Since 18 Nov 2007 ww.hyderabadmizo.

org

th

An official weekly newspaper for The Hyderabad Mizo Association Vol. 14 Issue- 10 Dt 14th Oct 2012 (p- 1)
KAN CHHUNGKUA ### Thawhlehni (9th Oct) tlai dar 5
vel khan Pu Samuel Lalnghatliana Ralte chu Dirubhai Deshmuk Andhra Mahila Sabha Hospital, Vidya Nagar 2nd floor ah pum lam chiankuanloh avangin emergency a zai a ni a. tluang takin operation neih a niin zirtawpni khan damdawiin an chhuahsan thei a ni. I tawngtaipui zel ang u.

CHHURBURA PHILOSOPHY Mimawl hmingthang leh mimawl sawina ah hial pawh kan hmang thin awm e. Chhura han tih mai ai hian a hmingpuma Chhurbura han tih kher hian a mawl hmel lehzual a. Mizo thawnthu ah chuan a chanchin aia kan hlimpui dang hi a awm chuang awm lo e. Zirtur leh bengvarna tur awmloa kan nuih liampui mai mai tran hian tlem han thailang teh ang- chhan tha tak ka nei. Fiamthu a nih tawh chuan thutak pailo, ruak, ngaituah thui ngailoa kan hlimpui nghal em em theih mai te a ni deuh ber thin. Chhura thawnthu te hi phuahchawp mai mai a nih leh nih loh ka hre lo a, amah hi a awm tak tak a, a thlahte pawh chhui zui tur an awm em tih ka hre hauh lo. Chhura chengkek lawh tum chanchin kan chhui dawn a, fiamthu a nihna piaha thuchah a ken kan ngaituah ho dawn a ni... Belh leh hram teh ang- tette atanga sap sendang leh vai samkir te thawnthu tawi leh fingte zirin kan seilian a. A ngaihnawm a, zirtir a nei bawk thin. Thil tha tak a ni. A hlutna lai kan man siloh chuan a hlimawmna hian rual a pawlloh rualin kan Pu Chhura erawh hi chu keini thangthar kephah hlai hian kan theihnghilh nghal dawn tihna a ni a. Chhurbura thawnthu tawi hian eng quality nge a neih ve reng reng heta tang hian ilo teh ve tawh ang chu... THAWNTHU CHU: Vawikhat chu Chhura hi ramhnuaiah chengkek lo turin a ramchhuak a, a hmun a va thlen chuan chengkek chu a lo rah teuh mai a. A hmin te lah chu a tai sen tik tek hlawm a. A han lawn chu a zar alo te deuh a niang, a rah lo turin a lawn zel thei ta reng reng lo mai. Vawitam tihdan tur a ngaihtuah paw'n tihngaihna a hre ta lo. A hlawhchham der mai. Beidawng tak chuan a rah te chu a thlir a, "Nahaia chu nise.." tih pahin a zar te chu a'n kuaikul a, chengkek rah te chu a'n tuai hliau hliau thin a. Mahse a lo thei tlat lo. Tichuan engmah lo reng reng lovin a haw leh ta.. TICHUAN....! Chhura hian common sense zim tak a nei tih kan hre thei nghal ang. Amaherawhchu Principle erawh nghet tak a nei a ni. Tikhan ka sawi tum chu kan man nghal tawh maithei. A common sense han hmang zeuh se, sawi tlak maitheih leh a kawihkul tawh te chuan lawh mai awm tak a ni. Nahaia tihdan khera tih a duhlohna khan a hlawhchham tir der mai. Hahthlak tak a ni. Mihlawhtling chi ziazang a pu lo! Tih tumdan leh ama theihdan tura a ruatah khan a theilo a, chumi avang chuan midang tihdan anga tih ve mai a tum chuang lo a ni. A rilru hi a nghet ve khawp mai. "Hei tak hi alawm a mawlna lai chu.." ilo ti a ni maithei, sawi pawh i sawi dik ang. Amaherawhchu a sir lehlam ve thung erawh hi chu kan ngaihtuah zui ve tur a ni. Vairamah kan awm a ni a, helai hmunah hian mahni theuh inngaituah ila, keimahni tumdan nilo a, 'mi zawng zawng tihdan alawm' tia kan tih tak hi a tam tawh khawp ang le. 'Tunge ka nih? engtin nge ka khawsak thin?' tih ngaituah miah lo hian hun khawhral hi a lo awl khawp mai. Keimahni tan chauh pawh a ni chuang lo, kan buaipui, a zung nena phoro kan tum, hlemhletna intanna pawh he rilru, 'chhura ka ni tlat' tih hi kan put loh vang hi a ni zel mai. Kan ngainep em bawk a ni! Thlemna hi chu khawvela kan awm chhung hi chuan kan la tawk bang lo ang. Kan tihduh ngailoha kan ruat te hi, "Keimah kha ka la ni e" ti a ngaihtuah hauh lovin, 'Nahaia chu nise...' tiin kan chengkek lawh hmiah hmiah mai dawn em ni?
(phek hnungah chhunzawm.)

