VECHJIGIA TO VECHJIRIIWO TEXTO BSICO 2014

PRESENTACIN Eto pjoka 'motnaeko taetekpogne te awupe tkijare Vechjigia to Vechjiriiwo, tyomo tamutu to tatiwgiene naetkogneyre eno tkarawo'onore no timitkora'ono, wo takaejra to tajiira, tkoy'e to aajuaveto vechaemchiiyore to wjiirayre to vechjiriiwo, to vokariono ompacho, vokariono tyupi ene to vokariono tyupemono. Pjoka ajuraeko naechosi no timitkora'ono, nayeeruwo te naemtone puejchu naetka oo nakoyaemyore, oo najichyore to naemit'sirayore eno mitrekono, o no 'pomriono 'chaonono nawoo'ognena naetka to naechjiriiwo eno tmojoroonano trinranoo, tyomo to takoyaemrayre, tamutu to takaemra, to jonetika, to vokariono ompcho, to vokariono tyupiono ene etopo vokariono tyupemono. Tawoo'otse to akarawo'gienenajicha naemnaksariono timitkora'ono ene wo

akaemtisko te tamutu vit'sira tatiwo tnekchowo vemoti to taye'e aajuaveto tomuire vitka to vokariono ene tapuemmawo titekpu'ochovi to vechaemchirayore to vit'sirayore wechogieneyore, eto mmetoko'e nchamriono akarawo'gienenajicha mraka pjoka ajuraeko te vechjiriiwo tmojoroonano Trinranono, tyuri to itekpira tae'to iyow'ompoo'i tow'o to akarawo'iiyore.

Ma taepyako. Prof. Benigno Yubnure Ichu

TATIWGIENE VYARAWO'YORE Vechjirigiapo: Te pjoka tatiwgiene vyarawo'yore. Vim'a jmani naem'iyono.

To vitrerepyono tmojoroonano trinranono. P - Pjichrokwoo'i Juanu. J Nuurichu Peru. Eto vyowsaampoo'i tamutu tkijariono vim'a: Nuurichu Peru. Taa taejare to pyowsa Juanu. Aa eto taejare San Myere. Aa tyuunanaji. Entako'e Pedro.

P Juanu, pimoti towkojamiipiono.

Oyna sache te taetekpuirawo Juan.

J _wo'i Peru nwoo'o naemoti, pimitkanu. Tyuri Juan vim'okkarine. Vim'okkarine Peru.

Mopona sache vyaje te une.

TO JAMIIPIONO

Pejamikpo nochko

Nejamikpo namri

Tuprigioopo tata

Tuprigioopo nchicha

Kopereoopo meme

kopereoopo nchicha

Yotyoopo napyaru

Yotyoopo nchera

To naem'i pnoni tkowsano te peti, takove'signe te Internet.

WAKAEMTONE Eto jmani nakojamiipyono no tmojoroonano trinranono eto 'ponano to nakojamirisra, tomuire te 'tuppri'o yoti taechjikkonrii etotse tyomowo tae'to tmikurikono no asanturano tomuire tae'to nejaraem'iyono. Vyajcha api'e jmani jamiipiono. 1. Pejamikpo Venino.Nejamikpo Mariya ... 2. Tuprigioopo. Tuprigioopo..

3. Kopereoopo.Kopereoopo. 4. Yotyoopo.. 5. 'Tupprik'opo yoti

WAKAEMTONE 'Po'ewore vyajcha to jamiipyono te pjoka kuararu TECHJISRAWO. P. T. K. Y. T. TAJIKPOROPI. N. T K.. Y.. T..

VEMOTI TO VYE'E AAJUAVETO Eto pjoka vye'e aajuaveto taekmuna taye'e tae'to vechjiriiwo ene Vyajchoyre tamutu to iypomrerono viti tmojoroonano trinranono.

