En Arukil Nee Irundhaal...

http://www.pustaka.co.in

என் அருகில் நீ இருந்தால்...

En Arukil Nee Irundhaal...

Author:

வித்யா சுப்ரமணியம்

Vidhya Subramaniam

For more books

http://www.pustaka.co.in/home/author/vidhya-subramaniam-novels

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

அத்தியாயம் 8

அத்தியாயம் 9

அத்தியாயம் 10

அத்தியாயம் 11

அத்தியாயம் 12

அத்தியாயம் 13

அத்தியாயம் 14

அத்தியாயம் 15

1

மாதவி எங்கே?... சமயம் பார்த்து எங்க இவ போய்ட்டா..?" ராதிகா சம்பத் பரபரப்பாக மாதவியை ஆபீஸ் முழுக்க தேடினாள்.

என்னாச்சு ராதிகா?....

எம்.டி. மாதவியைக் கூப்பிடறார். சமயம் பார்த்து எங்க தொலைஞ்சான்னு தெரியல.

எம்.டி. என்ன மூட் அவுட் ஆய்ட்டாரா? மாதவி மேல கோவமார்க்காரா?

பயங்கர கோவத்துவ இருக்கார். நெற்றிக் கண்ணைத் திறந்து வெச்சுக்கிட்டே உட்கார்ந்திருக்கார், எதிர்ல யார் போனாலும் காலி தான்.

அய்யோ பாவம் மாதவி!

எங்க தான் போனா இவ?

விசிட்டர் யாராவது வந்தாங்களோ என்னவோ. கேன்டீன்ல பார்த்தாயா

ஒண்ணு செய். நீ போய்ப் பார்த்து. அங்கே இருந்தான்னா எம். டி. கூப்ட்டார்னு சொல்லி அவளை உடனே அனுப்பு. எனக்கு முக்கிய வேலை கொடுத்திருக்கார். நா போய் அதை முடிக்கறேன்.

ராதிகா தன் சீட்டிற்கு விரைய, நிர்மலா கேன்டீன் பக்கம் போனாள். மாதவி அங்கு தான் யாரோ ஒரு இளைஞனோடு காப்பி குடித்துக் கொண்டிருந்தாள்.

மாதவி நீ இங்கயா இருக்க. சீக்கிரம் போ. எம்.டி., கூப்பிடறாராம். ரொம்ப கோவமா இருக்காராம்... என்ன அதுன்னு புரியல. உடனே போ.

நிர்மலா அந்த இளைஞனை ஓரக்கண்ணால் பார்த்தபடி அவளிடம் சொன்னாள்.

ஒரு நிமிஷம் இங்கயே நில்லுங்க கிஷோர். இதோ வந்துடறேன்.

யூ கேரி ஆன்.

மாதவி ஆபீஸ் நோக்கி நடந்தாள்.

கிஷோர் பேரைப் பார்த்தா நார்த் இண்டியன் மாதிரி இருக்கு! மாதவிக்கு தெரிஞ்சவரா...? இதுக்கு முந்தி இங்க வந்த மாதிரி தெரியலையே...

கிஷோர் என்ற பெயருள்ள அவன் நிர்மலாவைப் பார்த்து நமுட்டு சிரிப்பு சிரித்தான்.

நா யாருன்னு நேரடியாவே கேக்கலாமே. எதுக்கு இவ்ளோ சிரமப்படறீங்க?

நிர்மலா சிரித்தாள். சொல்லிடுங்களேன் சார். இல்லாட்டி மண்டை வெடிச்சுடும். அதுவும், மாதவி ஒருத்தரோட பேசறான்னா அது எவ்ளோ பெரிய அதிசயம்!

"யெஸ் யூ ஆர் கரெக்ட். என் பேர்தான் தெரியுமே. நார்த் இண்டியனே தான். ஆனா ரொம்ப வருஷமா இங்க தான் இருக்கோம். பேமிலி பிஸினஸ் நகை வியாபாரம் பாரிஸ் கார்னர்ல ஒரு ஜூவல்லரி ஷாப் வெச்சிருக்கோம், என் தனிப்பட்ட பிஸினஸ் வேற. கன்ஸ்ட்ரக்ஷன் கம்பெனி வெச்சிருக்கேன்.

நானே ஒரு ஆர்க்கிடெக்ட்தான். சென்னைல நிறைய ஃபைவ் ஸ்டார் ஹோட்டல்ஸ், சூப்பர் டீலக்ஸ் பிளாட்ஸ் தியேட்டர்ஸ் எல்லாம் எங்க கம்பெனி டிஸைன் பண்ணிக் கட்டிக் கொடுத்திருக்கு. உங்களோட புது பிராஞ்ச் ஆபீஸைக்கூட நான் தான் டிஸைன் பண்ணிக் கொடுத்தேன். அது விஷயமா ஹோட்டல் சோழால நடந்த ஒரு மீட்டிங்கல தான் மிஸ் மாதவியை சந்திச்சேன்.

போதும் போதும். இனிமே நா சொல்றேன். முதல் சந்திப்புலயே உங்களுக்குள்ள சப்தஸ்வரமும் கேட்டுது நீங்க அவளைப் பார்த்திங்க. அவ உங்களைப் பார்த்தா. உங்ககிட்டேர்ந்து ஏதோ அவ கிட்ட போச்சு. அவ கிட்டடேர்ந்து ஏதோ உங்ககிட்ட வந்துது. அதுக்கு ரெண்டு பேருமா சேர்ந்து காதல்னு பேர் வெச்சீங்க. கரெக்டா?

அவன் சத்தம் வராமல் சிரித்தான்,

"என்ன சிரிக்கறீங்க? நா சொன்னது கரெக்டா இல்லையா?'

தொண்ணூத்தி ஒன்பது பர்ஸன்ட் கரெக்ட். பட் ஒரு பர்ஸன்ட்ல நீங்க அவுட்.

புரியலையே...

மாதவியை நா விரும்பறது நிஜம்தான் அத்த பக்கத்துலேர்ந்து இந்த நிமிஷம் வரை சிக்னல் கிடைக்கல.

அப்டின்னா. மாதவிக்கு உங்களைப் பிடிக்கலையாமா? ஏமாம்... நோ... மிஸ்டர் கிஷோர், அவ ஒருத்தரை கேண்டீன்க்கு கூட்டிட்டு வந்திருக்கான்னா, நிச்சயம் அது சாதாரண விஷயமில்ல. அவளுக்கும் உங்களைப் பிடிச்சிருக்குன்ன தான் அர்த்தம்.

இருக்கலாம். ஆனா அதை வெளிப்படுத்த முடியாம எது தடுக்குதுன்னு தெரியலையே,

நா கண்டு பிடிச்சு சொல்லவா?

ஊர் வம்பா....?

"பொழுது போகணுமே...! நீங்க கவலையே படாதிங்க மிஸ்டர் கிஷோர். இன்னும் ஒரே வாரத்துல, நா பிடுங்கற பிடுங்கல்ல மாதவி உங்களைப் பார்த்து 'ஐ