Thirumarai Nabimozhi Islamiya Neethi Kathaigal - Thoguthi 3

http://www.pustaka.co.in

திருமறை நபிமொழி இஸ்லாமிய நீதிக் கதைகள் தொகுதி 3

Thirumarai Nabimozhi Islamiya Neethi Kathaigal Thoguthi 3

Author:

ஆர்னிகா நாசர்

Arnika Nasser

For more books

http://www.pustaka.co.in/home/author/arnika-nasser-novels

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

முன்னுரை

எல்லாப் புகழும் இறைவனுக்கே!

உங்களின் கரங்களில் தவழும் திருமறை நபிமொழி இஸ்லாமிய நீதிக் கதைகள் - தொகுதி 3-ல் இருபத்தியைந்து சிறுகதைகள் அடங்கியுள்ளன. இச்சிறுகதைகளில் திருமறை கருத்துகள் நபிமொழி கருத்துகள் மட்டுமின்றி இஸ்லாமிய விழுமியங்களும் கோட்பாடுகளும் கூட காணக் கிடைக்கும்.

யுனிவர்ஸல் பப்ளிஷர்ஸின் இஸ்லாமிய கலைக் களஞ்சியம் 4 தொகுதிகளையும் அல் ஹதீஸ் பெருமானாரின் பொன்மொழிப் பேழை 3 தொகுதிகளையும் வாசித்து அயர்ந்திருக்கிறேன். பிரமாத மான அச்சு நேர்த்தி. கருத்துப் பிழைகளோ எழுத்துப் பிழைகளோ இல்லாத பரிபூர்ணவத்துவம் அவற்றில் காணக் கிடைத்தேன். இஸ்லாமிய எழுத்தாளர்களின் பொற்கிரீடம் அப்துற்-றஹீம் ஆவார். அவர்களின் அன்பு மருமகன் ஷாஜஹான். அவர்தான் யுனிவர்ஸல் பப்ளிஷர்ஸ் மற்றும் நேஷனல் பப்ளிஷர்ஸை வெற்றிகரமாக நடத்தி வருகிறார். மாமனாரின் கனவுகளை நிறைவேற்றித் தரும் அன்பு மருமகன்கள் எத்தனை பேருக்கு வாய்ப்பர்?

நேஷனல் பப்ளிஷர்ஸ் இத்தொகுப்பை பிரசுரிப்பது எனது எழுத்துகளுக்கு கிடைத்த பெரிய அங்கீகாரம். இத்தொகுப்பிலுள்ள கதைகளை இஸ்லாமிய சகோதரத்துவக் குரல், நமது முற்றம், வளர்பிறை, முஸ்லிம் முரசு போன்ற இதழ்கள் தனித்தனி சிறு கதைகளாக பிரசுரித்துள்ளன. தொகுப்பாக்கும் சகோதரர் ஷாஜஹான் அவர்களுக்கு எனது இதயங்கனிந்த நன்றி உரித்தாகட்டும்.

இத்தொகுப்பை சுயமுன்னேற்ற நூல்களின் தந்தை அப்துற்-றஹீம் அவர்களுக்கு பணிவன்புடன் சமர்ப்பிக்கிறேன்.

தொகுப்பில் தவறுகள் இருந்தால் சுட்டிக் காட்டுங்கள் - திருத்திக் கொள்கிறேன்.

இறைவனின் அருளிருந்தால் தொகுப்புகள் தொடரும்.

என்றென்றும் அன்புடன்,

ஆர்னிகா நாசர்

அண்ணாமலைநகர்

23.09.2009

பொருளடக்கம்

1. சமையற்காரன்

2. அகதிக்கு திருமணம்

3. அம்மா அடிக்கிறாள்

4. புதைக்க ஓர் இடம்

5. நடுக்கடல் மரணம்

6. எறும்புக்கூட்டம் ஊர்கிறது

7. இமாமின் மகன்

8. விடியும் வரை காத்திரு

9. இஃதிகாஃப்

10. ஹோமியோபதி மருத்துவன்

11. இஸ்லாமிய ஓட்டு வங்கி

12. அன்பு மலர்

13. ஷைத்தானின் உமிழ்நீர்

14. விரோதிகளும் நண்பர்களும்

15. பொங்கும் புது வெள்ளம்

16. அமீர் பைசல்

17. வலீமா விருந்து

18. அடுக்கு மாடிக்குடியிருப்பு

19. சாச்சி மகள்

20. பொய் சொல்லப் போறேன்

21. சபிப்பு

22. நத்தடு வானொலிநிலையம்

23. ஆர். யவனராணி

24. விற்றதை வாங்கி கொள்

25. சூழ்ச்சி செய் பெண்ணே

1. சமையற்காரன்

பாரிஸ் நகரத்தின் பிரதான வீதியில் அமைந்திருந்தது அந்த உணவு விடுதி. அந்த உணவு விடுதியில் எல்லா தேசத்து சிறப்பு அசைவ உணவுவகைகளும் கிடைக்கும். புதிய சூப் வகைகளை கண்டுபிடித்து அன்றன்று மாலையே உணவுப் பிரியர்களுக்கு பாமாறுவா.