A E K OO T UU

AA EE KY P TY V

AE GI M PY T'Y VY

AEE I N R TS W

AEI II S T'S Y

CH J O SY U 'GLOTAL

TO VOKARIONO

TO VOKARIONO OMPACHO Vemoti tamutu. A E I O U

TO VOKARIONO TYUPYONO Vemoti tamutu. AA EE II OO UU

TO VOKARIONO TYUPEMONO Vemoti tamutu. AE AEE AEI

WAKAEMTONE Vyajcha to vechjiriiwo tae'to vokariono ompacho, Tyupi ene tyupemono. Vokariono ompacho /a/ achu /e/ etona /i/ ichi /o/ ompacho /u/ uchu Vokariono tyupyono /aa/ ku /ee/ Eeterio /ii/ Iimuigia /oo/ Ooyo /uu/ Uupe Vakariono tyupemono . . . . .

To ichi eto tajanemuri to iyono.

/ae/ Eako . /aee/ Aeesaka . /aei/ Aeiyma . Escribe ms palabras con las letras del cuadro /P/ /Ch/ /R/ /S/ /T/ Africadas /ky/ kyara /py/ pyana /Sy sye'e /Ty/ tyamo /ts tsatsaji /vy/ vyana Glotalizadas /Ty/ /Ts/ t'yono t'siso paturi Chukrate rata sponi tata
Ma Eeterio makochane su mati.

. .

Vyajcha jmani 'pomriono takajugieono. Echjirigiapo Wo akukomtinakapo 'Tume'ena Wo akekompuuriko Akompurawo . . . . .

Pnoni 'moperunano tyuumutono.

VYAJCHA JMANI TAKAJUGIEONO TE ORASIONE Iypona to tapiku jmani takajugieono te pjoka kuararu ene vyajcha api'e. Raetrano Vyapaecha vyajcha jmani takajugieono te pjoka kuararu A AA AE AEE AEI CH E EE GI I II J K KY M N O OO P PY achu Aamutu Aeko Aeesaka Kaeicha Cheruji Etona Eeye Giyo Iti Iimuigia Juiti Kope kyara Moto Natturaji ug'a O'e Ooyo Peti Pyowku'a . . . . . . . . . . . . . . . . . . . . .
8

.. .. .. .. .. .. .. .. .. .. .. .. .. .. .. .. .. ........................ .. .. ..

R S SY T TY T'Y TS T'S U UU V VY W Y

Rosario Seti Syowno Tata Tyuunisi T'yakaeru Tsatsagi T'siso Une Uupe Vite Vyana Wariku Yona

. . . . . . . . . . . . . . .

.. .. .. .. .. .. .. .. .. .. .. .. .. .. ..

'GLOTAL 'Moyo

Te tamutu jmani 'motnaekono, eto naetrerepi eno tmojoroonano trinranono.

WAKAEMTONEWORE PJOKA 'PONA TATUPA Vechjirigiapo:

M - Pjichrokwoo'i Jose? J Nuurichu Mariya.

M-Jose pemoti to vimeruchrawono? J -WoI wo naemoti Mariya. M Tyuri Jose juiti pimot'yoraepo. JTyuri Mariya naetyoko to juiti nitkoyrepo. M Entako'e Jose, nwoo'o to pitkognaenajicha mraka. JMariya wtanka vjicha to naet'sirena no vjaonono nomuire.

M -Jose tyurigienejicha to 'pomraeru? J Entako'e Mariya. M Jose pimkatakanu iykumutka no wjaonono te sawaru. J Ene wjicha Mariya waamutu piti 'ponkore. M Tyuri Jose, vim'okkarine. J-Vim'okkarine Mariya.

10

TO VIMERUCHRAWONO Vyajcha api'e ene vyapecha to vimeruchrawono te pjoka kuararu.

Takajusi te vechjiriiwo Nuti Piti Ema Ei Esu Eto Viti Eti Eno Muena Naeno/a

Takajusi te kasterianu Yo Tu El El Ella El, La, Los Nosotros Ustedes Ellos Aquel Aquellos/ llas

Vyacha jmani takajugieono .............. .. .. .. .. .. .. .. .. .. .. .. .. ..

Vyacha jmani takajugieono .. .. .. .. .. .. .. .. .. .. .. . .. .. ..

