Chinnanchiru Kiliye!
5/5
()
About this ebook
Read more from Vidya Subramaniam
Atchaya Paathiram Rating: 5 out of 5 stars5/5Oru Naal Iravu Rating: 0 out of 5 stars0 ratingsNadhavadivanavale Kannamma Rating: 4 out of 5 stars4/5Maaresa Maangal Rating: 5 out of 5 stars5/5Androru Naal Rating: 3 out of 5 stars3/5Engirundhu Vanthayadi Rating: 5 out of 5 stars5/5Unakkey Uyiraanen Rating: 2 out of 5 stars2/5Muthal Paarvai Rating: 5 out of 5 stars5/5Ullam Kuliruthadi Rating: 0 out of 5 stars0 ratingsChinna Chinna Minnalgal Rating: 0 out of 5 stars0 ratingsVeezhven Endru Ninaithayo? Rating: 4 out of 5 stars4/5Thandanai Rating: 0 out of 5 stars0 ratingsMann Bommai Rating: 5 out of 5 stars5/5Suzhal Rating: 5 out of 5 stars5/5Kasthuri Maane... Rating: 4 out of 5 stars4/5Ullam Kavarven Rating: 5 out of 5 stars5/5Kaadhal Enbathu... Rating: 5 out of 5 stars5/5Nilavum Malarum Rating: 0 out of 5 stars0 ratingsAagasa Garudan Rating: 5 out of 5 stars5/5Nadhiyai Thedi Vandha Kadal Rating: 5 out of 5 stars5/5Aagasa Thoothu Rating: 5 out of 5 stars5/5Madhavi Pon Mayil Rating: 5 out of 5 stars5/5Thennangkaatru Rating: 5 out of 5 stars5/5Purusha Nila Rating: 0 out of 5 stars0 ratingsKundrena Nimirnthu... Rating: 0 out of 5 stars0 ratingsPaarkadal Rating: 5 out of 5 stars5/5Kanniley Anbirunthal Rating: 0 out of 5 stars0 ratingsOttrai Roja Rating: 5 out of 5 stars5/5Shanthi Nilava Vendum Rating: 0 out of 5 stars0 ratingsUdal Inge Uyir Ange Rating: 5 out of 5 stars5/5
Related to Chinnanchiru Kiliye!
Related ebooks
Uravu Sonnavan Rating: 0 out of 5 stars0 ratingsIthayam Palavitham Rating: 0 out of 5 stars0 ratingsThelintha Nilavu Rating: 5 out of 5 stars5/5Venpuraa Nesam Rating: 5 out of 5 stars5/5Kaadhal Nilavey... Rating: 0 out of 5 stars0 ratingsPoojaikettra Poovithu Rating: 5 out of 5 stars5/5Aahaya Malargal Rating: 0 out of 5 stars0 ratingsOttrai Roja Rating: 5 out of 5 stars5/5Kaadhal Vaaniley Rating: 5 out of 5 stars5/5Nesam Marakkavillai Nenjam Rating: 5 out of 5 stars5/5Kasthuri Maane... Rating: 4 out of 5 stars4/5Veesum Thendral Naan Unakku Rating: 0 out of 5 stars0 ratingsNilavin Marupakkam Rating: 0 out of 5 stars0 ratingsKaathal Thamarai Rating: 0 out of 5 stars0 ratingsThalattum Poongatru Rating: 0 out of 5 stars0 ratingsUnnai Vaazhthi Paadukirean! Rating: 5 out of 5 stars5/5Uchimeethu Vaanidinthu... Rating: 5 out of 5 stars5/5Kannaadi Veedu Rating: 0 out of 5 stars0 ratingsNadhiyai Thedi Vandha Kadal Rating: 5 out of 5 stars5/5Agni Puthri Rating: 0 out of 5 stars0 ratingsInnoru Kaadhal Kathai Rating: 0 out of 5 stars0 ratingsVaanam Vittu Vaa Nilave Rating: 0 out of 5 stars0 ratingsJananam Rating: 4 out of 5 stars4/5En Arukil Nee Irundhaal... Rating: 5 out of 5 stars5/5Gnanam Piranthathu Rating: 0 out of 5 stars0 ratingsEnnuyir Neethaney Rating: 5 out of 5 stars5/5Nesam Marakkavillai Nenjam! Rating: 5 out of 5 stars5/5Kaaviyama Nenjin Ooviyama Rating: 0 out of 5 stars0 ratingsNerungi Vaa Nilave Rating: 5 out of 5 stars5/5Kanave Kalaiyadhe! Rating: 5 out of 5 stars5/5
Reviews for Chinnanchiru Kiliye!
1 rating0 reviews
Book preview
Chinnanchiru Kiliye! - Vidya Subramaniam
http://www.pustaka.co.in
சின்னஞ்சிறு கிளியே!
