Googol Dhig Nin caalim ah oo jaamacad wax ka dhiga ayaa baadhista ku tilmaamay war dhuugnimo kuna dhamaato xog warran. Haddaynu faalo ka bixinno magaca buugani xambaarsan yahay oo ah dhacdo mataano ah oo aan muddo baadhisteeda ku jiray, waxaan ku bilaabayaa dhacdada Cumar Mukhtar. Waxaa filimkan aan soo dheegtay kana sameeyey dhacdadan runta iyo taariikhda ku salaysan. (The Characters in This Film Are Real and the Events Based On Historical Facts) taariikh iyo dhacdooyin runa isku soo wada duubo waxaa filimka sameeyey shirkadda. (Falcon International Production) Film editor (John Shirley) waxaaa mataaladda door weyn ka qaatay jilaaga caanka ah (Anthony Quin & Oliver Reed) Produced And Directed By Musapha Akkad) Waxyaabaha igu kalifay inaan dhacdadan wax ka qoro waxa ka mid ah bal inaan helo halgan gobanimeed iyo xasuuq ay sameeyeen taliskii faashiga ahaa ee Siyaad Barre bal cid samaysay oo dabadeed aad mataalad uga dhigtid. Maadama aanad hayn (Documentary Films and Movies) rasmiya oo aad ka raacdid sidii dadka Somaliland loo xasuuqay. ta labaad ee igu kaliftay inaan helo sidii layaabka lahayd ee SNM ugu halgantay Gobannimadan ee ay tustay taliskii faashiga ahaa dagaal faraha laga gubtay. Inaad hesho dhacdo taa la mida waxaan muddo raadiyaba waan ku guulaystay inaan helo dhacdo mataano ah. Waxaynu ku eegaynaa bal sida ay ku noqdeen dhacdo mataano ah taasoo aan u soo qaatay labada dhacdo waxyaabaha ay iskaga mid noqdeen oo ay ka mid ahaayeen dhinnaca xasuuqyada iyo dadka oo la cadaadiyo. Meelaha ilaha dhaqaalaha ah oo laga baabiyo, diyaarado lagu garaaco magaalooyinka waaweyn, xeelado is daba jooga oo gumaystaha iyo keligii taliyuhu ka siman yihiin. Waxaa ka mida dhacdooyinka ay ka mataanaysan yihiin guulaha ay gaadheen iyo hirdanka muga leh iyo xeeladaha leh gunta salka dheer ee ay adeegsanayeen jabhadaha doonayey inay la soo noqdaan gobanimadooda. waxaa iyana ka mid ahaa calool adayga labada jabhadood. Oo ahaa mid taariikhda galay sida Cumar u diiday inuu la heshiiyo General Grzaini, iyo jabhaddii SNM oo diidday inay isa soo dhiibto markii ay heshiiska kala saxeexdeen dawladdii faashiga ahayd ee Siyaad Barre iyo Mingistu. Oo ahaa markaa madaxweynihii Ethiopia. Cumar Mukhtar wuxuu waday gulfkiisii. SNM waxay ka door bidday inay isa soo dhiibto miidaamo ay ku soo galeen magaalooyinka Burco, iyo Hargeysa, taasoo ahayd mid ay dadka taariikhda wax ka qoraa ku tilmaameen biimihii ugu adkaa ee abid ay sameeyaan jabhad gobannimo doonaysa. Haddaynu eegno gulufkii Cumar Mukhtar iyo gulfkii SNM oo ahaa laba xilli oo kal fog sida ay taariikhdu qorayso. Xilligii Cumar waday gulufka hubaysan ee dalka Liibiya oo ku beegnayd 1912 -1931kii iyo SNM oo gulf ka waday dhulka Somaliland oo gobannimadiisa helay 1960 kii hase yeeshee ay ku dhacday ceel gun dheer oo dabadeed SNM u