அந்த உணவு விடுதியில் சாப்பிட ஒரு வாரத்துக்கு முந்தியே முன்பதிவு தேவை. அந்த உணவு விடுதி பிரதான சமையற்கலை நிபுணர் ரசூல் பூக்குட்டி வரும்வரை சாதாரணமாகத்தான் இருந்தது. அவன் சுமார் எட்டு வருடங்களுக்கு முன் கேரளா பார்டரிலிருந்து பிரான்ஸுக்கு பிழைக்க வந்தான். அவன் வெறும் கேட்டரிங் டெக்னாலஜி டிப்ளமோ கோர்ஸ் படித்தவன். முதலில் அவனை சமையற் கூடத்தில் உதவியாளனாகதான் பணியமர்த்தினார் உணவுவிடுதியின் உரிமையாளர் ஆன்ட்ரூ கோலோவ். பணிசேர்ந்த இரு வருடங்களிலேயே சமையலில் சிலம்பம் ஆட ஆரம்பித்தான் பூக்குட்டி.

'நளபாகம்' என்பார்கள் அல்லவா?... மாற்றி பூக்குட்டி பாகம் எனலாம்.

அவனது விரல்கள் எதனைத் தொட்டாலும் அவை பதார்த்தமாகின. சமையலை அவன் யோகா செய்வது போல் செய்தான். எப்படி ஒரு ஓவியன் வெவ்வேறு நிறங்களை கலந்து ஒரு நிறம் கண்டுபிடிப்பானோ அதனைப் போல இரு தெரிந்த வைகளை கலந்து ஒரு புதிய வினோத சுவை உருவாக்கினான். ஒரு JUGGLER போல் சுவைகளுடன் விளையாடினான். அவன் உணவு தயாரிக்கும்போது அடுப்பிலும் சட்டியிலும் வாணலியிலும் எழும் சப்தங்கள் ஏ.ஆர். ரகுமானின் இசைக்கு சமம். அவன் மாமிசங்களை சுத்தப்படுத்தி துண்டாடும் அழகை இறந்து போன மீன், ஆடு, மாடு, கோழி ஆன்மாக்களே ரசித்து மகிழும்.

தினம் ஐந்து நேரம் தொழுவான். நொறுக்குதீனியில் ஈடுபாடு காட்டாதவன். போதை வழக்கம் அறவே கிடையாதவன். பால் கலக்காத தேநீர் குடிப்பான்.

அவனது சமையற்கூடத்தில் அவன்தான் தலைவன். அவனுக்கு உதவியாக எமிலி, நைஜெல்லா எனும் இரு பெண்களும் மைக்கேல் சாங், ஆலிவர் எனும் இரு ஆண்களும் இருந்தனர்.

-வழக்கம் போல் உதவியாளர்களுடன் சேர்ந்து உணவு தயாரித்துக் கொண்டிருந்தான் ரசூல் பூக்குட்டி.

உணவுவிடுதியின் உரிமையாளர் ஆன்ட்ரூ கோலோவ் உட்பட்டார். ஹாய் பூக்குட்டி!

முறுவலித்தான் பூக்குட்டி வாங்க மிஸே!

ரசூல் உன்னிடம் கொஞ்சம் பேசவேண்டுமே… உனக்கு நேரமிருக்கிறதா?

சம்பளம் கொடுக்கும் மிஸேக்கு நேரமில்லை என்று கூற முடியுமா?... சொல்லுங்க மிஸே!

வருகின்ற ஞாயிறு இரவு எட்டு மணிக்கு நமது உணவு விடுதியில் நூறுபேர் கலந்து கொள்ளும் விருந்து முன்பதிவு செய்யப்பட்டிருக்கிறது!

மகிழ்ச்சி… பிரமாதப்படுத்திவிடலாம்!

என்னென்ன உணவுவகைகள் பரிமாறப்பட வேண்டுமென பட்டியல் கொடுத்திருக்கிறார்கள்!

பட்டியலைக் காட்டுங்கள்!

பட்டியலை தயங்கியபடி நீட்டினார் கோலோவ். வாங்கி வாசித்தான் ரசூல் அசைவ அயிட்டங்கள் பக்கம் பூக்குட்டியின் கண்கள் பாய்ந்தன.

சீஃப் செஃப் ரசூல் பூக்குட்டியின் விருப்பம் போல் என போட்டிருக்கிறதே?