Pena ena Psena 'saena

Aquel Aquel Aquella Aquella

Nuti nuusamre

Piti pimokopo

Ema muemooroko

TKOWSA TE PETI
11

Nochko

Notse

Meme

Tata 'Moyo

'Moperuna

'Moperuna

Vjira ene vecha taa najicho pnoni tkowsano te peti

Pnoni 'chaono tnikono te tuprigi sache ene tyuumutono te nanisra, jae'chu tyuri to naetorisra.

12

WAKAEMTONE Iyapecha iyajcha api'e jmani takajugieono te pjoka kuararu naejare no tkowsano te peti. Tata Meme Nchicha Mporape Ati Nochko Notse Namri Nchina Nchineno Nimchuko Nimse Napyaru Napemru Nchera Nacherakokono Nkuaru Nkuara Nchicharape Niyara'o . . . . . . . . . . . . . . . . .. .. .. .. .. .. .. . . . . . . . .. .. . .

- Ma tata ema 'chane tyurigienejicha ene tkunenu tae'to 'moyonurich'o.

- Su meme esu 'seno 'chope to suriwogne taetsrareknu ene tkunenu. - Ma nochko ema tyurigienejicha 'chane tkojruknu. - Su notse sunako tamutu naemotgiene eno tae'to naetorisra.

13

VEMOTI TO TAEJARIONO TO PATSAROGIONO Titsi Titsyoro Ano'o

Ano'o'oji

T'yokko

Mraru

Naraasa

Asuru

Asuururuji

Tjopu

T'siso

Kajve

Vjira jmani orasione: 1. To masukkre ma Peru eto anoo. To anumo eto tjopumo. Ma Risi tkoye Etna paku tsiso. To mayee peti ma Jose eto tyokko. To sache eto titsi.

2. To sache te tavimeko to ukoji eto tmopkumo. To muiji te wom'i eto tamutu ano'owoko. To une te kogiure eto tkaechra asuromo. To smeno te ewire eto tkaechra tmojoro. Te yoti te wo toonamo to anumo eto t'sisomo.

14

WAKAEMTONE PJOKA 'PONA TATUPA

Vechjirigiapo vecha oyna to sachono takoy'e to semana:

P - Pjichrokwoo'i Juanu? J - Nuurichu Peru.

P -Juanu pimoti to taejariono to sachono. J - 'Puesa nimoti Peru P Tyuri Juanu juiti pimot'yore mrakagienejicha. J Tyuri, nimot'yore to taejariono to sachono.

P - Pi'a Juanu to semanano tkoy'e sipi sache, J - Entako'e Peru.

P - Te runesi enepo te vyeenesi wakaemtone, te sawaru wtanuchapo. J - Ene te rominko wakaemtone, wo'i vyana vyujroka ene wnaraka.

J - Tyuri naechopo Peru etotse vimot'yore to taejariono to sachono. P - Tyuri Juanu eto to nwoo'o pitka ene tomuire pyunaka to taejariono.

P - Tyuri Juanu naetyoko tatiwina wim'a ene wakarawo'u. J - Eto to nwoo'o nitka ene nakarawo'u.

P - Tyuri Juanu vim'okkarine. J - Vim'okkarine Peru.

15

TAEJARIONO TO SACHONO TE SEMANA.

MAATESI MIEEKURESI RUNESI

JUEVESI ROMINKO

SAWARU

VYEENESI

Vjira jmani orasione takajugiene te pjoka kuararu: 1. Te runesi tnaekchowo to sachono. Te maatesi eto apinapo sache. Te mieekuresi moponapo sache. Te jueves puesapo to takaemtonera. Te vieenesi titowoyrepo to semana.

2. Te runesi ene te sawaru eto sachono takaemtonerawo.

Te sawaru namutu chaono tnaekchowono tnarakono. Te rominko namutu no chaono tnarakono. WAKAEMTONE

16

WAKAEMTONE

Vyajchaapi'e te orasione to taejarionotosachono.