fuushay geed dheer iyo geed gaaban bal in mar kale ay ka soo saaraan ceelkaas. Xilligaas oo ku beegnayd 1981-kii ilaa 1991-kii ayeynu ku eegaynaa qormadeenan. Aan ku horrayno Cumar Mukhtar wuxuu dagaal la galay gumaysigii talyaaniga waxa Cumar muujiyey wacdarro layaab leh sida dagaaladii buurta oo uu ka soo reebay guuto dhan gaadhi iyo laba xidigle Sandariini, Wuxuu cagta mariyey ciidan gaadh ka ahaa dad maxaabiisa, oo lagu hayey meel kaama oo jooga dhul gabaahiira wuxuu gubay oo ka dhigay fiin firidhay xero ay yiileen saanad Milateri iyo kayd shidaal. Wuxuu difaac adag ka galay oo khasaare naf iyo maalba lihi ku dhaceen ciidankii Cumar. Qabsashadii laga qabsaday Cumar magaalada KUFRA wuxuu Cumar diiday heshiiskii uu waday colonel Diyoo Dishti. Waxaa kale oo uu diiday heshiiskii uu waday saaxiibkii Shaarif al-Qaryaani. Waxaa lagu dagaalamay diyaarado iyo sunta gaaska waxaa uu ka galay buuraha dhufays adag Kufra waxa lagu garaacay diyaarado iyo maadiifcda ridada dheer. Waxaa ciidankiisii soo gaadhay khasaare badan wuxuu isna u galay biriijka Kufra bannaankiisa wuxuu cagta mariyey gaas dhan waxaa haleeshay General Graziani anfariir iyo inuu dhexda farta ka qaniino. Wuxuu aakhirkii qaylo dhaan ula tegay Mussolini. Waxaa la soo siiyey kharash badan iyo aalado ka samaysan qodax bira oo lagu xidhayo xuduudda Masar,. iyo Liibiya, xuduudkaasoo laga xidhayey saanadda milateri ee uga imanaysay ciidanka Cumar dalka Masar.
Googol Dhig Waxaa ciidankiisii soo gaadhay khasaare badan wuxuu isna u galay biriijka Kufra bannaankiisa wuxuu cagta mariyey gaas dhan waxaa haleeshay General Graziani anfariir iyo inuu dhexda farta ka qaniino. Wuxuu aakhirkii qaylo dhaan ula tegay Mussolini. Waxaa la soo siiyey kharash badan iyo aalado ka samaysan qodax bira oo lagu xidhayo xuduudda Masar,. iyo Liibiya, xuduudkaasoo laga xidhayey saanadda milateri ee uga imanaysay ciidanka Cumar dalka Masar. Haddaynu intaa kaga gudubno bal aan milic sanno dhacdada kale waxaan ka cudur daaranayaa anigoo aan ku dhamaystirin buugan gebi ahaanba gulufkii ay wadday jabhadda SNM oo aan soo qaatay dhacdooyin aan xasuusinayo sida gobannimadan loogu soo halgamay. Waxaa ka mid ahaa sida SNM looga biqi jiray ka dib gelitaankii buuraha, sida looga baqo aarkii daboole oo ahaa aar reer guuraagii ku noolaa geyiga soomaliland land aanay dhaban jirin habeen iyo maalinba. Waxaan ku soo qaaday dhacdooyinkii SNM ay kaga guulaysteen taliskii faashiga ahaa magaalooyinka burco iyo hargeysa. Waxaan ku soo qaaday waraysi caan ahaa oo ay bbc kaga hadashay gelitaanki iyo qabsashadii SNM magaalada Burco warkaas oo ay anfariir ka qaadeen markii dhegahooda ay ku maqleen SNM oo haysta magaalada Burco. taliskii faashiga ahaa marka laga bilaabo maalintaa dhaban ma dhigi jirin waxayna ku noqotay mid ay dhegtu taagan tahay oo dhiilo badani