Gramathu Nila

http://www.pustaka.co.in

கிராமத்து நிலா

Gramathu Nila

Author :

ஆர்னிகா நாசர்

Arnika Nasser

For more books

http://www.pustaka.co.in/home/author/arnika-nasser

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

அத்தியாயம் 7

கிராமத்து நிலா

1

டவுன் பஸ் செம்மண் சாலையில் குலுங்கிக் குலுங்கி தகர்ந்து கொண்டிருந்தது. கைலியும் காக்கி சீருடைச் சட்டையும் அணிந்த டிரைவர் பஸ்ஸை முரட்டுத்தனமாய் ஒட்டிக் கொண்டிருந்தார். பஸ்ஸுக்குள் கனத்த கூட்டம், கூடைகளும் பயணச்சுமைகளும் நிறைந்திருந்தன. கண்டக்டர் டிக்கெட் போட்டுக் கொண்டிருந்தார்.

டிரைவருக்குப் பின் நான்காவது இருக்கையில் புவனேஸ்வரி அமர்ந்திருந்தாள். அவளின் காலடியில் ஒரு கனத்த துணிப்பை, அதில் உளி, சுத்தியல் போன்ற உபகரணங்கள் இருந்தன. புவனேஸ்வரி மடியில் ஐந்து வயது மகள் ராதா. பக்கத்து இருக்கை பயணியின் மடியில் இன்னொரு குழந்தை இரண்டு வயது சுதா.

இரண்டு பெண் குழந்தைகளும் புவனேஸ்வரியின் நகல்களாய் இருந்தன. அவைகளின் கண்களில் இனம் புரியாத சோகம், மிகவும் மெலிந்து போயிருந்தன.

கண்டக்டர் டிக்கெட் போட புவனேஸ்வரியின் இருக்கைக்கு வந்தார்.

அம்மா! டிக்கெட்!

மோனநிலையில் கண்ணீர் அமிழ்ந்த கண்களுடன் இருந்த புவனேஸ்வரியின் காதுகளில் விழவில்லை.

புவனேஸ்வரியின் துக்கமான முகம் கண்டக்டரின் இதயத்தைப் பிசைந்தது. மீண்டும் குரல் கொடுத்தார். அம்மா! டிக்கெட்!

மூத்த குழந்தை ராதா அம்மாவின் முகவாயை கண்டக்டர் பக்கம் திருப்பியது. பிரக்ஞை மீண்ட புவனேஸ்வரி புடவை முடிச்சிலிருந்து கசங்கிய பணம் எடுத்தாள்.

ஒன்றரை தென்னம்பட்டி! பணம் நீட்டினாள்.

டிக்கெட்டை