Athuvarai Poruthiru!

http://www.pustaka.co.in

அதுவரை பொறுத்திரு!

Athuvarai Poruthiru!

Author :

தேவிபாலா

Devibala

For more books

http://www.pustaka.co.in/home/author/devibala

Digital/Electronic Copyright © by Pustaka Digital Media Pvt. Ltd.

All other copyright © by Author.

All rights reserved. This book or any portion thereof may not be reproduced or used in any manner whatsoever without the express written permission of the publisher except for the use of brief quotations in a book review.

பொருளடக்கம்

அத்தியாயம் 1

அத்தியாயம் 2

அத்தியாயம் 3

அத்தியாயம் 4

அத்தியாயம் 5

அத்தியாயம் 6

1

'வைத்தி வரப் போகிறான் நாளைக்கு!'

தன் வெண்பட்டு சேலையை எடுத்து இஸ்திரி போட மேஜை மேல் விரிக்கிறாள் ஊர்மிளா. தண்ணீர் தொட்டுத் தடவி, ஆட்டோமாடிக் அயனரை சுருங்கிய ஜரிகை மேல் சர்வ ஜாக்கிரதையாக வைத்து மெல்ல இழுக்கிறாள் ஊர்மிளா.

'எப்படி டிரஸ் பண்ணிக்கணும் தெரியுமா ஊர்மி?'

'.......'

'எண்ணெய் தேய்ச்சுக் குளிச்சு, தலையை ஆத்துக் கட்டுக் கட்டிக்க. பவுடர் வேண்டாம். மஞ்சளோட மினுமினுப்பை குறைச்சிடும். நடு நெத்தியில சின்னதா மெரூன் கலர் குங்குமம் வச்சு, சன்னமா மை தீட்டி, இந்த வெண்பட்டு புடவையைக் கட்டிட்டு நீ சம்மணம் போட்டு ஒக்காந்தா சரஸ்வதியோன்னு தோணும்!'

அப்படி...

அவன் சொன்னபடி உட்கார்ந்து ஆறு வருடங்கள் ஆயிற்று. வெண்பட்டை அதன் பின் தொடவேயில்லை. அவன் அபுதாபி புறப்பட்டுப் போனது அமாவாசையன்று தான்.

'அபுதாபில வேலை கிடைச்சிருக்குப்பா எனக்கு.'

ஆர்டரைக் காட்டியதும் வீடு முழுக்க ஹாலில் வந்து நிறைந்து விட்டது.

'என்ன வேலை