la soo deristay. Dhacdooyinka aan ku soo qaaday buugan la magac baxay dhacdo mataano ah waxaa ka mida guul daradii la soo gudboonaatay taliskii faashiga ahaa markii ay duulaan soo qaadeen ciidamadii danab la odhan jiray oo xarruntoodu ahayd cadaadley. Oo dagaal ku soo qaaday magaalada burco xilli ay jabhadda SNM gacanta ku hayso . Ciidankaas oo qosol iyo rayn rayn ku soo fuulay baabuurtii ay wateen hase yeeshee markii ay soo gaadheen duleedka magaalada Burco la waayey meel ay jaan iyo cidhib dhigeen. Waxaa ka mida waxyaabaha aan ku soo qaaday dhacdadan mataanaha ah xasuuqyadii aan loo miidaan deyin oo uu sameeyey taliskii faashiga ahaa oo aan ku soo qaatay xasuuqii jasiira , xasuuqii kal shiikh kuwaasoo noqday xabaalo wadareedyada kala ah xabaalaha, gubatada ee kal sheikh, xabaalaha birmagaydada ee duleedka magaalada Burco. xabaalaha maatada, oo ku yaal duleedka magaalada xaydh ducato, xasuuqii maLko durduro , xasuuqii gabiley . Maxakamadihii geele , kiiskii mucjisada reebay ee caan baxay oo dhex maray cali wadaad iyo taliskii faashiga ahaa magaalada burco kiiskaas caan baxay oo lagu soo eedeeyey cali ahaana magaciisu tujiye iideed laguna xukumay cali dil hase yeeshee qadderka eebe isagoo cali ku xidhan xabsiga dhexe SNM ka jebisay jeelkii jimcihii mey ahayd 27 1988kii waxyaabaha kale ee aan ku soo qaaday waxaa ka mid ahaa filimkii laga duubay magaalada hargeysa oo ay jabhaddu ka duubtay magaalada hargeysa xilligii ay dagaalka ku soo gashay oo ay ugu mudnayd uguna xiiso badnayd SNM oo gacanta ku haysa radio Hargeysa .iyo geed deeble oo ay ku qabteen shiinihii joogay oo leh waddanka SNM baa haysata oo si wanaagsan noola macaamishay. ,Filim qaadihii qaadayey filimka wuxuu qaaday muuqaal hargeysa oo markii ugu horaysay taariikhda diyaaraddii fadhiday madaarkii magaaladii la rabay inay cadawga ka difaacdo iyadu dib u duqaysay Mig 17 .Oo noqotay taalo ku taala caasimadda soomaaliland hargeysa si ay u noqoto taariikh ma guuraana oo jiil ilaa jiil gaadha, noqotayna diyaaraddii xaga taariikhda marka laga eegayo Enola Gay oo ahayd diyaarraddii bamka ku ridday Hiroshima iyo Nagasaki . Haddaan intaa ku soo koobo labadan dhacdo waxaan uga jeedaa in dadku ogaadaan sida loogu soo halgamay gobannimadan. Iyadoo ay mudan yihiin in lagu qoro marka laga eegayo xaga taariikhaha abaalmarinta loo yaqaan Wisaam Sharaf oo ah baal dahaba oo taariikhda ku qormaya wixii dhintay rabbi naxariistii janno ha ka waraabiyo. Inta nool alla ah u siyaadiyo. Waxaad reebteen taariikh noqonaysa mid gashay Baal Dahaba. Iyo sida ay dadku ugu hureen naf iyo maalba markii ay iska kicinayeen heeryadii gumaysiga keligii taliyihii faashiga ahaa ee xilligaas. Oo ku beegnaa 1981ilaa 1991 iyagoo doonayey aayatiin iyo gabannimo lagu qaboobo oo astaanteedu tahay muuqaalkan quruxda iyo bilicda badan.