நீ எந்தெந்த அசைவ அயிட்டங்கள் சிறப்பாக செய்வாய் என நம்புகிறாயோ அதனையே செய். ஆனால்…

என்ன ஆனால்?

தயங்கினார் கோலோவ். நான் சொல்லப்போவதை பதட்டப்படாமல் கேள். ஆட்டுமாமிசம் மாட்டுமாமிசம் கோழிக் கறி வைத்து என்னென்ன செய்வாயோ அத்தனையையும் வெள்ளைப் பன்றிக் கறியில் செய்து கொடு!

இடி விழுந்தது போல் துடித்துப் போனான் பூக்குட்டி, என்ன விளையாடுகிறீர்கள் மிஸே?

இல்லை… சீரியஸாத்தான் சொல்றேன்!

நான் பணிக்கு சேரும்போதே பன்றிமாமிசம் மட்டும் சமைக்கமாட்டேன் என்று கண்டிசன் விதித்தேனே… நீங்களும் மனதார ஒத்துக் கொண்டீர்களே… இப்ப நிபந்தனையை நீங்களே மீறினா எப்படி?

பெரிய அளவில் பணமும் பெரிய அளவில் வியாபார தொடர்பும் இந்த வெள்ளைப்பன்றிக்கறி விருந்தில் கிடைக்கும். வாழ்வில் ஒரு தடவைதான் உன் கொள்கைகளை கொஞ்சம் காம்ப்ரமைஸ் பண்ணிக் கொள்ளேன்?

இது என் தனிப்பட்ட கொள்கை அல்ல. நான் சார்ந்திருக்கும் இஸ்லாம் சொல்லும் விதிமுறை!... பன்றிக்கறி ஹராம்!

நீ சாப்பிட்டால்தான் ஹராம். நீ அடுத்தவருக்கு தானே சமைத்து தருகிறாய். மூக்கை பிடித்துக் கொண்டு சமைத்துக்குடு!

பன்றிக்கறியை சமைத்து பிறருக்கு பரிமாறுவதும் ஹராம்தான்!

அசைவம் தின்னுவது என வந்துவிட்டால் எல்லா மாமிசங்களும் ஒன்றுதானே!... ஒட்டகக்கறி என்ன உயர்வு?... பன்றிக்கறி என்ன தாழ்ச்சி?

எல்லா மாமிசங்களும் ஒன்றல்ல மிஸே!... சுவர்பல்லியை யாராவது சமைத்து தின்ன பார்த்திருக்கிறீர்களா?

பல்லி விஷத்தன்மை கொண்டது பூக்குட்டி!

சரி, சிங்கக்கறியை யாராவது திங்கிறார்களா?

சிங்கம் எளிதில் கிடைப்பதில்லை. சீனர்கள் பாம்பை-கொரியர்கள் நாயை- ரஷ்யர்கள் குதிரையை-எஸ்கிமோக்கள் சீல் வால்ரஸை தின்கிறார்கள். அவரவருக்கு அவரவர் பிராந்தியங்களில் கிடைக்கும் மாமிசம் உயர்ச்சி. பாலைவன கப்பலான ஒட்டகத்தின் மாமிசம் பனிப்பிரதேச ரஷ்யர்களுக்கு கிடைக்குமா?... அவரவர் பற்பல விதங்களில் தங்கள் உணவு பழக்கவழக்கங்களில் காம்ப்ரமைஸ் செய்து கொள்கிறார்கள். அசைவம் சமைக்கும் பாத்திரத்தில் சமைக்கப்பட்ட சைவத்தை சாப்பிடுகிறார்கள். பிரியாணியில் கிடக்கும் மாமிசத்தை அப்புறப்படுத்தி விட்டு பிரியாணி தின்கிறார்கள். முழுகோழி சிறைவைக்கப்பட்ட முட்டையை சைவம் என கூறி விழுங்குகிறார்கள். 'ஹராம்' என ஒதுக்கி வைக்க உங்கள் இறைவன் ஏன் பன்றிகளை படைக்க வேண்டும்?... அப்படி பன்றிகளை படைத்த உங்கள் இறைவன் ஏன் பன்றிமாமிசத்தை படுசுவையாய் படைக்க வேண்டும்?... பன்றி நரகலை தின்கிறது என்பாய். கோழிகளும் நரகலை தின்னுகின்றன. பூரான் போன்ற விஷஜந்துகளையும் விழுங்குகின்றன. பன்றிமாமிசம் ஹராம் என்றால் கோழிக்கறியும் ஹராம் தானே?

குயுக்தியாய் பேசுகிறீர்கள் மிஸே!... மத நம்பிக்கைகளில் வாதம் பண்ணுவது அபத்தமானது… ஒரே ஒரு வார்த்தையில் கூறி விடுகிறேன்… என்னால் பன்றிக்கறி சமைக்க முடியாது!