1. Te runesi nnaekchowo nkaemtone to narawo'u. (nnisra). ...(nkaemtonera).

2. Te maatesi tnokoworik'o to 'motnaeko. (piesta). .. (Njumpuira).

3. Te mieekuresi mrakagienejicha to 'motnaeko. (Nijrorisra). (Naeerisra).

4. Te juevesi tnokoworich'o to 'motnaekosi. (Ntanuchwira). (Nimsira). (Nkarawo). (Nnarasira).

5. Te sawaru ene te rominko vnarako Iymutu 'chaono. .. .. (moperono). (chsiono).

17

TAEJARE TO KOJIONO TE AU KOJE TE SEJTYEMRE APIT'SIMTU SOVERAMO

Enero

Jewrero

Maaso

Awrii

Mayo

Juo

Jurio

Awosto

Sejtyemre

Ojtuwre

Noemre

Risyemre

Tyuri te waamutwore iypomrerigia to takoyaemra to tapuisra to aono ene tomuire tae'to wkaemtonerano te vitorisra.

18

WAKAEMTONE VJIRA ENE VYAJCHA TE ORASIONE JMANI TAKAJUGIEONO ENE VECHA TO TAKOYAEMGIEONO TE WO WKUUTO'O IYMETAKA MA TIMITKORA'I MUEMKATAKAVI MATIWINA MAJIRA.

Juanu to nmetokowgieneri'i, te noemre, risyem're enero tgiiwojpo. . . Tomuire te jewrero, mmrakapo Titekpopo to 'chope une. Entako'e Juanu, ene to pye'ono waka ooyo tovriko te unemu'i. . . Te ne'e wom'i, te nowsa Peru, nkoy'e Etna kji'isi 'chope. Ene, ene tow'o ene towriko tae'to une'i to wakano. . . Tyuri Peru naechopo to 'pomraeru to pjamsamre ne'e. . . Peru te tajpuka pakmunu jmetakanu ene nijrokapi to pkomnugnaena.

19

WAKAEMTONE PJOKA 'PNONA TATUPA Maata pechoripo te viti tmojoroonano trinranono to wkoy'eraripo to vtuparagiono, wo'i Mariya najinaro to tmetakanonri'i tae'to nowsa, wo'i Maata tyuri te vtupacha to vitotigono o pomriono wkomnugne o meriokore, pi'a vima. Entako'e te vitorisra viti no tmojoroonano trinranono tae'to vyowsampoo'i 'muirijinve wtanuchwo iymonnaraekwo wewtseknonwe te venko. Eto jmani vye'ono wom'i tow'o to vye'ono waka tyurikokkre te vitorisra wkochkoyo to tyuunagne tjooveko ene vitotijiyo tamutu sachono, echa nchamriono.

20

TO VTUPAROGIONO Vjira jmani vtuparogiono te pjoka kuararu ene tomuire to Takajusi, vyosioka ma timitkora'i majiinawokovi.

1 'Etona

2 apina

3 mopona

4 'pona

5 u'e

6 nive

7 Sipi

8 egie

9 pesi

10 sovera

11 sovere'e

12 sovera'a

13 Soveramo

14 soverapo

15 soverau

16 soverani

17 soverasi

18 soverae

19 soverape

20 aposovera

21 aposovera' e

22 apisovera'a

23 apisoveram o

24 apisoverap o

25 apisovera u

26 apisovera ni

27 28 Apisoveras apisoverae i

29 apisoverap e

30 moposover a

40 'povera 100 movera

50 uvera

60 nivera

70 sivera

80 evera

90 pevera

101 movera'e

200 Apimovera

300 mopomover a 900 pemovera

400 'pomovera

500 umovera

600 Nimovera

700 simovera

800 emovera

1000 T'simtu

1001 t'simtu'e

21

WAKAEMTONE

VYAJCHA API'E TE ORASIONE JMANI TATKAJUGIEONO.