## 6th October (Inrinni) zan khan Alwal lam tlangval pathumin Necklace road ah tawhsual an tawk. Scooty- a inphur Nehemia Lalrinliana, Vanlalbeiseia leh Abraham- ate chu wrong side lama rawn tlan Van nen an insu a. A hmunah hian nikhaw hreloin rei tak an awm nghe nghe a. Anmahni sutute hi an motor tlanchhiatsan hian an bibo nghal niin thu kan dawng. Tv Beiseia hi a luruh a khi a, a hnar ruh a tliak a. Tv Nehemia-a hi a thluakah thisen a tling a, bawk a awm bawk. Tunah hian Yashoda Hospital, Secunderabad ah an awm mek a ni. Tawngtaina ah I hre reng ang u.
## Pi Laldinpuii, Aizawl Ramhlun South a khawsa mek chu kal thlak th turin kar hmasa ningani(4 Oct) khan a fanu leh fapa nen Hyderabad an rawn thleng a, tunah hian Masab tank ah in an luah mek. ## Nl. Grace Zorinpuii, SPA zirlai ni thin pawh a lehkha chinfel tur th buaipuiin nizan (13 oct) khan a rawn thleng. ## Nimin khan City bialin Tv Rotluanga te inah Fellowship an nei.

Published and edited for and on the behalf of The Hyderabad Mizo Association by JNTU Hyderabad Mizo

An official weekly newspaper for The Hyderabad Mizo Association Vol. 14 Issue- 10 Dt 14th Oct 2012 (p- 2) EDITORIAL BOARD
Editor: Nehemia Lalramdina
Jt Editor: Anthony Zothansanga Pachuau

Ph.D DEGREE DAWNG THAR Tv. Malsawmdawngliana s/o Neihmawii, Ramhlun South chuan vawiin ni 12/10/2012 chawhma dar 11 khan Department of History, School of Social Sciences, University of Hyderabad atangin Ph.D degree a dawng thar. Tv. Sawmtea thesis hi "Aspects of Cultural History of the Mizo in the pre-British Period" tih a ni. Dr. Sawmtea hian British ho hma a Mizo oral tradition leh cultural practices lam chipchiar takin a zirchiang a ni. Dr. Sawmtea hi University of Hyderabad a Mizo zirlai te zingah Doctor of Philosophy dawng thei panga na a ni. A kal leh zel na turah duhsakna sang H.M.A. O.B(2012- 2013) INTHLANNA A hun: 14th October 2012, 5:00pm A hmun: St. Goerges Church, Abids Returning Officer: Tv. Lalchhuanawma HCU Polling Officers: 1) Tv. Lalramzaua 2) Lalhruaitluanga Ralte 3) Grace Lalhriatpuii Chhangte 4) Lalremruati Chhakchhuak 5) Lydia Vanlalsiami 6) Vanlalnghaka 7) C. Lalrinsangi 8) Laldinpuii 9) Vanlalnunpuii 10) Benjamin Lalnunsanga Colney LAWRKHAWM
## Tunlai hian Mizoram lamah ruah a tla nasa hle mai a. Hmun hrang hrangah leimin leh leitawlh vangin chhiatna a thleng nual a th ni. Ningani (11 oct.) khan ruahsur nasa vanga Rawpuichhip-Mamit/West Phaileng kawnga leimin thianfaitu JCB chu leiminin kawng thlangah a hnwl a, JCB-a chuang mi pathumte an thi vek. ## MELODY case: Tr-a hrai hlum tih finfiah a ni. Health Minister, Lalrinliana Sailo chuan, Melody Lalengmawii (30) d/o Dr Lalbiakzuala, July 11, 2012 zinga Jalandhar, Punjab-a a awmna room pindana thi-a hmuh chu tra hri hlum a ni tih hmuhchhuah a nih thu a sawi. Melody hi Military Nursing Service-ah a lut a, Jalandhar-a sipai damdawi-inah a thawk a ni.

