Professional Documents
Culture Documents
Tunay nga na may laman ang sinabi ni Mr. Wittgeinstein na “The limits of
my language are the limits of my universe.” Tulad niya, ako ay naniniwala na
maliit ang uniberso ko kapagka limitado ang aking kakayahan sa paggamit sa
aking wika. Ang pagpapahayag ng ating mga kaisipan ay batay sa saklaw ng
ating kaalaman sa lengguwahe. Ang saklaw ng ating kaalaman ay ang siyang
humuhugis naman sa ating uniberso. Pinauunlad ng tao ang wika at ang wika din
naman ang nagpapaunlad sa tao. Nabubuhay tayo sa wika at ang wika ay
nabubuhay sa atin. Kung wala tayo, walang wika. Kung walang wika, walang
buhay.
Mula sa ating pagsilang, kakambal na natin ang ating wika. Malalim at hindi
mapapantayan ang pagsasamang ito kung titignan. Higit pa sa isang umbilical
cord ang ugnayan ng tao sa kanyang wika.
Kapagka ikaw ay bata pa, sa mga mabababaw o maliliit na bagay lamang
umiikot ang mundo mo. Sa puntong iyon, aakalain mo na iyon na ang talagang
buhay. Aakalain mo na iyon lamang ang mga may halaga, nag-eexist, at totoo.
Ngunit sa iyong pagtanda, unti-unting mabubuksan ang iyong mga mata sa mga
katotohanan ng buhay. Sa madaling salita, ang tanging alam mo lamang at
pinapaniwalaan mo na totoo ang magpapagalaw sa mundo mo. Kung ano
lamang ang alam mo, ganoon lamang ang lawak ng uniberso mo. Kapagka mas
marami kang natutunan at konseptong tinanggap sa iyong buhay, natural na
kailanganin mo ng mas malaking espasyo para patuluyin ang mga ito. Walang
totoo sa iyo kung wala kang wika.
Ang wika ay natural gaya ng ating paghinga at paglakad. Kung walang wika,
walang paraan upang tayo’y makahakbang sa hinaharap. Ang wika’y lumalawak
at lumalaganap. Ito’y nalilinang ng pangangailangang panlipunan at bumabagay
sa pag-iiba ng kalagayang sosyal. Kasama natin ito sa mga ordinaryong bagay
na kakabit na ng ating pang araw-araw na buhay. Kasama natin ito sa pagbuo sa
ating reyalidad.
Michelle Guiritan
1AB-BSE