Su Ravyera titekpo kope sawaru pesi te juo. Ma Peru tkaemtone apisache ene tkanaraeko mover merione. .. .. Juanu oyna to p'aura, nuti nkoy'e 'poverau au. .. .. Ma pyochko Anresi oyna to ma 'aura, ema tkoy'e sivera'a au. .. . Peru, pkochane eno pjaono, oyna'e enko te koje, api'e. .. Juanu oyna'e pkoptiriko te semana, nkoptiriko mopo'e te semana. Ma Juanu, taenko mave'o etope spuire, muemuecho ma Peru. .. .. Taa sache taepyestara to pye'e estasio Juanu, te u'e sejtyim're. ..

22

WAKAEMTONE PJOKA 'PONA TATUPA Vechjirigiapo vim'a jmani taem'iyono to sorariono perokono:

Eto jmani sorariono perokono 'emoti naemnaksariono, eti akowsagono te 'wosariono.

Tatanoviono, memenoviono, eto jmani wrayu wkojruko tae'to tachokyo te iypenono.

Entako'e to vitorisra viti trinranono, te iypenono to iykojparaesra to vitotigono, echa.

TAEJARIONO

23

TAEJARE TO SORARIONO PEROKONO

VIM'A JMANI TAEM'I ETO VYE'ONO PEROKO, ENE VECHA TAA TIMKATAKOVI TAE'TO VEMTONE ENE TAA TIJROKOVI TO TAECHE VNIKSARIONO TE SACHE.

WAKA

KWOYU

SMORU

Paku

MURA

VESA

24

WAKAEMTONE

VYAJCHA TO TAEJARIONO JMANI SORARIONO TE JMANI KUARARU, TE WO WKITRUUSNO, IYMETAKA MA TIMITKORA'I MUEMKATAVI, TOMUIRE IYVE'A TE 'NUG'E.

..

..

..

. ..

...

..

25

WAKAEMTONE PJOKA 'PONA TATUPA VECHJIRIGIAPOWRE VECHA PJOKA 'PONA TATUPA ETOTSE TAECHJIS'O TO TAKOY'EGNE TO UNE ETO TO JIMONO. No natiwgieono 'chaonono takerich'o to naensira, taenkono te naenrigi tomuire tyukririkono, vima jmaka 'chane. .

Vim'a pjoka 'pona 'rajru taensirawo, wipo taengiano te naenrigi o te naenripi, etopo to naenkoromo.

Vim'a pjoka 'pona takoyaemgiene naemsirawo, juiti 'ponapo to navira to jimono nakojpakpo te posokuriono nakune ene naejroko to tanikgiene.

26

TO JIMONO

Vim'a ene vemoti to taem'iyono, to taejare jmani jimono

SPUIRE

YONA

VGIERU

SETI

TJOP'O

'CHUGIESI

KTUPORU

SMOPI

'NERE
27

'MU'I

WAKAEMTONE

Vyajcha api'e te orasione jmani takajugieono.

Ma Juanu tkoy'e etna poso makojpas'o to jimo spuire. .

Ma Peru makochane no mitrekono tkocharagiono to jimo. . .

Su meme mariya tkomet'si jimoheeji te tuprigi, saenko eno atnovyono. . .

Ma Juanu t'yono taenko 'nere te tajunorokku.

To pujogi naemnaksare eto jimo tkowsa te smeno te tajunorokku.

Su Mariya somuire simkatako eno taenkono nave'o to spuirre.

To 'chopyono jimo to yona, spuire, vgieru, tkove'si te 'chope kjokkre.

28

. WAKAEMTONE PJOKA 'PONA TATUPA

Vechjirigiapowre vim'a ene vemoti to taejariono to sorariono simarune, vemoti to taejariono ene vitka to takajusiono te vechjiriiwo, etotse tatiwo wjira jmani taem'i. Eto pjoka 'pog'e vyoopueru tkoy'ee'ini tamutu to sorariono simarune, ene juiti taa wkoy'e etotse vemoti jmani sorariono.

Jmani sorariono smoru te tropa kopeni tyurijonrich'o, juiti titowompo, wakune wakune tamutu eto.

Pjoka sorare tkijare tsviyu, kopeni etjorich'oo'ini moveramuri tae'to viowsa trinra, juiti tajinapo naemnaksare wakune!.

