PEDRO DAZ GMEZ (TSOTSIL, VARIANTE LARRAINZAR)

Pgina 8

Li svaychil jtot jmanvele Oy la jech vone, tey ta namal lum, tey la nakal jun vinik ja sbi jmanvel. Lek la tek ti snae, ta olol tetik la smeltsanoj. Ta jujun som xkaitik la chkeojin ti mutetike, xviletik ti ta xokon nae. Skotol som chlok vatel ti ta yamtele, mal xa kakal tsut ti ta snae lubem xano-ox ti sbektale, lek xmuyvaj no-ox ti yo-one kajal ti taskae. Ti jmanvele oy la kusi yo-onuk tspas, vone ono-ox xnopnuntajmek ja jech muyuk pasem o yu-un ti vinike yu-un la tskan chvil kucha-al ti mutetike.

PEDRO DAZ GMEZ (TSOTSIL, VARIANTE LARRAINZAR)

Pgina 9

Skotol la som chlok` ti tas nae tskel ti mutetik xmuyvaj no-ox xviletik ti ta teetike, ja no-ox xnopnun no-ox chkom ti jmanvele, chajuk no-ox jechukeuk ti xvileuke sventa la chojtikin ti yantik osiltike. Ja la jech tspas skotol som ja no-ox la tsnop no-ox. Jun la som ju-un kal na ka to-ox chlok tal ti jtotike, sak jaman ti xojovale, oy la kusi ji spas ti vinike, Ja to la ji yai oy la kusi vuy chkopojtalel ta yut tetik, manvelmanvelmanvelx-ute.

PEDRO DAZ GMEZ (TSOTSIL, VARIANTE LARRAINZAR)

Pgina 10

Ti jmanvele chayal no-ox la ji kot, ji al vat la ju-un, manvel jnaoj ti chakan xavile xchi-uk jnaoj xtok ti muyuk pasem o ja vu-une, ja yu-un li tal li avi-e sventa ta jkolta-ot. Jachal no-ox ji kom ti ye-e, lek jlikel tey xchayet ti sjole, tsakal ju-une ji tal ti snop bene. Laj ya-i lek buy chtal ti buchu chkopoj-je .xjoyet no-ox ti sjole sventa tskel buchuja.

PEDRO DAZ GMEZ (TSOTSIL, VARIANTE LARRAINZAR)

Pgina 11

Ji xanav val jutuk, ja to la ji yil ja la jun tetikal chij, xviket no-ox la ti stsotsile. Li jmanvele la sjak, buchuot, kusi ja bi xut la ti tetikal chije. Kun no-ox la ti yechal ye-e la stak, jo-one ja jbi kuxul tetikal chij ja ti toj echem xi anilaje. Li tal sventa taj kolta-ot, ako xkotut ta pasel ti kusi oy ta ja vone-e, yun jna-oj ti chauk vilantajmeke.

PEDRO DAZ GMEZ (TSOTSIL, VARIANTE LARRAINZAR)

Pgina 12

Mi melel. xi la stak ti jmanvele, xpatet no-ox yo-on ji kot, jech xi la stak ti kuxul tetikal chije. Kal ji yai ti va-i sba ji albate, ji toy ta muybajel, yu-un la ja ti chojtikin ti yantik lumetike, xchiuk ti tetiketike. Vai june ti kuxul tetikal chije la jyal, oy me kusi skan cha pas bai x-ute ti jmanvele, ti jmanvele la stak lek oy xi la, albun kusi ti ta jpase xut ti kuxul tetikal chije.

PEDRO DAZ GMEZ (TSOTSIL, VARIANTE LARRAINZAR)

Pgina 13

Kal na ka ch-albat ti kusi skan tspase toj talel no-ox la xchulel yun la na ka no-ox ch-vaychin. kal ji tal ti xchulele lik la ta stem ta anil, ji lok la ta sti sna, ja to la ji yile na ka to la ch-lok ti kakale , ja no-ox la xkaitik x-ablajet ti mutetik ta te-etike. Ti jmanvele yak la venta ti na ka no-ox la svaychine, la jyal, li jo-one mu o no-ox xi vil ja no-ox jna ti ep kusi xi tojom spasele, ti yantik chonbolometik mu xtojobik o-e. Ja jech la ji laj ti loil maxile, xmuybaj no-ox la ji naki ti mol jmanvele.

PEDRO DAZ GMEZ (TSOTSIL, VARIANTE LARRAINZAR)

Pgina 14