Qabsashadii Libiya Ee Talyaaniga Qarnigii 20aad Bilawgii Qarnigii 20aad waxa haleelay dunida dacaladeeda dagaalo keenay dhibaato badan taas oo ay gumaystayaashu doonayeen inay helaan hanti iyo dhul ay qabsadaan gunteeduna ahayd dhul boob iyo adoonsi. Hadaba waxa aynu qormadan ku eegaynaa riyooyinkii ay gumaystayaashu ku doonayeen inay noqoto mid meelmarta, waxaana arinta qayb ka noqday wadankii Talyaaniga waxaana uu bilaabay 1911-kii is-balaadhin dhinaca dhulka ah taas oo uu soo jibaaxay badda cad kuna soo beegay socdaalka dhuldoonka ah oo uu ka bilaabay magaalooyinka ku yaala Libya ee Tripoli iyo Benghazi, waxay ujeedada Talyaanigu ahayd inay qabsadaan magaalooyinka Banghazi, Sirta, Saaba, Dirna iyo Duburuq, balse waxa ka hor timid ciidamda Talyaaniga dhaabaato hor leh iyo iska caabin xoog leh taas dadku ay diidanaayeen gumaysiga dhulkooda yimid. Hase yeeshee wuxuu arinku is badalay Jahawareerna dhacay Sannadkii 1922-kii Markii uu la wareegay xukunka dalka Talyaaniga Ma-Jixin-jixe Benito Mussolini, isbedelkaa ka dhacay waddankii Talyaaniguna wuxuu sii huriyey oo uu sii adkeeyey qabsashadii waddankii Liibiya. Waxaanay keentay in shacabka Liibiya ay sii wadaan la dagaalanka gumaysigii Talyaaniga iyo xukunkii faashiga ahaa ee ma-jixin-jixe Benito Mussolini. Haddaba markii uu xukunka la wareegay Mussolini talada dalka Talyaaniga wuxuu khudbadiisii ugu horraysay meel fagaare ah oo il-yartu is qabatay kaga dhawaaqay weedhahan. Waa inaynu qabsanaa dhulka oo aynu gaadhnaa meel sare, oo xadaaradeenu gaadhaa caalamka, oo aynu ku fidnaa carriga. Waxa soo gaadhay Mussolini sida muuqaalkani ku tusayo dad la tooganayo oo la laayey waxaana loo keenay sawiradii Mussolini isagoo ku dhawaaqaya waxaan doonayaa dad badan oo la laayo. Wuxuuna sheegay, isagoo hadalkiisii sii wata Haddaynu jebinay dadkii badawda ahaa waa maxay haddana dhawaaqyada isoo gaadhaya ee dhegahayga ku soo dhacaya ee la leeyahay wax baa la laayey oo ciidamadii khasaare ayaa soo gaadhay. Waa maxay arrintaasi waa laba war oo is khilaafsan, oo kala jaad ah. Midi wuxuu sheegayaa guulo, midna khasaare iyo guul darro wax la aqbali karo maaha. Haddii aad tihiin madaxdii ciidamada ma aqbali karo inay dhegahaygu maqlaan waxaan guul ahayn iyo in la laayey dadkii badawda ahaa. Mussolini intuu ushii ka qaatay mid ka mid ah xoghayntii ayuu la dul tegay map amase khariidad amase tusmooyin ku yaalay xafiiskiisa. Wuxuu leeyahay bal eega dhulkaa quruxda badan ee dooga ah waar bal eega quruxda ishu qabanayso ee bilicda leh idinkaa abaal marin u qaadanaya oo leh oo ku raaxaysanaya, iyagu badawdu waxba ma leh. Waxaynu sugaynaa inta la cidhib tirayo oo qaadanaysa wakhti yar. Wuxuu la hadlayaa General Graziani sida muuqaalkani ku tusayo markii uu dhameeyey wadahadalkii u socday isaga iyo madaxdii ciidamada ayuu gooni ugu yeedhay