Chinnanchiru Kiliye!
Author:
வித்யா சுப்ரமணியம்
Vidhya Subramaniam
For more books
http://www.pustaka.co.in/home/author/vidhya-subramaniam-novels
Digital/Electronic Copyright © by Pustaka Digital Media Pvt. Ltd.
All other copyright © by Author.
All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.
பொருளடக்கம்
அத்தியாயம் 1
அத்தியாயம் 2
அத்தியாயம் 3
அத்தியாயம் 4
அத்தியாயம் 5
அத்தியாயம் 6
அத்தியாயம் 7
அத்தியாயம் 8
அத்தியாயம் 9
அத்தியாயம் 10
அத்தியாயம் 11
1
அல்லிக்குளம் ஒரு கிலோ மீட்டர் என்ற பெயர் பலகையை கண்டதுமே நிமிர்ந்து உட்கார்ந்து காரின் கண்ணாடியை இறக்கி விட்டாள் நீலவேணி.
சிலுசிலுவென்று காற்று முகத்தில் மோதியது. இருபுறமும் வயல்கள், செம்மண் பாதை, சமீபத்திய மழையில் அல்லிக்குளமும், கண்மாயும் நிரம்பியிருந்தது. பசுமை கூடியிருந்தது. அல்லிக்குளம் முழுக்க மலர்களும் வட்ட இலைகளுமாய் நீரே தெரியாத அளவுக்கு மலர்ந்திருந்தது. பாதையோர மரங்கள் முழுக்கப் பறவைகளின் கீச்சொலி காலையிசையாய் வரவேற்றது.
டிரைவர் அப்டி ஓரமா கொஞ்சம் வண்டியை நிறுத்துங்க.
அவள் சொல்லுக்கு உடனே கீழ்ப்படிந்து ஓரமாய் வண்டியை நிறுத்தினான் அவன்.
நீலவேணி கீழே இறங்கினாள். மண்ணில் கால் வைத்த போது பல்வேறு உணர்வுகள் கலவையாய் தாக்கின.
பதினைந்து வருடமிருக்குமா ஊரை விட்டுச் சென்று?
இத்தனை வருடமும் எவ்வளவு வேகமாய் கரைந்து விட்டன, எல்லாம் இப்போதுதான் நடந்தாற்போலிருக்கிறது,
மெல்லிய பெருமூச்சுடன் கண்மாயின் கரையோரம் நடந்தாள்.
டிரைவர் ஒரு சிகரெட்டைப் பற்ற வைத்துக் கொண்டு காருக்கு அந்தப் பக்கம் மறைவாய் நின்று கொண்டான்.
உழவர்கள் சிலர் கலப்பையும் மாடுமாக வயலில் இறங்கி உழுவதற்குத் தயாராகியிருந்தனர். இரண்டு பெண்மணிகள் சத்தமாய் பாடியபடி ஒரு வயலில் நாற்று நட்டுக் கொண்டிருந்தனர். நீலவேணியைப் பார்த்ததும் தங்களுக்குள் ஏதோ பேசியபடி பச்சை நாற்றுகள் சிலவற்றை எடுத்துக் கொண்டு வரப்புக்களைக் கடந்து பாதையில் ஏறி அவளுக்கு முன் நாற்றுகளை பூமியில் போட்டு குலவையிட, நீலவேணி திருதிருவென்று விழித்தபடி என்ன செய்கிறார்கள் அவர்கள் என்பது புரியாமல் நின்றாள்.
நாற்று தாண்டுங்க தாயி நல்லது. நீங்க நல்லார்ப்பீங்க
என்றாள் ஒருத்தி."
அவள் சொன்னபடி புன்னகையுடன் செய்தாள்.
அந்தப் பெண் கை நீட்டினாள்.
என்ன?
காசு குடுங்க தாயி.
எதுக்கு?
நாற்று போட்டோம் இல்ல. காசு தரணும்.
எவ்ளோ?
பாத்தா வசதியாத்தான் இருக்கீங்க. எவ்ளோ வேணா குடுக்கலாமே. வேணாமுன்னா கைய இழுத்துக்கப் போறோம்.
நீலவேணி தன் தோளிலிருந்த கைப்பையிலிருந்து இரண்டு சலவை பத்து ரூபாய்களை எடுத்து ஆளுக்கொன்று நீட்ட அவர்கள் முகம் மலர வாங்கிக் கொண்டு அவள் நெற்றி வழித்து திருஷ்டி கழித்துவிட்டு, நாற்றுகளை எடுத்துக் கொண்டு வந்த வழியே நடந்தார்கள்.
நீலவேணி புன்னகையுடன் காரை நோக்கிச் சென்று ஏறிக் கொண்டாள். |
போலாம்.
