmukhang kaawa-awa.
Wika lamang ang ating pagkakakilanlan
Nagsisilbing pagkataot ating pangalan Kasama ng hininga hanggang kamatayan At di maiaalis ng kung sino pa man. Wika ang dahilan ng pagkawatak-watak Tulad ng tore ng babel na winasak Naway di maulit ng dugoy di dumanak, Sa halip,pagkakaisa ang maging anak.
Sating panahon marami na ang naglipana
Bagong teknolohiya satiy pamana Ngunit ang ating wikay naiwan na yata Hindi na sumulong, naiwang parang bata.
Kung di tayo lilingon sa pinanggalingan
Tyak di tayo darating sa paroroonan. Oh bayan! Wika nati ay huwag talikdan Pasulungin natin sa halip na talikuran.
Tayo ay nahahati ng sandaang pulo,
Kulturat pamumuhay, mga dialekto Ngunit naging isa, salamat Filipino! At hindi na mawawasak pa ng kung ano.
Kahabagin nawa tayo ng Poong bathala
Ng maging sang tunay na matatag na bansa Gamit ang regalo na ibinigay Nya Walang iba kundia ang ating wika.
Ipagmalaki natin ang wikang pambansa
Linangin pa natin at pagyamaning kusa Ang Wikang Filipino tungo sa kapayapaan At pag-unlad nitong ating inang bayan.