Graziani. Waxay ka soo baxeen hoolkii shirku ka socday way isa soo raaceen Mussolini iyo Graziani waxay soo mareen waddo dhex marta xarruntii madaxtooyada ee uu deganaa oo askari salaan la taagan tahay. Waxa dhex maray Mussolini iyo General Graziani, Mussolini ayaa hadalkii bilaabaya isagoo leh Waxaynu dagaalkan ku jirnay muddo labaatan sannadood ah oo aynu dadkan badawda ah la dagaalamaynay waxaa ciidamadeena soo gaadhay dhibaato badan. Intii arrinkaasu socday waxaan magacaabay shantii sanadood ee u dambeeyey shan xukuumadood oo isaga kala dambeeyey Liibiya. Isagoo hadalkii sii wada ayuu mar qudha is taagay Mussolini isagoo cadhaysan waxaanu yidhi Ma ogolaanayo ciidanka faashiga ahi dhexdhexaad. La Soco. Dhacdooyin Mataano Ah, Somaliland 1981-1991-kii Iyo Liibiya 1912 1931-kii Qore: Cismaan Saalax Faarax (Q4aad)
Qabsashadii Libiya Ee Talyaaniga Qarnigii 20aad Intii arrinkaasu socday waxaan magacaabay shantii sanadood ee u dambeeyey shan xukuumadood oo isaga kala dambeeyey Liibiya. Isagoo hadalkii sii wada ayuu mar qudha is taagay Mussolini isagoo cadhaysan waxaanu yidhi Ma ogolaanayo ciidanka faashiga ahi dhexdhexaad. Socodkii halkii baa laga sii waday. Waxaan u baahanahay in uu ka dhasho Liibiya isbedel cusub, waar horta General waxaan ku weydiiyey waxan aan la dagaalamaynaa ma ciidamo xoogan oo wax cidhib tirayaa, miyaanay ahayn dadkan yaree badawda ee jooga meelahaa. Waxaan kaa doonayaa haddaad tahay General Graziani inaad ii keento hogaamiyahooda ugu sarreeya. Kacdoonka Liibiya ka socdana aad degdeg u joojisid. Oo waxaan ku weydiiyey General Graziani. Maxaa la yidhaahdaa ninka badawda wata. Wuxuu Graziani ugu jawaabay waxaa la yidhaahdaa Cumar Mukhtar dabeedna way is taageen oo uu Mussolini jees jeesay, oo marba dhinnac eegay ayuu yidhi Cumar Mukhtar, Cumar Mukhtar. Waxay aakhirkii soo wada galeen xafiiskii Mussolini. Wuxuu wakhtigaa ahaa Mussolini mid aad u cadhaysan. Dabeedna markii uu cabaar kelyaha is qabtay oo marba dhinnac u jeestay, isagoo weli genaraalkii taagan yahay ayuu intuu kursigiisii ku fadhiistay. Haddana Mussolini hadalkii bilaabay, wuxuu yidhi Ma ogatahay Graziani in ciidamadii aan u dirayey liibiya, ay i kelifeen khasaare maaliyadeed oo aan laga soo waaqsan I galiyeen. Waxay ku degayeen hoteelo qaaliya waxaan u malaynayaa wax baa khaldan oo is weydaarsan, ma aqbalayo in badawdu ay dagaal sii wadaan oo ay is yidhaahdaan joojiya afartan milyan oo Talyaani ah. Waxaan kuu doortay haddaad tahay General Graziani inaad tagto Liibiya waayo markaad Liibiya tagto waxay ugu yaraan ka baqayaan magacaaga. Intaa ka dib waxa jawaabay General Graziani isagoo leh mudane, madaxweyne waan aqbalay dalabkii aad ii soo jeedisay. Waana gudanayaa waajibkayga, sida ugu haboon waanan bakhtiin doonaa colaadda geyigaa ka aloosan sida ugu dhakhsaha badan uguna