Vizhi Thooviya Vidhaigal

http://www.pustaka.co.in

விழி தூவிய விதைகள்

Vizhi Thooviya Vithaigal

Author:

கவிஞர் மு.கீதா

M.Geetha

For more books

http://www.pustaka.co.in/home/author/m-geetha

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

சமூகம்

கல்வி

இயற்கை

காதல்

பென்ணியம்

முன்னுரை

நேர்மையின் நிறமணிந்த கவிதைகள்

- கவிஞர். தங்கம் மூர்த்தி

ஒரு காட்டாறு

ஒரு பேரருவி

ஓர் ஆழக்கடல்

ஓர் அடைமழை

ஒரு விதை

ஒரு காடு

நானே ஆகாயம்

நானே அண்டம்

எனக்கென்ன எல்லைகள்

நான் இயற்கை

நான் பெண்.

என்றெழுதுகிறார் ஈழத்தமிழின் நவீன கவிதைக்கும் புதிய முகத்தைத் தரும் கவிஞர் அனார். அப்படித்தான் தன்னையும் அறிமுகம் செய்கிறார் கவிஞர் கீதா.

நான்

தேங்கிய குட்டையல்ல

துள்ளும் அருவி

…… …..

சலசலக்கும் ஓடை

…… …. ….

ஆழ்மனக்கடல்

ஓரிடத்தில் நில்லாது ஓடிக்கொண்டிருக்கும் நீர் உற்சாகத்தின் வெளிப்பாடு. ஆரோக்கியத்தின் அறிகுறி. நீரைப்போல் உற்சாகம், ஆரோக்கியம், எளிமையோடு, வலம் வரும் கவிஞர் கீதாவின் ஆழ்மனக்கடலின் சிந்தனை முத்துக்களாய் இக்கவிதைகள் ஒளி வீசுகின்றன.

பாசாங்கில்லாத மொழி , மிரட்டாத தொனி, நேர்மையின் நிறமணிந்த வார்த்தைகள் , ஆழ்ந்த அக்கறை மிகுந்த சமூகக் கவலை இவற்றால் இக்கவிதைகள் நம் மனசெங்கும் புது வெளிச்சத்தைப் போல் வேகமாய்ப் பரவி நிரவிவிடுகின்றன.

கவிஞன் அதிசயமானவன், ஆசீர்வதிக்கப்பட்டவன் , மகா சக்தியுடையவன். ஒரு கவிதை எழுத எண்ணி எழுதுகோலும் காகிதமும் எடுக்கிறார் பாவேந்தர் பாரதிதாசன். நான், நீ என்று போட்டி போட்டு தன்னை எழுதச்சொல்லி எல்லாம் அவர் முன் நிற்கின்றன. வானம், ஓடை, தாமரைப்பூக்கள் , காடு, கழனி, கார்முகில், ஆடும் மயில்நிகர்ப் பெண்கள், தென்றல், மயில், அன்னம்,