டிரைவர் பவ்யமாய் கதவு சார்த்திவிட்டு வண்டியைக் கிளப்பினான்,
ஊருக்குள்ள எங்கேம்மா...?
அக்ரஹாரத்துக்குப் போங்க.
வண்டி விரைந்தது.
அக்ரஹாரம் மாறவில்லை. சாணம் தெளித்த வாசல்களில் கோலங்கள் கண்ணைப்பறித்தன, வீதியில் இருபுறமும் வரிசைக்கிரமமாக ஒரே போன்ற வீடுகள். அகன்ற திண்ணைகள், அது தாண்டி ரேழி. சில வீட்டு ரேழிகள் ஓலைகளாலும் அல்லது தகரங்களாலும் மறைக்கப்பட்டிருக்க, சில அப்படியே அழிக்கம்பிகளோடு இருந்தது. நிறைய முகங்கள் புதுசாய் தெரிய அவற்றுக்கு நடுவில் மூப்பு ஏறிய பழைய முகங்களும் தெரிந்தன.
காலங்காலையில் காரில் யார் வருவது என்கிற ஆவல் கண்களில் தெரிய வாசல்களிலிருந்த முகங்கள் காருக்குள் இருந்தவளை வியப்போடு பார்த்தன.
கார் அவள் சொன்ன வீட்டின் முன் நின்றது. சத்தம் கேட்டு உள்ளிருந்து எட்டிப் பார்த்த முகம் அப்பாவுடையது. வியப்பும், அதிர்வுமாய் வாசலுக்கு வந்தவரை சில வினாடிகள் எதுவும் பேசாமல் பார்த்தாள், அவர் விழிகளில் நீர் படருவதை கவனித்தாள்.
உள்ள போய் பேசலாமே
அவள் அக்கம் பக்கம் தலைகள் எட்டிப் பார்ப்பதை உணர்ந்து சட்டென்று உள்ளே போனாள்.
யாரு வந்திருக்கா பாரு.
அவர் உட்புறம் திரும்பிக் குரல் கொடுத்தார்.
சமையற் கட்டிலிருந்து விளக்குத் திரியும் கையுமாக வந்த அம்மா இவளைப் பார்த்ததும் சிலையாய் நின்றாள். ஒரு க்ஷணம் தான். மளக்கென்று விழிகள் உடைய.
எப்டிடி இருக்க வேணி
என்றபடி பாய்ந்து வந்து அணைத்துக் கொண்டாள்.
நன்னார்க்கேன். நீங்க சவுக்யம்தானே?
இருக்கோம். எப்பொ ஜீவன் போகும்னு காத்துண்ருக் கோம், கொல்லைக்கும் வாசலுக்கும் நூறு தரம் நடந்து எந்த வாசல்ல எமன் வருவான்னு பாத்துண்ருக்கேன்.
எமன் வரமாட்டான். நாந்தான் வந்திருக்கேன்
நீலவேணி சிரித்தாள்.
கூடத்து சுவர் முழுக்க சட்டத்தில் அடைக்கப்பட்ட புகைப்படங்கள். கோட்டும், பஞ்சக் கச்சமும் குடுமியும் கடுக்கனுமாய் கொள்ளுத் தாத்தா முதல் சுற்றங்கள் சொந்தங்கள் என்று அத்தனை முகங்களும் கூட்டம் கூட்டமாய் கட்டுப் பெட்டித்தனத்துடன் புன்னகைத்துக் கொண்டிருந்தனர் அவற்றில் பஃப் வைத்த ரவிக்கை, மைசூர் சில்க் புடவை, பின்புற கண்ணாடியில் ஜடைபில்லையும் ஜடையும் குஞ்சலும் தெரிய பால் வடியும் முகத்துடன் ஒரு படத்தில் சிரித்துக் கொண்டிருந்தாள் நிலவேணி. கல்யாணத்திற்கு நாலு நாள் முன்னாடி அம்மாவும் அத்தையும் அவளை அலங்கரிக்க, ரெயிலடிக்கு அழைத்துச் சென்று அப்பா ஒரு ஸ்டூடியோவில் எடுத்த படம்.
நீலவேணி அதையே உற்றுப் பார்த்தாள். கல்யாணம் என்றால் என்னவென்று கூடத் தெரியாத வயது அது. அத்தையும் அம்மாவும் செய்த அலங்காரத்தைக் கூட நவராத்திரி அலங்காரம் என்றுதான் நினைத்தாள்.
ஏம்மா கொலு எப்பொ வைப்ப?
அம்மாவிடம் அப்பிராணியாய்க் கேட்டாள்.
கொலுவா...
அத்தை கொல்லென்று சிரித்துவிட்டு அவள் கன்னத்தை வழித்து முத்தமிட்டாள்.
நோக்கு கல்யாணம்டி கோந்தை.
கல்யாணம்னா...?
"போன