nadiifsan. Mussolini isagoo jees jeesaya ayuu weydiiyey Grazaini waar horta ninkan badawda hogaaminaya muxuu ahaa kacdoonka ka hor. Wuxuu Graziani ku jawaabay wuxuu ahaa macallin. Mussolini ayaa hadallkii qaatay isagoo jees jeesaya, anba waxaan ahaa macallin wuxuu uga digay Graziani inaanu ku fashilmin sidii shantii hore ee xukuumadood ee uu diray Liibiya ay ugu fashilmeen. Wuxuu intaa ku daray waxaan jeclahay haddaan ahay Mussolini xarakada. Qabo Liibiya yaa General Graziani marka iminka laga bilaabo intaa ka dib generaalkii wuu salaamay wuuna ka jeestay si uu baxo. Hase yeeshee Mussolini intuu qayliyey ayuu soo jeediyey Graziani kuna dhawaaqay Weedhahan. Yaa Graziani ii keen Cumar Mukhtar isagoo nool ama isagoo dhintay. Halkaa ayaa lagu kala tegay waxaynu qormadan ku eegaynaa bal wixii ay kala muteen, general Graziani iyo Cumar Mukhtar. Markii ay halkaa ku dhamaysteen wadahadalkii iyo dardaarankii adkaa ee dhex maray, general Graziani iyo Mussolini, Graziani wuxuu soo qabtay Liibiya. Haddaba wakhtigaa uu yimi Graziani Liibiya Cumar wuxuu dhigayey malcaamad quraan, isagoo si wanaagsan u fahamsiin jiray ardayda Quraanka.
Haddaba muuqaalkani waa Cumar oo dhex fadhiya malcaamaddii uu quraanka ka dhigi jiray. Sharxaya suuradda Arraxmaan isagoo suaalo weydiinaya ardayda marba mid oo uu leeyahay waxaa Illaahay u sameeyey wax walba miisaan. Haddaba isagoo ardaydii la hadlaya ayaa waxa si kedisa tuuladii u soo maray aroos, arooskaa ayaa ardaydii ku yaacday waxa ka hadhay oo qudha kabiirkii malcaamadda iyo Cumar. Markaas baa Cumar la hadlay oo ku yidhi waar maxaad adiguna u tegi weyday. Dabeedna inankii ardayda ugu weynaa isna wuu tegay, halkaas ayaa arooskii laga qayb galay oo ciyaartu is jiidhay. Cumar isaguna mar dambe ayuu yimi meel u dhow goobta xafladda aroosku ka socotay. Waxaa dabeed dhacday arooskii oo socda ayaa waxa si kedisa usoo gaadhay goobtii xafladda aroosku ka socotay nin Faras wata oo ahaa ragii ciidamada jabhadda ka mid ahaa kaas oo intuu Faraskii ka degay weydiiyey dadkii goobta arooska ku sugnaa Cumar. Waxay ugu jawaabeen waaka Cumar halkaa jooga. Dabeedna wuxuu u yimi Cumar oo aan goobta waxba ka fogayn dabeedna faq bay wada galeen ninkii u yimi Cumar oo ahaa magaciisu Boomataani. Dabeedna Cumar ayaa salaamay si heer sare ah wuxuuna Cumar ku yidhi, war bal warran Boomataani, maxaad war haysaa, dabeedna iyagoo saddex qof oo keliya ayaa Boomataani uu bilaabay hadalkii wuxuu ku yidhi Cumar waxa ina soo gaadhay war ah inuu imanayo nin lagu magaacabay General Gaziani oo sida igu maqaalo ah la yidhi waa ma naxe gurintir ah. Cumar baa u jawaab celiyey oo yidhi Waan gartay macna ma leh, waxay inoo soo diraan sidii caadada u ahayd gumaystaha mid ay ku sheegaan libaaxyo hadhowna noqda riyo dhaawacmay. Markaa ha u biqin aabahay waxaan ka hayaa darbadaha kaaga dhaca