(phek hma chhunzawmna)

News Editor: Laltlankima (email:puarak@gmail.com) Ph: 7893428032

Kut chaklote chu tichak ula, khup zawite chu tinghet rawh u. Thinlung dawih te hnenah chuan, Chak takin awm ula, hlau suh u: Ngai teh u, in Pathian chu phuba lakna nen a lo kal ang, Pathian thungrulhna nen chuan; a lo kal ang a, a chhandam ang che u. ti rawh u. Isaia 35: 3- 4

EDITORIAL
Kar hmasa(4 -7 oct) lamah CHAI, Kompally lamah HMCF Retreat kan hmang a, mi 69 lai kan lut, mi 50 chuangin Pathianni lamah retreat an rawn chhim bawk. Pu Zaihmingthanga te, Pu Beiseia te, Pu Hmingdailova leh Tv Vla te chanchin lawmawm rawn ken kha keimahni ah tuhin awm sela. Nunga thanglian turin mahni theuh kan pawimawh awm e... Hmanni lawkah U Zamtein Ph.D degree a nei a. Tunah Dr U Sawmtea kan nei thar leh ta. Anmahni kan chhuang mai nilovin Hyderabad Mizo te tan hian inchhuan phah hialna tur a ni. Tunhnaiah tawhsual tawk palh kan hre zeuh zeuh a, fimkhur a tulzia I hre nawn thar ang u.
th th

Picture of the week

NAKTUK KHAWCHIN (14st Oct 2012) Maximum Temp: 31C Minimum Temp: 17C
(tunkar chu khua tha deuh tura beisei a ni)

Entirna i han pe teh ang: Naupang kum 2 mi lek te chu, "I len hunah enge nih i tum?" an han tia, "India ram President." a ti reuh a. Lawm pawh a hlawh viau. Chu naupang chu a lo seilian a, pawl 9 a lo nih chuan an zirtirtunu chuan nuihsawh titih hian, "I len hunah enge nih i tum kha?" tiin a zawt fiam leh a. "India ram President." chu chu a chhanna ngai a la ni reng mai. President pawh chu a ni kher lo maithei, mahse a tumna kha amahah khan a la thi lo miau a, chu chuan amah kha a ti zahawm a ni. Ka ti thin a. Tun thlenga khawvel in a la buaipui, Theory of evolution ngaihtuahchhuak tupa Charles Darwin-a khan a theory kha a sawi hnu engtikah emaw khan, "Keipaw'n ka awih leh chiah silo..." te lo ti kual ta mai mai se, a theory kha tukhaw- kha hian an buaipui reng peih pawh ka ring lo. A principle a a nghehna khan Darwina chu tun thlenga hriat hlawh a nih tir thei a. Ngaihdan mai mai pawh nise a pawm ngheh em avangin kha theory kha namnul mai mai theihloh in a siam mai a nilo a, amah kha a intizahawm phah bawk a ni. Chutiang khawp principle chu kan nei em? Chhurbura thawnthu hi han ngaituah nawn leh teh. Kan Pu Chhura'n a ngaihdan a pawm ngheh dan aia Charles Darwin-a'n a ngaihdan a pawm nghehna hi a awm bik chuang lo asin. Cheng maktaduai khat rutu leh cheng 1 rutu chu rukru ve ve an ni ti ti mah ila, Chhurbura thil thlirdan kan ngaihnep chhung hi chuan keimahni ah hian cheng 1 rutu chu hriatthiamna chen kan nei zel tho ang. Chumi hriatthiamna chuan thildang pawisaklohna a hring ang a, hun remchangah sual titurin mahni inhriatthiamna a neih tir ang. Hlemhletna leh eirukna te hi a zung chawpa phoro tur hian Mizoram Chief Minister nih kher a ngai lo a. Keimahni kan inen a, ka tihtur chin leh tihlohtur: chiang- fel taka thliar hi a pawimawh hle a ni.

Published and edited for and on the behalf of The Hyderabad Mizo Association by JNTU Hyderabad Mizo