Vumundzuku bya tirheliwa
()
About this ebook
Vusweti bya miganga ya lomu vanhu va tumbulukaka kona a byi fanelanga ku va hlawulele lomu va nga ta hetelela kona evutonwini. Swi fana na xiyimo xo tika, a xi tshami eka munhu hi la ku nga heriki. Loko wanhwana Fanisa a velekiwa eka muganga na ndyangu wa vusweti swonghasi aku ngari na tshemba ro anga huma eka xiyimo lexi futhi a ku kala na munhu na unwe loyi aa ta ehleketa leswaku uta hetelela ava xidyondzeki na nwa mabindzu edorobeninkulu. Hiku ti yimisela na ku nga heli mbilu Fanisa u tirhe hi ku tikarhata aya emahlweni ku fikela a humelela.
Reginah Thomo Mzimba
Ni wansati wa malembe ya makume mune nkaye,ni velekiwe exidorobanini xa Bushbuckridge laha ninga pasa tidyondzo ta matric ivi niya dyondzela vuthicara e Elijah Mango College kona kwala xifundzeninkulu xa Mpumalanga. nidyondzisile eSekhukhusa high school kufikela hi lembe ra 1994 loko ni tekiwa kutani hi rhurhela edorobeninkulu ra pitori laha ni nga fika ni nga kumi ntirho wa mina wa vuthicara kutani ni nghena ka Insurance kufikela nipfula bindzu ra mina ra Insurance leri ri tirhaku na sweswi.Ni katekisiwile hi vana vanharhu.
Reviews for Vumundzuku bya tirheliwa
0 ratings0 reviews
Book preview
Vumundzuku bya tirheliwa - Reginah Thomo Mzimba
Xikhenso
Rito ro rhanga
Kavanyisa ka 1
Kavanyisa ka 2
Kavanyisa ka 3
Kavanyisa ka 4
Kavanyisa ka 5
XIKHENSO
Reginah Fanisile Mzimba i n’wana wo sungula wa Sizile Mzimba na Glory Lekhuleni, lava hi vumbirhi bya vona va nga hi siya emisaveni. Ndzi ri inkomu Mzimba wa Munene na wena Lekhuleni, Matsheya. Mi ya emahlweni mi etlela hi ku rhula. Eka vana va mina Vuyi, Fezi na Fefe, ni khensa ku seketeriwa hi n’wina. Vamakwerhu sesi Charity, boti Domi na papa Fii, na makoti wa ka hina sesi Olga n’wa Khosa, inkomu.
Ndzi nga rivali Yehovha Xikwembu lexi nga henhlahenhla ku ndzi nyika vutomi na vutlharhi byo kota ku veka miehleketo ya mina ehenhla ka phepha leri ku va matsalwa lama ma nga ta hlayiwa hi vaakatiko. I ku navela ka mina leswaku na vanhu va muganga lowu ndzi nga kulela ka wona va kota ku hlaya ntirho lowu wa mina wo saseka swonghasi.
Va Via Afrika Publishers ndza khensa ku va mi ndzi nyikile nkarhi na ku ndzi pfuna leswaku ndzi humelerisa vuswikoti bya mina erivaleni.
Ndza mi khensa swinene!!
RITO RO RHANGA
Tsalwa ra VUMUNDZUKU BYA TIRHELIWA i xipfula mahlo eka vanhu ku va va tiva leswaku evuton’wini a swi na mhaka leswaku munhu u kurise ku yini kumbe endhawini yini, ntsena swo lava ku tiyimisela evuton’wini ku ta cinca xiyimo xa yena. A hi ti phineni hi rona tsalwa leri.
Khanimamba!
Mutsari i Reginah Fanisile Mzimba
KAVANYISA KA 1
Tintshava leto saseka ta khahlamba hi tona ti nga rhendzela muganga lowutsanana swinene lowu wu vitaniwaka Masakeni, hambi a ku humelele yini ku kala muganga wo saseka swonghasi wu vitaniwa hi vito ra Masakeni. Muganga wa Masakeni wu tlhela wu vana nambu wa Magumejana lowu ku nga wona wu pfunaka vaaki na swifuwo hi mati mo hanya hi wona.
Masimu ma vaaki va ka Masakeni na wona ma cheletiwa hi wona nambu lowu. Patu na rona i rin’we leri tsemakanyaka exikarhi ka