dhabarka ee aan dhabarka ku jebin waxaa laga sii qaadaa awood badni. Markaa waxaan Boomataani ku weydiiyey maxaa lagu yidhi oo kale. Waxa laygu yidhi Cumarow ninkani waa mid jecel dhiiga. Waan gartay haddaba Boomataaniyow hadduu Graziani dhiig jecel yahay sheekooyinkaa ma dhegaysto. Dabeedna sida muuqaalkani ku tusayo Cumar wuxuu galay gurigiisii wuxuuna kala soo baxay qorriga loo yaqaan Jidh-Jidh-geedh amase Reyfal ee waagaa la isticimaali jiray. Wuxuuna yidhi Waan rumaysanayaa sheekada Graziani ee ah inuu dhiig jecel yahay. Laakiin ha arko awoodda aanu leenahay oo waxaan Boomataani ku weydiiyey goormuu imanayaa ninkaa la sheegay?. Dabeed Boomataani baa Cumar ku yidhi Dhawaan baa laga yaabaa in lagu soo dhaweeyo magaalada Benghazi. Hase yeeshee wuxuu Cumar hadalkiisii ku soo gabagebeeyey ha arko Graziani awoodda aanu leenahay. Intaa ka dibna waa la kala dhaqaaqay. Haddaba bal aan milicsanno, sidii Graziani loo soo dhaweeyey markii uu Liibiya soo gaadhay. General Graziani waxa lagu soo dhaweeyey goob ilyartu is qabatay oo xaflada.Waxaana loo sheegay dadkii xafladda ka soo qayb galay in loo soo magacaabay Graziani waddanka Liibiya uuna ka talin doono. Waxa lays baray masuuliyiintii ciidamada ee halkaa ku sugnayd Graziani isna waa ku farxay sidii loo soo dhaweeyey. Ragii madaxda ahaa ee halkaa laysku baray sida muuqaalkani ku tusayo, waxaa ka mid ahaa Colonel, Tomeli, Colonel Sarsaani, Colonel Diyoo Dishti. Waxaa hadalo is weydaarsaday Colonel Diyoo Dishti iyo Graziani. Wuxuu Graziani ku yidhi Diyoo Dishti, waar waan ogahay inaad isku dayday inaad la heshiiso Cumar Mukhtar. Anigu waxaa kama helo waxaan doonayaa in la cidhib tiro ma garatay. Waayo waxaynu ka nabad gelaynaa dhibaatadooda sidaa ayuu ku soo gabagebeeyey General Graziani. La Soco. Dhacdooyin Mataano Ah, Somaliland 1981-1991-kii Iyo Liibiya 1912 1931-kii Qore: Cismaan Saalax Faarax (Q6aad)
Qabsashadii Libiya Ee Talyaaniga Qarnigii 20aad Wuxuu Graziani ku yidhi Diyoo Dishti, waar waan ogahay inaad isku dayday inaad la heshiiso Cumar Mukhtar. Anigu waxaa kama helo waxaan doonayaa in la cidhib tiro ma garatay. Waayo waxaynu ka nabad gelaynaa dhibaatadooda sidaa ayuu ku soo gabagebeeyey General Graziani. Haddaba iyadoo weli ay socoto xafladdii soo dhaweynta ayaa waxa Graziani la tusay oo loo tilmaamay nin ku sugnaa xafladda oo la odhan jiray Shaarif al-Qaryaani. Waxa hoos loogu sheegay in ninkan iyo Cumar Mukhtar ay saaxiib ay ahaayeen berrigii ay yaraayeen waxna ka qaban karo inuu ina dhex dhexaadiyo innaga iyo Cumar Mukhtar. Dabeedna Graziani wuxuu yidhi bal u yeedha ninkan aad sheegaysaan. Isla goobtii ayaa loogu yeedhay. Way isu warameen Graziani wuxuu weydiiyey ninkan ma noo soo gacan gelinaysaa dabeed Shaarifkii wuxuu yidhi waar aan wax kuu sheego ninkani waa nin adag sahal looguma tegi karo. Markaa