29

VEMOTI JMANI SORARIONO SIMARUNE Vyosioka ma timitkora'i majira ene vyapaecha vyira vyomuire.

'CHINI

TYORE

KJOWO

PAKKRARA

YOPO

'ROPO

SAMO

TSVIYU

'TIKKRE

'SOORE

30

WAKAEMTONE

Vyapecha vyajcha api'e te orasione jmani taejariono to sorariono simarune. To tyore eto teyara'o to 'pomriono sorariono te smeno. . .

To okromo eto sorare najina taemoti, eto tyuripruji. . .

Naemnaksariono to tsviyu naetoyoreni no kasaroriono kopeni.

To samo naemnaksariono tawosiyoreni to wariku 'pemoti? . .

To yopo eto sorare tyuunananji ene tyuunisi te wniko.

To 'tikkre tniko kchiru, te trotokokono tae'to 'chini, tkopakokono. .. ..

31

WAKAEMTONE PJOKA 'PONA TATUPA

VECHJIRIGIAPOWRE, ETO PJOKA 'PONA VYARAWO'U TAECHJIS'O TO TAKOY'EGNE TO VYOG'E.

Tyuri naemnaksariono juiti vechoyore to tayeeruwono to vyog'e.

Naemnaksariono, ewrogio, mariya, eti imoti to tayeeruwono to vyog'e, wo'i, tyuri juiti imot'yorepo te pjoka vyarawo'u.

32

VEMOTI TO VYOG'E

NNO'SI NCHOKA NPIGIENU NTUPO NPOWGI

NCHUTMOKO NCHUTI NUGA NSIRI NJAKA NJI'U NSAMRE NCHENEMO NJUE

NTSUTSU

NCHEPO NTUYU NOE

NWUPE NWUGI MPA'E

NPUEGIE NTSANOGI

NPUYUSI

NJEVEJI NIYPE
NCHOKA

NIWGI

NCHUkSIPEWO

33

WAKAEMTONE

Iyajcha te jmani tchoyoro, to taejariono to vyog'e anoka to awoo'ogne ametaka ma eye'e timtkora'i muenkataka'e. o tomuire ave'a te 'nug'e.

..

..

34

VEMOTI TO KOYRIONO ENE TO TAEJARIONO TE JMANI KUARARONO

YU'I

SIPA

PITSE

MATIKU

YUSA

KOYRE

MOCHE

SIVI

35

WAKAEMTONE

Naemnaksariono mitrekono iyapaecha iyajcha to taejariono jmani koyriono taye'epa'i 'chopepa'i vyoopueru, wchepyano.

..

.. 36

WAKAEMTONE PJOKA 'PONA TATUPA

Naemnaksariono mitrekono eto pjoka 'pona tatupa taechjis'o to wkugiono, eto taye'e to iyviyo to komnugne to vyeeruwono.

Dialogo Eto pjoka wkugi tkijare tswoogi ene eto 'mrakajicha, tyuri to iyve'a taye'ena te iypenorogi.('sigi)

Pjoka wkugi tyuunanaji ene toriko takavi to vye'ono peroko, tomuire 'ponriono koyriono.

37

WAKAEMTONE Vemoti jmani wkugiono ene tomuire vim'a to oo takoyaemgieono to taem'i vnekchapo:

GIJOGI

MANKAGI

TORONJAGI

TSWOOGI

MITUGI

MPUUNO

WAJERENOGI

RIMOGI

PINOGI

WAJERENOGI

RIMOGI

PINOGI

38

WAKAEMTONE

Vyajchawre api'e jmani orasione takajugieono ene vecha to toriwogne to wkugiono.

PitI Peru piumoti to taejariono to wkugiono. . .

Nuti nimoti to wkugi prognogi. ..gijogi ..mpuuno

Taa wkugi pimoti piti? Tswoogi. kuchigi. mankagi.

Taa wkugi pimoti? Pyajcha.. . . Taa wkugi te iypenorogi?. .

39