பூக்குட்டியின் உதவியாளர்கள் பூக்குட்டிக்கு உதவியாக வந்தனர். அவரை ஏன் வற்புறுத்துகிறீர்கள் மிஸே?... அவர் ஞாயிறு மட்டும் விடுமுறை எடுத்துக் கொள்ளட்டும். நாங்கள் பன்றிக்கறி சமைத்து பரிமாறுகிறோம்!

பூக்குட்டி குறுக்கிட்டான். குறுக்கி_ மன்னிக்கவும். இந்த சமையற்கூடம் எனது அதிகாரத்துக்கு உட்பட்டது. இதில் நான் ஹராம் என ஒதுக்கும் ஒரு மாமிசத்தை யாரும் யாருக்கும் சமைத்து தருதல் கூடாது!

வரம்பு மீறுகிறாய் பூக்குட்டி… உனது அதிகாரத்துக்கு உட்பட்ட இடம் இந்த சமையற்கூடமா?... நான் உன்னை பணியமர்த்தியிருப்பதினால்தானே நீ இந்த சமையற் கூடத்துக்கு உரிமை கொண்டாட முடிகிறது?

நீங்க என்ன சொல்ல வருகிறீர்கள் என எனக்கு புரிகிறது!... இன்றே நான் எனது பதவியை ராஜினாமா செய்கிறேன்.

இந்த உணவு விடுதியைத் தவிர அந்த பாரிஸ் நகரத்தில் உனக்கு என்ன தெரியும்?... நீயும் திண்டாடி இந்தியாவில் இருக்கும் உனது குடும்பத்தையும் திண்டாட வைத்துவிடாதே. கொஞ்சம் அடங்கிப்போ. பன்றிக்கறி சமையல் பண்ண பாத்திரங்களை வெளியிலிருந்து பெற்றுக் கொள்கிறேன். சமையற்கூடத்தையும் விருந்துக்கு பின் கிருமி நாசினி வைத்து சுத்தம் செய்கிறேன்!

எனக்கு எதுவும் ஒப்பவில்லை மிஸ்டர் ஆன்ட்ரூ கோலோவ்… இப்போதே என் கணக்கை தீர்த்து விடுங்கள்!

இறுதியாகத் தான் சொல்கிறாயா?

ஆம்!

மூன்று நாள் கழித்து வா. உனது கணக்கை செட்டில் செய்கிறேன்."

எட்டு வருடங்கள் என்னை ஆதரித்த உங்களுக்கும் எனக்கு துணையாக நின்று என் சமையலை மகிமைப் படுத்திய உதவியாளர்கள் உங்களுக்கும் என் நெஞ்சார்ந்த நன்றி!

உதவியாளர்கள், நீங்க இல்லாத இடத்தில் எங்களுக்கென்ன வேலை? நாங்களும் எங்கள் வேலைகளை ராஜினாமா செய்கிறோம்!

நோநோ… எனக்காக யாரும் எதையும் இழக்க வேண்டாம்… நான் வருகிறேன்!

ஏப்ரனையும் குல்லாவையும் கையுறைகளையும் கழற்றி வைத்துவிட்டு கிளம்பினான் ரசூல் பூக்குட்டி.

-அவன் போனவுடன் நான்கு உதவியாளர்களும் கோலோவ்வை சூழ்ந்து கொண்டனர். ஏன் இப்படி செய்தீர்கள் மிஸே?

நான் சொல்லும் விஷயத்தை வெளிபடுத்த மாட்டீர்கள் என சத்தியம் செய்தால் சொல்கிறேன்!

சத்தியம்… சொல்லுங்க!

ஞாயிற்றுக்கிழமை பன்றிக்கறி விருந்து ஏற்பாடாகவில்லை. பொய் கூறி ரசூல் பூக்குட்டியை ராஜினாமா செய்ய வைத்தேன்!

ஏன்?

"நான் ரஷ்யாவிலிருந்து பிரான்ஸ்க்கு பிழைக்க வந்தவன். என்னைப்போல் இங்கு பஞ்சம் பிழைக்க வந்த ரஷ்ய குடும்பங்கள் 500உள்ளன. நாங்கள் சங்கம் அமைத்து வாராவாரம் கூடுவோம். போன மாதம் ரஷ்யாவிலுள்ள எங்கள் உறவினர் குடும்பம் ஒன்றை கஜகிஸ்தான் முஸ்லிம்(பெயரைக் கெடுக்கும்) தீவிரவாதிகள் சுட்டுக் கொன்று விட்டனர். பதிலுக்கு முஸ்லிம் யாரையாவது பழிவாங்க வேண்டுமென்று எங்கள் சங்கம் தீர்மானம்