waan isku dayi inaan arrinta wax ka galo wuxuu Graziani ku jawaabay dee iska orod haddaa annagaa arrimahayaga maamulane. Waxaa haddaba dhacday iyadoo goobtii la joogo ayaa waxa si kedisa u soo galay xafladdii soo dhaweynta General Graziani nin ciidamada ka tirsan oo ah laba xidigle Jenery isagoo sida farriin degdeg ah oo ku socota General Graziani. Sarkaalkani wuxuu u dhiibay warqaddii Graziani wuxuu ku yidhi Graziani waar maad warqadda horta iga deysid niman masuuliin ah oo ciidamada oo marti ii ah baan la joogaa. Wuxuu sarkaalkii ku yidhi waa warqad degdeg ah dabeedna wuxuu ku yidhi Graziani madaxdii ciidamada ee uu la joogay. Waar bal raali iga ahaada oo wax yar isuga intaan warqadda eegayo, dabeed warqaddii ayuu furay mise waxaa ku qoran ciidamadii talyaaniga waxaa Cumar Mukhtar ka dilay 20 dhimasho ah iyo 50 dhaawaca. Dabeedna intuu cadho jiq yidhi Graziani oo isbedel ku dhacay ayaa wuxuu ku jeestay saraakiishii ciidamada wuxuuna ku yidhi waar maxaa beenta iigu sheegaysaan ee u lahaydeen dhibi ma jirto. Haa waa meel la hantiyey oo badawdu hantiday oo ay maalinba ciidamada talyaaniga laynayaan ma dhici karto waar ina keena haddaa tihiin madaxdii ciidamada waar waa inaa talaabo adag qaadaan dabeedna wuxuu la tegay meel xafiisa. Wuxuu kala daalay madaxdii ciidamada cannaan iyo caga juglayn. Isagoo leh ma aqbali karo sidan wax u dhaceen, waxaan idiin sheegayaa waa in la cidhib tiraa jabhaddan oo dhegta dhiiga loo daraa. Colonel Tomali waxaan kuu sheegayaa waa inaad qaadataa quwad millateri oo xoog badan oo aad waxyeelo badan gaadhsiisaa ciidanka Cumar Mukhtar. Wuxuu ku daray badawdu intay saddex bilood dagaalamaan, ayey tuulooyinka ku joogaan saddex bilood kale nabad. Sarkaal Tomali ma jirto nabad lagu fadhiyayaa, arlada waar ma garatay magaalo ama tuulo nabad lagu fadhiyayaa yey dhicin. Haddaba baal aan eegno sidii tomali oo ahaa sarkaalkii sida ba,an loo soo cannaantay, lana soo siiyey amarka aad u adag iyo dardaaranka aanay haba yaraatee ku jirin wax naxariisi. Gumaadkii uu sameeyey Colonel Tomali aan milicsanno, adigoo akhristaha qaderrinta iga mudanow ogaanaya ,sida gumaysiga iyo keligii taliyihii, Siyaad Barre sida ay ciidamadiisu yeeli jireen ka arkaaya muuqaaladan oo kale. Darreena aad ka qaadanaysid qaabka iyo meelaha ay iskaga mid ahaayeen gumaysiga iyo maamulkii keligii taliyihii Siyaad Barre. Markii uu dhameeyey warbixintii iyo amarradii kululaa iyo dardaarankii Graziani uu siinayey hogaamiyaasha ciidamada ayaa , waxaa soo duulay ciidankii oo uu hagaaminayey colonel Tomali .Waxay ku soo duuleen dhulkii uu deganaa Cumar Mukhtar iyo shacabkiisu haddaba muuqaalkani wuxuu ku tusayaa.
Entrepreneurial Skills and Intention of Grade 12 Senior High School Students in Public Schools in Candelaria Quezon A Comprehensive Guide in Entrepreneurial Readiness